ບັນດາຈຸບິນແມ່ຍິງຊຸດທຳອິດຂອງປະເທດ ມາລາວີ, ໂດຍມີກັບຕັນ ທ່ານນາງ ໂຢລານດາ ຄວນດາ ແລະ ນາຍຮ້ອຍຊັ້ນນຶ່ງ ທ່ານນາງ ລູເສເຄໂລ ເອັມເວນີຟູມໂບ ກຳລັງປະຕິບັດງານເພື່ອສ້າງແຮງຈູງໃຈໃຫ້ແກ່ພວກນັກບິນ ລຸ້ນໃໝ່ທັງຫຼາຍ. ທັງສອງທ່ານໄດ້ຈັດງານວາງສະແດງການບິນ ຮ່ວມກັບ ກອງທັບອາກາດຂອງ ມາລາວີ ເພື່ອໃຫ້ໂອກາດແກ່ພວກເດັກນ້ອຍມາເບິ່ງ ເຮືອບິນຢ່າງໃກ້ຊິດ. ງານຫຼ້າສຸດຂອງພວກເຂົາເຈົ້າ ໄດ້ຖືກຈັດຂຶ້ນ ໃນວັນ ເສົາຜ່ານມາ ໂດຍໄດ້ດຶງດູດພວກເດັກນ້ອຍທີ່ດ້ອຍໂອກາດປະມານ 1,000 ຄົນ. ລາແມັກ ມາຊີນາ ນັກຂ່າວວີໂອເອລາຍງານຈາກນະຄອນຫຼວງ ລີລອງເວ ເຊິ່ງພວກເຮົາມີລາຍລະອຽດມາສະເໜີທ່ານ.
ມັນອາດເບິ່ງຄືວ່າເປັນມື້ທີ່ມີແສງແດດກ້າຄືກັບມື້ອື່ນໆຢູ່ທີ່ຖານທັບໃນ ນະຄອນ ຫຼວງ ລີລອງເວ ຂອງມາລາວີ, ແຕ່ສຳລັບພວກເດັກນ້ອຍຫຼາຍຮ້ອຍຄົນທີ່ໄດ້ ມາໂຮມກັນຢູ່ທີ່ນີ້, ມື້ນີ້ແມ່ນເຕັມໄປດ້ວຍຄວາມຕື່ນເຕັ້ນ.
ສຳລັບຫຼາຍຄົນ ນີ້ເປັນເທື່ອທຳອິດທີ່ພວກເຂົາເຫັນເຮືອບິນຢ່າງໃກ້ຊິດ ແລະ ເຂົ້າໄປໃນຫ້ອງຂັບເຮືອບິນໄດ້. ສຳລັບບາງຄົນ ມັນອາດເປັນບາດກ້າວທຳອິດໄປ ສູ່ອາຊີບການບິນ.
ນາງ ຊິນດີ ຊີຕີມາ ເປັນນັກຮຽນອາຍຸ 15 ປີ ຢູ່ໂຮງຮຽນມັດທະຍົມສຳລັບ ເດັກຍິງ ຄູວາລາ ຜູ້ທີ່ໄຝ່ຝັນຢາກເປັນນັກບິນ ກ່າວວ່າ “ມັນໄດ້ເປັນຄວາມຝັນຂອງຂ້ອຍທີ່ຢາກເປັນນັກບິນ ແລະຂ້ອຍຕື່ນເຕັ້ນຫຼາຍ ແທ້ໆເລີຍ ທີ່ຈະຮຽນຮູ້ຕື່ມ.”
ສຳລັບນາງ ໂຣປາຟາດໂຊ ນາໂຄບວ໌ ອາຍຸ 7 ປີ ບອກວ່າ ງານສະແດງນີ້ ເປັນຄວາມຝັນທີ່ເປັນຈິງ ແລະກ່າວວ່າ “ຂ້ອຍຢາກເປັນນັກບິນວິສະວະກອນ ເມື່ອຂ້ອຍໃຫຍ່ຂຶ້ນ.”
ບັນດາຈຸບິນແມ່ຍິງລ້ວນ ຊຸດທຳອິດຂອງມາລາວີ ໂດຍມີກັບຕັນ ໂຢລານດາ ຄວນດາ ແລະ ນາຍຮ້ອຍຊັ້ນທີນຶ່ງ ລູເສເຄໂລ ເອັມເວນີຟູມໂບ ເຮັດວຽກໃຫ້ສາຍການບິນມາລາວີ. ທັງສອງເປັນສະມາຊິກຂອງ ສະມາຄົມການບິນ ແຟນທຳ (Phantom Aviation Association) ໄດ້ຈັດງານວາງສະແດງໃນການຮ່ວມມືກັນກັບກອງທັບອາກາດຂອງມາລາວີ.
