ລິ້ງ ສຳຫລັບເຂົ້າຫາ

logo-print

ທ.ນ. ຄຳຫຼ້າ ແລະ ທ.ນ. ອາເລັກສ໌ ສິຣິວັດ ເປັນເຈົ້າຂອງບໍລະສັດຮ່ວມກັນ ຕັ້ງຢູ່ໃນລັດອາແຄນຊໍ ທາງພາກໃຕ້ຂອງສະຫະລັດ


ທ່ານນາງ ຄຳຫຼ້າ (ຊ້າຍ) ແລະ ທ່ານນາງ ອາເລັກ ສິຣິວັດ ຖ່າຍຮູບນຳກັນຢູ່ງານແຫ່ງນຶ່ງ.

ໃນລາຍ​ການຊຸມຊົນລາວໃນທະວີບອາເມຣິກາສຳລັບມື້ນີ້ ພວກເຮົານຳພາທ່ານໄປ ຮູ້ຈັກກັບເຈົ້າຂອງບໍລິສັດນໍ້າຕຳໝາກຫຸ່ງ Ninja Foods ທີ່ອາໄສຢູ່ໃນລັດ ອາແຄນຊໍ, ທາງພາກໃຕ້ຂອງ ສະຫະລັດ. ພວກເພິ່ນຈະເລົ່າໃຫ້ເຮົາຟັງ ກ່ຽວກັບ ລັດດັ່ງກ່າວວ່າມັນເປັນແນວໃດ ແລະ ແຕກຕ່າງກັບລັດອື່ນແນວ, ພ້ອມກັບ ຄວາມຄືບໜ້າຂອງບໍລິສັດດັ່ງກ່າວ. ເຊິ່ງ ພຸດທະສອນ ຈະນຳມາສະເໜີທ່ານໃນ ອັນດັບຕໍ່ໄປ.


ລັດອາແຄນຊໍ ມີຊື່ຫຼິ້ນວ່າ ລັດແຫ່ງທຳມະຊາດ, ມີພູຜາປ່າໄມ້ ທີ່ສວຍສົດງົດງາມ ຫຼາຍຄືກັບຊື່ຫຼິ້ນຂອງມັນເລີຍ. ລັດດັ່ງກ່າວ ຕັ້ງຢູ່ພາກໃຕ້ຂອງ ສະຫະລັດ ມີປະ ຊາກອນທັງໝົດປະມານສາມລ້ານກວ່າຄົນ.

ມື້ນີ້ພວກເຮົາໄດ້ມີໂອກາດໂອ້ລົມກັບຄົນລາວທີ່ອາໄສຢູ່ໃນລັດດັ່ງກ່າວ, ຊື່ຂອງ ເພິ່ນແມ່ນທ່ານນາງ ອາເລັກສ໌ ລັດຕະນະ ສິຣິວັດ ແລະ ທ່ານນາງ ຄຳຫຼ້າ ສິຣິວັດ. ທັງສອງຄົນຍັງເປັນເຈົ້າຂອງຮ່ວມບໍລິສັດນໍ້າຕຳໝາກຫຸ່ງຊື່ວ່າ Ninja Foods, ສິນຄ້າຂອງເຂົາເຈົ້າມີຊື່ສຽງໄປທົ່ວ ສະຫະລັດ ແລະ ມື້ນີ້ພວກເຮົາຈະ ລົມກັບທັງສອງທ່ານນັ້ນ ກ່ຽວກັບ ການດຳລົງຊີວິດໃນລັດ ອາແຄນຊໍ ພ້ອມກັບ ຄວາມຄືບໜ້າຂອງທຸລະກິດຂອງພວກເພິ່ນ.

ທ່ານນາງ ອາເລັກສ໌ ແລະ ຄຳຫຼ້າ ຖ່າຍຮູບໂຄສະນານຳກັນ.
ທ່ານນາງ ອາເລັກສ໌ ແລະ ຄຳຫຼ້າ ຖ່າຍຮູບໂຄສະນານຳກັນ.

