ລິ້ງ ສຳຫລັບເຂົ້າຫາ

ປະທານປະເທດລາວ ຢາກໃຫ້ມີ ການປັບປຸງ ການບໍລິຫານງານ ພາຍໃນ ນະຄອນວຽງຈັນ

  • ຊົງຣິດ ໂພນເງິນ

ກອງປະຊຸມໃຫຍ່ຄັ້ງທີ 5 ຂອງອົງຄະນະພັກປະຈຳກຳແພງນະຄອນ ຫລວງວຽງຈັນ ທີ່ຈັດຂຶ້ນໃນ ໃນວັນທີ 10 ມັງກອນ, 2011 ເພື່ອ ເລືອກຕັ້ງຄະນະບໍລິຫານງານຊຸດໃໝ່ ແລະວາງແຜນການເສດຖະ ກິດ-ສັງຄົມ 5 ປີຕໍ່ໜ້າ ແລະທວນຄືນການປະຕິບັດງານຂອງຄະນະ ພັກໃນ 5 ປີຜ່ານມາ

ປະທານປະເທດລາວເນັ້ນຢໍ້າວ່າ ຈໍາເປັນຢ່າງຍິ່ງທີ່ຈະຕ້ອງມີການປັບປຸງການບໍລິຫານງານ ພາຍໃນນະຄອນວຽງຈັນ. ຈຶ່ງຈະເຮັດໃຫ້ສາມາດບັນລຸເປົ້າໝາຍຂອງການພັດທະນາທີ່ວາງໄວ້ ໄດ້ຢ່າງແທ້ຈິງ.


ທ່ານຈູມມະລີ ໄຊຍະສອນ ປະທານປະເທດລາວ ແລະເລຂາທິການໃຫຍ່ພັກປະຊາຊົນປະຕິ
ວັດລາວ ໄດ້ຖະແຫລງຮຽກຮ້ອງຕໍ່ຄະນະກຳມະການບໍລິຫານງານພາຍນະຄອນວຽງຈັນ
ເມື່ອບໍ່ນານມານີ້ວ່າ ການທີ່ຈະສາມາດບັນລຸແຜນການ ແລະເປົ້າໝາຍສະຫັດສະຫວັດຂອງ ການພັດທະນາເພື່ອເຮັດໃຫ້ປະຊາຊົນລາວຫລຸດພົ້ນຈາກຄວາມທຸກຈົນໄດ້ຢ່າງແທ້ຈິງ ພາຍ
ໃນປີ 2015 ນັ້ນ ກໍມີຄວາມຈຳເປັນຢ່າງຍິ່ງທີ່ຈະຕ້ອງມີການປັບປຸງການບໍລິຫານງານ ແລະ ຍົກລະດັບຄວາມຮູ້ຄວາມສາມາດຂອງບຸກຄະລາກອນພາຍໃນໜ່ວຍງານຕ່າງໆຂອງພັກ
ແລະລັດຄວບຄູ່ກັນໄປ.

ທ່ານຈູມມະລີ ໄຊຍະ ສອນ ປະທານປະເທດ ລາວ ແລະເລຂາທິການ ໃຫຍ່ພັກປະຊາຊົນປະ ຕິວັດລາວ
ທ່ານຈູມມະລີ ໄຊຍະ ສອນ ປະທານປະເທດ ລາວ ແລະເລຂາທິການ ໃຫຍ່ພັກປະຊາຊົນປະ ຕິວັດລາວ

ໂດຍສະເພາະແມ່ນເຂດນະຄອນວຽງຈັນ ກໍມີຄວາມຈຳເປັນ
ຢ່າງຍິ່ງທີ່ຄະນະພັກນະຄອນວຽງຈັນບໍ່ພຽງແຕ່ຈະມີສະຖານະ
ພາບເປັນເມືອງຫລວງຂອງປະເທດລາວເທົ່ານັ້ນ, ຫາກແຕ່
ຍັງຈະຕ້ອງດຳເນີນການພັດທະນາໃຫ້ເປັນສູນກາງທາງເສດ
ຖະກິດ-ການເມືອງ ແລະສັງຄົມວັດທະນາທຳຂອງຊາດລາວ
ໃນໄລຍະຕໍ່ໄປອີກດ້ວຍ ດັ່ງທີ່ທ່ານຈູມມະລີ ໄດ້ຖະແຫລງ
ຮຽກຮ້ອງໃນຕອນນຶ່ງວ່າ:

ສະເໜີໃຫ້ບັນດາສະຫາຍສືບຕໍ່ປັບປຸງແບບແຜນການ
ນຳພາ ແລະວິທີການເຮັດວຽກຂອງການຈັດຕັ້ງພັກ
ຂັ້ນຕ່າງໆ ໂດຍສະເພາະແມ່ນຄະນະບໍລິຫານງານ
ພັກນະຄອນຫລວງທີ່ຫາກໍ່ໄດ້ຮັບການເລືອກຕັ້ງໃນ
ກອງປະຊຸມໃຫຍ່ຄັ້ງນີ້ ຕ້ອງເອົາໃຈໃສ່ເພີ້ມທະວີ
ຄວາມສາມັກຄີເປັນເອກະພາບໃຫ້ເປັນປຶກແຜ່ນອີ່
ຫລີ ແລະຍົກສູງຄວາມຮັບຜິດຊອບທາງດ້ານການເມືອງຕັ້ງໜ້າຄົ້ນຄວ້າຮໍ່າຮຽນ
ເພື່ອຍົກລະດັບຄວາມຮູ້ຄວາມສາມາດຂອງຕົນໃຫ້ສູງ

