ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປະຊາຊົນ ອີຣ່ານ​ ພາກັນ ໄປປ່ອນ​ບັດ ​ເລືອກ​ຕັ້ງ ​ປະທານາທິບໍດີ ​​


ຜູ້ສະໜັບສະໜຸນປ. Hassan Rouhani ຍົກຮູບຂອງທ່ານຂຶ້ນ ໃນການລົງຫາສຽງຢູ່ຕາມຖະໜົນ ສາຍນຶ່ງທີ່ນະຄອນເທຣານ ໃນວັນທີ 17 ພຶດສະພາ 2017.
ຜູ້ສະໜັບສະໜຸນປ. Hassan Rouhani ຍົກຮູບຂອງທ່ານຂຶ້ນ ໃນການລົງຫາສຽງຢູ່ຕາມຖະໜົນ ສາຍນຶ່ງທີ່ນະຄອນເທຣານ ໃນວັນທີ 17 ພຶດສະພາ 2017.

ຢູ່​ອີຣ່ານ ຜູ້ມີ​ສິດ​ປ່ອນ​ບັດ​ທັງຫລາຍ​ພາກັນ​ຫລັ່ງ​ໄຫລ​ໄປ​ປ່ອນ​ບັດ​ເລືອກ​ເອົາ​ປະທານາ
ທິບໍດີ ​ໃນ​ວັນ​ສຸກ​ມື້ນີ້.

ປະທານາທິບໍດີ Hassan Rouhani ອາດ​ຈະຖືກ​ທ້າ​ທາຍ​ຢ່າງໜັກ ຈາກ​ພວກ​ຫົວ​
ອະນຸລັກ​ນິຍົມ ທີ່​ຕ້ອງ​ຕິ​ການ​ບໍລິຫານ​ເສດຖະກິດອີ່ຣ່ານຂອງ​ທ່ານ ​ແລະ​ສັນຍາ​ນິວ​
ເຄລຍ ທີ່​ທ່ານ​ໄດ້​ເຊັນ​ກັບ​ບັນດາ​ປະ​ເທດ​ຕາ​ເວັນ​ຕົກ.

ທ່ານ Rouhani ເດີມ​ພັນອະນາຄົດທາງ​ການ​ເມືອງ​ຂອງ​ທ່ານ ​ໂດຍອາ​ໄສ​ສັນຍານີວ
​ເຄລຍ ທີ່​ເປັນ​ຂີດໝາຍສໍາ​ຄັນ​ ​ແລະ​ພາ​ໃຫ້​ມີ​ການ​ຜ່ອນ​ຜັນ ການ​ລົງ​ໂທດ​ທາງ​ເສດ
ຖະກິດ ຕໍ່ອີຣ່ານນັ້ນ. ແຕ່​ວ່າ ທ່ານ Ebrahim Raisi ທີ່​ເປັນຄູ່​ແຂ່ງ​ຂອງ​ທ່ານ
Rouhani ໄດ້​ຕໍາໜິສັນຍາ​ດັ່ງ​ກ່າວວ່າ ຍັງເຮັດ​ໃຫ້ການ​ລົງ​ໂທດທາງ​ດ້ານການ​ບໍລິ
ການທະນາຄານ ​ແລະການ​ເງິນມີ​ຜົນ​ບັງຄັບ​ໃຊ້​ຢູ່.

​ພວກນັກວິ​ໄຈທາງ​ການ​ເມືອງ​ເຫັນ​ວ່າ ທ່ານ Rouhani ​ເປັນ​ຄົນ​ທີ່​ໄດ້​ຮັບ​ຄວາມ​ນິຍົມ
​ແລະ ຈາກຂໍ້​ມູນ​ຂອງ​ການ​ຢັ່ງ​ຫາງ​ສຽງຈໍານວນໜ້ອຍນຶ່ງນັ້ນ. ພ້ອມດຽວ​ກັນ ທ່ານ​ຍັງ​ມີປະຫວັດທີ່​ເປັນ​ຜົນ​ດີແກ່ທ່ານ ​ຄ້າຍຄື​ກັນ​ກັບປະທາ​ນາ​ທິບໍດີທີ່​ກໍາລັງ​ດໍາລົງ​ຕໍາ​ແໜ່ງ
ທຸກ​ຄົນ ທີ່​ໄດ້​ຊະນະ​ການ​ເລືອກ​ຕັ້ງຄືນ ນັບ​ແຕ່​ປີ 1981 ​ເປັນຕົ້ນມາ.

​ແຕ່​ວ່າທ່ານ Rouhani ກໍ​ບໍ່​ໄດ້​ຮັບ​ສຽງສ່ວນ​ຫລາຍ​ໃນ​ວັນ​ສຸກ​ມື້ນີ້​ໃນ​ຈໍານວນ​ຜູ້​ສະ
ໝັກ​ເລືອກ ຕັ້ງ 4 ຄົນ​ນັ້ນ ​ແລະການ​ຕັດສິນ​ເລື​ອກ​ເອົາ​ສອງ​ຄົນ ທີ່​ໄດ້​ຮັບ​ຄະ​ແນນ​ສຽງ
ຫຼາຍທີ່ສຸດ ກໍຈະກ້າວ​ເຂົ້າສູ່​ການ​ເລືອກ​ຕັ້ງ ຂັ້ນຕັດສິນ​ຊີ້ຂາດ ​ໃນ​ອາທິດ​ນຶ່ງຕໍ່ມາ.

ທ່ານ Raisi ຜູ້ນຳ​ຝ່າຍ​ອະນຸລັກ​ນິຍົມ​ຫົວ​ແຂງ​ກະດ້າງ ​ໄດ້​ລົງ​ສະໝັກ ​ໂດຍ​ສ່ວນ​
ໃຫຍ່​ແມ່ນເອົາ​ໂຄງການ​ເສດຖະກິດ​ມາ​ເປັນ​ບ່ອນ​ອີງ ​ໃຫ້​ສັນຍາ​ວ່າ ຈະ​ສ້າງວຽກ​
ເຮັດ​ງານ​ທໍາ​ໃຫ້​ແກ່​ຄົນ​ເປັນ​ຫຼາຍໆລ້ານ​ຄົນ​ແລະ​ກໍ​ຈະ​ແກ້​ໄຂ​ອັດຕາ​ຄົນ​ຫວ່າງ​ງານ
ທີ່ຢູ່​ໃນລະດັບ 12.7 ​ເປີ​ເຊັນ​ນັ້ນ. ຫລາຍ​ຄົນ​ເຫັນ​ວ່າ​ທ່ານ Raisi ມີ​ຄວາມ​ໃກ້​ສິດ​ກັບ
​ Ayatollah Ali Khamenei ຜູ້​ນໍາພາ​ສູງ​ສຸດ​ຂອງ​ອີຣ່ານ​ໃນ​ປັດຈຸ​ບັນ ​ແຕ່ວ່າ ທ່ານ
Khamenei ກໍ​ບໍ່​ໄດ້​ກ້າວ​ໄປ ​ເຖິງ​ຂັ້ນຈະໃຫ້ ການ​ຮັບຮອງ​ແກ່​ທ່ານ Raisi.

ຢູ່​ໃນ​ລະບົບ​ລັດຖະບານ​ຂອງ​ອີຣ່ານ ທີ່​ໄດ້​ປະຕິບັດ​ກັນ​ ນັບ​ແຕ່​ທີ່​ມີ​ການ​ປະຕິວັດ​ອິສ
ລາມ ​ໃນ​ປີ 1979 ​ເປັນຕົ້ນມາ ຜູ້​ສະໝັກທຸກ​ຄົນ​ຕ້ອງ​ໄດ້​ຮັບການ​ກວດກາ​ໂດຍ​ຄະນະ​ກໍາມະການ ດ້ານ​ສາສະໜາ ກ່ອນ​ຈະ​ໄດ້​ຮັບ​ການ​ອະນຸມັດໃຫ້​ລົງ​ສະໝັກ​ເລືອກ​ຕັ້ງ
​ເປັນ​ປະທານ​າທິບໍດີ​ໄດ້. ເຖິງ​ແມ່ນ​ວ່າ ​ຜູ້​ນໍາ​ສູງ​ສຸດ​ຈະເປັນ​ຜູ້​ທີ່ມີ​ສິດ​ຕັດສິນ​ຊີ້ຂາດ
ກ່ຽວກັບ​ນະ​ໂຍບາຍ​ຂອງ​ລັດຖະບານ ​ແຕ່​ວ່າ ປະທານາທິບໍດີ​ກໍ​ຍັງ​ມີ​ອິດ​ທິພົນຕໍ່ລັດ
ຖະບານຢູ່.


ທ່ານ Mostafa Hashemitaba ທີ່​ເປັນ​ຜູ້​ສະໝັກ​ເລືອກ​ຕັ້ງ ທີ່​ສະໜັບສະໜຸນການ
​ປະຕິ​ຮູບ ທີ່ເຄີຍໄດ້​ລົງ​ສະໝັກປະທານາທິບໍດີ​ໃນ​ປີ 2001 ​ແລະ​ອະດີດ​ລັດຖະມົນຕີ
ກະຊວງ​ວັດທະນາ​ທໍາທ່ານ Mostafa Mirsalim ​ແມ່ນ​ຜູ້​ລົງສະໝັກ​ເລືອກ​ຕັ້ງ ອີກ​
ສອງ​ຄົນ​ທີ່ເຂົ້າ​ໃນ​ການ​ແຂ່ງ ຂັນ​ເລືອກ​ຕັ້ງ​ໃນ​ຄັ້ງນີ້.

ອ່ານຂ່າວນີ້ເພີ້ມເປັນພາສາອັງກິດ

ເບິ່ງວີດິໂອກ່ຽວກັບຂ່າວນີ້ເປັນພາສາອັງກິດ

IRAN ELECTION
please wait
Embed

No media source currently available

0:00 0:01:01 0:00

XS
SM
MD
LG