ປະທານສະພາແຫ່ງຊາດລາວລະບຸວ່າ ການຄຸ້ມຄອງໃນພາກ
ການເງິນຂອງລັດຖະບານຍັງມີປະສິດທິພາບຕໍ່າ ອັນເປັນຜົນ
ເຮັດໃຫ້ການຈັດຕັ້ງປະຕິບັດແຜນການບໍ່ສາມາດບັນລຸເປົ້າ
ໝາຍທີ່ວາງໄວ້ໃນຫຼາຍດ້ານ.
ທ່ານທອງສິງ ທໍາມະວົງ ນາຍົກລັດຖະມົນຕີລາວ ຖະແຫຼງຢືນ
ຢັນຢັນໂອກາດເປີດກອງປະຊຸມສະໄໝສາມັນຄັ້ງທີ 5 ຂອງ
ສະພາແຫ່ງຊາດຊຸດທີ 7 ໃນຕອນເຊົ້າວັນທີ 8 ກໍລະກົດ ທີ່ຜ່ານມານີ້ວ່າ ການຈັດຕັ້ງປະຕິບັດແຜນການພັດທະນາເສດຖະກິດ ແລະສັງຄົມແຫ່ງຊາດ 5 ປີ ຄັ້ງທີ 7 ໃນໄລຍະ 2 ປີເຄິ່ງ ທີ່ຜ່ານມາ ໄດ້ມີໝາກຜົນທີ່ພົ້ນເດັ່ນເກີດຂຶ້ນໃນຫຼາຍໆດ້ານ ເຊັ່ນດ້ານເສດຖະ
ກິດໄດ້ເຕີບໂຕຢ່າງຕໍ່ເນື່ອງ ແລະໝັ້ນທ່ຽງ ໂດຍເຮັດໃຫ້ລວມຍອດຜະລິດຕະພັນພາຍ
ໃນ (GDP) ເພີ່ມຂຶ້ນ ໃນອັດຕາສະເລ່ຍເຖິງ 8.2% ຕໍ່ໄປ ແລະສາມາດຄິດສະເລ່ຍເປັນ
ລາຍໄດ້ຂອງປະຊາກອນລາວ ໄດ້ປະມານ 1,500 ໂດລາ ຕໍ່ຄົນໃນປັດຈຸບັນນີ້.
ສ່ວນໃນດ້ານກະສິກໍານັ້ນ ລັດຖະບານລາວກໍສາມາດເພີ່ມມູນຄ່າຂອງທຶນສໍາຮອງເງິນຕາ
ຕ່າງປະເທດໄດ້ ທຽບເທົ່າກັບການນໍາເຂົ້າສິນຄ້າຈາກຕ່າງປະເທດເປັນເວລາ 5 ເດືອນ
ແລະລະດົມການລົງທຶນໄດ້ ໃນມູນຄ່າລວມເຖິງ 85,147 ຕື້ກີບ ຫຼືເທົ່າກັບ 67.05% “
ຂອງແຜນການ 5 ປີ ທີ່ເລີ່ມລົງມືຈັດຕັ້ງປະຕິບັດນັບແຕ່ປີ 2011 ຈົນເຖິງປີ 2015 ນັ້ນ.
ສໍາລັບໃນດ້ານງົບປະມານນັ້ນ ທ່ານທອງສິງກໍໄດ້ເນັ້ນຢໍ້າວ່າ ລັດຖະບານລາວສາມາດ
ສ້າງລາຍຮັບເຂົ້າງົບປະມານໄດ້ ໃນມູນຄ່າລວມ 41,832 ຕື້ກີບ ຫຼືທຽບເທົ່າກັບ 19.6%
ຂອງ GDP ແຕ່ໃນຂະນະດຽວກັນ ລັດຖະບານລາວກໍໄດ້ໃຊ້ຈ່າຍງົບປະມານໄປໃນມູນ
ຄ່າລວມເຖິງ 47,302 ຕື້ກີບ ເທົ່າກັບ 22.2% ຂອງ GDP ຈຶ່ງເຮັດໃຫ້ລັດຖະບານລາວ
ຕ້ອງຂາດດຸນງົບປະມານໃນມູນຄ່າລວມ 5,470 ຕື້ກີີບ ຫຼື 2.6% ຂອງ GDP.
ຊຶ່ງດ້ວຍການຂາດດຸນງົບປະມານດັ່ງກ່າວນີ້ ກໍເຮັດໃຫ້ທ່ານນາງປານີ ຢາທໍຕູ້ ປະທານ
ສະພາແຫ່ງຊາດລາວ ໄດ້ຖະແຫຼງໃນໂອກາດດຽວກັນນີ້ວ່າ ເປັນບັນຫາໃນການຈັດຕັ້ງ
ປະຕິບັດແຜນການງົບປະມານຂອງລັດຖະບານລາວ ທີ່ຍັງມີຂໍ້ຂາດຕົກບົກຜ່ອງເກີດຂຶ້ນ
ແລະກໍໄດ້ສົ່ງຜົນກະທົບເຮັດໃຫ້ບໍ່ສາມາດທີ່ຈະບັນລຸເປົ້າໝາຍຂອງການພັດທະນາໄດ້
ໃນຫຼາຍດ້ານ ດັ່ງທີ່ທ່ານນາງ ປານີ ໄດ້ຖະແຫຼງເນັ້ນຢໍ້າວ່າ:
ກອງປະຊຸມຄັ້ງທີ 5 ຂອງສະພາແຫ່ຊາດລາວ
“ພື້ນຖານເສດຖະກິດການເງິນຂອງປະເທດຍັງມີລັກ
ສະນະບອບບາງ ບໍ່ທັນໜັກແໜ້ນ ແລະສົມສ່ວນ ເພື່ອ
ການຜະລິດເປັນສິນຄ້າຂອງປະຊາຊົນຍັງບໍ່ທັນມີຕະ
ຫຼາດຮອງຮັບທີ່ໝັ້ນຄົງ ແລະກໍຍັງບໍ່ທັນຕິດພັນກັບ
ພາກອຸດສາຫະກໍາປຸງແຕ່ງ ລະດັບການພັດທະນາ
ແລະລາຍໄດ້ຂອງປະຊາຊົນຢູ່ໃນເຂດຕົວເມືອງ ແລະ
ເຂດຊົນນະບົດຫ່າງໄກ ຍັງມີຄວາມແຕກໂຕນກັນ ການ
ຄຸ້ມຄອງການລົງທຶນຂອງລັດ ແລະການປະຕິບັດວິໄນ
ແຜນການ ແລະວິໄນການເງິນ ຍັງບໍ່ທັນເຂັ້ມງວດ.”
ກ່ອນໜ້ານີ້ ສະພາແຫ່ງຊາດລາວກໍໄດ້ກໍາໜົດໃຫ້ກະຊວງການເງິນສາມາດທີ່ຈະກູ້ຢືມ
ທຶນຈາກກະຊວງຕ່າງປະເທດສໍາລັບນໍາໃຊ້ເຂົ້າໃນໂຄງການພັດທະນາຕ່າງໆ ທີ່ຢູ່ພາຍ
ໃຕ້ການຄຸ້ມຄອງຂອງກະຊວງການເງິນ ຕະຫຼອດໃນແຜນການປີ 2012-2013 ນີ້ ໄດ້
ໃນມູນຄ່າລວມ ບໍ່ເກີນ 215.13 ລ້ານໂດລ່າເທົ່ານັ້ນ ຫາກແຕ່ໃນຄວາມເປັນຈິງນັ້ນ
ກະຊວງການເງິນກັບຕ້ອງການເງິນທຶນບໍ່ໜ້ອຍກວ່າ 370.46 ລ້ານໂດລ່າ ຈຶ່ງເຮັດໃຫ້
ຕ້ອງຂໍການຊ່ວຍເຫຼືອລ້າ ຈາກຕ່າງປະເທດໃຫ້ໄດ້ບໍ່ໜ້ອຍກວ່າ 155.33 ລ້ານໂດລາ
ນັ້ນເອງ.
