ຄາດວ່າ ບັນດາບໍລິສັດເອກກະຊົນຍີ່ປຸ່ນ ຈະພາກັນຍ້າຍ ຖານ
ການລົງທຶນ ຈາກຈີນ ແລະໄທ ເຂົ້າມາໃນລາວ ຫຼາຍຂື້ນນັບມື້
ໂດຍມີສາເຫດມາຈາກຄ່າຈ້າງແຮງງານຈີນສູງຂຶ້ນ ແລະບັນຫາ
ທາງການເມືອງໄທ
ອົງການການຄ້າຕ່າງປະເທດແຫ່ງຍີ່ປຸ່ນ (JETRO) ລາຍງານ
ວ່າ ບັນດາບໍລິສັດເອກກະຊົນຍີ່ປຸ່ນ ຈະຍ້າຍຖານການລົງທຶນ
ຈາກຈີນແລະໄທ ເຂົ້າມາໃນລາວຫຼາຍຂຶ້ນໃນລະຍະຕໍ່ໄປນີ້ ໂດຍມີສາເຫດມາຈາກຄ່າຈ້າງ
ແຮງງານ ທີ່ປັບຕົວສູງຂຶ້ນຢ່າງຕໍ່ເນື່ອງ ຢູ່ໃນປະເທດຈີນ. ສ່ວນຢູ່ໃນປະເທດໄທນັ້ນ ກໍເປັນ
ຍ້ອນບັນຫາໄພນໍ້າຖ້ວມ ແລະຄວາມຂັດແຍ້ງທາງການເມືອງ ທີ່ຍັງບໍ່ມີທ່າທີວ່າຈະສາມາດ
ຕົກລົງກັນໄດ້ ເມື່ອໃດແທ້.
ເພື່ອເປັນການຕຽມພ້ອມຮອງຮັບການເຂົ້າມາລົງທຶນໃນລາວ ຂອງບັນດາບໍລິສັດເອກກະ
ຊົນ ຍີ່ປຸ່ນດັ່ງກ່າວ ອົງການ JETRO ກໍມີກໍາໜົດການທີ່ຈະເປີດສໍານັກງານປະຈໍາລາວ
ຢູ່ນະຄອນວຽງຈັນໃນຕົ້ນປີ 2014 ຊຶ່ງກໍຖືເປັນສ່ວນນຶ່ງຂອງການຕົກລົງຮ່ວມມືໃນຫຼາຍໆ
ດ້ານ ທີ່ໄດ້ມີຂຶ້ນ ໃນໂອກາດທີ່ທ່ານ Shinzo Abe ນາຍົກລັດຖະມົນຕີຍີ່ປຸ່ນ ເດີນທາງ
ຢ້ຽມຢາມລາວຢ່າງເປັນທາງການໃນເດືອນພະຈິກ ທີ່ຜ່ານມາ ດັ່ງທີ່ທ່ານທອງສິງ ທໍາມະ
ວົງ ນາຍົກລັດຖະມົນຕີລາວ ໄດ້ຖະແຫຼງຢືນຢັນວ່າ:
“ສອງຝ່າຍໄດ້ເຫັນດີທີ່ຈະຕ້ອງເປີດຫ້ອງການຜູ້ຕາງໜ້າອົງການການຄ້າສາກົນ
JETRO ທີ່ນະຄອນຫຼວງວຽງຈັນໃນໄວໆນີ້. ຍີ່ປຸ່ນໄດ້ຢັ້ງຢືນ ທີ່ຈະສືບຕໍ່ໃຫ້ການ
ຊ່ວຍເຫຼືອທາງດ້ານທຶນຮອນ ເພື່ອຂະຫຍາຍອາຄານໂດຍສານສະໜາມບິນວັດ
ໄຕ ລະຍະ 3 ແລະໂຄງການເງິນກູ້ຢືມດອກເບ້ຍຕໍ່າເພື່ອຫຼຸດຜ່ອນຄວາມທຸກຍາກ.”
ກ່ອນໜ້ານີ້ ກອງປະຊຸມຄັ້ງທີ 6 ວ່າດ້ວຍການເຈລະຈາລະຫວ່າງພາກລັດ ແລະເອກກະ
ຊົນລາວກັບຍີ່ປຸ່ນ ທີ່ໄດ້ຈັດຂຶ້ນຢູ່ນະຄອນວຽງຈັນ ໃນທ້າຍປີ 2012 ທີ່ຜ່ານມານັ້ນ ບັນດາ
ຜູ້ແທນ ຂອງບໍລິສັດເອກກະຊົນຍີ່ປຸ່ນ ຕ່າງກໍໄດ້ໃຫ້ການຢືນຢັນວ່າ ລາວຄືຈຸດໝາຍການ
ລົງທຶນທີ່ສໍາຄັນ ຂອງບັນດາບໍລິສັດເອກກະຊົນຍີ່ປຸ່ນ.
