ປະຊາຊົນລາວ ທີ່ອາໄສຢູ່ ໃນເຂດເມືອງຈັນທະບູລີ ຂອງນະຄອນ
ຫລວງວຽງຈັນ ຖືເປັນກຸ່ມປະຊາກອນທີ່ມີລາຍໄດ້ສະເລ່ຍສູງສຸດ
ໃນລາວ ກໍຄືຫຼາຍກວ່າ 4,850 ດອນລາຕໍ່ຄົນ ໃນແຜນການປີ
2013-2014 ນີ້.
ທ່ານນາງບົວລອນ ວົງດາລາແສນ ເຈົ້າເມືອງໆຈັນທະບູລີ ໄດ້
ລາຍງານຕໍ່ກອງປະຊຸມໃຫຍ່ຄັ້ງທີ 6 ຂອງຄະນະພັກເມືອງຈັນທະ
ບູລີ ເມື່ອບໍ່ນານມານີ້ວ່າ ເປົ້າໝາຍສຳຄັນຂອງການຈັດຕັ້ງປະຕິ
ບັດແຜນການ ພັດທະນາປະຈຳປີ 2013-2014 ກໍຄືການຊຸກຍູ້
ໃຫ້ຍອດຜະລິດຕະພັນລວມ (GDP) ໃນເຂອເມືອງຈັນທະບູລີ
ໃຫ້ມີມູນຄ່າເພີ້ມຂຶ້ນເປັນ 3,865 ຕື້ກວ່າກີບ ທີ່ສາມາດຖົວສະເລ່ຍ
ເປັນລາຍຮັບຂອງປະຊາຊົນລາວ ທີ່ພັກອາໄສຢູ່ໃນເຂດເມືອງຈັນ
ທະບູລີ ໄດ້ເຖິງ 4,855 ດອນລາຕໍ່ຄົນຕໍ່ປີ.
ໂດຍລາຍໄດ້ສະເລ່ຍຂອງປະຊາຊົນລາວໃນເຂດເມືອງຈັນທະບູລີ
ໃນລະດັບດັ່ງກ່າວນີ້ ກໍຍັງຖືເປັນລາຍໄດ້ສະເລ່ຍທີ່ສູງທີ່ສຸດທັງໃນ
ເຂດນະຄອນຫລວງວຽງຈັນ ແລະ ໃນປະເທດລາວດ້ວຍ ນອກ
ຈາກນີ້ ອຳນາດການປົກຄອງ ໃນເຂດເມືອງຈັນທະບູລີ ກໍຍັງຈະ
ຮັບປະກັນໃນການເຮັດໃຫ້ເສດຖະກິດຂະຫຍາຍຕົວເພີ້ມຂຶ້ນຢ່າງ
ໝັ້ນທ່ຽງຕໍ່ໄປ ທັງຍັງຈະດຳເນີນມາດຕະການໃນທຸກທາງ ເພື່ອຮັກ
ສາຄວາມສະຫງົບຮຽບຮ້ອຍ ພາຍໃນສັງຄົມໃຫ້ໄດ້ ຢ່າງມີປະສິດ
ທິພາບ ດັ່ງທີ່ທ່ານນາງ ບົວລອນ ໄດ້ຖະແຫລງຢືນຢັນວ່າ:
“ເສດຖະກິດຂະຫຍາຍຕົວຢ່າງຕໍ່ເນື່ອງ ລວມຍອດຜະລິດຕະພັນ GDP ໃຫ້ບັນລຸ
3,865 ຕື້ກວ່າກີບສະເລ່ຍລາຍໄດ້ຕໍ່ຄົນຕໍ່ປີໃຫ້ໄດ້ 4,855 ດອນລາ ພັດທະນາ
ຊັບພະຍາກອນມະນຸດ ດ້ານປະລິມານ ແລະ ຄຸນນະພາບ ເພີ້ມທະວີບົດບາດ ການ
ນຳພາຂອງອົງຄະນະພັກ ເພື່ອຍົກລະດັບການບໍລິການຮັບໃຊ້ປະຊາຊົນ ການຄຸ້ມ
ຄອງສັງຄົມດ້ວຍກົດໝາຍ ຂອງການປົກຄອງທຸກຂັ້ນໃຫ້ມີຄວາມສັກສິດຂຶ້ນ
ດີຂຶ້ນກວ່າເກົ່າ.”
ກ່ອນໜ້ານີ້ ທ່ານສົມວັນດີ ນາຖາວົງ ຮັກສາການເຈົ້າຄອງນະຄອນຫລວງວຽງຈັນ
ຖະແຫລງວ່າ GDP ໃນເຂດນະຄອນຫລວງວຽງຈັນ ມີມູນຄ່າລວມເຖິງ 15,853 ຕື້ກີບ
ໃນຊ່ວງ 6 ເດືອນທຳອິດຂອງແຜນການປີ 2013-2014 ນີ້ ຊຶ່ງນອກຈາກຈະຄິດເປັນ
53 ເປີເຊັນ ຂອງແຜນການປີແລ້ວ ກໍຍັງສາມາດຈະຄາດໝາຍໄດ້ວ່າ ເສດຖະກິດໃນ
ເຂດນະຄອນຫລວງວຽງຈັນ ຈະຂະຫຍາຍຕົວເພີ້ມຂຶ້ນຕາມແຜນການທີ່ວາງໄວ້ ຄືບໍ່
ຫລຸດ 12.7 ເປີເຊັນເມື່ອທ້ຽບໃສ່ກັບແຜນການປີ 2012-2013 ທີ່ຜ່ານມາ.
