ລະເບີດຝັງດິນ ຄ່ອຍໆກັບມາຍັງເມືອງບູຮານ ພາລມີຣາ ເຊິ່ງເປັນທີ່ຕັ້ງຂອງຊາກຫັກພັງທີ່ມີຊື່ສຽງ

ກ່ອນສົງຄາມກາງເມືອງໃນຊີເຣຍ, ຮ່ອງຮອຍວັດຖຸບູຮານຂອງເມືອງພາລມີຣາ ແມ່ນນຶ່ງໃນສະຖານທີ່ທ່ອງທ່ຽວສໍາຄັນທີ່ດຶງດູດນັກທ່ອງທ່ຽວຫຼາຍທີ່ສຸດຂອງປະເທດ. ​ແຕ່ ອີງຕາມການລາຍງານຂອງ ແຮເທີ ເມີດັອກ ນັກ​ຂ່າວ​ VOA ແລ້ວ, ​ເມືອງ​ທີ່​ທັນໄມແຫ່ງ​ນີ້​ເອງ ບັດນີ້ກໍໄດ້ກາຍມາເປັນເສດຊາກຫັກເພ ​ແລະ​ເຕັມໄປດ້ວຍລະເບີດຝັງດິນ ເຊິ່ງໄດ້​ສັງຫານຜູ້​ຄົນ​ຈໍານວນຫຼາຍໃນເວລາທີ່ພວກເຂົາ​ພະຍາຍາມ​ກັບ​ຄືນ​ໄປ​ຍັງບ້ານ​ເຮືອນ​ຂອງພວກ​ເຂົາ​ເຈົ້າ.

ນີ້​ແມ່ນເມືອງເກົ່າ ພາລມີຣາ, ຂອງປະເທດຊີ​ເຣຍ, ທີ່ມີ​ຊື່​ສຽງ​ກ່ຽວກັບ​ຊາກ​ຫັກເ​ພ​ຂອງ​ເມືອງ​ທີ່​ຍິ່ງ​ໃຫຍ່ ຕັ້ງ​ຢູ່​ໃນ​ເສັ້ນທາງທີ່​ເຄີຍ​ເຊື່ອມ​ຕໍ່​ອານາຈັກ ໂຣມັນ ກັບອານາຈັກບູຮານຂອງເ​ອເ​ຊຍ​.

ເຮເທີ ເມີດັອກ ກ່າວວ່າ:

“ກ່ອນສົງຄາມກາງເມືອງ, ບັນດານັກທ່ອງທ່ຽວຈາກທົ່ວໂລກ ເຄີຍມາທີ່ນີ້ເພື່ອຢ້ຽມຊົມຊາກຫັກເພເຫຼົ່ານັ້ນ, ແຕ່ປັດຈຸບັນ ສະຖານທີ່ຕ່າງໆເຫຼົ່ານີ້ ເກືອບແປນໝົດແລ້ວ.”

ເມືອງທີ່ທັນສະໄໝໂດຍສ່ວນໃຫຍ່ ທີ່​ຢູ່​ໃກ້​ຄຽງ​ ພາລມີຣາ ຫຼາຍ​ແຫ່ງ​ ໄດ້​ຖືກ​ທຳລາຍ​ໃນຊ່ວງ​ສົງຄາມ, ​ແລະ​ຄຸ້ມບ້ານຫຼາຍແຫ່ງ ທີ່ຍັງຫລົງເຫຼືອ ກໍເຕັມໄປດ້ວຍລະ​ເບີດ​ຝັງ​ດິນ​.

ຜູ້ຊາຍຄົນນີ້ ແມ່ນສ່ວນນຶ່ງຂອງກຸ່ມທີ່ຮ້ອງວ່າ “ນັກວິສະວະກອນ,” ເຊິ່ງພະຍາຍາມເກັບກູ້ລະເບີດຢູ່ໃນເມືອງດັ່ງກ່າວ. ລາວໃຫ້ຮ້ອງຊື່ຫຼິ້ນ ວ່າ ອາບູ ຮຸສເຊນ (Abu Hussein) ແລະ ກ່າວວ່າ ລາວບໍ່ຕ້ອງການຖືກລະບຸໂຕ ໃນກໍລະນີທີ່ສົງຄາມ ອາດເລີ້ມຕົ້ນຂຶ້ນອີກຄັ້ງ.

ທ່ານ ອາບູ ຮຸສເຊນ, ນັກວິສະວະກອນ ກ່າວເປັນພາສາອາຣັບວ່າ:

“ມີປະມານ 6 ຫຼື 7 ຄົນ ໄດ້ເສຍຊີວິດຍ້ອນລະເບີດຝັງດິນ ເນື່ອງຈາກລະເບີດດັ່ງກ່າວ ຖືກປະຖິ້ມໄວ້ຕາມບ້ານເຮືອນ ທີ່ເຄີຍຖືກນຳໃຊ້ໂດຍກອງກໍາລັງຕ່າງໆ ແລະໃຊ້ເປັນຖານທັບຂອງທະຫານ. ພື້ນທີ່ທັງໝົດຢູ່ທີ່ນີ້ ມີແຕ່ລະເບີດຝັງດິນ. ພວກເຮົາ ກຳລັງເກັບກູ້ລະເບີດຝັງດິນຢູ່ໃນເມືອງແຫ່ງນີ້ ແລະວັດຖຸລະເບີດທີ່ຍັງຫຼົງເຫຼືອຈາກລະບອບການປົກຄອງເກົ່າ, ຂອງ ຣັດເຊຍ ແລະ ອີຣ່ານ.”

ໃນ​ປີ 2015, ພວກ​ຫົວ​ຮຸນ​ແຮງ​ລັດ​ອິ​ສ​ລາມ ​ໄດ້​ເຂົ້າ​ຍຶດ​ເອົາຂົງ​ເຂດ​ດັ່ງ​ກ່າວ, ​ໂດຍ​ທຳ​ລາຍ​ວັດ​ຖຸ​ບູ​ຮານ​ຫຼາຍ​ແຫ່ງ​ຢູ່​ທີ່​ນີ້. ລັດຖະບານ​ຊີ​ເຣຍ​ ຂອງ​ປະທານາທິບໍດີ ບາຊາ ອາລ-ອາຊາດ ທີ່ປັດຈຸບັນ​ຖືກໂຄ່ນລົ້ມແລ້ວ, ໄດ້​ຍຶດ​ເອົາເມືອງເກົ່າ ພາລມີຣາ ຄືນ​ມາ​ໄດ້.. ​ແຕ່​ນະເວລາ​ນັ້ນ ​ເມືອງ​ສ່ວນ​ໃຫຍ່​ກໍ​ຖືກ​ທຳລາຍໄປແລ້ວ​ເຊັ່ນ​ກັນ.

ສະມາຊິກຂອງກຸ່ມນັກວິສະວະກອນ ສະແດງໃຫ້ພວກເຮົາເຫັນສິ່ງທີ່ຍັງຫຼົງເຫຼືອຢູ່ໃນຖານທັບທີ່ເຂົາເຈົ້າເວົ້າວ່າ ເຄີຍຖືກຄວບຄຸມໂດຍ ອີຣ່ານ ໃນຊ່ວງທີ່ ທ່ານ ອາຊາດ ປົກຄອງປະເທດ ຈົນຮອດເວລາທີ່ກຸ່ມກະບົດໄດ້ເຂົ້າມາຍຶດເອົາເມືອງ ແລະພື້ນທີ່ສ່ວນໃຫຍ່ຂອງຊີເຣຍ ຄືນມາໄດ້ ໃນທ້າຍປີທີ່ຜ່ານມາ.

ປະຊາຊົນຊາວ​ຊີ​ເຣຍ​ຫຼາຍ​ຄົນ ​ພະຍາຍາມ​ກັບ​ຄືນ​ໄປຍັງ​ບ້ານ​ເກີດ​ຂອງ​ຕົນ ​ນັບຕັ້ງ​ແຕ່​ສົງຄາມ​ໄດ້​ສິ້ນ​ສຸດ​ລົງ​ໃນ​ຊ່ວງເວລາ​ນັ້ນ. ແຕ່ໃນບໍລິເວນເມືອງເກົ່າ ພາລມີຣາ, ການຟື້ນຟູພົບກັບຄວາມຫຼ້າຊ້າ ເນື່ອງຈາກກຸ່ມວິສະວະກອນກ່າວວ່າ ພວກເຂົາເຈົ້າບໍ່ມີອຸປະກອນທີ່ຈໍາເປັນສະເພາະ ເພື່ອກໍາຈັດລະເບີດຝັງດິນເຫຼົ່ານັ້ນ.

ທ່ານ ອາບູ ຮຸສເຊັນ, ນັກວິສະວະກອນ ກ່າວເປັນພາສາອາຣັບວ່າ:

“ເຈົ້າຂອງທີ່ດິນຈໍານວນນຶ່ງຈະກັບຄືນມາເທື່ອລະໜ້ອຍ ເມື່ອພວກເຂົາເຈົ້າສາມາດມີການບໍລິການຕ່າງໆເຊັ່ນ: ນ້ໍາ ຫຼື ໄຟຟ້າ ທີ່ສະໜອງໃຫ້ໂດຍຜູ້ນໍາຂອງເມືອງ. ​ແຕ່​ມັນ​ເປັນໄປໄດ້ຊ້າຫຼາຍ ຍ້ອນລະ​ເບີດ​ຝັງດິນທີ່ຍັງຫຼົງເຫຼືອຢູ່.”

ຂະນະ​ນີ້, ບັນດານັກ​ຊ່ຽວຊານກໍາລັງ​ຜັກດັນໃຫ້ມີ​ການ​ຟື້ນ​ຟູ​ຊາກ​ຫັກເ​ພ​ຂອງເມືອງບູ​ຮານ ພາລມີຣາ, ​ໂດຍ​ເຈົ້າ​ໜ້າ​ທີ່​ອົງການ​ສະຫະ​ປະຊາ​ຊາດ ​ກ່າວ​ວ່າ ພວກ​ເຂົາ​ເຈົ້າ​ຈະ​ພິຈາລະນາ​ໃນການ​ຊ່ວຍ​ເຫຼືອ​ ກ່ຽວກັບ​ການ​ກໍ່ສ້າງ​ຄືນ​ໃໝ່, ອີງ​ຕາມ​ອົງການ​ຂ່າວ AP.

ປະຊາຊົນທີ່ອາໄສຢູ່ໃນທ້ອງຖິ່ນ ກ່າວວ່າ ພວກເຂົາເຈົ້າຍັງຄົງຝັນເຫັນວັນທີ່ບັນດານັກທ່ອງທ່ຽວຕ່າງປະເທດກັບຄືນມາ, ແລະນັ້ນ ຈະເຮັດໃຫ້ອຸດສາຫະກໍາການທ່ອງທ່ຽວຂອງພວກເຂົາເຈົ້າ ກັບຄືນມາສູ່ທຸລະກິດອີກຄັ້ງ.

ນະເວລານີ້, ພວກເຂົາເຈົ້າກ່າວວ່າ ພວກເຂົາເຈົ້າພຽງແຕ່ຫວັງວ່າ ລະເບີດທັງຫຼາຍ ຈະຢຸດແຕກຂຶ້ນຢູ່ໃນບໍລິເວນຄຸ້ມບ້ານຂອງພວກເຂົາເຈົ້າ.

ອ່ານບົດລາຍງານດ້ານລຸ່ມນີ້ເປັນພາສາອັງກິດ

Before Syria’s civil war, the ancient ruins of Palmyra were one of the country’s premier tourist attractions. But as VOA’s Heather Murdock reports, the modern city is itself now in ruins and littered with mines that have killed several people trying to return to their homes.

This is Palmyra, Syria, famous for the ruins of a great city on a road that once connected the Roman Empire to the ancient empires of Asia.

“Before the civil war, tourists from all over the world used to come here to visit these ruins, but now the sites are nearly empty.”

Much of the nearby modern city of Palmyra was destroyed in the war, and many neighborhoods remain littered with land mines.

This man is part of a group known as “The Engineers,” which is trying to clear the city of the bombs. He goes by the nickname Abu Hussein and says he doesn’t want to be identified in case the war starts again.

Abu Hussein, The Engineers, Male in Arabic:

“Six or seven people were killed by land mines because [the mines] were left behind in the homes used by the various forces and the military bases. This area was all mined. We are clearing the city of mines and the explosives left over from the regime, the Russians and the Iranians.”

In 2015, Islamic State militants took over the area, destroying many of the ancient treasures here. The Syrian government of the now-fallen President Bashar al-Assad then recaptured Palmyra…but by then much of the city was also destroyed.

Members of the engineers’ group show us what is left of bases they say were manned by Iranians who, among others, controlled the city under Assad until rebel groups took it—and most of Syria—late last year.

Many Syrians are trying to return to their homes since the war essentially ended at that time. But in Palmyra, the revival is slow because the engineers’ group says it doesn’t have the specialized equipment needed to remove the mines.

Abu Hussein, The Engineers, Male in Arabic:

“Some landowners are coming back gradually when they can find services like water or electricity provided by the city leaders. But it’s happening slowly because of the [explosives] left behind.”

Experts are now pushing for restoration of the ruins of ancient Palmyra, with United Nations officials saying they will consider assisting in the reconstruction, according to the Associated Press.

Locals say they dream of the day international tourists return, and that their tourism industry will be back in business.

For now, they say, they just hope that bombs stop exploding in their neighborhoods.