ໂດຍຂະແໜງການທີ່ບັນດາບໍລິສັດເອກກະຊົນຍີ່ປຸ່ນໄດ້ໃຫ້ຄວາມສົນໃຈ ທີ່ຈະເຂົ້າມາ
ລົງທຶນໃນລາວຫຼາຍທີ່ສຸດນັ້ນ ກໍຄືພາກການກະເສດ ແລະອຸດສາຫະກໍາແປຮູບສິນຄ້າ
ກະເສດຕິດຕາມດ້ວຍພາກພະລັງງານ ການສຶກສາ ສາທາລະນະສຸກ ການຂຸດຄົ້ນແຮ່
ທາດ ແລະພາກບໍລິການຕາມລໍາດັບ ຫາກແຕ່ວ່າບັນດາບໍລິສັດເອກກະຊົນຍີ່ປຸ່ນ ກໍໄດ້
ເນັ້ນຢໍ້າວ່າ ບໍລິສັດຂອງພວກຕົນຈະເຂົ້າມາລົງທຶນໃນລາວຢ່າງແທ້ຈິງນັ້ນ ກໍຈະຕ້ອງມີ
ການພັດທະນາລະບົບພື້ນຖານໂຄງລ່າງຕ່າງໆໃນລາວ ໃຫ້ພ້ອມເສຍກ່ອນ.
ພິທີລົງນາມຮ່ວມລົງທຶນທີ່ໃຊ້ຊື່ວ່າບໍລິສັດສະຫວັນ-ຍີ່ປຸ່ນຮ່ວມພັດທະນາຈໍາກັດ.
ດ້ວຍການເນັ້ນຢໍ້າດັ່ງກ່າວຂອງບັນດາບໍລິສັດເອກກະຊົນຍີ່ປຸ່ນ
ຈຶ່ງເຮັດໃຫ້ທາງການລາວມີຄວາມເຊື່ອໝັ້ນວ່າ ຈະສາມາດຕອບ
ສະໜອງໄດ້ຢ່າງແນ່ອນ ທັງນີ້ກໍດ້ວຍການເລັ່ງພັດທະນາເສດ
ຖະກິດພິເສດ ແລະ ເຂດເສດຖະກິດສະເພາະ ເພື່ອຮອງຮັບ
ການລົງທຶນ ຂອງບັນດາບໍລິສັດເອກກະຊົນຍີ່ປຸ່ນ ເປັນສໍາຄັນ
ໂດຍລ່າສຸດກໍໄດ້ມີການຮ່ວມລົງ ທຶນພັດທະນາເຂດເສດຖະກິດ
ພິເສດສະຫວັນ-ເຊໂນ ຢູ່ແຂວງສະຫວັນນະເຂດ ຊຶ່ງເປັນການ
ຕົກລົງ 3 ຝ່າຍລະຫວ່າງ ບໍລິສັດເຂດເສດຖະກິດພິເສດພະນົມ
ເປັນຈໍາກັດ ຂອງເອກກະຊົນຍີ່ປຸ່ນ ກັບບໍລິສັດນໍ້າທາກໍ່ສ້າງຂົວ
ທາງຈໍາກັດ ແລະອົງການຄຸ້ມຄອງ ເຂດເສດຖະກິດພິເສດ ສະ
ຫວັນ-ເຊໂນ ໂດຍສ້າງຕັ້ງ ເປັນບໍລິສັດຮ່ວມລົງທຶນ ທີ່ໃຊ້ຊື່ວ່າບໍລິສັດສະຫວັນ-ຍີ່ປຸ່ນ ຮ່ວມພັດທະນາຈໍາກັດ.
