ລິ້ງ ສຳຫລັບເຂົ້າຫາ

ວັນເສົາ, ໑໕ ມິຖຸນາ ໒໐໒໔

ເກົາຫຼີໃຕ້ ສະເໜີ ໃຫ້ມີການ ເຈລະຈາ ບັ້ນສຸດທ້າຍ ກັບເກົາຫຼີ​ເໜືອ


ໃນວັນທີ 15 ກໍລະກົດ 2013 ລົດບັນທຸກຂອງເກົາຫລີໃຕ້ກໍາລັງອອກຈາກດ່ານກວດພາສີ ໄປຍັງເຂດອຸດສະຫະກໍາຮ່ວມ Kaesong ຢູ່ໃກ້ບ້ານ Panmunjom ທີ່ແບ່ງເກົາຫລີ ອອກເປັນສອງປະເທດ ນັບແຕ່ສົງຄາມເກົາຫລີສິ້ນສຸດລົງ ເພື່ອໄປແກ່ເອົາສິນຄ້າສໍາເລັດຮູບ ແລະວັດຖຸຜະລິດສິນຄ້າຂອງບໍລິສັດເກົາຫລີໃຕ້.
ໃນວັນທີ 15 ກໍລະກົດ 2013 ລົດບັນທຸກຂອງເກົາຫລີໃຕ້ກໍາລັງອອກຈາກດ່ານກວດພາສີ ໄປຍັງເຂດອຸດສະຫະກໍາຮ່ວມ Kaesong ຢູ່ໃກ້ບ້ານ Panmunjom ທີ່ແບ່ງເກົາຫລີ ອອກເປັນສອງປະເທດ ນັບແຕ່ສົງຄາມເກົາຫລີສິ້ນສຸດລົງ ເພື່ອໄປແກ່ເອົາສິນຄ້າສໍາເລັດຮູບ ແລະວັດຖຸຜະລິດສິນຄ້າຂອງບໍລິສັດເກົາຫລີໃຕ້.
ເກົາຫຼີໃຕ້ສະເໜີ ໃຫ້ມີການເຈລະຈາ “ບັ້ນສຸດທ້າຍ” ກັບເກົາ
ຫຼີ​ເໜືອ ກ່ຽວກັບຊາຕາກໍາຂອງ ເຂດອຸດສະຫະກໍາຮ່ວມ
Kaesong ທີ່ຍຸຕິການດໍາເນີນງານໄວ້ນັ້ນ.

ທ່ານ Ryoo Kihi-Jae ລັດຖະມົນຕີກະຊວງທ້ອນໂຮມຊາດ
ຂອງກຸງໂຊລ ທີ່ຮັບຜິດຊອບກິດຈະການ​ຂ້າມຊາຍແດນ ກ່າວ
ຕໍ່ຜູ້ສື່ຂ່າວ ໃນວັນອາທິດມື້ນີ້ວ່າ ຂໍ້ສະເໜີຢ່າງເປັນທາງການ ຈະສົ່ງໄປຍັງກຸງພຽງຢາງໃນວັນຈັນມື້ອື່ນ. ທ່ານບໍ່ໄດ້ອະທິບາຍເພີ້ມເຕີມວ່າ ການ ເຈລະຈາຈະຈັດຂຶ້ນໃນ​ເວລາໃດ ​ແຕ່ທ່ານກ່າວວ່າ:

“ພວກເຮົາຮຽກຮ້ອງໃຫ້ເກົາຫຼີເໜືອ ມີຄໍາຕອບອັນຈະແຈ້ງ ເພື່ອປ້ອງກັນບໍ່ໃຫ້
ບັນຫາໂຮງງານປິດເກີດຂຶ້ນອີກ. ຖ້າບໍ່ດັ່ງນັ້ນ ລັດຖະບານຂອງພວກເຮົາ ຈະບໍ່
ສາມາດ​ເຮັດຫຍັງໄດ້ ນອກຈາ​ກ​ເອົາ​ບາດກ້າວຢ່າງຈິງຈັງ ເພື່ອປ້ອງກັນບໍ່ໃຫ້
ເກີດຜົນເສຍຫາຍທາງດ້ານວັດຖຸ ແລະຈິດໃຈຕໍ່ບັນດາບໍລິສັດຂອງພວກເຮົາ
ອີກຕໍ່ໄປ.”


ທ່ານ Ryoo ໄດ້ກ່າວຢໍ້າຄືນອີກວ່າ ກຸງໂຊລຢາກໃຫ້ກຸງພຽງຢາງຮັບເອົາຄວາມຮັບຜິດ
ຊອບ ຕໍ່ການປິດໂຮງງານແຕ່ຝ່າຍດຽວ ແລະ​ໃຫ້ຮັບປະກັນວ່າ ການກະທໍາເຊັ່ນນັ້ນຈະ
ບໍ່ເກີດຂຶ້ນ ອີກ. ທ່ານເວົ້າວ່າ ຖ້າບໍ່ດັ່ງນັ້ນແລ້ວ ເກົາຫຼີໃຕ້ຈະຍຸຕິການຮ່ວມມື ຢູ່ໃນເຂດ
ອຸດສະຫະກໍາ ດັ່ງກ່າວ.

ກຸງພຽງຢາງໄດ້ປະຕິເສດບໍ່ຮັບເອົາຄວາມຮັບຜິດຊອບໃນການປິດເຂດອຸດສະຫະກໍາດັ່ງ
ກ່າວລົງ ແລະເວົ້າວ່າ ການ​ະທໍາຂອງຕົນໄດ້ຖືກບັງຄັບໂດຍການນາບຂູ່ຈາກເກົາຫຼີໃຕ້ ໂດຍສະເພາະ​ແລ້ວ ກໍແມ່ນການຊ້ອມລົບຮ່ວມກັບສະຫະລັດ.

ທ່ານ Ryoo ຍັງປະກາດອີກວ່າ ກຸງໂຊລຈະອະນຸມັດການຊ່ວຍເຫລືອດ້ານມະນຸດສະ
ທໍາທີ່ຈະສົ່ງໄປໃຫ້ແກ່ເກົາຫຼີເໜືອ 5 ຄັ້ງ ຊຶ່ງປະກົດວ່າ ເປັນການຊັກຊວນເກົາຫຼີເໜືອ
ໃຫ້ ຫັນມາທໍາການເຈລະຈາກັນ.
XS
SM
MD
LG