ທ່ານ ວິເສດ ສະແຫວງສຶກສາ ຮອງຫົວໜ້າຫ້ອງວ່າການສະພາ
ແຫ່ງຊາດລາວ ຖະແຫຼງຍອມຮັບວ່າ ມີຜູ້ນໍາລັດຖະສະພາ 10
ປະເທດແລ້ວ ທີ່ໄດ້ໃຫ້ການຢືນຢັນມາເຖິງຄະນະກໍາມະການ
ລະດັບຊາດຂອງລາວວ່າ ຈະບໍ່ສາມາດເດີນທາງມາຮ່ວມໃນ
ກອງປະຊຸມຄູ່ພາຄີລັດຖະສະພາເອເຊຍ-ຢູໂຣບ ASEP ຄັ້ງທີ
7 ຊຶ່ງສະພາແຫ່ງຊາດລາວ ຈະເປັນເຈົ້າພາບຈັດຂຶ້ນໃນວັນທີ
3-4 ເດືອນຕຸລາ ປີ 2012 ຢູ່ນະຄອນວຽງຈັນ ເນື່ອງຈາກຕິດ
ພາລະກິດທີ່ສໍາຄັນອື່ນໆ.
ແຕ່ຢ່າງໃດກໍຕາມ ໃນຊ່ວງດຽວກັນນີ້ ກໍປາກົດວ່າມີຜູ້ນໍາລັດຖະ
ສະພາຈາກ 24 ປະເທດທີ່ໄດ້ໃຫ້ການຢືນຢັນຢ່າງຄັກແນ່ແລ້ວ
ວ່າ ຈະເຂົ້າຮ່ວມກອງປະຊຸມຢ່າງແນ່ນອນ ໂດຍໃນນີ້ກໍແບ່ງເປັນ
13 ປະເທດຈາກເອເຊຍ ແລະ 11 ປະເທດຈາກຢູໂຣບ. ນອກຈາກນີ້ ກໍຍັງມີແຂກຂອງເຈົ້າພາບ ເຊັ່ນກອງທຶນການເງິນສາກົນ (IMF) ແລະອົງການສະຫະປະຊາຊາດ ກ່ຽວກັບຍຸດ ທະສາດການຫລຸດຜ່ອນໄພພິບັດ (UNISDR) ທີ່ໄດ້ໃຫ້ການຢືນຢັນວ່າ ຈະເຂົ້າຮ່ວມໃນກອງ
ປະຊຸມຄັ້ງນີ້ອີກດ້ວຍ.
ເນື່ອງຈາກວ່າການປະຊຸມ ASEP ຄັ້ງທີ 7 ນີ້ໄດ້ໃຫ້ຄວາມສໍາຄັນຢ່າງຍິ່ງ ຕໍ່ການເສີມສ້າງຄວາມເຂົ້າໃຈ ແລະຄວາມເປັນປຶກແຜ່ນໃນບັນຫາຕ່າງໆ ລະຫວ່າງ ອົງການນິຕິບັນຍັດຂອງປະຊາຊົນທັງສອງທະວີບ ດັ່ງທີ່ທ່ານວິເສດ ໄດ້ຖະແຫຼງ ຢືນຢັນວ່າ:
ສູນກາງຈັດກອງປະຊຸມ ASEM ຄັ້ງທີ 9 ສໍາເລັດໄປ 90% ແລ້ວ.
ມີຈຸດປະສົງ ເພື່ອສ້າງຄວາມເປັນປຶກແຜ່ນ ລະຫວ່າງອົງ
ການຕົວແທນຂອງປະຊາຊົນ ອົງການນິຕິບັນຍັດຂອງ
ສອງທະວີບ ແມ່ນເວທີທີ່ແລກປ່ຽນຄວາມຄິດຄວາມເຫັນ
ແລະທັດສະນະ ຊຶ່ງກວາມເອົາທາງດ້ານການເມືອງ ເສດ
ຖະກິດ ສັງຄົມ ແລະວັດທະນະທໍາ ແນໃສ່ເພື່ອເອົາຈຸດຢືນ
ທີ່ເປັນເອກກະພາບຕໍ່ບັນຫາສາກົນ.”
ນອກຈາກການເປັນເຈົ້າພາບຈັດກອງປະຊຸມ ASEP ຄັ້ງທີ 7 ແລ້ວ
ທາງການລາວ ກໍຍັງຈະເປັນເຈົ້າພາບຈັດກອງປະຊຸມສຸດຍອດຜູ້ນໍາ
ເອເຊຍ-ຢູໂຣບ (ASEM) ຄັ້ງທີ 9 ໃນວັນທີ່ 5-6 ເດືອນພະຈິກປີນີ້
ອີກດ້ວຍ ແຕ່ວ່າຈົນເຖິງຂະນະນີ້ ກໍຍັງບໍ່ມີຄວາມຊັດເຈນວ່າຜູ້ນໍາຈາກທັງເອເຊຍ ແລະຢູໂຣບ ຈະເຂົ້າຮ່ວມໃນກອງປະຊຸມຢ່າງຄົບຖ້ວນ ຫຼືບໍ່.
