ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມີ​ນັກ​ຂ່າວ ຖືກ​ຄຸກ ຢູ່​ໃນທົ່ວ​ໂລກ ຫຼາຍ​ເປັນ​ ປະ​ຫວັດ​ການ


ພວກ​ນັກ​ຂ່າວ​ພາ​ກັນ​ປະ​ທ້ວງ ຕໍ່​ການ​ຄຸມ​ຂັງ​ນັກ​ຂ່າວວາ​ໂລນ ແລະ ໂຈ ຊ​ໍ ອູ ຂອງ​ອົງ​ການ​ຂ່າວ​ຣອຍ​ເຕີ້ ທີ່​ມຽນ​ມາ.
ພວກ​ນັກ​ຂ່າວ​ພາ​ກັນ​ປະ​ທ້ວງ ຕໍ່​ການ​ຄຸມ​ຂັງ​ນັກ​ຂ່າວວາ​ໂລນ ແລະ ໂຈ ຊ​ໍ ອູ ຂອງ​ອົງ​ການ​ຂ່າວ​ຣອຍ​ເຕີ້ ທີ່​ມຽນ​ມາ.

ພວກ​ນັກ​ຂ່າວ​ໄດ້​ຖືກ​ຄຸກຢູ່​ໃນ​ທົ່ວ​ໂລກເປັນ​ຈຳ​ນວນ​ຫຼວງ​ຫຼາຍ​ແບບ​ທີ່​ບໍ່​ເຄີຍ​ມີ​ມາ​ກ່ອນ
ໂດຍ​ມີ 262 ຄົນ ຖືກ​ຄຸມ​ຂັງ ​ຍ້ອນ​ວຽກ​ການ ​ຂອງ​ພວກ​ເຂົາ​ເຈົ້າ ໃນ​ທ້າຍ​ປີ 2017 ​ອີງ
​ຕາມ​ຄະ​ນະ​ກຳ​ມະ​ການ​ປົກ​ປ້ອງ​ນັກ​ຂ່າວ ຫຼື CPJ.

ທ່ານ​ໂຈ ຊາຍມອນ ຫົວ​ໜ້າ​ບໍ​ລິ​ຫານ ​ຂອງ​ອົງ​ການ CPJ ກ່າວ​ລາຍ​ງານ​ກ່ຽວ​ກັບ​ເສ​ລີ​
ພາບ​ດ້ານ​ການ​ຂ່າວ ທີ່​ອົງ​ການ​ສະ​ຫະ​ປະ​ຊາ​ຊາດ​ໃນ​ວັນ​ສຸກວານນີ້.

ມາ​ຮອດ​ທ້າຍ​ປີ 2017 ປະ​ເທດ ​ທີ່​ຄຸມ​ຂັງ​ພວກ​ນັກ​ຂ່າວ​ຫຼາຍ​ທີ່​ສຸດ​ ແມ່ນ​ເທີ​ກີ ຄື​ມີ​ນັກ​
ຂ່າວຖືກ​ຄຸກ 73 ຄົນ ຈີນ​ມີ 41 ຄົນ ແລະ​ອີ​ຈິບ ມີ 20 ຄົນ.

ອົງ​ການ CPJ ກ່າວ​ວ່າ ຫຼາຍກວ່າ​ເຄິ່ງນຶ່ງຂອງ​ພວກ​ນັກ​ຂ່າວ​ທີ່​ຖືກ​ຄຸມ​ຂັງ ແມ່ນຍ້ອນ
​ລາຍ​ງານ​ການ​ລະ​ເມີດ​ສິດ​ທິ​ມະ​ນຸດ.

A Pakistani American Startup Fighting Media Censorship
please wait

No media source currently available

0:00 0:02:01 0:00

ທ່ານ​ຊາຍມອນ​ກ່າວ​ຕື່ມ​ວ່າ ອົງ​ການ​ສະ​ຫະ​ປະ​ຊາ​ຊາດ ​ບໍ່​ໃຊ້​ສິດ​ໃຊ້​ສຽງ​ທີ່​ເຂັ້ມ​ແຂງ​ພໍ
ກ່ຽວ​ກັບ​ເລື້ອງນີ້ ຍ້ອນ​ມີ​ວັດ​ທະ​ນະ​ທຳ ທີ່​ບໍ່​ຄ່ອຍ​ລະ​ບຸ​ຊື່ ແລະ​ຕ້​ອງ​ຕິ​ປະເທດ​ສະ​ມາ​ຊິກ.

