ລິ້ງ ສຳຫລັບເຂົ້າຫາ

logo-print

ໄອໂອວາ ອາດຈະເປັນລັດ ທີ່ຕັດສິນຊີ້ຂາດ ການຄວບຄຸມ ສະພາສູງ ຂອງ ສະຫະລັດ


ການເລືອກຕັ້ງສະມາຊິກສະພາສູງໃນວັນທີ 3 ພະຈິກນີ້ອາດຈະເປັນກະແຈສຳຄັນກ່ຽວກັບວ່າ ຜູ້ຊະນະໃນການແຂ່ງຂັນເອົາຕຳແໜ່ງປະທານາທິບໍດີສາມາດອອກແຜນປະຕິບັດງານ ຂອງທ່ານໄດ້ຫຼືບໍ່. Kane Farabaugh ນັກຂ່າວວີໂອເອ ມີລາຍງານກ່ຽວກັບເລື້ອງນີ້ ດັ່ງໄພສານ ຈະນຳເອົາລາຍລະອຽດມາສະ ເໜີທ່ານ ໃນອັນດັບຕໍ່ໄປ.


ໃນປີ 2016 ທ່ານດໍໂນລ ທຣຳ ເປັນຜູ້ຊະນະ ຢູ່ທີ່ລັດໄອໂອວາ ຊຶ່ງຕັ້ງຢູ່ ທາງພາກກາງຂອງສະຫະລັດດ້ວຍຄະແນນສຽງ 9 ເປີເຊັນ. ທ່ານແດນ ຊຳແບັກ (Dan Zumback) ຊຶ່ງເປັນພໍ່ນາແລະກໍສະມາຊິກສະພາສູງຂອງລັດ ກ່າວວ່າ:“ພວກເຮົາໄດ້ເລືອກເອົາທ່ານ ເພື່ອເຮັດວຽກໃຫ້ແລ້ວ ແລະທ່ານກໍໄດ້ເຮັດໃນສິ່ງທີ່ທ່ານເວົ້າວ່າທ່ານຈະເຮັດນັ້ນ.”

ສີ່ປີຕໍ່ມາ ໂຣກລະບາດໄວຣັສໂຄໂຣນາ ແລະສົງຄາມການຄ້າໄດ້ມີຜົນກະທົບຕໍ່ເສດຖະກິດການກະເສດຂອງລັດໄວໂອວາຈຶ່ງພາໃຫ້ມີການແຂ່ງຂັນທີ່ມີິຄະແນນ ສຽງໃກ້ຄຽງກັນ ລະຫວ່າງປະທານາທິບໍດີດໍໂນລ ທຣຳ ​ແລະຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ. ທ່ານເດິກ ທອມສັນ (Doug Thompson) ພໍ່ນາຈາກເຂດພາກເໜືອ ຂອງລັດໄອໂອວາ ກ່າວວ່າ:

“ຂ້າພະເຈົ້າຄິດວ່າ ມັນຈະສ້າງຄວາມເສຍຫາຍຢ່າງຮ້າຍແຮງຖ້າຂ້າພະເຈົ້າຫາກຫວັງວ່າລັດຖະບານທ່ານທຣຳ ຈະເຂົ້າມາກຳຕຳແໜ່ງຕື່ມອີກ 4 ປີ.”

ລັດໄອໂອວາອາດຍັງເປັນຜູ້ກຳນົດໄດ້ອີກວ່າ ພັກຣີພັບບລີກັນຈະສາມາດຮັກສາ ສຽງສ່ວນຫຼາຍຂອງເຂົາເຈົ້າທີ່ມີຢູ່ພຽງໜ້ອຍດຽວ ໃນສະພາສູງໄດ້ຫຼືບໍ່. ສະມາຊິກສະພາສູງ ທີ່ສັງກັດພັກຣີພັບບລີກັນສະໄໝທຳອິດ ທ່ານນາງໂຈນີ ເອີນທ໌ (Joni Ernst) ໄດ້ຕື່ນຕົກໃຈ ເວລາທ່ານນາງບໍ່ສາມາດຕອບຄຳຖາມໄດ້ຢ່າງຄ່ອງແຄ່ວກ່ຽວກັບລາຄາສິນຄ້າກະເສດໃນລະຫວ່າງການໂຕ້ວາທີກັບຄູ່ແຂ່ງຈາກພັກເດໂມແຄຣັດ ຜູ້ບໍລິຫານບໍລິສັດອະສັງຫາລິມມະຊັບ ເທເຣຊາ ກຣີນຟິລ (Theresa Greenfield.)