ໂດຍບໍລິສັດຮ່ວມລົງທຶນທີ່ສ້າງຕັ້ງຂຶ້ນໃໝ່ດັ່ງກ່າວນີ້ ຈະດໍາເນີນການພັດທະນາພື້ນທີ່
ກວ້າງ 220 ເຮັກຕ້າຢູ່ໃນເຂດ B ຂອງເຂດເສດຖະກິດພິເສດສະຫວັນ-ເຊໂນ ເພື່ອຮອງຮັບການລົງທຶນດ້ານເທັກໂນໂລຈີ່ ທີ່ທັນສະໄໝຈາກຕ່າງປະເທດ ໂດຍສະເພາະແມ່ນ
ການລົງທຶນຈາກຍີ່ປຸ່ນ ໃຫ້ຫຼາຍຂຶ້ນຢ່າງຕໍ່ເນື່ອງ ຊຶ່ງທີ່ຜ່ານມາກໍມີບໍລິສັດຍີ່ປຸ່ນ 2 ລາຍ
ແລ້ວ ທີ່ໄດ້ເຂົ້າໄປລົງທຶນຢູ່ໃນ ເຂດດັ່ງກ່າວນີ້ ກໍຄືບໍລິສັດ Nikon ຊຶ່ງເປັນບໍລິສັດຍັກ
ໃຫຍ່ຂອງໂລກ ໃນດ້ານການຜະລິດ ກ້ອງຖ່າຍຮູບ ແລະບໍລິສັດ Log-Item ຈໍາກັດ ຊຶ່ງ
ດໍາເນີນທຸລະກິດໃນດ້ານອຸດສາຫະກໍາການແປຮູບໄມ້ ຫຼືເຈ້ຍກະດາດ ແລະຍັງຈະມີບໍ
ລິສັດເອກກະຊົນຍີ່ປຸ່ນອີກຫຼາຍລາຍ ທີ່ຈະຫຼັ່ງໄຫຼເຂົ້າມາເພີ່ມຂຶ້ນອີກ ຊຶ່ງລວມເຖິງບໍລິສັດ
ລົດຍົນ TOYOTA ດ້ວຍ.
ໂດຍອິງຕາມລາຍງານ ຂອງກະຊວງແຜນການແລະການລົງທຶນຂອງລາວ ທີ່ໄດ້ລະບຸວ່າ
ໃນຊ່ວງປີ 1989 ເປັນຕົ້ນມາ ບັນດາບໍລິສັດຍີ່ປຸ່ນໄດ້ເຂົ້າມາລົງທຶນໃນລາວ ຄິດເປັນມູນ
ຄ່າລວມ 428 ລ້ານໂດລ່າ ໂດຍເປັນການລົງທຶນໃນ 104 ໂຄງການ ແລະຖືເປັນມູນຄ່າ
ການລົງທຶນໃນລາວ ຫຼາຍອັນດັບທີ 7.
ການລົງທຶນ ຈາກຈີນ ແລະໄທ ເຂົ້າມາໃນລາວ ຫຼາຍຂື້ນນັບມື້
ໂດຍມີສາເຫດມາຈາກຄ່າຈ້າງແຮງງານຈີນສູງຂຶ້ນ ແລະບັນຫາ
ທາງການເມືອງໄທ
ອົງການການຄ້າຕ່າງປະເທດແຫ່ງຍີ່ປຸ່ນ (JETRO) ລາຍງານ
ວ່າ ບັນດາບໍລິສັດເອກກະຊົນຍີ່ປຸ່ນ ຈະຍ້າຍຖານການລົງທຶນ
ຈາກຈີນແລະໄທ ເຂົ້າມາໃນລາວຫຼາຍຂຶ້ນໃນລະຍະຕໍ່ໄປນີ້ ໂດຍມີສາເຫດມາຈາກຄ່າຈ້າງ
ແຮງງານ ທີ່ປັບຕົວສູງຂຶ້ນຢ່າງຕໍ່ເນື່ອງ ຢູ່ໃນປະເທດຈີນ. ສ່ວນຢູ່ໃນປະເທດໄທນັ້ນ ກໍເປັນ
ຍ້ອນບັນຫາໄພນໍ້າຖ້ວມ ແລະຄວາມຂັດແຍ້ງທາງການເມືອງ ທີ່ຍັງບໍ່ມີທ່າທີວ່າຈະສາມາດ
ຕົກລົງກັນໄດ້ ເມື່ອໃດແທ້.