ການ​ຖະ​ແຫຼງ​ຂ່າວ ຊຶ່ງ​ຈັດ​ຂຶ້ນ​ຢູ່​ຂ້າງນອກ ຂອງກອງ​ປະ​ຊຸມ​ປະ​ຈຳ​ປີສະ​ມັດ​ຊາ​ໃຫຍ່​ອົງ​
ການ​ສະ​ຫະ​ປະ​ຊາ​ຊາດ ໄດ້​ເນັ້ນ​ຢ້ຳ​ເຖິງ​ຄະ​ດີ​ນັກ​ຂ່າວ 5 ຄົນ ທີ່​ອົງການ CPJ ເວົ້າ​ວ່າ
ໄດ້​ຖືກ​ຄຸມ​ຂັງ​ແບບ​ບໍ່​ເປັນ​ທຳ. ພວກ​ເຂົາ​ເຈົ້າ​ແມ່ນ​ເປັນ​ນັກຂ່າວ​ຢູ່​ໃນ​ບັງ​ກ​ລາ​ແດັ​ສ ກຽກ
​ກິ​ສ​ຖານ ອິ​ຈິບ ແລະ​ມຽນ​ມາ.

​ນັກ​ຂ່າວ​ຈໍ ໂຊ ອູ ແລະ ວາ​ ໂລນ ຖືກ​ຕຳ​ຫຼວດ ມຽນ​ມາ ນຳ​ຕົວ​ໄປ ຄຸມ​ຂັງ
​ນັກ​ຂ່າວ​ຈໍ ໂຊ ອູ ແລະ ວາ​ ໂລນ ຖືກ​ຕຳ​ຫຼວດ ມຽນ​ມາ ນຳ​ຕົວ​ໄປ ຄຸມ​ຂັງ

ຄະ​ດີ​ທີ່​ໂດດ​ເດັ່ນ​ສຸດ ກໍ​ແມ່ນ​ຄະ​ດີ​ ນັກ​ຂ່າ​ວ​ຣອຍ​ເຕີ້ 2 ຄົນ ຄື​ທ່ານ​ວາ​ໂລນ ແລະ​ທ່າ​ນຈໍ
ໂຊ ອູ ຢູ່​ໃນ​ມຽນ​ມາ. ບຸກ​ຄົນ​ທັງ 2 ຖືກ​ຈັບ​ໃນ​ເດືອນ​ທັນ​ວາ ​ປີ 2017 ໃນ​ຂະ​ນະ​ທີ່​ພວກ
ເຂົາ​ເຈົ້າ​ກຳ​ລັງ​ສືບ​ສວນ​ເບິ່ງ ການ​ສັງ​ຫານ​ໝູ່​ຊາວ​ມຸ​ສ​ລິມ​ໂຣ​ຮິງຢາ ໂດຍ​ພວກ​ຊາວ​ບ້ານ
​ທີ່​ນັບ​ຖື​ສາ​ສະ​ໜາ​ພຸດ ຢູ່​ບ້ານ​ອິນ​ດິນ ໃນ​ລັດ​ຣາ​ໄຄ​ນ໌.

ທະ​ຫານ​ມຽນ​ມາ​ ໄດ້​ເລີ້ມ​ປາບ​ປາມ​ພວກ​ຊົນ​ກຸ່ມ​ນ້ອຍ ​ຊາວ​ໂຣ​ຮິງ​ຢາ ໃນ​ເດືອນ​ສິງຫາ​ປີ
2017 ຫຼັງ​ຈາກ​ພວກ​ຫົວ​ຮຸນ​ແຮງ​ ໄດ້ໂຈມ​ຕີ​ດ່ານ​ກວດຂ​ອງ​ຕຳ​ຫຼວດ​ແລະໄດ້ສັງ​ຫານ​ຕຳ
​ຫຼວດ 10 ກວ່າ​ຄົນ. ໃນ​ໄລ​ຍະ​ບໍ່​ເທົ່າ​ໃດ​ເດືອນ​ຕໍ່​ມາກໍ​ມີ​ຊາວ​ໂຣ​ຮິງຢ​າ​ຫຼາຍກວ່າ 7 ແສນ
ຄົນ ​ຫລົບ​ໜີ​ເຂົ້າ​ໄປ​ໃນ​ບັງ​ກ​ລາ​ແດັ​ສ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

XS
SM
MD
LG