ສະມາຊິກສະພາສູງເອີນທ໌ ກ່າວວ່າ: “ຂ້າພະເຈົ້າຄິດວ່າ ເຈົ້າຖາມຂ້ອຍກ່ຽວກັບເລື້ອງໝາກສາລີ ແລະມັນຂຶ້ນຢູ່ກັບຂໍ້ມູນທີ່ຈັດເຂົ້າລະບົບແມ່ນຫຍັງ ແຕ່ບາງທີຄົງປະມານ 5 ໂດລາ 50 ເຊັນ."

ຜູ້ຈັດໂຕ້ວາທີເວົ້າວ່າ: "ດີແລ້ວ ຂ້າພະເຈົ້າຄິດວ່າ ລາຄາຂອງເຈົ້າອາດຄາດເຄື່ອນຫຼືຫລຸດນັ້ນສອງສາມໂດລາ.”

ບໍ່ດົນກ່ອນນັ້ນ ທ່ານນາງກຣີນຟິລ ບໍ່ໄດ້ມີການບັນຫາໃດໆໃນການຕອບຄຳຖາມທີ່ຄ້າຍຄືກັນນີ້.

ທ່ານນາງເທຣີຊາ ກຣີນຟິລ ກ່າວວ່າ: “ດີແລ້ວໝາກສາລີບຸສໂຊລນຶ່ງແມ່ນຂາຍກັນໃນລາຄາລະຫວ່າງ 3 ໂດລາ 68​ ໃນມື້ນີ້, 3 ໂດລາ 69.”

ພໍ່ນາແດນ ຊຳແບັກ ຊຶ່ງກ່ອນໜ້ານີ້ເຄີຍເຮັດວຽກຮ່ວມກັບທ່ານນາງເອີນທ໌ຢູ່ໃນສະພາສູງລັດໄອໂອວາ ກ່າວວ່າ ການໂຕ້ວາທີໄດ້ເຮັດໃຫ້ເກີດຄວາມເຂົ້າໃຈຜິດກ່ຽວກັບທ່ານນາງເອີນທ໌.

ເຂົາເຈົ້າໄດ້ໃຫ້ຄວາມສຳຄັນຫຼາຍໂພດກ່ຽວກັບເລື້ອງທີ່ບໍ່ມີຫຍັງແລະສະມາຊິກສະພາສູງເອີນທ໌ເຂົ້າໃຈເລື້ອງການກະເສດເປັນຢ່າງດີ.”

ສ່ວນພໍ່ນາເດີກ ທອມສັນ ໃຫ້ການສະໜັບສະໜຸນທ່ານນາງກຣີນຟິລ ແລະກ່າວວ່າ ສົງຄາມການຄ້າຂອງລັດຖະບານທ່ານທຣຳກັບຈີນທີ່ໄດ້ຮັບການໜຸນຫຼັງຈາກທ່ານນາງເອີນທ໌ນັ້ນ ເຮັດໃຫ້ລາຄາອາຫານປະເພດເຂົ້າຕົກແລະສ້າງຄວາມເສຍຫາຍທາງດ້ານການເງິນໃຫ້ແກ່ລາວ.

“ຄວາມສຳເລັດຫຼືລົ້ມແຫຼວຂອງທ່ານນາງ ແມ່ນຈະຂຶ້ນຢູ່ກັບຄວາມສຳເລັດຫຼືລົ້ມແຫຼວຂອງທ່ານທຣຳຢູ່ໃນລັດໄອໂອວາ.”

ການຈ່າຍເງິນຊົດເຊີຍຂອງລັດຖະບານ ໃຫ້ແກ່ພວກພໍ່ໄຮ່ພໍ່ນາ ທີ່ສູນເສຍລາຍໄດ້ ບໍ່ໄດ້ສ້າງຄວາມໝັ້ນໃຈເລີຍໃຫ້ແກ່ທ່ານທອມສັນ.

“ການກະເສດໄດ້ຮັບຄວາມເສຍຫາຍຢ່າງຮ້າຍແຮງ. ເຖິງແມ່ນວ່າພວກເຮົາໄດ້ຮັບເງິນຊົດເຊີຍກໍຈິງ ແຕ່ມັນກໍຍັງມີຄວາມຕຶງຄຽດ ມີຄວາມຕຶງຄຽດຫຼາຍ ຢູ່ໃນບັນຊີລາຍໄດ້ລາຍຈ່າຍຖ້າຈະເວົ້າ.”

ໄອໂອວາ ແມ່ນຮວມຢູ່ໃນບັນດາລັດແຖວໜ້າທີ່ຜະລິດໝາກສາລີ ໝູ ແລະໄຂ່. ການຢັ່ງຫາງສຽງສະແດງໃຫ້ເຫັນວ່າ ເສດຖະກິດຂອງລັດແມ່ນບັນຫາທີ່ສຳຄັນສຸດສຳລັບພວກທີ່ມີສິດປ່ອນບັດ.

ພວກນັກວິເຄາະຫຼາຍໆຄົນ ຄາດວ່າ ພັກເດໂມແຄຣັດ ຈະໄດ້ຮັບບ່ອນນັ່ງຂອງພວກເຂົາເຈົ້າຕື່ມຢູ່ໃນສະພາສູງ ແຕ່ຄຳຖາມກໍມີຢູ່ວ່າ ຫຼາຍປານໃດ?

ທ່ານທີໂມທີ ເຮໂກ (Timothy Hagel) ອາຈານສອນລັດຖະສາດການເມືອງທີ່ມະຫາວິທະຍາໄລ ໄອໂອວາ ກ່າວກ່ຽວກັບເລື້ອງນີ້ວ່າ:

“ມີການແຂ່ງຂັນຢູ່ປະມານ 6 ບ່ອນນັ່ງ ທີ່ເບິ່ງຄືວ່າ ພັກຣີພັບບລີກັນຈະມີຄວາມສ່ຽງໃນເທື່ອນີ້. ເບິ່ງຊົງວ່າລັດໄອໂອວາແມ່ນນຶ່ງໃນນັ້ນ.”

ສາສະດາຈານທີໂມທີ ເຮໂກ ຈາກມະຫາວິທະຍາໄລລັດໄອໂອວາ ກ່າວວ່າ ຜູ້ມີສິດປ່ອນບັດທີ່ບໍ່ສັງກັດພັກ ຊຶ່ງປະກອບເປັນປະມານນຶ່ງສ່ວນສາມ ຂອງຜູ້ມີສິດປ່ອນບັດທັງໝົດໃນລັດໄອໂອວານັ້ນ ແມ່ນກະແຈສຳຄັນ ໃນການແຂ່ງຂັນ ລະ ຫວ່າງທ່ານນາງເອີນທ໌ແລະທ່ານນາງກຣີນຟິລ.

“ມັນຂຶ້ນຢູ່ກັບພວກມີສິດປ່ອນບັດທີ່ບໍ່ສັງກັດ ພວກປ່ອນບັດທີ່ເປັນອິດສະຫຼະເຫຼົ່ານັ້ນ ປ່ອນເອົາໃຜ ມັນເປັນເລື້ອງສຳຄັນ ແລະເປັນພວກປ່ອນບັດທີ່ພາໃຫ້ມີການປ່ຽນແປງໄດ້. ພວກເຂົາເຈົ້າສົນໃຈຫຼືບໍ່ ກ່ຽວກັບການຕໍ່ສູ້ທາງດ້ານການເມືອງ ຫຼືມັນອາດເຮັດໃຫ້ພວກເຂົາເຈົ້າເບື່ອ ຖ້າມັນຮອດຈຸດໃດຈຸດນຶ່ງແລ້ວ.”

ບັນດາຜູ້ມີສິດປ່ອນບັດໃນລັດໄອໂອວາ ແມ່ນພາກັນໄປປ່ອນບັດແຕ່ຫົວທີ. ທ່ານທອມສັນ ພໍ່ນາຈາກພາກເໜືອລັດໄອໂອວາ ກ່າວວ່າ:

“ບັດຂອງຂ້ອຍ ແມ່ນປະໄວ້ຢູ່ເຮືອນຄົວຫັ້ນ ມັນກຳລັງລໍຖ້າ ລາຍເຊັນຂອງຂ້ອຍຢູ່.”

ທ່າມກາງທີ່ມີການລະບາດຂອງໄວຣັສໂຄໂຣນາຢູ່ນີ້ ການໄປປ່ອນບັດແຕ່ຫົວທີຢູ່ລັດໄອໂອວາ ແມ່ນເພີ້ມຂຶ້ນ 97 ເປີເຊັນ ປຽບທຽບໃສ່ປີ 2016.

U.S. Senate races in the November 3 elections could hold the key to whether the winner of the presidential contest can enact his agenda. VOA’s Kane Farabaugh reports on a hard-fought Senate race in the small state of Iowa.

In 2016, Donald Trump carried the central state of Iowa by 9 percentage points.

Dan Zumbach, Farmer & Iowa State Senator:
“We elected him to get things done, and he’s doing exactly what he said he would.”

Four years later, a global pandemic and a trade war impacting Iowa’s agricultural economy have led to a tight race between President Donald Trump and Democratic challenger Joe Biden.

Doug Thompson, Northern Iowa Farmer:
“I think it would be devastating if I had to look forward to another four years of the Trump administration.”

Iowa could also determine whether Republicans hold or lose their slim Senate majority. Republican first-term Sen. Joni Ernst raised eyebrows when she fumbled a question on farm commodity prices during a debate with her Democratic challenger, real estate executive Theresa Greenfield.

SENATOR ERNST: “I think you had asked about corn. And it depends on what the inputs are but probably about $5.50.

MODERATOR: Well, you are a couple of dollars off, I think.”

Moments earlier, Greenfield had no trouble answering a similar question.

THERESA GREENFIELD: Well a bushel of corn is going for about $3.68 today, $3.69."

Farmer Dan Zumbach, who previously served with Ernst in the Iowa State Senate, said the debates left an unfair impression of Ernst.

Dan Zumbach, Farmer & Iowa State Senator:
“They made a lot of to-do about nothing, and Senator Ernst understands agriculture.”

Farmer Doug Thompson supports Greenfield, and says the Trump administration’s trade war with China —backed by Ernst — lowered grain prices and hurt him financially

Doug Thompson, Northern Iowa Farmer:
“Her success or failure is going to be based on Trump’s success or failure in Iowa.”


Government payments compensating farmers for lost income haven’t reassured Thompson.

Doug Thompson, Northern Iowa Farmer:
“Agriculture has been devastated. Even though we’ve been paid off, there’s still a lot of stress out here, lotta stress on balance sheets if you will..”

Iowa is among America’s top-producing states of corn, pork and eggs. Polls show the state’s economy is the top issue for voters.

Many analysts expect Democrats to boost their numbers in the Senate. The question: By how many?

Timothy Hagle, Political Science Professor, University of Iowa:
“There are about half a dozen races where Republicans seem to be vulnerable this time. Iowa seems to be one of those states.”

The University of Iowa’s Timothy Hagle says independent voters — about one third of Iowa’s electorate — are key to the Ernst-Greenfield contest.

Timothy Hagle, Political Science Professor, University of Iowa:

“It’s how those no party voters, those independent’s vote that’s critical and they’re the swing voters. Do they really care about some of this political infighting, or does that just turn them off at a certain point?”

Some Iowans are voting early.

Doug Thompson, Northern Iowa Farmer:
“My ballot is in my kitchen awaiting my signature.”

Amid the pandemic, early voting in Iowa is up 97% compared to 2016.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG