ລິ້ງ ສຳຫລັບເຂົ້າຫາ

ລາວຈະສືບຕໍ່ດໍາເນີນຕາມ ແຜນການສ້າງເຂື່ອນ ໃສ່ແມ່ນໍ້າຂອງ ຕໍ່ໄປ

  • ຊົງຣິດ ໂພນເງິນ

ສະຖານທີ່ ທີ່ຈະກໍ່ສ້າງເຂື່ອນໄຊຍະບູລີ ທີ່ຈະສ້າງຂຶ້ນໃນລໍານໍ້າຂອງ ທີ່ແຂວງໄຊຍະບູລີ ແຕ່ຍັງບໍ່ສາມາດເລື້ມ ສ້າງໄດ້ ຍ້ອນມີການຄັດຄ້ານຈາກພວກອານຸລັກສິ່ງແວດລ້ອມ ທັງໃນເອເຊຍ ແລະເຂດຕາເວັນຕົກຂອງໂລກ

ເຈົ້າໜ້າທີ່ຂັ້ນສູງຂອງລາວຢືນຢັນວ່າ ທາງການລາວຈະສືບຕໍ່ແຜນການສ້າງເຂື່ອນໃສ່ ແມ່ນໍ້າຂອງຕໍ່ໄປ ໂດຍຈະເລີ້ມຈາກໂຄງການເຂື່ອນທ່າຄໍ້ ຢູ່ເຂດເມືອງໂຂງເປັນໂຄງ ການທໍາອິດ.

ເຈົ້າໜ້າທີ່ຂັ້ນສູງ ໃນກະຊວງ​ພະລັງງານ​ ແລະ​ບໍ່​ແຮ່ຂອງລາວ ໄດ້ໃຫ້ການຢືນຢັນວ່າ ທາງການລາວຍັງຈະສືບຕໍ່ແຜນການສ້າງເຂື່ອນ ໃນແມ່ນໍ້າຂອງໃນເຂດປະເທດລາວ
ຕໍ່ໄປ ເຖິງແມ່ນວ່າ ໃນໄລຍະທີ່ຜ່ານມາ ຈະຖືກຄັດຄ້ານຈາກ ບັນດາອົງການສິ່ງ
ແວດລ້ອມທໍາ​ມະ​ຊາດ​ທັງໃນ​ເອເຊຍ ແລະໃນລະດັບສາກົນກໍຕາມ ຫາກແຕ່ ໂດຍມີ
ການ ສຶກສາສໍາຫລວດ ຢ່າງໄດ້ມາດຕະຖານສາກົນນັ້ນ ກໍເຮັດໃຫ້ເຊື່ອໝັ້ນວ່າ ຈະ
ສາມາດ ປ້ອງກັນຜົນກະທົບຕໍ່ສະພາບແວດລ້ອມທໍາມະຊາດໄດ້ຢ່າງແນ່ນອນ

ຫລ້າສຸດນີ້ ກໍມີລາຍງານມາວ່າ ທາງການລາວ ໄດ້ໃຫ້ບໍລິມະສິດແກ່ໂຄງການສ້າງ
ເຂື່ອນທ່າຄໍ້ຢູ່ເຂດເມືອງໂຂງ ແຂວງຈໍາປາສັກ ໂດຍຈາກການສຶກສາສໍາຫລວດ ກ່ຽວ
ກັບຄວາມເປັນໄປໄດ້ ຂອງໂຄງການ ໃນໄລຍະທີ່ຜ່ານມານັ້ນ ກໍພົບວ່າ ຈະບໍ່ສົ່ງຜົນ ກະທົບຕໍ່ສະພາບແວດລ້ອມທໍາມະຊາດໃນແມ່ນໍ້າຂອງຢ່າງແນ່ນອນ ທັງຍັງຈະບໍ່ ສົ່ງຜົນກະທົບຕໍ່ເຂດການທ່ອງທ່ຽວອີກດ້ວຍ. ດັ່ງທີ່ເຈົ້າໜ້າທີ່ຂັ້ນສູງຂອງລາວທ່ານ
ນຶ່ງ ໃຫ້ການຊີ້ແຈງວ່າ:


