ລັດຖະມົນຕີກະຊວງຍຸຕິທຳຂອງສະຫະລັດ ທ່ານແຈັຟ ແຊັສສັນສ໌ ໃນວັນສຸກວານນີ້
ໄດ້ປະກາດນະໂຍບາຍ ທີ່ “ບໍ່ມີການຜ່ອນຜັນເດັດຂາດ” ຕໍ່ການຂ້າມຊາຍແດນແບບ
ຜິດກົດໝາຍ ເຂົ້າມາໃນສະຫະລັດ ໂດຍສັ່ງໃຫ້ພວກໄອຍະການລັດຖະບານກາງ ທີ່
ຢູ່ໃນພາກໃຕ້ຂອງປະເທດ ດຳເນີນທຸກໆຄະດີ ກ່ຽວກັບການເຂົ້າເມືອງ ແບບຜິດກົດ
ໝາຍ ທີ່ກະຊວງຮັກສາຄວາມປອດໄພພາຍໃນສົ່ງໃຫ້ນັ້ນ.
ໃນບັນທຶກທີ່ຍາວນຶ່ງໜ້າ ທ່ານແຊັສສັນສ໌ໄດ້ຮຽກຮ້ອງໃຫ້ພວກທະນາຍຄວາມຂອງ
ສະຫະລັດ ຢູ່ທີ່ລັດຊາຍແດນ ເຊັ່ນ ອາຣີໂຊນາ ຄາລີຟໍເນຍ ນິວເມັກຊິໂກແລະເທັກ-
ຊັສ “ນຳໃຊ້ໃນທັນທີ ນະໂຍບາຍ ທີ່ບໍ່ມີການຜ່ອນຜັນເດັດຂາດຕໍ່ການກະທຳຜິດ ທີ່
ສະເໜີໃຫ້ທຳການຟ້ອງຮ້ອງ” ພາຍໃຕ້ກົດໝາຍ ທີ່ຖືວ່າເປັນຄວາມຜິດໃນການເຂົ້າ
ມາສະຫະລັດໂດຍ ທີ່ບໍ່ມີເອກກະສານຢ່າງຖືກຕ້ອງຕາມກົດໝາຍ.
ທ່ານແຊັສສັນສ໌ຂຽນວ່າ “ນະໂຍບາຍບໍ່ມີການຜ່ອນຜັນ ຈະໃຊ້ແທນນະໂຍບາຍໃດໆກໍ
ຕາມທີ່ມີຢູ່ໃນປັດຈຸບັນນີ້. ຖ້າການນຳໃຊ້ນະໂຍບາຍດັ່ງກ່າວຫາກຕ້ອງການຊັບພະຍາ ກອນເພີ້ມຕື່ມ ຫ້ອງການແຕ່ລະແຫ່ງຈະຕ້ອງລະບຸ ແລະຮ້ອງຂໍຊັບພະຍາກອນນັ້ນຕື່ມ.”
ໃນຕອນແລງວັນສຸກວານນີ້ ປະທານາທິບໍດີດໍໂນລ ທຣຳ ໄດ້ລົງນາມໃນບົດບັນທຶກ ທີ່
ສັ່ງໃຫ້ຢຸດເຊົານະໂຍບາຍ ທີ່ຮູ້ກັນໃນຊື່ “ຈັບແລ້ວປ່ອຍ.” ພາຍໃຕ້ນະໂຍບາຍດັ່ງກ່າວ ພວກທີ່ເຂົ້າເມືອງຜິດກົດໝາຍໄດ້ຖືກປ່ອຍຈາກສູນກັກຂັງໃນຂະນະທີ່ລໍຖ້າການຟ້ອງ ຮ້ອງຈາກສານ.
ປະທານາທິບໍດີທຳໄດ້ໃຫ້ສັນຍາໃນລະຫວ່າງການໂຄສະນາຫາສຽງການເລືອກຕັ້ງປະ
ທານາທິບໍດີໃນປີ 2016 ທີ່ຈະຢຸດເຊົານະໂຍບາຍດັ່ງກ່າວ.
ໃນເດືອນເມສາປີກາຍນີ້ ທ່ານແຊັສສັນສ໌ ກໍໄດ້ສົ່ງບັນທຶກ ແບບດຽວກັນນີ້ໄປຫາພວກ
ທະນາຍຄວາມ ຂອງລັດຖະບານກາງສະຫະລັດ ໃນທົ່ວປະເທດໂດຍຮ້ອງຂໍໃຫ້ພວກ
ເຂົາເຈົ້າຂະຫຍາຍການຟ້ອງຮ້ອງ ກ່ຽວກັບພວກຄົນເຂົ້າເມືອງ. ແຕ່ບັນ ທຶກດັ່ງກ່າວກໍ
ເຕືອນໃຫ້ດຳເນີນການ ແບບລະມັດລະວັງ ໃນການຟ້ອງຮ້ອງຕໍ່ພວກທີ່ລັກລອບຂ້າມ
ຊາຍແດນຢ່າງຜິດກົດໝາຍ.
ເຈົ້າໜ້າທີ່ກະຊວງຍຸຕິທຳຄົນນຶ່ງ ໄດ້ກ່າວໃຫ້ການຊີ້ແຈງໂດຍຂໍສະຫງວນຊື່ວ່າ “ເທື່ອ
ນີ້ ແມ່ນຈະແຈ້ງ ການນຳສະເໜີໂດຍກະຊວງຮັກສາຄວາມປອດໄພພາຍໃນ ຈຳເປັນ
ຕ້ອງໄດ້ມີການຟ້ອງຮ້ອງ ໃນຂອບເຂດທີ່ເໝາະສົມ.”
