ເຈົ້າໜ້າທີ່ທະຫານຂັ້ນສູງຄົນນຶ່ງຂອງເກົາຫລີເໜືອ ໄດ້ຂູ່
ທີ່ຈະທຳການໂຈມຕີ ດ້ວຍອາວຸດນິວເຄລຍຕໍ່ສະຫະລັດ
ໂດຍກ່າວຫາວໍຊິງຕັນວ່າ ເຮັດໃຫ້ລະດັບຄວາມເຄ່ງຕຶງ
ທະວີສູງຂຶ້ນ ຢູ່ໃນແຫລມເກົາຫລີ.
ເປັນທີ່ຄິດກັນວ່າ ເກົາຫລີເໜືອນັ້ນ ແມ່ນຍັງຢູ່ໄກຫລາຍ
ຈາກການທີ່ຈະພັດທະນາລູກສອນໄຟ ຂີປະນາວຸດ ທີ່ຍິງໄດ້
ໄກພໍທີ່ຈະທຳການໂຈມຕີດັ່ງກ່າວໄດ້ ແຕ່ເກົາຫລີເໜືອກໍໄດ້
ເຄີຍກ່າວຄຳຂູ່ແບບນີ້ມາກ່ອນແລ້ວ.
ຈອມພົນໂທ Hwang Pyong So ເວົ້າໃນວັນອາທິດມື້ນີ້ວ່າ
ເກົາຫລີເໜືອຈະຍິງຈະຫລວດນິວເຄລຍ ມາໃສ່ທຳນຽບຂາວ ແລະ ຖານທັບແຫ່ງຕ່າງໆ
ຂອງສະຫະລັດ ຢູ່ອ້ອມແອ້ມມະຫະສະມຸດປາຊີຟິກ ຖ້າວໍຊິງຕັນ ຫາກພະຍາຍາມຈະບ່ອນ
ທຳລາຍ ອະທິປະໄຕ ແລະສິດທິ ຂອງເກົາຫລີເໜືອ ໃນການມີອາວຸດນິວເຄລຍ ແລະ ໃນ
ການນຳເອົາກຳປັ່ນ ບັນທຸກເຮືອບິນອອກປະຈຳການນັ້ນ.
ທ່ານ Hwang ໄດ້ກ່າວເຊັ່ນນັ້ນ ໃນການໂຮມຊຸມນຸມບັ້ນນຶ່ງ ເປັນຂີດໝາຍຄົບຮອບ 61 ປີ
ຂອງການເຊັນສັນຍາສະຫງົບເສິກ ທີ່ໄດ້ຍຸດຕິສົງຄາມເກົາຫລີ ລົງໃນປີ 1953 ນັ້ນ.