ປະຊາຊົນ ມາເຊໂດເນຍ ບໍ່ເທົ່າໃດຄົນ ໄດ້ອອກໄປລົງຄະແນນສຽງ ໃນການລົງປະຊາ
ມະຕິ ກ່ຽວກັບວ່າ ຈະປ່ຽນຊື່ຂອງປະເທດຂອງເຂົາເຈົ້າຫຼືບໍ່, ເປັນການເຄື່ອນໄຫວທີ່
ອາດເປີດຊ່ອງທາງໃຫ້ເຂົາເຈົ້າ ໄດ້ເຂົ້າເປັນສະມາຊິກອົງການ ເນໂຕ ແລະ ສະຫະ
ພາບ ຢູໂຣບ.
ອີງຕາມເຈົ້າໜ້າທີ່ການເລືອກຕັ້ງນັ້ນ, ມີຜູ້ມີສິດລົງຄະແນນສຽງພຽງນຶ່ງສ່ວນສາມເທົ່າ
ນັ້ນ ທີ່ໄປປ່ອນບັດ ຂອງເຂົາເຈົ້າ ໃນວັນອາທິດວານນີ້. ແຕ່ຫຼາຍກວ່າ 90 ເປີເຊັນຂອງ
ຜູ້ທີ່ໄດ້ໄປປ່ອນບັດນັ້ນ ແມ່ນສະໜັບສະໜູນການປ່ຽນຂອງປະເທດ ໄປເປັນ ມາເຊໂດ
ເນຍເໜືອ.
ຄະນະກຳມາທິການເລືອກຕັ້ງ ຂອງ ມາເຊໂດເນຍ ໄດ້ກ່າວເມື່ອສອງວັນຜ່ານມາວ່າ
ຜົນຂອງການລົງປະຊາມະຕິ ຈະຖືກປະກາດວ່າເປັນໂມຄະ ຖ້າຜູ້ທີ່ມີສິດເລືອກຕັ້ງຈຳ
ນວນຕ່ຳກວ່າ 50 ເປີເຊັນໄປລົງຄະແນນສຽງ.
ນາຍົກລັດຖະມົນຕີ ມາເຊໂດເນຍ ທ່ານ ໂຊຣານ ຊາເອັຟ, ຜູ້ທີ່ໄດ້ເວົ້າວ່າທ່ານຈະລາ
ອອກຈາກຕຳແໜ່ງ ຖ້າພວກທີ່ໄປປ່ອນບັດສ່ວນຫຼາຍໃນວັນອາທິດວານນີ້ຮັບຮອງເຫັນ
ດີກັບມາດຕະການນັ້ນ.
ທ່ານໄດ້ຊຸກຍູ້ໃຫ້ພວຫຜູ້ແທນທັງຫຼາຍ ພາກັນໃຫ້ສັດຕະຍາບັນ ແກ່ການປ່ຽນແປງທີ່
ຈຳເປັນສຳລັບລັດຖະທຳມະນູນ ເພື່ອໃຫ້ການຕົກລົງກັນສິ້ນສຸດລົງ.
ແນວໃດກໍຕາມ, ໃນຖະແຫຼງການສະບັບນຶ່ງເມື່ອວັນອາທິດວານນີ້, ລັດຖະມົນຕີການ
ຕ່າງປະເທດ ກຣີສ ໄດ້ກ່າວວ່າ ການຮັບຮອງເອົາຢ່າງຖ້ວມລົ້ນ ຂອງການລົງຄະແນນ
ສຽງ “ທີ່ມີການໂຕ້ແຍ້ງກັນ”, ແຕ່ມີຜູ້ອອກໄປປ່ອນບັດທີ່ມີຈຳນວນຕ່ຳນັ້ນ, ຈະເຮັດໃຫ້
ມາເຊໂດເນຍ ຕ້ອງເຄື່ອນໄຫວຢ່າງລະມັດລະວັງ “ເພື່ອຮັກສາໂອກາດທີ່ເປັນແງ່ບວກ
ຂອງຂໍ້ຕົກລົງໄວ້.”