ທາງດ້ານທ່ານ ພູເພັດ ຄໍາພູນວົງ ລັດຖະມົນຕີກະຊວງການເງິນ ກໍໄດ້ໃຫ້ການຍອມຮັບ
ວ່າສະພາບການຊ່ວຍເຫຼືອລ້າ ທີ່ລັດຖະບານລາວຄາດຫວັງຈະໄດ້ຮັບຈາກຕ່າງປະເທດ
ທັງໃນປັດຈຸບັນນີ້ ແລະໃນໄລຍະຕໍ່ໄປນັ້ນ ຖືເປັນສະພາບການທີ່ມີຄວາມຫຍຸ້ງຍາກຢ່າງ
ຍິ່ງ ເນື່ອງຈາກວ່າ ບັນດາປະເທດທີ່ຈະໃຫ້ການຊ່ວຍເຫຼືອນັ້ນ ໄດ້ຕັ້ງເງື່ອນໄຂໃຫ້ບັນດາ
ປະເທດ ທີ່ຈະຮັບການຊ່ວຍເຫຼືອນັ້ນ ຈະຕ້ອງປະຕິບັດຕາມຢ່າງເຄັ່ງຄັດຫຼາຍຂຶ້ນ ຈຶ່ງເຮັດ
ໃຫ້ບັນດາປະເທດທີ່ຢາກຈະໄດ້ຮັບການຊ່ວຍເຫຼືອລ້ານັ້ນ ຕ່າງກໍພະຍາຍາມທີ່ຈະຍາດ
ແຍ່ງໃຫ້ໄດ້ຮັບການຊ່ວຍເຫຼືອ ຕາມຄວາມຕ້ອງການຂອງປະເທດຕົນ.
ການເງິນຂອງລັດຖະບານຍັງມີປະສິດທິພາບຕໍ່າ ອັນເປັນຜົນ
ເຮັດໃຫ້ການຈັດຕັ້ງປະຕິບັດແຜນການບໍ່ສາມາດບັນລຸເປົ້າ
ໝາຍທີ່ວາງໄວ້ໃນຫຼາຍດ້ານ.
ທ່ານທອງສິງ ທໍາມະວົງ ນາຍົກລັດຖະມົນຕີລາວ ຖະແຫຼງຢືນ
ຢັນຢັນໂອກາດເປີດກອງປະຊຸມສະໄໝສາມັນຄັ້ງທີ 5 ຂອງ
ສະພາແຫ່ງຊາດຊຸດທີ 7 ໃນຕອນເຊົ້າວັນທີ 8 ກໍລະກົດ ທີ່ຜ່ານມານີ້ວ່າ ການຈັດຕັ້ງປະຕິບັດແຜນການພັດທະນາເສດຖະກິດ ແລະສັງຄົມແຫ່ງຊາດ 5 ປີ ຄັ້ງທີ 7 ໃນໄລຍະ 2 ປີເຄິ່ງ ທີ່ຜ່ານມາ ໄດ້ມີໝາກຜົນທີ່ພົ້ນເດັ່ນເກີດຂຶ້ນໃນຫຼາຍໆດ້ານ ເຊັ່ນດ້ານເສດຖະ
ກິດໄດ້ເຕີບໂຕຢ່າງຕໍ່ເນື່ອງ ແລະໝັ້ນທ່ຽງ ໂດຍເຮັດໃຫ້ລວມຍອດຜະລິດຕະພັນພາຍ
ໃນ (GDP) ເພີ່ມຂຶ້ນ ໃນອັດຕາສະເລ່ຍເຖິງ 8.2% ຕໍ່ໄປ ແລະສາມາດຄິດສະເລ່ຍເປັນ
ລາຍໄດ້ຂອງປະຊາກອນລາວ ໄດ້ປະມານ 1,500 ໂດລາ ຕໍ່ຄົນໃນປັດຈຸບັນນີ້.