ເພື່ອເປັນການຕຽມພ້ອມຮອງຮັບການເຂົ້າມາລົງທຶນໃນລາວ ຂອງບັນດາບໍລິສັດເອກກະ
ຊົນ ຍີ່ປຸ່ນດັ່ງກ່າວ ອົງການ JETRO ກໍມີກໍາໜົດການທີ່ຈະເປີດສໍານັກງານປະຈໍາລາວ
ຢູ່ນະຄອນວຽງຈັນໃນຕົ້ນປີ 2014 ຊຶ່ງກໍຖືເປັນສ່ວນນຶ່ງຂອງການຕົກລົງຮ່ວມມືໃນຫຼາຍໆ
ດ້ານ ທີ່ໄດ້ມີຂຶ້ນ ໃນໂອກາດທີ່ທ່ານ Shinzo Abe ນາຍົກລັດຖະມົນຕີຍີ່ປຸ່ນ ເດີນທາງ
ຢ້ຽມຢາມລາວຢ່າງເປັນທາງການໃນເດືອນພະຈິກ ທີ່ຜ່ານມາ ດັ່ງທີ່ທ່ານທອງສິງ ທໍາມະ
ວົງ ນາຍົກລັດຖະມົນຕີລາວ ໄດ້ຖະແຫຼງຢືນຢັນວ່າ:
“ສອງຝ່າຍໄດ້ເຫັນດີທີ່ຈະຕ້ອງເປີດຫ້ອງການຜູ້ຕາງໜ້າອົງການການຄ້າສາກົນ
JETRO ທີ່ນະຄອນຫຼວງວຽງຈັນໃນໄວໆນີ້. ຍີ່ປຸ່ນໄດ້ຢັ້ງຢືນ ທີ່ຈະສືບຕໍ່ໃຫ້ການ
ຊ່ວຍເຫຼືອທາງດ້ານທຶນຮອນ ເພື່ອຂະຫຍາຍອາຄານໂດຍສານສະໜາມບິນວັດ
ໄຕ ລະຍະ 3 ແລະໂຄງການເງິນກູ້ຢືມດອກເບ້ຍຕໍ່າເພື່ອຫຼຸດຜ່ອນຄວາມທຸກຍາກ.”
ກ່ອນໜ້ານີ້ ກອງປະຊຸມຄັ້ງທີ 6 ວ່າດ້ວຍການເຈລະຈາລະຫວ່າງພາກລັດ ແລະເອກກະ
ຊົນລາວກັບຍີ່ປຸ່ນ ທີ່ໄດ້ຈັດຂຶ້ນຢູ່ນະຄອນວຽງຈັນ ໃນທ້າຍປີ 2012 ທີ່ຜ່ານມານັ້ນ ບັນດາ
ຜູ້ແທນ ຂອງບໍລິສັດເອກກະຊົນຍີ່ປຸ່ນ ຕ່າງກໍໄດ້ໃຫ້ການຢືນຢັນວ່າ ລາວຄືຈຸດໝາຍການ
ລົງທຶນທີ່ສໍາຄັນ ຂອງບັນດາບໍລິສັດເອກກະຊົນຍີ່ປຸ່ນ.
ໂດຍຂະແໜງການທີ່ບັນດາບໍລິສັດເອກກະຊົນຍີ່ປຸ່ນໄດ້ໃຫ້ຄວາມສົນໃຈ ທີ່ຈະເຂົ້າມາ
ລົງທຶນໃນລາວຫຼາຍທີ່ສຸດນັ້ນ ກໍຄືພາກການກະເສດ ແລະອຸດສາຫະກໍາແປຮູບສິນຄ້າ
ກະເສດຕິດຕາມດ້ວຍພາກພະລັງງານ ການສຶກສາ ສາທາລະນະສຸກ ການຂຸດຄົ້ນແຮ່
ທາດ ແລະພາກບໍລິການຕາມລໍາດັບ ຫາກແຕ່ວ່າບັນດາບໍລິສັດເອກກະຊົນຍີ່ປຸ່ນ ກໍໄດ້
ເນັ້ນຢໍ້າວ່າ ບໍລິສັດຂອງພວກຕົນຈະເຂົ້າມາລົງທຶນໃນລາວຢ່າງແທ້ຈິງນັ້ນ ກໍຈະຕ້ອງມີ
ການພັດທະນາລະບົບພື້ນຖານໂຄງລ່າງຕ່າງໆໃນລາວ ໃຫ້ພ້ອມເສຍກ່ອນ.