ໂດຍການຂະຫຍາຍຕົວທາງເສດຖະກິດ ໃນອັດຕາສະເລ່ຍດັ່ງກ່າວຈະເຮັດໃຫ້ GDP
ໃນເຂດນະຄອນຫລວງວຽງຈັນ ມີມູນຄ່າລວມເຖິງ 29,912 ຕື້ກີບ ໃນຕະຫລອດແຜນ
ການປີ 2013-2014 ທີ່ຈະສິ້ນສຸດລົງໃນເດືອນກັນຍາປີນີ້ ແລະຈະສາມາດຖົວສະເລ່ຍ
ເປັນລາຍໄດ້ ຂອງປະຊາຊົນລາວ ໃນເຂດນະຄອນຫລວງວຽງຈັນ ໄດ້ເຖິງ 30 ລ້ານກີບ
ຫຼືປະມານ 3,800 ດອນລາຕໍ່ຄົນຕໍ່ປີ.
ແຕ່ຢ່າງໃດກໍຕາມ ການພັດທະນາເສດຖະກິດ ໃນເຂດນະຄອນຫລວງວຽງຈັນ ທີ່
ຂະຫຍາຍຕົວເພີ້ມຂຶ້ນດັ່ງກ່າວນີ້ ກໍເຮັດໃຫ້ລະດັບລາຍໄດ້ ແລະ ສະພາບຊີວິດການ
ເປັນຢູ່ຂອງປະຊາຊົນລາວ ທີ່ຢູ່ໃນເຂດນະຄອນຫລວງວຽງຈັນ ແລະ ເຂດຕົວເມືອງ
ກັບເຂດຊົນນະບົດ ມີຄວາມແຕກໂຕນກັນຫຼາຍນັບມື້ດ້ວຍເຊັ່ນກັນ.
ໂດຍລັດຖະບານລາວ ໄດ້ວາງເປົ້າໝາຍ ທີ່ຈະລົບລ້າງບັນຫາຄວາມຍາກຈົນ ຂອງ
ປະຊາຊົນບັນດາເຜົ່າ ໃຫ້ໄດ້ໂດຍພື້ນຖານພາຍໃນປີ 2015 ກໍຄືການຫລຸດບັນຫາ
ຄວາມຍາກຈົນ ຂອງປະຊາຊົນລາວ ລົງສູ່ລະດັບບໍ່ເກີນ 10 ເປີເຊັນ ຂອງຈຳນວນ
ຄອບຄົວທັງໝົດໃນປີ 2015 ທັງນີ້ກໍເພື່ອໃຫ້ເປັນພື້ນຖານ ຮອງຮັບເປົ້າໝາຍ ທີ່
ພັກປະຊາຊົນປະຕິວັດລາວ ແລະ ລັດຖະບານລາວ ຈະນຳພາປະເທດຊາດ ໄປສູ່
ການຫລຸດພົ້ນຈາກສະພາບ ດ້ອຍພັດທະນາໃຫ້ໄດ້ພາຍໃນປີ 2020 ຕໍ່ໄປ ຊຶ່ງໃນ
ສະພາບການຕົວຈິງ ກໍຄົງຈະເປັນໄປໄດ້ຍາກ ໂດຍມີສາເຫດມາຈາກບັນຫາ ທີ່ກ່ຽງວກັບຄວາມແຕກໂຕນກັນ ໃນລະດັບຂອງການພັດທະນາດັ່ງກ່າວ.
ທັງນີ້ໂດຍຈະເຫັນໄດ້ຢ່າງຊັດເຈນ ຈາກກໍລະນີຂອງເຂດນະຄອນຫລວງວຽງຈັນ ທີ່
ປະຊາຊົນມີລາຍໄດ້ສະເລ່ຍເຖິງ 27 ລ້ານກີບ ຫຼືປະມານ 3,346 ດອນລາຕໍ່ຄົນ ໃນ
ປັດຈຸບັນນີ້ ຫາກແຕ່ວ່າສຳລັບປະຊາຊົນ ໃນແຂວງຜົ້ງສາລີ ກັບຍັງຄົງມີລາຍໄດ້ສະເລ່ຍ
ພຽງ 6 ລ້ານກີບ ຫຼື 745 ດອນລາຕໍ່ຄົນເທົ່ານັ້ນ ໃນຂະນະທີ່ອັດຕາຄວາມຍາກຈົນຂອງ ປະຊາຊົນລາວ ໃນແຂວງດັ່ງກ່າວກໍຍັງສູງກວ່າ 45 ເປີເຊັນ ຂອງປະຊາກອນທັງໝົດ ໃນ
ເວລານີ້ ເພາະສະນັ້ນ ຈຶ່ງເປັນການຍາກຢ່າງຍິ່ງ ທີ່ແຂວງຜົ້ງສາລີ ຈະສາມາດລົບລ້າງບັນ
ຫາຄວາມຍາກຈົນໄດ້ ຕາມເປົ້າໝາຍທີ່ລັດຖະບານລາວ ໄດ້ກຳນົດໄວ້ໃນປີ 2015 ດັ່ງກ່າວ.
