ທ່ານສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ
ຜູ້ປະຈໍາການຄະນະລັດຖະບານລາວ ແລະກຳມະການກົມ
ການເມືອງສູນກາງພັກປະຊາຊົນປະຕິວັດລາວ ໄດ້ຖະ
ແຫລງຢືນຢັນໃນໂອກາດປິດກອງປະຊຸມໃຫຍ່ສະໄໝທີ 9
ຂອງພັກປະຊາຊົນປະຕິວັດລາວເມື່ອວັນທີ 21 ມີນາທີ່
ຜ່ານມານີ້ວ່າ ການເສີມສ້າງຄວາມແຂງແກ່ນໃນການຊີ້
ນຳ ແລະນຳພາດ້ວຍການພັດທະນາປັບປຸງປະສິດທິ
ພາບໃນດ້ານການບໍລິຫານຂອງພັກຖືເປັນວຽກງານສຳ
ຄັນຢ່າງຍິ່ງປະການນຶ່ງ ທີ່ໄດ້ກຳນົດໄວ້ໃນມະຕິຕົກລົງ
ແລະລາຍງານການເມືອງຂອງກອງປະຊຸມໃຫຍ່ຄັ້ງຫລ້າ
ສຸດນີ້ຂອງພັກປະຊາຊົນປະຕິວັດລາວ.
ທັງນີ້ກໍເພື່ອເປັນການເຮັດໃຫ້ສາມາດບັນລຸຜົນຕາມເປົ້າ
ໝາຍທີ່ກຳນົດໄວ້ດັ່ງກ່າວໄດ້ຢ່າງແທ້ຈິງນັ້ນ ມະຕິຕົກ
ລົງຂອງກອງປະຊຸມໃຫຍ່ ຈຶ່ງໄດ້ລະບຸໄວ້ຢ່າງຈະແຈ້ງ
ວ່າ ສູນກາງພັກຈະໃຫ້ການສະໜັບສະໜູນສົ່ງເສີມແລະ
ຕອບແທນບຸກຄະລາກອນຂອງພັກທີ່ປະຕິບັດດີ ແລະ
ມີຜົນງານດີເດັ່ນ ຫາກແຕ່ວ່າ ໃນຂະນະດຽວກັນກໍ
ຈະດຳເນີນມາດຕະການລົງໂທດຢ່າງເດັດ ຂາດຕໍ່ສະມາຊິກພັກທີ່ປະຕິບັດ ໃນແນວທາງທີ່
ຜິດຕໍ່ແນວທາງ ແລະກົດລະບຽບຂອງພັກ ດັ່ງທີ່ທ່ານສົມສະຫວາດໄດ້ກ່າວເນັ້ນຢໍ້າວ່າ:
“ຖືສຳຄັນເປັນພິເສດແມ່ນ
ການປົກປ້ອງແນວທາງ
ການເມືອງອົງການນຳພາ
ຂອງພັກປະຕິບັດທິດນໍາທີ່
ວ່າ ຜູ້ທີ່ເຮັດວຽກດີມີຜົນ
ງານດີເດັ່ນ ຕ້ອງໄດ້ຮັບການ
ຍ້ອງຍໍ ສັນລະເສີນຢ່າງ
ເໝາະສົມ ແລະທັນການ.
ຜູ້ໃດຝ່າຝືນກົດລະບຽບ
ຂອງພັກ ຫລຶກົດໝາຍ
ຂອງລັດ ແລະຈັນຍາບັນ
ຂອງສະມາຊິກພັກ ຜູ້ນັ້ນ
ຕ້ອງຖືກລົງວິໄນ ຫລື ຖືກລົງໂທດຢ່າງເໝາະສົມກັບແຕ່ລະກໍລະນີ ແລະທັນການ”
ກອງປະຊຸມໃຫຍ່ຄັ້ງທີ 9 ຂອງພັກປະຊາຊົນປະຕິວັດລາວ ໄດ້ເລີ້ມປະຊຸມໃນວັນທີ 17
ມີນາ 2011 ໄດ້ສິ້ນສຸດລົງຢ່າງເປັນທາງການໃນວັນທີ 21 ມີນາທີ່ຜ່ານມານີ້ໂດຍກອງ
ປະຊຸມໄດ້ເລືອກຕັ້ງເອົາຄະນະກຳມະການບໍລິຫານງານສູນກາງພັກຊຸດທີ 9 ຈຳນວນ
61 ຄົນ ແລະຄະນະກຳມະການບໍລິຫານຊຸດດັ່ງກ່າວນີ້ກໍໄດ້ມີມະຕິເລືອກໃຫ້ທ່ານຈູມມະ
ລີ ໄຊຍະສອນເປັນເລຂາທິການໃຫຍ່ຂອງ ພັກປະຊາຊົນປະຕິວັດລາວອີກເປັນສະໄໝທີ
2 ກໍຄືຫລັງຈາກທີ່ໄດ້ຄອງຕຳແໜ່ງດັ່ງກ່າວນີ້ມາແລ້ວເປັນເວລາ 5 ປີນັ້ນເອງ.
ແຕ່ຢ່າງໃດກໍຕາມ ກໍລະນີທີ່ໜ້າສັງເກດກໍຄື ທ່ານບົວສອນ
ບຸບຜາວັນ ອະດີດນາຍົກລັດ ຖະມົນຕີຂອງລາວນັ້ນ ບໍ່ມີຊື່
ປາກົດຢູ່ໃນຄະນະກຳມະການກົມການເມືອງ ແລະຄະນະ
ກຳມະການບໍລິຫານງານສູນກາງພັກ ຊຸດທີ 9 ແຕ່ຢ່າງໃດ
ຈຶ່ງເຊື່ອວ່າເປັນຍ້ອນບັນຫາທາງຄອບຄົວທີ່ໄດ້ເຮັດໃຫ້ທ່ານ
ຕ້ອງຕັດສິນໃຈລາອອກຈາກຕຳແໜ່ງນາຍົກລັດຖະມົນຕີ
ຂອງລາວມາແລ້ວ ເມື່ອທ້າຍປີກາຍນັ້ນ ທີ່ເຮັດໃຫ້ທ່ານບົວ
ສອນຕ້ອງຫລຸດອອກຈາກກົມການເມືອງແລະຄະນະກຳມະ
ການບໍລິຫານງານສູນກາງພັກໃນຄັ້ງຫລ້າສຸດນີ້ ຊຶ່ງກໍຖືວ່າ
ກໍລະນີທີ່ສອດຄ່ອງກັບການຖະແຫລງຢືນຢັນ ດັ່ງກ່າວຂອງ
ທ່ານສົມສະຫວາດໄດ້ອີກດ້ວຍເຊັ່ນກັນ.
ທາງດ້ານທ່ານຈູມມະລີ ໄຊຍະສອນ ກໍໄດ້ຖະແຫລງອີກເທື່ອນຶ່ງ ຫລັງຈາກທີ່ໄດ້ຄອງຕຳ
ແໜ່ງເລຂາທິການໃຫຍ່ຂອງພັກອີກສະໄໝໜຶ່ງວ່າ ເປົ້າໝາຍທີ່ສຳຄັນສໍາລັບການພັດ
ທະນາເສດຖະກິດແລະສັງຄົມແຫ່ງຊາດຂອງລາວປະຈໍາປີ 2011-2015 ນີ້ ກໍຄືການເຮັດ
ໃຫ້ເສດຖະກິດມີການຂະຫຍາຍໂຕ ໃນອັດຕາສະເລ່ຍບໍ່ຫລຸດ 8% ຕໍ່ປີ.
ຊຶ່ງຖ້າຫາກວ່າ ສາມາດປະຕິບັດໃຫ້ໄດ້ຕາມເປົ້າໝາຍທີ່ວາງ
ໄວ້ດັ່ງກ່າວນອກຈາກຈະເປັນຜົນເຮັດໃຫ້ ຍອດຜະລິດຕະ
ພັນລວມພາຍໃນຫລື GDP ຂອງລາວມູນຄ່າລວມທີ່ສາມາດ
ສະເລ່ຍເປັນລາຍຮັບຂອງປະຊາກອນລາວໄດ້ ໃນລະດັບສູງ
ຂຶ້ນເປັນ 1,700 ໂດລາຕໍ່ຄົນຕໍ່ປີ ໃນປີ 2015 ດັ່ງກ່າວ
ແລ້ວ ກໍຍັງຈະເຮັດໃຫ້ອັດຕາຄວາມຍາກຈົນຂອງປະຊາຊົນ
ລາວຫລຸດລົງມາເຫລືອຢູ່ບໍ່ເກີນ 10% ຂອງຈຳນວນປະຊາ
ກອນທັງໝົດໃນປີ 2015 ອັນຈະເປັນພື້ນຖານໃຫ້ແກ່ການ
ນຳພາລາວໃຫ້ຫລຸດພົ້ນຈາກສະພາບດ້ອຍພັດທະນາໃນປີ
2020 ອີກດ້ວຍ.
ໃນໄລຍະແຜນການ ປີ 2006-2010 ນັ້ນ ພັກກໍສາມາດເຮັດໃຫ້ບັນລຸເປົ້າໝາຍທີ່ວາງໄວ້
ໃນຫລາຍທດ້ານ ເຊັ່ນທາງດ້ານເສດຖະກິດຂະຫຍາຍໂຕ 7.9% ຕໍ່ປີ ລວມຍອດມູນຄ່າ
ຜະຫລິດຕະພັນພາຍໃນ ຫລື GDP ໃນປີງົບປະມານ 2009-2010 ສະເລ່ຍຕໍ່ພົນລະ
ເມືອງບັນລຸໄດ້ 8.7 ລ້ານກີບຕໍ່ຫົວຄົນ ຊຶ່ງກໍເປັນຜົນເຮັດໃຫ້ຄອບຄົວທຸກຍາກໃນທົ່ວປະເທດໄດ້ຫລຸດລົງມາ ເປັນ 20.4% ໃນປີ 2009-2010 ດັ່ງກ່າວ.