ທ່ານນາງ ອາເລັກສ໌ ແລະ ທ່ານນາງ ຄຳຫຼ້າ ປັດຈຸບັນນີ້ອາໄສຢູ່ເມືອງ ເຟເຢັດວິລ ຂອງລັດ ອາແຄນຊໍ, ເມືອງດັ່ງກ່າວເປັນເມືອງນ້ອຍໆດັ່ງທີ່ທັງ ສອງຄົນຈະເວົ້າໃຫ້ຟັງຕໍ່ໄປນີ້

“ເຟເຢັດວິລ ກະເປັນເມືອງທີ່ບໍ່ໃຫຍ່ຫຼາຍ ລະກະບໍ່ນ້ອຍຫຼາຍ, ເມືອງປານ ກາງເນາະ, ແລະ ມັນຈະມີອີກສາມສີ່ເມືອງຕິດຕໍ່ກັນຫັ້ນນະ ເຂົາເຈົ້າຈະເອີ້ນ North West Arkansas.”

ພຸດທະສອນ ຖາມ: ເມືອງ ເຟເຢັດວິລ ໄກຈາກຕົວເມືອງບໍ່?

ອາເລັກສ໌ ແລະ ຄຳຫຼ້າ ຕອບ: ບໍ່, ຢູ່ໃນຕົວເມືອງເລີຍ. ຂີ່ລົດໄປການກະ 20 ນາທີນີ້ແຫຼະ. ຮາຍເວກະມີສອງເລນ, ສາມເລນແລ້ວ. ມີພູມີທຳມະຊາດ, ເຂົາເຈົ້າກະຍັງອະນຸລັກໄວ້ຫັ້ນນະ ທຳມະຊາດແມ່ນຫຍັງກະຍັງອະນຸລັກໄວ້ຄື ເກົ່າຢູ່ ແບບບໍ່ໃຫ້ຕັດຕົ້ນໄມ້ຫຼາຍ. ອາແຄນຊໍ ເຂົາເຈົ້າເອີ້ນວ່າ Natural State (ລັດທຳມະຊາດ). ຄັນຢາກໄປ Hiking ແມ່ນຫຍັງກະມີໝົດ. ມີ trail ແລ່ນ, ຂີ່ລົດຖີບ, ໄປປີນພູແມ່ນຫຍັງກະມີໝົດເນາະ.”

ທ່ານນາງ ຄຳຫຼ້າ ນັ່ງພັກຜ່ອນ ຫຼັງຈາກຂີ່ລົດຖີບຫຼິ້ນໃນເມືອງ ເຟເຢັດວິລ.
ທ່ານນາງ ຄຳຫຼ້າ ນັ່ງພັກຜ່ອນ ຫຼັງຈາກຂີ່ລົດຖີບຫຼິ້ນໃນເມືອງ ເຟເຢັດວິລ.

ເມືອງ ເຟເຢັດວິລ ເປັນເມືອງທີ່ນ້ອຍ, ການບໍລິການຂົນສົ່ງສາທາລະນະກໍຈະ ບໍ່ສະດວກຫຼາຍຄືເມືອງໃຫຍ່,ບໍ່ມີລົດໄຟໃຕ້ດິນ, ມີແຕ່ລົດເມ ແລະ ກໍຕັກຊີ. ຄົນສ່ວນຫຼາຍທີ່ອາໄສຢູ່ເມືອງນັ້ນ ຈະໃຊ້ລົດສ່ວນຕົວສຳລັບການເດີນທາງໄປມາ. ທັງສອງຄົນເວົ້າອີກວ່າຖ້າທ່ານໄປຢ້ຽມຢາມ ທ່ານກໍຈະເຫັນໂຕງົວ ແລະ ຄວາຍ ຍ່າງຢູ່ຕາມທາງຄ້າຍຄືກັບເມືອງ ລາວເລີຍ.

ເມືອງ ເຟເຢັດວິລ ມີຄົນຈາກຫຼາຍເຊື້ອຊາດອາໄສຢູ່ ເພາະວ່າທີ່ນັ້ນມີຫ້ອງການ ໃຫຍ່ຂອງບັນດາບໍລິສັດທີ່ສຳຄັນຕ່າງໆຕັ້ງຢູ່, ເຊິ່ງທ່ານນາງ ອາເລັກສ໌ ແລະ ຄຳຫຼ້າ ເວົ້າວ່າ

“Home office ເຂົາເຈົ້າຢູ່ໜີ້ຫຼາຍ, ເຊັ່ນ Tyson, Walmart ລະກະ Georges. ຄົນເຂົາເຈົ້າຕ້ອງໄດ້ຍ້າຍມາ, ມາເປັນ Supplier ຂອງ Walmart ຫຼາຍ. ຕອນແຕ່ກີ້ເຮົາຢູ່ໜີ້ 20 ກວ່າປີກ່ອນຈະມີແຕ່ແສນກວ່າຄົນບໍ. ແຕ່ວ່າດຽວ ນີ້ມັນໃກ້ຊິຮອດລ້ານລະ. ມັນໃຫຍ່ໄວຫັ້ນນະ.”

ພຸດທະສອນ ຖາມ: ຢູ່ຫັ້ນມີຄົນລາວອາໄສຢູ່ຫຼາຍບໍ່?

ອາເລັກສ໌ ແລະ ຄຳຫຼ້າຕອບ: “800 ກວ່າຄອບຄົວເບາະ, ຄຶດວ່າ. ແລ້ວມັນຈະ ມີອີກເມືອງນຶ່ງ ຂີ່ໄປອີກຊົ່ວໂມງນຶ່ງ, ມີຄົນຫຼາຍຢູ່ Fortsmith. ກະຄຶດວ່າເປັນ ພັນກວ່າຄອບຄົວ.”

ຄົນ ລາວ ທີ່ອາໄສຢູ່ໃນ ສະຫະລັດ ສ່ວນຫຼາຍຈະຄາວຽກ ບໍ່ຄ່ອຍໄດ້ພົບປະ ກັບໝູ່ຄູ່ຫຼາຍປານໃດ ແຕ່ມັນກໍມີໂອກາດພິເສດຕ່າງທີ່ທາງສະມາຄົມຄົນລາວມັກ ຈັດ ເພື່ອໃຫ້ໄດ້ມີການເຕົ້າໂຮມກັນ, ປີນຶ່ງກໍປະມານ 5-6 ຄັ້ງ ຫຼືຫຼາຍກວ່ານັ້ນ. ຢູ່ລັດ ອາແຄັນຊໍ ເອງກໍມີການຈັດງານພົບປະກັນໃນສັງຄົມລາວເຊັ່ນກັນ ເຊິ່ງ ທ່ານນາງ ຄຳຫຼ້າ ກັບ ອາເລັກສ໌ ເວົ້າວ່າ

“ສ່ວນຫຼາຍອອກງານເນາະ, ອອກງານສະມາຄົມປະມານນີ້. ເຮັດບຸນເຮັດຫຍັງ ທາງວັດ. ສ່ວນຫຼາຍກະຖ້າຄົນມີອາຍຸແນ່ ເຂົາເຈົ້າກະຈະອອກງານແນ່, ງານວັດ ງານຫຍັງຫັ້ນນະ. ເພິ່ນກະຈະມີເລື້ອຍໆ. ສ່ວນຫຼາຍກະຈະຫາເງິນຊ່ວຍວັດ, ບາງຊ່ວງກໍຈະມີສອນພາສາລາວໃຫ້ເດັກນ້ອຍ ຫຼືວ່າມີຟ້ອນລຳ ປະມານນີ້. ບຸນ ລາວແມ່ນຫຍັງມີໝົດ. ຢູ່ Fortsmith ເຂົາເຈົ້າມີຫຼາຍຢູ່ແລ້ວ. ມັນເປັນ Community ຢູ່ຫັ້ນ.”

ໄປຕຶກປາໄດ້ຫຼາຍໂຕ.
ໄປຕຶກປາໄດ້ຫຼາຍໂຕ.

ທ່ານນາງ ອາເລັກສ໌ ເວົ້າວ່າຄອບຄົວຂອງລາວຕັ້ງຢູ່ໃນລັດ ອາແຄນຊໍໄດ້ 30 ກວ່າປີແລ້ວ. ຖືວ່າເປັນຄົນດັ້ງເດີມຂອງບໍລິເວນນັ້ນ. ພໍ່ກັບແມ່ລາວກໍໄດ້ເຂົ້າສະ ມາຄົມມາແຕ່ດົນ, ແລະ ພໍ່ຂອງລາວເອງກໍເປັນກຳມະການວັດຢູ່ເມືອງ ເຟເຢັດວີລ. ສ່ວນພໍ່ແມ່ຂອງທ່ານນາງ ຄຳຫຼ້າ ແມ່ນອາໄສຢູ່ເມືອງ Fortsmith.

ຢູ່ພາກເໜືອຂອງລັດ ອາແຄນຊໍ ມີວັດລາວສອງແຫ່ງ ແລະ ເມືອງ Fortsmith ຈະມີສາມແຫ່ງ.

ການທຳມາຫາກິນຢູ່ທີ່ລັດ ອາແຄນຊໍ ຈະແຕກ ຕ່າງຈາກປະຊາຊົນທີ່ອາໄສຢູ່ນະ ຄອນຫຼວງ ວໍຊິງຕັນ ທີ່ສ່ວນຫຼາຍຈະມີແຕ່ຫ້ອງການລັດ ຖະບານ, ອົງການຈັດຕັ້ງ ສາກົນ ແລະ ບໍລິສັດເອກະຊົນ. ຄົນໃນລັດອາແຄນຊໍ ສ່ວນຫຼາຍຈະເຮັດວຽກໃນ ໂຮງຈັກໂຮງງານ ແລະ ບໍລິສັດຕ່າງໆ, ເຊິ່ງທ່ານນາງ ຄຳຫຼ້າ ແລະ ອາເລັກສ໌ ກ່າວວ່າ

“ຖ້າລຸ້ນໃຫຍ່ແນ່ ເພິ່ນມາແຕ່ດົນແລ້ວເພິ່ນຈະເຮັດຢູ່ໂຮງງານ ຫຼື ເປີດຮ້ານອາ ຫານ. ລຸ້ນນ້ອຍລົງມາຄືແບບພວກເຮົາກະເຮັດ Business Professional. ເຮັດວຽກຢູ່ Walmart ຫຼື Supplier ຂອງ Walmart.”

ຢູ່ລັດ ອາແຄນຊໍ ມີຄົນ ອາເມຣິກັນ ຜິວຂາວ ອາໄສຢູ່ເປັນສ່ວນຫຼາຍ, ແຕ່ຄົນ ຕ່າງປະເທດກໍມີຫຼາຍຄືກັນເຊັ່ນຄົນ ອິນເດຍ, ຈີນ, ເກົາຫຼີ, ເມັກຊິກັນ. ມະຫາວິ ທະຍາໄລຢູ່ໃນລັດນັ້ນກໍໄດ້ຮັບເອົານັກສຶກສາຕ່າງປະເທດໄປຮຽນເຊັ່ນ, ລວມໃນ ນັ້ນກໍມີຄົນລາວດ້ວຍ.

ດ້ວຍບັນຫາການຈຳແນກເຊື້ອຊາດສີຜິວທີ່ກຳລັງເປັນບັນຫາຮ້ອນແຮງໃນດຽວນີ້, ທັງສອງທ່ານໄດ້ວ່າຄົນໃນລັດນັ້ນສ່ວນຫຼາຍຈະເປັນຄົນໃຈດີ.

“ເຮົາໃຫຍ່ຢູ່ນີ້ເຮົາກະວ່າເຂົາໃຈດີໃດ. ເປັນກັນເອງ, ເປີດປະຕູໃຫ້ກັນ ເວລຍ່າງຢູ່ ຖະໜົນກະສະບາຍດີ, ບໍ່ໄດ້ຍິ່ງບໍ່ໄດ້ຫຍັງຫັ້ນນະ. ສ່ວນຫຼາຍຄົນຈະໄດ້ຍິນວ່າຄົນຂາວ ຢູ່ ອາແຄນຊໍ ຈະແບບບ້ານນອກ ເຂົາເຈົ້າຄົງຊິຊັງຄົນເອເຊຍເນາະ ມັນບໍ່ແມ່ນ ເລີຍ. ເຈົ້າເຄີຍໄດ້ຍິນຄຳວ່າ Southern Hospitality ຢູ່ຫວາ? ມີແບບນັ້ນອີ່ຫຼີ. ທຸກຄົນແບບວ່າ ຍິນດີຕ້ອນຮັບ, ຍິ້ມໃສ່ກັນ. ເຂົາເຈົ້າກະຖາມກັນ ຂະໜາດບໍ່ຮູ້ ຈັກກັນ, ປະມານນີ້. ກະລົມກັນໄດ້ຫັ້ນນະ.”