ທ່ານນາງ ເອັມເວນີຟູມໂບ ກ່າວວ່າ ເປົ້າໝາຍແມ່ນການວາງສະແດງພວກເຮືອ ບິນຕ່າງໆ ສຳລັບເດັກນ້ອຍໃນເຂດຊົນນະບົດຂອງມາລາວີ ຜູ້ທີ່ບາງຄັ້ງບາງ ຄາວຫາບ່ອນຫລົບລີ້ ເມື່ອເຮືອບິນບິນຜ່ານເທິງຟ້າຍ້ອນຂາດຄວາມລຶ້ງເຄີຍ.
ທ່ານນາງ ລູເສແຄໂລ ເອັມເວນີຟູມໂບ ນັກບິນ ເວົ້າວ່າ “ພວກເຮົາໄດ້ນຳ ເອົາພວກເດັກນ້ອຍທີ່ດ້ອຍໂອກາດປະມານ 1,000 ຄົນມາທີ່ນີ້ ເພື່ອກະຕຸ້ນໃຫ້ພວກເຂົາມີຈິນຕະນາການ ເພາະວ່າ ພວກເຮົາເຊື່ອວ່າ ຈິນຕະນາການ ຈະຂັບເຄື່ອນຄວາມຢາກຮູ້ຢາກເຫັນ ແລະຄວາມຮູ້. ພວກເຮົາເຊື່ອໃນພວກເດັກນ້ອຍຜູ້ທີ່ເຊື່ອໃນຄວາມຝັນຂອງພວກເຂົາ ເພາະວ່າ ພວກເຮົາຍັງເຊື່ອໃນຄວາມຝັນຂອງພວກເຮົາ. ພວກເຮົາຢາກຊຸກຍູ້ໃຫ້ມີຫຼາຍໆຄວາມຝັນທີ່ເປັນໄປໄດ້ ແລະພວກເຮົາຈະບໍ່ຢຸດຢູ່ທີ່ນີ້.”
ນາງ ໂຣສເຊລີນ ຮາມິສ ຜູ້ທີ່ໄປຊົມງານວາງສະແດງ ກ່າວວ່າ “ມັນກໍເປັນເທື່ອທຳອິດຂອງຂ້ອຍທີ່ມາແຫ່ງນີ້ ເຊັ່ນກັນ ແລະຂ້ອຍໄດ້ຮັບແຮງບັນດານໃຈ. ຖ້າຂ້ອຍໄດ້ສຳຜັດກັບວີຖີຊີວິດແບບນີ້ໃນເມື່ອກ່ອນ ຂ້ອຍກໍຈະເລືອກເປັນນັກບິນ. ດັ່ງນັ້ນມັນດີສຳລັບຂ້ອຍແທ້ໆ.”
ງານວາງສະແດງຂອງພວກຜູ້ຈັດງານ ໄດ້ອະນຸຍາດໃຫ້ຜູ້ທີ່ມາທ່ຽວຊົມກ້າວ ເຂົ້າໄປໃນເຮລິຄອບເຕີ, ເຮືອບິນອາຍພົ່ນ ແລະເຮືອບິນຝຶກແອບ.
ບໍລິສັດພູມາ ເອເນີຈີ ຂອງມາລາວີ ເປັນຜູ້ອຸປະຖຳຫຼັກ, ໂດຍສະໜອງນ້ຳມັນ ເຊື້ອໄຟໃຫ້ແກ່ເຮືອບິນທັງໝົດ ເຊິ່ງໄດ້ສະແດງການບິນຢ່າງຊຳນານ ແລະ ການບິນທີ່ເກັ່ງກ້າ.
ກົມທ່ອງທ່ຽວ ກ່າວວ່າ ອຸດສາຫະກຳການບິນຂອງ ມາລາວີ ບໍ່ດຶງດູດຈິດໃຈ ພວກໄວລຸ້ນ ເນື່ອງຈາກວ່າ ເປັນອຸດສາຫະກຳທີ່ບໍ່ໃຫຍ່.