ສ່ວນໃນດ້ານກະສິກໍານັ້ນ ລັດຖະບານລາວກໍສາມາດເພີ່ມມູນຄ່າຂອງທຶນສໍາຮອງເງິນຕາ
ຕ່າງປະເທດໄດ້ ທຽບເທົ່າກັບການນໍາເຂົ້າສິນຄ້າຈາກຕ່າງປະເທດເປັນເວລາ 5 ເດືອນ
ແລະລະດົມການລົງທຶນໄດ້ ໃນມູນຄ່າລວມເຖິງ 85,147 ຕື້ກີບ ຫຼືເທົ່າກັບ 67.05% “
ຂອງແຜນການ 5 ປີ ທີ່ເລີ່ມລົງມືຈັດຕັ້ງປະຕິບັດນັບແຕ່ປີ 2011 ຈົນເຖິງປີ 2015 ນັ້ນ.
ສໍາລັບໃນດ້ານງົບປະມານນັ້ນ ທ່ານທອງສິງກໍໄດ້ເນັ້ນຢໍ້າວ່າ ລັດຖະບານລາວສາມາດ
ສ້າງລາຍຮັບເຂົ້າງົບປະມານໄດ້ ໃນມູນຄ່າລວມ 41,832 ຕື້ກີບ ຫຼືທຽບເທົ່າກັບ 19.6%
ຂອງ GDP ແຕ່ໃນຂະນະດຽວກັນ ລັດຖະບານລາວກໍໄດ້ໃຊ້ຈ່າຍງົບປະມານໄປໃນມູນ
ຄ່າລວມເຖິງ 47,302 ຕື້ກີບ ເທົ່າກັບ 22.2% ຂອງ GDP ຈຶ່ງເຮັດໃຫ້ລັດຖະບານລາວ
ຕ້ອງຂາດດຸນງົບປະມານໃນມູນຄ່າລວມ 5,470 ຕື້ກີີບ ຫຼື 2.6% ຂອງ GDP.
ຊຶ່ງດ້ວຍການຂາດດຸນງົບປະມານດັ່ງກ່າວນີ້ ກໍເຮັດໃຫ້ທ່ານນາງປານີ ຢາທໍຕູ້ ປະທານ
ສະພາແຫ່ງຊາດລາວ ໄດ້ຖະແຫຼງໃນໂອກາດດຽວກັນນີ້ວ່າ ເປັນບັນຫາໃນການຈັດຕັ້ງ
ປະຕິບັດແຜນການງົບປະມານຂອງລັດຖະບານລາວ ທີ່ຍັງມີຂໍ້ຂາດຕົກບົກຜ່ອງເກີດຂຶ້ນ
ແລະກໍໄດ້ສົ່ງຜົນກະທົບເຮັດໃຫ້ບໍ່ສາມາດທີ່ຈະບັນລຸເປົ້າໝາຍຂອງການພັດທະນາໄດ້
ໃນຫຼາຍດ້ານ ດັ່ງທີ່ທ່ານນາງ ປານີ ໄດ້ຖະແຫຼງເນັ້ນຢໍ້າວ່າ:
“ພື້ນຖານເສດຖະກິດການເງິນຂອງປະເທດຍັງມີລັກ
ສະນະບອບບາງ ບໍ່ທັນໜັກແໜ້ນ ແລະສົມສ່ວນ ເພື່ອ
ການຜະລິດເປັນສິນຄ້າຂອງປະຊາຊົນຍັງບໍ່ທັນມີຕະ
ຫຼາດຮອງຮັບທີ່ໝັ້ນຄົງ ແລະກໍຍັງບໍ່ທັນຕິດພັນກັບ
ພາກອຸດສາຫະກໍາປຸງແຕ່ງ ລະດັບການພັດທະນາ
ແລະລາຍໄດ້ຂອງປະຊາຊົນຢູ່ໃນເຂດຕົວເມືອງ ແລະ
ເຂດຊົນນະບົດຫ່າງໄກ ຍັງມີຄວາມແຕກໂຕນກັນ ການ
ຄຸ້ມຄອງການລົງທຶນຂອງລັດ ແລະການປະຕິບັດວິໄນ
ແຜນການ ແລະວິໄນການເງິນ ຍັງບໍ່ທັນເຂັ້ມງວດ.”