ທ່ານນາງ ອາເລັກສ໌ ແລະ ຄຳຫຼ້າ ເຖິງແມ່ນຈະເປັນເຈົ້າຂອງຮ່ວມບໍລິສັດ Ninja Foods ກໍຕາມ, ແຕ່ກໍມີແຕ່ທ່ານນາງ ອາເລັກສ໌ ເທົ່ານັ້ນທີ່ເຮັດວຽກເຕັມ ຊົ່ວໂມງໃຫ້ບໍລິສັດ, ສ່ວນທ່ານນາງ ຄຳຫຼ້າ ນັ້ນຍັງເຮັດວຽກໃຫ້ບໍລິສັດ Walmart ຢູ່. ທັງສອງຄົນຫວັງວ່າປະມານປີໜ້າ ທ່ານນາງ ຄຳຫຼ້າ ຈະໄດ້ອອກ ມາເຮັດວຽກຊ່ວຍເຕັມຊົ່ວໂມງໃຫ້ບໍລິສັດ Ninja Foods. ປັດຈຸບັນນີ້ບໍລິສັດ Ninja Foods ກໍດຳເນີນກິດຈະການມາໄດ້ເກືອບຫ້າປີແລ້ວ, ບ່ອນຜະລິດສິນ ຄ້າ ແລະ ກິດຈະການກໍໄດ້ຂະຫຍາຍຕົວຂຶ້ນຫຼາຍ.

“ເຮົາມີຮ້ານ, ບໍ່ແມ່ນແບບໂຮງງານໃຫຍ່ດອກ, ເຂົາເຈົ້າຍັງເອີ້ນ Small business manufacturing ຢູ່. ເພາະວ່າເຮົາຍັງບໍ່ໄດ້ເຮັດຮອດ 1 ລ້ານໂດ ລາເທື່ອ. ສອງປີຜ່ານມາຫ້ອງການຂອງພວກເຮົາກະໃຫຍ່ຂຶ້ນສອງເທົ່າ. ຍ້າຍ ບ່ອນໃໝ່ໄດ້ສອງປີແລ້ວ.​ມີກະລ່າໃຫຍ່ ຈະໄດ້ມີລົດບັນທຸກໃຫຍ່ມາເອົາງ່າຍສະ ບາຍ. ຕອນແຕ່ກີ້ມັນນ້ອຍເຂົາເຈົ້າມາເອົາຍາກ. ເດືອນນຶ່ງເຂົາເຈົ້າມາສອງເທື່ອ.”

ກ່ອງນໍ້າຕຳໝາກຫຸ່ງ Ninja Foods ກັບຕຸກກະຕາຢູ່ເບື້ອງຫຼັງ.
ກ່ອງນໍ້າຕຳໝາກຫຸ່ງ Ninja Foods ກັບຕຸກກະຕາຢູ່ເບື້ອງຫຼັງ.

ນໍ້າຕຳໝາກຫຸ່ງຂອງ Ninja Foods ຂາຍກ່ອງນຶ່ງປະມານ 5 ຫາ 6 ໂດລາ, ສິນຄ້າຂອງເຂົາເຈົ້າແມ່ນມີຂາຍຢູ່ທົ່ວ ສະຫະລັດ. ບໍລິສັດດັ່ງກ່າວຍັງໄດ້ ທຳການຮ່ວມມືກັບຄົນຢູ່ລາວ, ທຳການຕະຫຼາດ,​ ແລະ ໂຄສະນາຕ່າງໆ. ເມື່ອບໍ່ດົນມານີ້ເຂົາເຈົ້າກໍໄດ້ຮ່ວມມືກັບນາງສາວ Miss Lao Universe ຄືທ່ານນາງ ສຸພາພອນ ສົມວິຈິດ ຫຼື ນຸ້ຍ , ສຳລັບການເຮັດໂຄສະນາໃຫ້ບໍລິສັດ ແລະ ທຳການເຜີຍແຜ່ໂຄສະນາຜະລິດຕະພັນໃນປະເທດ ລາວດ້ວຍ.

ນັ້ນແມ່ນການສຳພາດກັບທ່ານນາງ ອາເລັກສ໌ ລັດຕະນະ ສິຣິວັດ ແລະ ທ່ານນາງ ຄຳຫຼ້າ ສິຣິວັດ ທີ່ພວກລາວໄດ້ເວົ້າໃຫ້ເຮົາຟັງກ່ຽວກັບລັດ ອາແຄນຊໍ ແລະ ບໍລິສັດ Ninja Foods ຂອງເຂົາເຈົ້າ. ເຮົາຈະກັບມາພົບກັບທ່ານອີກໃນແລງວັນອາທິດໜ້າ ເວລາດຽວກັນນີ້ ແລະຈ ະເປັນຊຸມຊົນລາວ ຢູ່ໃນລັດໃດນັ້ນ ກະລຸນາຫາໂອກາດຕິດຕາມຮັບຟັງໃຫ້ໄດ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG