ຕຳຫຼວດອີຕາລີ ກ່າວວ່າ ພວກເຂົາເຈົ້າ ໄດ້ຈັບກຸມ ຊາຍ Morocco
ທີ່ສົງໄສວ່າພົວພັນກັບການໂຈມຕີໃນວັນທີ 18 ມີນາຜ່ານມານີ້
ທີ່ຫໍພິພິດທະພັນ ໃນ Tunisia ທີ່ໄດ້ສັງຫານ 22 ຄົນ ນັ້ນ.
ຕຳຫຼວດ ໄດ້ບອກກັບພວກນັກຂ່າວໃນວັນພຸດມື້ນີ້ວ່າ ຊາຍຜູ້
ຕ້ອງສົງໄສ ໄວ 22 ປີຄົນນີ້ໄດ້ຖືກຈັບກຸມທີ່ເມືອງ Gaggiano
ໃກ້ໆກັບນະຄອນ Milan.
ຕຳຫຼວດຕ້ານການກໍ່ການຮ້າຍ ໄດ້ເປັນຜູ້ຈັບກຸມ. ສ່ວນລາຍ
ລະອຽດຕ່າງໆ ຄາດວ່າ ຈະມີການເປີດເຜີຍໃຫ້ຊາບຕື່ມ
ໃນວັນພຸດມື້ນີ້.
ກຸ່ມລັດອີສລາມ ໄດ້ອອກມາອ້າງເອົາຄວາມຮັບຜິດຊອບ ໃນການໂຈມຕີເມື່ອວັນທີ 18 ມີນາຜ່ານມານີ້ ຊຶ່ງມືປືນ ໄດ້ເປີດສາກຍິງໃສ່ລົດເມ ທີ່ເຕັມໄປດ້ວຍນັກທ່ອງທ່ຽວຕ່າງປະ ເທດ ຢູ່ຂ້າງນອກຫໍພິພິດທະພັນ ໃນນະຄອນ Tunis ແລະໄດ້ຍິງໃສ່ຂ້າງໃນຕຶກເຊັ່ນກັນ. ຕຳຫຼວດ Tunisia ໜຶ່ງຄົນ ໄດ້ເສຍຊີວິດ ພ້ອມກັນກັບພວກນັກທ່ອງທ່ຽວ 21 ຄົນ.
ຕຳຫຼວດ ໄດ້ຍິງສັງຫານພວກໂຈມຕີ 2 ຄົນ ໃນສະຖານທີ່ເກີດເຫດ ແລະໄດ້ກໍໄດ້ທຳການ
ຈັບກຸມ ຫຼາຍຄົນທີ່ພົວພັນກັບການໂຈມຕີຄັ້ງນີ້.
ການໂຈມຕີຄັ້ງນີ້ ໄດ້ເຮັດໃຫ້ຜູ້ຄົນ ຫຼາຍພັນຄົນ ລົງສູ່ທ້ອງຖະໜົນໃນນະຄອນ Tunis ເພື່ອປະທ້ວງຕໍ່ພວກຫົວຮຸນແຮງຈັດຢູ່ໃນປະເທດດັ່ງກ່າວ.