ທ່ານສົມບັດ ເຢຍລິເຮີ, ເລຂາພັກ ແລະ ເຈົ້າຄອງກໍາແພງນະຄອນວຽງຈັນ
ທ່ານສົມບັດ ເຢຍລິເຮີ, ເລຂາພັກ ແລະ ເຈົ້າຄອງກໍາແພງນະຄອນວຽງຈັນ

ທ່ານສົມບັດ ເຢຍລິເຮີ, ເລຂາພັກແລະເຈົ້າ
ຄອງ​ເຂດນະຄອນວຽງຈັນຖະແຫຼງຢືນຢັນວ່າ
ດ້ວຍການຂະຫຍາຍຕົວທາງເສດຖະກິດຢ່າງ
ຕໍ່ເນື່ອງໃນຕະຫລອ​ດໄລຍະ 5 ປີ ທີ່ຜ່ານມາ
ກໍຄືຈາກປີ 2006-2010 ທີ່ຍອດຜະລິດພັນ
ລວມພາຍໃນ ຫລື GDP ​ໄດ້ຂະຫຍາຍຕົວ
ເພີ່ມໃນອັດຕາສະເລ່ຍເຖິງ 12.1% ຕໍ່ປີນັ້ນ
ຊຶ່ງກໍ່ເຮັດໃຫ້ຄະນະ​ພັກ​ເຊື່ອໝັ້ນວ່າໃນໄລຍະ
5 ປີຕໍ່ໄປນີ້ ກໍຄືຈາກປີ 2011-2015 ນັ້ນ
GDP ​ໃນ​ນະຄອນ​ວຽງຈັນຍັງ​ຈະ​ມີ​ການຂະ
ຫຍາຍຕົວໃນອັດຕາສະເລ່ຍບໍ່ຕໍ່າກວ່າ
12.6% ຕໍ່ປີ.

ຊຶ່ງດ້ວຍການ​ຂະຫຍາຍຕົວທາງເສດຖະກິດ
ໃນອັດຕາສະເລ່ຍດັ່ງກ່າວ ກໍຍັງຈະສົ່ງຜົນເຮັດໃຫ້ມູນຄ່າ GDP ໃນປີ 2015 ສາມາດ
ສະເລ່ຍເປັນລາຍຮັບຂອງປະຊາຊົນໃນເຂດນະຄອນວຽງຈັນໄດ້ເຖິງ 4,400 ໂດລາຕໍ່ຄົນ
ຕໍ່ປີ ຫຼືເພີ້ມຂຶ້ນຈາກລະດັບລາຍ​ໄດ້ສະເລ່ຍຂອງປະຊາຊົນ​ໃນ​ເຂດນະຄອນ​ວຽງຈັນໃນ
ປັດຈຸບັນນີ້ ຄິດເປັນອັດຕາສະເລ່ຍເກີນກວ່າ 250%​.

ສໍາລັບໃນໄລຍະແຜນການປະຈໍາປີ 2009-2010 ທີ່ຜ່ານມາເສດຖະກິດນະຄອນວຽງຈັນ ໄດ້ຂະຫຍາຍຕົວເພີ່ມຂຶ້ນໃນອັດຕາສະເລ່ຍ 12.1% ຊຶ່ງເຮັດໃຫ້ GDP ມີມູນຄ່າລວມ
ຫຼາຍກວ່າ 12,083 ຕື້ກີບ ທີ່ສາມາດຕົວສະ​ເລ່ຍເປັນລາຍຮັບຂອງປະຊາຊົນໃນເຂດ
ນະຄອນວຽງຈັນໄດ້ເຖິງ 1,755 ໂດລາຕໍ່ຄົນຕໍ່ປີ ຊຶ່ງນອກຈາກກະຖືເປັນລະດັບລາຍ ຮັບສະເລ່ຍທີ່ສູງທີ່ສຸດໃນປະເທດລາວແລ້ວກໍ່ຍັງເປັນລະດັບຮາຍຮັບທີ່ເກີນລະດັບຄາດ
ໝາຍຂອງທາງການລາວເຖິງ 455 ໂດລາອີກດ້ວຍ.

ເຂດອຸດສາຫະກໍາໃນນະຄອນຫລວງວຽງຈັນ ທີ່ທາງ ການລາວມີແຜນຈະກໍ່ສ້າງຂຶ້ນໃນເວລາອັນໝໍ່ໆນີ້.
ເຂດອຸດສາຫະກໍາໃນນະຄອນຫລວງວຽງຈັນ ທີ່ທາງ ການລາວມີແຜນຈະກໍ່ສ້າງຂຶ້ນໃນເວລາອັນໝໍ່ໆນີ້.

ແຕ່ຢ່າງໃດກໍ່ຕາມສໍາລັບເສດ
ຖະກິດ​ໂດຍລວມຂອງລາວ
ໃນໄລຍະແຜນການ​ປະຈໍາປີ
2006-2010 ຜ່ານ​ມານີ້
ເສດຖະກິດຂອງລາວມີການ
ຂະຫຍາຍຕົວໃນອັດຕາສະເລ່ຍ
7% ຕໍ່ປີ ຊຶ່ງໄດ້ເປັນຜົນເຮັດໃຫ້
ອັດຕາສ່ວນຄວາມຍາກຈົນຂອງ
ປະຊາຊົນລາວຫລຸດລົງມາເປັນ
26% ຂອງຈໍານວນປະຊາ
ກອນລາວທັງໝົດທີ່ມີຢູ່ 6
ລ້ານກວ່າຄົນໃນປັດຈຸບັນນີ້.

XS
SM
MD
LG