ຄອນພະເພັງທີ່ແຂວງຈໍາປາສັກ ໃກ້ບ່ອນທີ່ຈະສ້າງເຂື່ອນທ່າຄໍ້ໃສ່ນັ້ນ
ຄອນພະເພັງທີ່ແຂວງຈໍາປາສັກ ໃກ້ບ່ອນທີ່ຈະສ້າງເຂື່ອນທ່າຄໍ້ໃສ່ນັ້ນ


“ທີ່ຕັ້ງຂອງໂຄງການ
ໄຟຟ້ານໍ້າຕົກທ່າຄໍ້
ຕັ້ງຢູ່ນອກເຂດຂອງ
ການພັດທະນາການ
ທ່ອງທ່ຽວມັນຈະບໍ່ໄປ
ແຕະຕ້ອງເລື້ອງສິ່ງ
ແວດລ້ອມຢູ່ໃນ. ແຕ່
ວ່າໂຄງການໂຕນີ້
ຈະເປັນໂຄງການທີ່
ບໍ່ມີເຂື່ອນ
ໂຕ່ງເອົາ
ນໍ້າຢູ່ແຄມທ່ານັ້ນແລ້ວ
ກະເຮັດຄອງຊົນລະ
ປະທານເຂົ້າໄປໂດຍປະມານ 1,700 ແມັດ ແລະໂຄງການ
ນີ້ ກະບໍ່ມີອ່າງເກັບນໍ້າ
ຈະໂຕ່ງເອົານໍ້າໂດຍກົງແລ້ວ ກໍເອົາຜ່ານເຄື່ອງຈັກ ຢູ່ລຸ່ມ
ຄອນພະເພງໄປອີກ
.”

ໂຄງການການເຂື່ອນທ່າຄໍ້ດັ່ງກ່າວນີ້ ຈະມີກໍາລັງຜະລິດພະລັງງານໄຟຟ້າລວມ 308
MW ຊຶ່ງຈະມີການກໍ່ສ້າງເປັນແບບຂັ້ນບັນໄດທີ່ແບ່ງອອກເປັນ 3 ຂັ້ນຕອນດ້ວຍກັນ
ຊຶ່ງກໍຄືຂັ້ນຕອນທີ 1 ຈະມີກໍາລັງຜະລິດພະລັງງານໄຟຟ້າ 52 MW, ຂັ້ນຕອນທີ 2
ຈະມີກໍາລັງຜະລິດພະລັງງານໄຟຟ້າ 86 MW ແລະຂັ້ນຕອນທີ 3 ທີ່ຢູ່ຕໍ່າສຸດນັ້ນຈະມີ
ກໍາລັງຜະລິດພະລັງງານໄຟຟ້າເຖິງ 170 MW ໂດຍມີເປົ້າໝາຍ ທີ່ຈະສົ່ງພະລັງງານ
ໄຟຟ້າທີ່ຜະລິດໄດ້ສ່ວນໃຫຍ່ຂາຍໃຫ້ແກ່ໄທ, ຫວຽດນາມ ແລະກໍາປູເຈຍເປັນດ້ານຫລັກ.

ກ່ອນ​ໜ້າ​ນີ້ ທ່ານ​ໄຊ​ປະ​ເສີດ ພົມ​ສຸພາ ຫົວໜ້າ​ກົມ​ສົ່ງ​ເສີມ​ແລະ​ພັດທະນາ​ພະລັງງານ
ຂອງ​ກະຊວງ​ພະລັງງານ​ແລະ​ບໍ່​ແຮ່ ​ຂອງລາວ ຈົນ​ເຖິງ​ປັດຈຸບັນ​ນີ້ ທາງ​ການ​ລາວ​ໄດ້
ອະນຸຍາດ​ໃຫ້​ບໍລິສັດ​ຈາກ​ຕ່າງປະ​ເທດ ທໍາ​ການ​ສຶກສາ​ສໍາຫລວດ​ຄວາມ​ເປັນ​ໄປ​ໄດ້​
ຂອງ​ໂຄງການ​ກໍ່ສ້າງ​ເຂຶ່ອນ​ໃນລໍາ​ແມ່​ນໍ້າຂອງ​ສະ​ເພາະ​ໃນ​ເຂດ​ປະ​ເທດ​ລາວ​ໄປ​ແລ້ວ
ຈໍານວນ​ເຖິງ 7 ​ໂຄງການ.

ນອກຈາກເຂຶ່ອນທ່າ​ຄໍ້ ດັ່ງກ່າວແລ້ວ ກໍຍັງມີ​ໂຄງການ​ເຂຶ່ອນປາກ​ແບ່ງໃນແຂວງອຸດົມໄຊ,
ເຂຶ່ອນຫລວງ​ພະ​ບາງໃນແຂວງຫລວງພະບາງ ໂຄງການເຂື່ອນປາກລາຍ ໃນແຂວງໄຊ
ຍະບູລີ, ​ໂຄງການ​ເຂື່ອນສາ​ນະ​ຄາມ​ໃນ​ແຂວງ​ວຽງຈັນ, ​ໂຄງການເຂື່ອນ​ແກ້ງ​ຫລວງ ​
ແລະ​ໂຄງການ​ເຂື່ອນດອນ​ໂຂງ​ໃນ​ແຂວງ​ຈຳປາ​ສັກ ໂດຍທີ່ 5 ​ໂຄງການມີ​ເປົ້າໝາຍ ທີ່​
ຈະ​ສົ່ງ​ກະ​ແສ​ໄຟຟ້າ​ໄປ​ຂາຍ​ໃຫ້​ກັບ​ໄທ. ສ່ວນ​ອີກ 2 ​ໂຄງການ​ທີ່​ເຫລືອ ​ກໍ​ຈະ​ສົ່ງ​ກະ​ແສ
ໄຟຟ້າ​ຂາຍ​ໃຫ້​ຫວຽດນາມ 1 ​ໂຄງການ ​ແລະ​ຕອບສະໜອງ​ການຊົມ​ໃຊ້​ໄຟຟ້າພາຍ​ໃນ
ປະ​ເທດ 1 ​ໂຄງການ.

ແຕ່​ຢ່າງ​ໃດ​ກໍ​ຕາມ ທ່ານ​ໄຊ​ປະ​ເສີດ ກໍ​ໄດ້​ໃຫ້ການ​ເນັ້ນ​ຢໍ້າວ່າ ການ​ອະນຸຍາດ​ດັ່ງ​ກ່າວ​ນີ້
ບໍ່​ໄດ້​ໝາຍ​ເຖິງ​ ການ​ອະນຸ ຍາດ​ໃຫ້​ບໍລິສັດຕ່າງປະເທດກໍ່ສ້າງ​ເຂຶ່ອນ​ແຕ່​ຢ່າງ​ໃດ ​ເພາະ
ວ່າ ​ການ​ທີ່​ຈະ​ອະນຸມັດ​ໃຫ້​ບໍລິສັດ​ຕ່າງ​ຊາດ​ ສາມາ​ດທີ່​ຈະ​ລົງມື​ກໍ່ສ້າງ​ເຂຶ່ອນ​ໄດ້​ນັ້ນ​ ຈະ
ຂຶ້ນຢູ່​ກັບ​ຜົນ​ທີ່​ໄດ້​ຮັບ​ຈາກ​ການ​ສຶກສາ​ຄວາມ​ເປັນ​ໄປ​ໄດ້​ ຂອງ​ແຕ່ລະ​ໂຄງການ​ເປັນ​ການ
ສໍາຄັນ.

ຍິ່ງ​ໄປ​ກວ່າ​ນັ້ນ ສຳລັບ​ໂຄງການ​ທີ່​ໄດ້​ທໍາ​ການ​ສຶກສາ​ແລ້ວ​ພົບ​ວ່າ​ມີ​ຄວາມ​ເປັ​ນ​ໄປ​ໄດ້
ແລ​ະຄຸ້ມ​ຄ່າ​ທີ່​ຈະ​ລົງທຶນ​ກໍ່ສ້າງ ຕໍ່​ໄປ​ນັ້ນ ທາງ​ການ​ລາວ​ກໍ​ຍັງ​ຈະ​ຕ້ອງ​ສະ​ເໜີ​ແຜນການ
ກໍ່ສ້າງ​ຕໍ່​ປະ​ເທດ​ສະມາຊິກ​ໃນ MRC ດ້ວຍ​ກັນ ​ເພື່ອ​ໃຫ້ການ​ຮັບຮອງ​ແຜນການ​ກໍ່ສ້າງ​
ເຂຶ່ອນດັ່ງກ່າວຕໍ່ໄປອີກ​ດ້ວຍ.

XS
SM
MD
LG