ທ່ານ ເລື່ອມ ຍົງວົງສິດທິ ຮອງຫົວໜ້າກົມການຄ້າພາຍໃນ ກະຊວງອຸດສາຫະກໍາ ແລະ
ການຄ້າ ໄດ້ຖະແຫຼງຢືນຢັນວ່າ ອັດຕາເງິນເຟີ້ໂດຍສະເລ່ຍພາຍໃນລາວໄດ້ປັບໂຕລົດລົງ ນັບຕັ້ງແຕ່ເດືອນກໍລະກົດ ເປັນຕົ້ນມາແລ້ວ, ເຊິ່ງກໍຄືອັດຕາເງິນເຟີ້ໂດຍສະເລ່ຍ ໄດ້ລົດລົງ
ຈາດລະດັບ 9.52% ໃນຊ່ວງເດືອນ ມັງກອນ-ມິຖຸນາເປັນ 6.29% ໃນຊ່ວງເດືອນກໍລະ
ກົດ-ກັນຍານີ້ ແລະເຖິງແມ່ນວ່າ ຈະເປັນອັດຕາເງິນເຟີ້ທີ່ເພີ່ມຂຶ້ນ ເມື່ອທຽບກັບໄລຍະດຽວ
ກັນຂອງປີກາຍກໍຕາມ ຫາກແຕ່ກໍເພີ່ມຂຶ້ນພຽງ 0.6% ເທົ່ານັ້ນ.
ພ້ອມກັນນີ້, ເມື່ອປະກອບກັບໃນພາກການຜະລິດສິນຄ້າ ແລະເສດຖະກິດໂດຍລວມຂອງ
ລາວ ກໍຍັງມີທ່າອ່ຽງຂະຫຍາຍໂຕເພີ່ມຂຶ້ນຢ່າງຕໍ່ເນື່ອງອີກດ້ວຍແລ້ວ, ຈຶ່ງເຮັດໃຫ້ທ່ານ
ເລື່ອມ ມີຄວາມເຊື່ອໝັ້ນວ່າ ອັດຕາເງິນເຟີ້ໂດຍສະເລ່ຍຂອງລາວ ໃນຕະຫຼອດປີນີ້ ຈະບໍ່
ເຖິງລະດັບເລກສອງຫຼັກ ຫຼືຕັ້ງແຕ່ 10% ຂຶ້ນໄປຢ່າງແນ່ນອນ ດັ່ງທີ່ ທ່ານ ເລື່ອມ ໄດ້ໃຫ້
ການຢືນຢັນ ແລະຊີ້ແຈງວ່າ:
“ຄາດວ່າອັດຕາເງິນເຟີ້ຄົງບໍ່ຂຶ້ນຮອດສອງໂຕເລກໃນທ້າຍປີນີ້ ຕາມທີ່ພວກເຮົາ
ກັງວົນກັນຢູ່ເພາະວ່າເສດຖະກິດຂອງພວກເຮົານີ້ດີຂຶ້ນ ແລະມີປັດໃຈພາຍໃນ
ທີ່ມາກະຕຸກຊຸກຢູ້ໃຫ້ອັດຕາເງິນເຟີ້ນີ້ຫຼຸດລົງເລື້ອຍໆ, ຕົ້ນຕໍລະແມ່ນພວກເຮົາມີ
ການຊີ້ນໍາຕະຫຼອດເວລາຈາກທ່ານ ນາຍົກ, ທ່ານ ຮອງນາຍົກລັດຖະມົນຕີຜູ້ຊີ້
ນໍາວຽກງານເສດຖະກິດ ແລະຄະນະນໍາຂອງກະຊວງອຸດສາຫະກໍາແລະການຄ້າ”
ທາງດ້ານທ່ານ ລິເບີ ສີບົວປາວ
ຜູ້ອໍານວຍການສະຖາບັນວິໃຈ
ເສດຖະກິດແຫ່ງຊາດລາວ ຖະ
ແຫລງໃຫ້ຄວາມຄິດເຫັນວ່າ
ການທີ່ລາວໄດ້ປະສົບບັນຫາ
ໄພນໍ້າຖ້ວມຄັ້ງໃຫຍ່ຢູ່ໃນຫຼາຍໆ
ພື້ນທີ່ນັບແຕ່ທ້າຍເດືອນມິຖຸນາ
ເບັນຕົ້ນມາຈົນເຖິງປັດຈຸບັນນີ້
ບໍ່ພຽງແຕ່ຈະເຮັດໃຫ້ເກີດຄວາມ
ເສຍຫາຍຢ່າງຫລວງຫຼາຍຕໍ່ຊັບ
ສິນຂອງລັດຖະບານ ແລະເອກ
ກະຊົນເທົ່ານັ້ນ ຫາກແຕ່ຄວາມ
ເສຍຫາຍດັ່ງກ່າວ ກໍຍັງຈະສົ່ງ
ຜົນກະທົບຕໍ່ເນື່ອງ ເຮັດໃຫ້
ປະຊາຊົນລາວຕ້ອງປະເຊີນກັບສະພາວະເງິນເຟີ້ ທີ່ຈະປັບຕົວສູງຂຶ້ນອີກດ້ວຍ.