ທັງນີ້ໂດຍທ່ານ Michel Goffin ຜູ້ຕາງໜ້າຂອງສະຫະພາບຢູໂຣບ ຫຼື ອີຢູ ປະຈໍາປະເທດ
ລາວໄດ້ໃຫ້ການຊີ້ແຈງວ່າ ຜູ້ນໍາສ່ວນໃຫຍ່ ຂອງອີຢູ ທີ່ໄດ້ມີການຢືນຢັນວ່າ ຈະເຂົ້າຮ່ວມກອງປະຊຸມ ASEM ໄດ້ຫຼືບໍ່ນັ້ນ ກໍຈະຕ້ອງລໍຖ້າຈົນເຖິງເດືອນກັນ ຍາ ຫາກແຕ່ພາກສ່ວນຂອງອີຢູ ຈະໄດ້ມີການຢືນຢັນຢ່າງເປັນທາງການແລ້ວວ່າ ຈະເຂົ້າຮ່ວມກອງປະຊຸມ ASEM ຢ່າງແນ່ນອນ ກໍຄືປະທານສະພາມົນຕີ ແລະ ປະທານຄະນະກໍາມາທິການສະຫະ ພາບຢູໂຣບນັ້ນເອງ.
ລັດຖະບານລາວປະຊຸມ ເພື່ອກຽມຈັດກອງປະຊຸມ ASEM
ແຕ່ຢ່າງໃດກໍຕາມ ສໍາລັບໃນສ່ວນກ່ຽວກັບການດໍາເນີນວຽກ
ງານໃນດ້ານຕ່າງໆຂອງທາງການລາວ ເພື່ອຕຽມຄວາມພ້ອມ
ໃນການເປັນເຈົ້າພາບຈັດກອງປະຊຸມ ASEM ຄັ້ງທີ 9 ນັ້ນ
ຄະນະຜູ້ແທນຂອງອີຢູ ກໍໄດ້ສະແດງຄວາມພຶງພໍໃຈ ພາຍຫຼັງ
ທີ່ໄດ້ໄປກວດເບິ່ງຄວາມຄືບໜ້າ ເມື່ອບໍ່ດົນມານີ້.
ການກະກຽມຄວາມພ້ອມໃນດ້ານຕ່າງໆນັ້ນ ທາງການລາວກໍໄດ້
ແບ່ງການດໍາເນີນງານອອກເປັນ 6 ພາກສ່ວນດ້ວຍການ ກໍຄື
ການກໍ່ສ້າງສູນການປະຊຸມນານາຊາດ ທີ່ໄດ້ຮັບການຊ່ວຍເຫຼືອ
ຈາກລັດຖະບານຈີນ ໃນມູນຄ່າລວມ 80 ລ້ານໂດລາ.
ໂຄງການທີ 2 ກໍແມ່ນການຂະຫຍາຍບ່ອນຈອດເຮືອບິນຢູ່ສະໜາມບິນນານາຊາດວັດໄຕ
ເພື່ອໃຫ້ສາມາດຮອງຮັບເຮືອບິນຂະໜາດໃຫຍ່ໄດ້ເຖິງ 40 ລໍາ ພ້ອມດ້ວຍອຸບປະກອນຮັກ
ສາຄວາມປອດໄພ ແລະສິ່ງອໍານວຍຄວາມສະດວກຕ່າງໆຢ່າງຄົບຊຸດ ໂດຍເປັນການຊ່ວຍ
ເຫຼືອຈາກລັດຖະບານຍີ່ປຸ່ນ ມູນຄ່າ 1,246 ລ້ານເຢັນ.
ສ່ວນອີກ 4 ໂຄງການທີ່ເຫຼືອ ກໍປະກອບດ້ວຍການພັດທະນາປັບປຸງຖະໜົນ 21 ເສັ້ນທາງ
ໃນເຂດນະຄອນວຽງຈັນ ການກໍ່ສ້າງເຮືອນຮັບແຂກຈໍານວນ 52 ຫຼັງຢູ່ດອນຈັນ ການກໍ່ສ້າງ
ໂຮງແຮມ 8 ຊັ້ນ ລະດັບ 5 ດາວ ຢູ່ດອນຈັນ ແລະການກໍ່ ສ້າງເຮືອນພັກສໍາລັບຄະນະຜູ້
ແທນທີ່ເຂົ້າຮ່ວມກອງປະຊຸມອີກ 50 ຫຼັງຢູ່ບ້ານພະຂາວ ເມືອງໄຊທານີ ຊຶ່ງທັງໝົດນີ້ກໍ
ເປັນການລົງທຶນແລະການຊ່ວຍເຫຼືອຈາກຈີນ ເຊັ່ນດຽວກັນ.