ດ້ວຍການເນັ້ນຢໍ້າດັ່ງກ່າວຂອງບັນດາບໍລິສັດເອກກະຊົນຍີ່ປຸ່ນ
ຈຶ່ງເຮັດໃຫ້ທາງການລາວມີຄວາມເຊື່ອໝັ້ນວ່າ ຈະສາມາດຕອບ
ສະໜອງໄດ້ຢ່າງແນ່ອນ ທັງນີ້ກໍດ້ວຍການເລັ່ງພັດທະນາເສດ
ຖະກິດພິເສດ ແລະ ເຂດເສດຖະກິດສະເພາະ ເພື່ອຮອງຮັບ
ການລົງທຶນ ຂອງບັນດາບໍລິສັດເອກກະຊົນຍີ່ປຸ່ນ ເປັນສໍາຄັນ
ໂດຍລ່າສຸດກໍໄດ້ມີການຮ່ວມລົງ ທຶນພັດທະນາເຂດເສດຖະກິດ
ພິເສດສະຫວັນ-ເຊໂນ ຢູ່ແຂວງສະຫວັນນະເຂດ ຊຶ່ງເປັນການ
ຕົກລົງ 3 ຝ່າຍລະຫວ່າງ ບໍລິສັດເຂດເສດຖະກິດພິເສດພະນົມ
ເປັນຈໍາກັດ ຂອງເອກກະຊົນຍີ່ປຸ່ນ ກັບບໍລິສັດນໍ້າທາກໍ່ສ້າງຂົວ
ທາງຈໍາກັດ ແລະອົງການຄຸ້ມຄອງ ເຂດເສດຖະກິດພິເສດ ສະ
ຫວັນ-ເຊໂນ ໂດຍສ້າງຕັ້ງ ເປັນບໍລິສັດຮ່ວມລົງທຶນ ທີ່ໃຊ້ຊື່ວ່າບໍລິສັດສະຫວັນ-ຍີ່ປຸ່ນ ຮ່ວມພັດທະນາຈໍາກັດ.
ໂດຍບໍລິສັດຮ່ວມລົງທຶນທີ່ສ້າງຕັ້ງຂຶ້ນໃໝ່ດັ່ງກ່າວນີ້ ຈະດໍາເນີນການພັດທະນາພື້ນທີ່
ກວ້າງ 220 ເຮັກຕ້າຢູ່ໃນເຂດ B ຂອງເຂດເສດຖະກິດພິເສດສະຫວັນ-ເຊໂນ ເພື່ອຮອງຮັບການລົງທຶນດ້ານເທັກໂນໂລຈີ່ ທີ່ທັນສະໄໝຈາກຕ່າງປະເທດ ໂດຍສະເພາະແມ່ນ
ການລົງທຶນຈາກຍີ່ປຸ່ນ ໃຫ້ຫຼາຍຂຶ້ນຢ່າງຕໍ່ເນື່ອງ ຊຶ່ງທີ່ຜ່ານມາກໍມີບໍລິສັດຍີ່ປຸ່ນ 2 ລາຍ
ແລ້ວ ທີ່ໄດ້ເຂົ້າໄປລົງທຶນຢູ່ໃນ ເຂດດັ່ງກ່າວນີ້ ກໍຄືບໍລິສັດ Nikon ຊຶ່ງເປັນບໍລິສັດຍັກ
ໃຫຍ່ຂອງໂລກ ໃນດ້ານການຜະລິດ ກ້ອງຖ່າຍຮູບ ແລະບໍລິສັດ Log-Item ຈໍາກັດ ຊຶ່ງ
ດໍາເນີນທຸລະກິດໃນດ້ານອຸດສາຫະກໍາການແປຮູບໄມ້ ຫຼືເຈ້ຍກະດາດ ແລະຍັງຈະມີບໍ
ລິສັດເອກກະຊົນຍີ່ປຸ່ນອີກຫຼາຍລາຍ ທີ່ຈະຫຼັ່ງໄຫຼເຂົ້າມາເພີ່ມຂຶ້ນອີກ ຊຶ່ງລວມເຖິງບໍລິສັດ
ລົດຍົນ TOYOTA ດ້ວຍ.
ໂດຍອິງຕາມລາຍງານ ຂອງກະຊວງແຜນການແລະການລົງທຶນຂອງລາວ ທີ່ໄດ້ລະບຸວ່າ
ໃນຊ່ວງປີ 1989 ເປັນຕົ້ນມາ ບັນດາບໍລິສັດຍີ່ປຸ່ນໄດ້ເຂົ້າມາລົງທຶນໃນລາວ ຄິດເປັນມູນ
ຄ່າລວມ 428 ລ້ານໂດລ່າ ໂດຍເປັນການລົງທຶນໃນ 104 ໂຄງການ ແລະຖືເປັນມູນຄ່າ
ການລົງທຶນໃນລາວ ຫຼາຍອັນດັບທີ 7.