ທ່ານນາງ ເວຣາ ຄາທູຄູເລ ລັດຖະມົນຕີກະຊວງການທ່ອງທ່ຽວ ກ່າວວ່າ “ພວກເຮົາບໍ່ມີຫຼາຍສາຍການບິນທີ່ບິນມາຍັງ ມາລາວີ. ພວກເຮົາບໍ່ມີຫຼາຍສາຍການບິນພາຍໃນ ທີ່ບິນໄປມາພາຍໃນປະເທດ ແລະທັງໝົດນັ້ນ. ແລ້ວຕໍ່ຈາກນັ້ນ ບັນຫາດ້ານພື້ນຖານໂຄງລ່າງ, ບ່ອນທີ່ພວກເຮົາມີ, ເຈົ້າຮູ້ດີ, ເດີ່ນເຮືອບິນທັງຫຼາຍຂອງພວກເຮົາຕັ້ງຢູ່. ພວກເຮົາໄດ້ລົມກັນກ່ຽວກັບເດີ່ນເຮືອບິນ ເອັມຊູຊູ (Mzuzu) ພວກເຮົາກຳລັງລົມກັນກ່ຽວກັບການຂະຫຍາຍເດີ່ນເຮືອບິນ ຊີເລກາ (Chileka).”
ເຖິງຢ່າງໃດກໍຕາມ ທ່ານ ຄາທູຄູເລ ກ່າວວ່າ ລັດຖະບານ ມາລາວີ ກຳລັງ ປະຕິບັດງານກ່ຽວກັບນະໂຍບາຍຕ່າງໆ ທີ່ຈະດຶງດູດພາກສ່ວນເອກະຊົນ ໃຫ້ມາ ລົງທຶນຫຼາຍຂຶ້ນໃນອຸດສາຫະກຳດ້ານການບິນ.
Malawi's first female flight crew, Captain Yolanda Kaunda and First Officer Lusekelo Mwenifumbo are working to inspire the next generation of aviators. The pair have organized airshows with the Malawi air force to give children opportunities to see aircraft up close. Their most recent event, held Saturday, attracted around 1,000 underprivileged children.
It might seem like just another sunny day at the air base in Malawi’s capital, Lilongwe, but for hundreds of children gathered here, the day is filled with excitement.
For many, this is their first time seeing an airplane up close and entering the cockpit. For some, it may be their first step toward a career in aviation.
(Sindie Sitima, Aspiring Pilot)
“It has been my dream to become a pilot, and I really, really am excited to learn more.”
(Ropafadzo Nakhove, Aspiring Aircraft Engineer)
“I want to be a pilot engineer when I grow up.”
Malawi’s first all-female flight crew, Captain Yolanda Kaunda and First Officer Lusekelo Mwenifumbo, work for Malawi Airlines. The duo’s Phantom Aviation Association organized the show in partnership with the Malawi air force.
Mwenifumbo says the aim is to showcase airplanes for children in rural Malawi, who sometimes seek refuge when airplanes fly overhead due to a lack of familiarity.
(Lusekelo Mwenifumbo, Pilot)
“We brought about 1,000 underprivileged children here to spark their imagination because we believe that imagination drives curiosity and knowledge. We believe in the children who believe in their dreams because we also believe in our dreams. We want to encourage as many dreams as possible, and we are not stopping here.”
The theme of the show was “Dreams Take Flight,” and it rekindled the excitement of aviation even for older attendees like Roselyn Hamis.
(Roselyn Hamis, Airshow Attendee)
“It is also my first time coming to a place like this, and I have been inspired. If I had been exposed to this lifestyle before, I would have chosen to become a pilot. So it is so nice for me too.”
The show’s organizers allowed visitors to step inside helicopters, jets, and training aircraft.
Puma Energy Malawi was the main sponsor, providing fuel for all the airplanes, which performed skilled and daring maneuvers.
Tourism authorities say Malawi's aviation industry is not appealing to young people, in part because of its small size.
(Vera Kamtukule, Minister of Tourism)
“We don’t have a lot of airlines coming into Malawi. We don’t have a lot of airlines domestically moving within the country and all of that. And then the issue of infrastructure where we have, you know, our airports. We have been talking about Mzuzu airport, we are talking about [expanding] Chileka airport.”
However, Kamtukule says the Malawi government is working on policies that would attract greater private sector investment in the aviation industry.
ຟໍຣັມສະແດງຄວາມຄິດເຫັນ