ກ່ອນໜ້ານີ້ ສະພາແຫ່ງຊາດລາວກໍໄດ້ກໍາໜົດໃຫ້ກະຊວງການເງິນສາມາດທີ່ຈະກູ້ຢືມ
ທຶນຈາກກະຊວງຕ່າງປະເທດສໍາລັບນໍາໃຊ້ເຂົ້າໃນໂຄງການພັດທະນາຕ່າງໆ ທີ່ຢູ່ພາຍ
ໃຕ້ການຄຸ້ມຄອງຂອງກະຊວງການເງິນ ຕະຫຼອດໃນແຜນການປີ 2012-2013 ນີ້ ໄດ້
ໃນມູນຄ່າລວມ ບໍ່ເກີນ 215.13 ລ້ານໂດລ່າເທົ່ານັ້ນ ຫາກແຕ່ໃນຄວາມເປັນຈິງນັ້ນ
ກະຊວງການເງິນກັບຕ້ອງການເງິນທຶນບໍ່ໜ້ອຍກວ່າ 370.46 ລ້ານໂດລ່າ ຈຶ່ງເຮັດໃຫ້
ຕ້ອງຂໍການຊ່ວຍເຫຼືອລ້າ ຈາກຕ່າງປະເທດໃຫ້ໄດ້ບໍ່ໜ້ອຍກວ່າ 155.33 ລ້ານໂດລາ
ນັ້ນເອງ.
ທາງດ້ານທ່ານ ພູເພັດ ຄໍາພູນວົງ ລັດຖະມົນຕີກະຊວງການເງິນ ກໍໄດ້ໃຫ້ການຍອມຮັບ
ວ່າສະພາບການຊ່ວຍເຫຼືອລ້າ ທີ່ລັດຖະບານລາວຄາດຫວັງຈະໄດ້ຮັບຈາກຕ່າງປະເທດ
ທັງໃນປັດຈຸບັນນີ້ ແລະໃນໄລຍະຕໍ່ໄປນັ້ນ ຖືເປັນສະພາບການທີ່ມີຄວາມຫຍຸ້ງຍາກຢ່າງ
ຍິ່ງ ເນື່ອງຈາກວ່າ ບັນດາປະເທດທີ່ຈະໃຫ້ການຊ່ວຍເຫຼືອນັ້ນ ໄດ້ຕັ້ງເງື່ອນໄຂໃຫ້ບັນດາ
ປະເທດ ທີ່ຈະຮັບການຊ່ວຍເຫຼືອນັ້ນ ຈະຕ້ອງປະຕິບັດຕາມຢ່າງເຄັ່ງຄັດຫຼາຍຂຶ້ນ ຈຶ່ງເຮັດ
ໃຫ້ບັນດາປະເທດທີ່ຢາກຈະໄດ້ຮັບການຊ່ວຍເຫຼືອລ້ານັ້ນ ຕ່າງກໍພະຍາຍາມທີ່ຈະຍາດ
ແຍ່ງໃຫ້ໄດ້ຮັບການຊ່ວຍເຫຼືອ ຕາມຄວາມຕ້ອງການຂອງປະເທດຕົນ.
