ອິສຣາແອລ ໄດ້ປິດກັ້ນທາງເຂົ້າຂອງລົດບັນທຸກຄວາມຊ່ວຍເຫຼືອໄປເຂດ ກາຊາ ເມື່ອວັນອາທິດວານນີ້ ເນື່ອງຈາກຄວາມຂັດແຍ້ງເລື່ອງຂໍ້ຕົກລົງຢຸດຍິງທີ່ຢຸດການສູ້ລົບໃນຊ່ວງ 6 ອາທິດທີ່ຜ່ານມາໄດ້ທະວີຄວາມຮຸນແຮງຂຶ້ນ ໂດຍກຸ່ມກໍ່ການຮ້າຍ ຮາມາສ ຊຶ່ງຖືກ ສະຫະລັດ ລະບຸນັ້ນ ໄດ້ຮຽກຮ້ອງໃຫ້ບັນດາຜູ້ໄກ່ເກ່ຍຈາກ ອີຈິບ ແລະ ກາຕ້າ ເຂົ້າແຊກແຊງ.
ບັນດາຜູ້ໄກ່ເກ່ຍ ອີຈິບ ແລະ ກາຕ້າ ໄດ້ກ່າວຫາ ອີສຣາແອລ ວ່າລ່ວງລະເມີດກົດໝາຍມະນຸດສະທຳ ດ້ວຍການໃຊ້ຄວາມອຶດຫິວເປັນອາວຸດ, ອີງຕາມອົງການຂ່າວ ເອພີ ລາຍງານ.
ຫ້ອງການຂອງນາຍົກລັດຖະມົນຕີ ອິສຣາແອລ ທ່ານ ເບັນຈາມິນ ເນຕັນຢາຮູ ໄດ້ກ່າວກ່ອນໜ້ານີ້ວ່າ ເຂົາເຈົ້າຮັບເອົາຂໍ້ສະເໜີໂດຍ ທ່ານ ສຕີຟ ວິດຄອຟ ທູດພິເສດຂອງປະທານາທິບໍດີ ສະຫະລັດ ທ່ານ ດໍໂນລ ທຣຳ, ສຳລັບການຢຸດຍິງຊົ່ວຄາວໃນເຂດກາຊາ ສຳລັບໄລຍະບຸນຖືສິນອົດ ຣາມາດານ ແລະ ເທດສະການລະດູບານໃໝ່, ບໍ່ເທົ່າໃດຊົ່ວໂມງຫຼັງຈາກໄລຍະທຳອິດຂອງການຢຸດຍິງທີ່ໄດ້ຕົກລົງກັນກ່ອນໜ້ານີ້ໝົດອາຍຸ.
ສະຫະລັດ ບໍ່ມີຄຳເຫັນໃນທັນທີ, ອົງການຂ່າວເອພີລາຍງານ.
ຖ້າມີການເຫັນດີກັນ, ການສະຫງົບເສິກດັ່ງກ່າວຈະຢຸດການຕໍ່ສູ້ໄປຈົນຮອດການສິ້ນສຸດຂອງໄລຍະອົດອາຫານ ຣາມາດານ ປະມານວັນທີ 31 ມີນາ ແລະ ວັນພັກລະດູບານໃໝ່ຂອງຊາວຢິວ ປະມານວັນທີ 20 ເມສາ.
ການສະຫງົບເສິກຈະເປັນເງື່ອນໄຂໃຫ້ກຸ່ມຮາມາສປ່ອຍຕົວປະກັນເຄິ່ງນຶ່ງທີ່ມີຊີວິດຢູ່ ແລະ ຜູ້ທີ່ໄດ້ເສຍຊີວິດແລ້ວໃນວັນທຳອິດ, ດ້ວຍຜູ້ທີ່ຍັງເຫຼືອຢູ່ຈະໄດ້ຮັບການປ່ອຍຕົວໃນໄລຍະສຸດທ້າຍ, ຖ້າຂໍ້ຕົກລົງໄດ້ຮັບການບັນລຸ ກ່ຽວກັບ ການຢຸດຍິງຖາວອນ.
ກຸ່ມຮາມາສເວົ້າວ່າເຂົາເຈົ້າມີຄວາມໝັ້ນໝາຍຕໍ່ການຢຸດຍິງທີ່ໄດ້ຕົກລົງກັນດັ້ງເດີມ ທີ່ມີກຳນົດຈະເຄື່ອນເຂົ້າສູ່ໄລຍະທີສອງ, ດ້ວຍການເຈລະຈາທີ່ແນເປົ້າໃສ່ການສິ້ນສຸດສົງຄາມຢ່າງຖາວອນ, ແລະ ເຂົາເຈົ້າໄດ້ປະຕິເສດຄວາມຄິດ ກ່ຽວກັບ ການຕໍ່ເວລາສະຫງົບເສິກຊົ່ວຄາວອອກໄປ 42 ວັນ.
ເຈົ້າໜ້າທີ່ອາວຸໂສຂອງກຸ່ມຮາມາສຄົນນຶ່ງ, ທ່ານ ມາກມູດ ມາດາວີ, ກ່າວຕໍ່ອົງການຂ່າວ ອາລ ຈາຊີຣາ ວ່າກຸ່ມດັ່ງກ່າວມີແຕ່ຈະປ່ອຍຕົວປະກັນ ອິສຣາແອລ ທີ່ຍັງເຫຼືອຢູ່ພາຍໃຕ້ເງື່ອນໄຂຂອງຂໍ້ຕົກລົງແບບຂັ້ນຕອນທີ່ໄດ້ຕົກລົງກັນໄວ້ແລ້ວເທົ່ານັ້ນ.
ເລຂາທິການໃຫຍ່ສະຫະປະຊາຊາດທ່ານ ແອນໂຕນີໂອ ກູເຕເຣສ ໄດ້ຮຽກຮ້ອງສຳລັບ “ການສົ່ງການຊ່ວຍເຫຼືອດ້ານມະນຸດສະທຳເຂົ້າໄປໃນເຂດກາຊາໃນທັນທີ,” ຮຽກຮ້ອງ “ທຸກຝ່າຍເພື່ອທຳຄວາມພະຍາຍາມທີ່ຈຳເປັນເພື່ອຫຼີກລ່ຽງການກັບມາສູ້ລົບກັນຄືນອີກໃນເຂດກາຊາ.”
ອ່ານຂ່າວນີ້ເປັນພາສາອັງກິດ
Israel blocked the entry of aid trucks into Gaza on Sunday as a standoff over the truce that has halted fighting for the past six weeks escalated, with U.S.-designated terror group Hamas calling on Egyptian and Qatari mediators to intervene.
Mediators Egypt and Qatar accused Israel of violating humanitarian law by using starvation as a weapon, according to The Associated Press.
Israeli Prime Minister Benjamin Netanyahu's office said earlier that it had adopted a proposal by U.S. President Donald Trump's envoy, Steve Witkoff, for a temporary ceasefire in Gaza for the Ramadan and Passover periods, hours after the first phase of the previously agreed ceasefire expired.
The U.S. had no immediate comment, The Associated Press reported.
If agreed, the truce would halt fighting until the end of the Ramadan fasting period around March 31 and the Jewish Passover holiday around April 20.
The truce would be conditional on Hamas releasing half of the living and dead hostages on the first day, with the remainder released at the conclusion, if an agreement is reached on a permanent ceasefire.
Hamas says it is committed to the originally agreed ceasefire that had been scheduled to move into a second phase, with negotiations aimed at a permanent end to the war, and it has rejected the idea of a temporary extension to the 42-day truce.
A senior Hamas official, Mahmoud Mardawi, told Al Jazeera the group would only release the remaining Israeli hostages under the terms of the already agreed-upon phased deal.
U.N. Secretary-General Antonio Guterres called for "an immediate return of humanitarian aid to Gaza," urging "all parties to make the necessary efforts to avoid a return to hostilities in Gaza."
ຟໍຣັມສະແດງຄວາມຄິດເຫັນ