ນັກກິລາທັງຫລາຍ ກຳລັງຫັນເອົາເສັ້ນທາງແລ່ນທີ່ຕິດຕາມໂດຍແອັປການບອກທາງ ຫຼື GPS ຂອງເຂົາເຈົ້າໃຫ້ກາຍເປັນສິນລະປະຂະໜາດໃຫຍ່ຢູ່ເທິງແຜນທີ່ເມືອງ. Michelle Quinn ນັກຂ່າວວີໂອເອ ໄດ້ແລ່ນຕາມໄປທັນເສັ້ນທາງອັນນຶ່ງໃນນັ້ນ ຊຶ່ງບົວສະຫວັນ ຈະນຳມາສະເໜີທ່ານ ໃນອັນດັບຕໍ່ໄປ.
ນັກແລ່ນສ່ວນຫລາຍຈະຄິດກ່ຽວກັບຈັງຫວະ ແລະໄລຍະທາງທີ່ເຂົາເຈົ້າແລ່ນໄປ. ທ່ານເລນນີ ມອນ (Lenny Maughan) ກຳລັງສຸມໃສ່ພາບທີ່ ທ່ານຈະ ແລ່ນໄປໃນມື້ນີ້.
ທ່ານເລນນີ ມອນ, ນັກສິລະປິນດ້ານ GPS ກ່າວວ່າ:
"ທີ່ສໍາຄັນ ຂ້ອຍກໍາລັງໃຊ້ຖະຫນົນໃນນະຄອນແຊນແຟຣນ ຊິສໂກ ເປັນ ຜືນຜ້າວາດຮູບຂອງຂ້ອຍ, ແລະເຫື່ອຂອງຂ້ອຍແມ່ນແປງທາສີ, ຖ້າທ່ານຈິນຕະນາການເບິ່ງ."
ຢູ່ທົ່ວໂລກ, ຄົນເຮົາບັນທຶກການຍ່າງ, ການແລ່ນ, ການຂີ່ລົດຖີບ ໃນແຕ່ລະວັນ ຂອງເຂົາເຈົ້າດ້ວຍອຸປະກອນຕ່າງໆ… ທີ່ມີຊອບແວ ຕິດຕາມສະຖານທີ່ ເຊິ່ງອາໄສດາວທຽມ GPS ທີ່ປິ່ນອ້ອມຮອບໜ່ວຍໂລກ.
ບາງຄົນ, ເຊັ່ນທ່ານມອນ ຫັນປ່ຽນເອົາການເຄື່ອນໄຫວຂອງເຂົາເຈົ້າ ໃຫ້ກາຍເປັນສິນລະປະ. ພວກເຂົາເຈົ້າເອີ້ນມັນວ່າ "ສິລະປະ GPS" ຫຼື "ສິລະປະການແລ່ນ."
ທ່ານມອນແລ່ນ ໃນເສັ້ນທາງຍາວຕໍ່ເນື່ອງເສັ້ນດຽວ ອັນເປັນການອອກແບບຂອງທ່ານ.
ທ່ານແກຣີ ກໍດາຣີ (Gary Cordery), ນັກຂີ່ລົດຖີບໃນອັງກິດ ຕິດຕາມພວກຄົນທີ່ເຮັດສິລະປະ GPS ຢູ່ໃນທົ່ວໂລກ.
ໃນປີກາຍນີ້ ທ່ານໄດ້ຮັບສິນລະປະ GPS ກ່ຽວກັບໂຄວິດຢ່າງຖ້ວມລົ້ນ. ປີນີ້, ມັນແມ່ນຢູເຄຣນ.
ທ່ານກ່າວຕໍ່ວີໂອເອຜ່ານທາງ Zoom ວ່າ:
“ການນັ່ງລົງກ່ອນ ຈຶ່ງອອກໄປ ແລະແຕ້ມບາງສິ່ງບາງຢ່າງແບບຄ້າວໆ ໃນແຜນທີ່ ແລະຄິດວ່າ ‘ເອີ້ໄດ້ແລ້ວ, ຂ້ອຍຈະແລ່ນ….…..ມາຣາທອນໃນມື້ນີ້, ແຕ່ແລ່ນໃນຮູບແບບຂອງຫມີຂົ້ວໂລກເໜືອ ຫຼື ອັນໃດອັນນຶ່ງ.’ ຂ້າພະເຈົ້າຄິດວ່າມັນ ເປັນມິດຕິອີກອັນນຶ່ງ.”
ທ່ານມອນ, ພະນັກງານໄອທີບໍານານ, ນຶ່ງຄັ້ງຕໍ່ເດືອນໃນໄລຍະ 7 ປີທີ່ຜ່ານມາ, ໄດ້ເຮັດສິລະປະ GPS ອັນນຶ່ງ.
ຄວາມຄິດຕ່າງໆ ແມ່ນມາຈາກຊີວິດປະຈໍາວັນ ຫຼືຈາກການຈ້ອງເບິ່ງແຜນທີ່ ຂອງນະຄອນແຊນແຟຣນ ຊິສໂກ ເພື່ອເບິ່ງວ່າມີຫຍັງເຂົ້າມາຫາທ່ານ. ມັນ ອາດຈະໃຊ້ເວລາສອງຊົ່ວໂມງເພື່ອສ້າງການອອກແບບເສັ້ນທາງ…
ທ່ານມອນກ່າວຕໍ່ໄປວ່າ: “… ເພື່ອໃຫ້ແນ່ໃຈວ່າ ມັນບໍ່ຜ່ານສິ່ງກີດຂວາງ, ຜ່ານກໍາແພງໃດໆ, ຫຼື ຫນ້າຜາ, ຫຼື ເຫວ ຫຼື ທາງຫຼວງ ຫຼືຮົ້ວໃດໆ.”
ທ່ານມອນເວົ້າວ່າ, ມັນຊ່ວຍເຮັດໃຫ້ GPS ເຮັດວຽກໄດ້ດີຂຶ້ນ, ໂດຍກວດພົບເຫັນວ່າ ທ່ານຢູ່ຂ້າງໃດຂອງຖະໜົນ ເຊິ່ງຊ່ວຍໃຫ້ມີລາຍລະອຽດ. ແຕ່ທ່ານກໍບໍ່ແມ່ນ ຄົນທີ່ມັກຄວາມສົມບູນແບບ.
ທ່ານມອນ, ສິລະປິນ GPS ອະທິບາຍວ່າ: "ຂ້ອຍຮູ້ວ່າ ຂ້ອຍຢາກໃຫ້ມັນເບິ່ງເປັນຄືແນວໃດ, ແຕ່ວ່າ ມັນຈະເປັນແນວໃດ ໃນທີ່ສຸດ ຂ້ອຍຈະບໍ່ຮູ້ຈັກດອກ ຈົນກວ່າຂ້ອຍເຮັດແລ້ວ."
ມັນເປັນສິນລະປະທີ່ອີງໃສ່ເທັກໂນໂລຈີ, ການວາງແຜນຢ່າງລະມັດລະວັງ ແລະຈິນຕະນາການ.
ອ່ານຂ່າວນີ້ເພີ້ມເປັນພາສາອັງກິດ
Athletes are turning their GPS-tracked routes into large-scale art on top of city maps. VOA’s Michelle Quinn caught up with one of them.
Most runners think about pace, the distance they cover. Lenny Maughan (Said: Mawn) is focused on the image he will run today.
Lenny Maughan, GPS Artist:
“I'm essentially using the streets of San Francisco as my canvas, and my sweat is my paintbrush, if you will.”
Around the world, people record their daily walks, runs, bike rides with devices equipped …with location-tracking software, which relies on GPS satellites circling the Earth.
Some, like Maughan, turn their movement into art. They call it “GPS art” or “run-art.”
Maughn runs his design in one continuous line.
Gary Cordery (SAID: CORE-da-ree)), a bicyclist in Britain, keeps track of people doing GPS art around the world.
Last year, he was inundated with COVID GPS art.
This year, it’s Ukraine.
He spoke to VOA over Zoom:
“To sit down before you go out and sketch something on a map and think, ‘Right, I'm going to run a ….…..marathon today, but in the shape of a polar bear or something.’ I think it's just another dimension.”
Once a month over the past seven years, Maughan, a retired IT worker, has done one GPS art.
Ideas come from daily life or from staring at the San Francisco map to see what comes to him. It might take two hours to create the route design …
Lenny Maughan, GPS Artist:
“… to make sure that it doesn't go through any barriers, any walls, or cliffs, or highways or fences.”
It helps, says Maughan, that GPS is getting better, detecting which side of the street he is on, which helps with details. But he’s not a perfectionist.
Lenny Maughan, GPS Artist:
“I know what I want it to look like, but how it turns out at the end, I'll never know until I finish it.”
It’s an art that relies on technology, careful planning and imagination.