ທັງນີ້ ກໍເນື່ອງຈາກວ່າ ໄພນໍ້າຖ້ວມຄັ້ງໃຫຍ່ ໄດ້ເຮັດໃຫ້ແລະຜົນຜະລິດທາງດ້ານການກະ
ເສດ ຂອງປະຊາຊົນເສຍຫາຍໄປຢ່າງຫລວງຫລາຍ. ສ່ວນໂຄງລ່າງພື້ນຖານຕ່າງໆເຊັ່ນ
ຖະໜົນຫົນທາງ, ຄອງຊົນລະປະທານ, ລະບົບສາຍສົ່ງກະແສໄຟຟ້າ, ລະບົບການສື່ສານ,
ໂຮງຮຽນ, ໂຮງໝໍ, ອາຄານສຳນັກງານຕ່າງໆ ຂອງລັດຖະບານ ແລະເຮືອນຂອງປະຊາ
ຊົນນັ້ນຖືກ ໄດ້ຖືກກະແສນໍ້າພັດທໍາລາຍໄປຢ່າງກວ້າງຂວາງນັ້ນ ກໍຍັງນັບເປັນປັດໃຈສໍາຄັນ
ທີ່ຈະເຮັດໃຫ້ຕົ້ນ ທຶນການຂົນສົ່ງສິນຄ້າແພງຂຶ້ນ ແລະເມື່ອສິນຄ້າມີລາຄາແພງຂຶ້ນ ກໍຄື
ສາເຫດສໍາຄັນທີ່ ເຮັດໃຫ້ເກີດເປັນບັນຫາເງິນເຟີ້ ທີ່ຈະເພີ້ມສູງຂຶ້ນເຊ່ນດຽວກັນ.
ອີງຕາມລາຍງານຂອງສໍານັກງານສະຖິຕິແຫ່ງຊາດລາວ ກໍໄດ້ລະບຸວ່າ ໃນຊ່ວງເດືອນພຶດ
ສະພາທີ່ຜ່ານມາ ສະພາວະເງິນເຟີ້ໃນລາວໄດ້ປັບຕົວສູງຂຶ້ນເຖິງ 9.7% ຊຶ່ງກໍເປັນຜົນຈາກ
ການທີ່ໄດ້ມີການປັບລາຄາສິນຄ້າອຸປະໂພກຂຶ້ນໃນອັດຕາສະເລ່ຍເຖິງ14.7% ແລະໃນຂະ
ນະດຽວກັນ ກໍມີການປັບຂຶ້ນອັັດຕາຄ່າລົດໂດຍສານປະຈໍາທາງໃນອັດຕາສະເລ່ຍ 10.91%
ໃນທົ່ວປະເທດ.
ເພາະສະນັ້ນ ເມື່ອຖືກສົມທົບດ້ວຍໄພນໍ້າຖ້ວມຄັ້ງໃຫຍ່ໃນຄັ້ງຫລ້າສຸດທີ່ໄດ້ກໍ່ໃຫ້ເກີດຜົນ
ເສຍຫາຍ ຄິດເປັນມູນຄ່າຫລາຍກວ່າ 1 ພັນ 390 ຕື້ກີບໃນເວລານີ້ ກໍຍ່ອມທີ່ຈະເຮັດໃຫ້
ເກີດ ເປັນບັນຫາເງິນເຟີ້ຕິດຕາມມາ ແລະຜູ້ທີ່ຈະຕ້ອງປະເຊີນກັບບັນຫາດັ່ງກ່າວນີ້ຢ່າງ
ຫລີກລ່ຽງບໍ່ໄດ້ ກໍຄືປະຊາຊົນລາວໃນທົ່ວປະເທດນັ້ນເອງ.
ຍິ່ງໄປກວ່ານັ້ນ ຄະນະກໍາມາທິການເສດຖະກິດ ແລະສັງຄົມແຫ່ງອົງການສະຫະປະຊາ
ຊາດ ສໍານັກງານປະຈໍາພູມມີພາກເອເຊຍ ແລະປາຊີຟິກ (ESCAP) ກໍໄດ້ສະເໜີລາຍ
ງານວ່າ ລາວເປັນປະເທດໜຶ່ງທີ່ກໍາລັງປະເຊີນໜ້າກັບສະພາວະເງິນເຟີ້ ໃນອັດຕາທີ່ສູງ
ເມື່ອທຽບກັບປະເທດສະມາຊິກໃນກຸ່ມອາຊຽນດ້ວຍກັນ ໂດຍເປັນຮອງແຕ່ພຽງຫວຽດ
ນາມປະເທດດຽວ ເທົ່ານັ້ນ.
