ລິ້ງ ສຳຫລັບເຂົ້າຫາ

logo-print

ສຳພາດ ດຣ. Kou Yang ນັກ​ສັງ​ຄົມ​ສົງ​ເຄາະ ແລະສາດສະດາຈານ ຄົ້ນຄວ້າ ວັດທະນາທຳລາວ


ທ່ານ ດຣ. Kou Yang (ກາງ) ແລະພັນລະຍາ ຍານາງ Jennifer ຢ້ຽມຢາມແຂວງສີສວນ ປີ 1914 ເພື່ອຄົ້ນຄວ້າຄວາມເປັນມາ ຂອງພີ່ນ້ອງມົ້ງ.

ໃນລາຍການຊີວິດຊາວລາວຂອງ ວີໂອເອ ແລງວັນພະຫັດມື້ນີ້
ທ່ານຈະໄດ້ຟັງການສຳພາດ ກັບ ດຣ​. Kou Yang ອະດີດ​ເຈົ້າ
ໜ້າ​ທີ່ ສັງ​ຄົມ​ສົງ​ເຄາະ ແລະ​ອາຈານ​ສອນ​ວິຊາ ສັງຄົມ​ສົງ​ເຄາະ
ທີ່ ມະຫາວິທະຍາ​ໄລ State University ທີ່ເມືອງ Fresno,
ແລະ University of California ທີ່ເມືອງ Davis. ດຣ Yang
ເປັນ​ລູກບ້ານ​ຫລານ​ເມືອງ​ໄຊ​ຍະ​ບູລີ ​ເປັນ​ຜູ້​ມັກ​ສະ​ແຫວ​ງຫາການ​ສຶກສາຊັ້ນ​ສູງ​ ທ່ານ​ໄດ້ ເຂົ້າ​ມາ ຕັ້ງ​ຖິ່ນ​ຖານ​ຢູ່​ໃນ ສະຫະລັດ ​ໃນ​ປີ 1976 ຄວາມບາກບັ່ນ ໄດ້​ນຳພາ ດຣ. Yang
ປະສົບ​ຜົນສຳ​ເລັດ​ຢ່າງ​ໃດ​ ເຮົາຂໍເຊີນທ່ານພົບກັບ ກິ່ງສະຫວັນ ໄດ້.

ດ​ຣ. Kou Yang ​ແມ່ນ​ນັກ​ສຶກສາທຶນ Fulbright, Sasakawa Fellow, ອະ​ດີດອາ​ຈານ
​ສອນ ທີ່ມະ​ຫາ​ວິ​ທະ​ຍາ​ໄລ Emeritus ຂອງ​ລັດ California ຢູ່ທີ່ເມືອງ Stanislaus, ຊຶ່ງ
ໄດ້​ຄົ້ນ​ຄວ້າກ່ຽວກັບ ປະ​ເທດ​ລ​າວ ແລະບັນ​ດາ​ຜູ້ມີ​ເຊື້ອ​ສາຍ​ລາວຢູ່​ນອກ​ປະ​ເທດ ​ຊຶ່ງ​ເປັນ
ເອກ​ກະ​ສານ​ຄົ້ນ​ຄວ້າ ພີ​ມ​ເຜີຍ​ແຜ່​ໃນ​ປີ 2013. ທ່ານ​ເປັນບັນ​ນາ​ທິ​ການຮ່ວມ ​ກ່ຽວ​ກັບ “ຄວາມ​ແຕກຕ່າງ​ຂອງ ຊົນເຜົ່າ ຢູ່​ໃນ​ຕ່າງ​ແດນ : ​“ມົ້ງ​-ອາ​ເມ​ຣິ​ກັນ ​ໃນ​ສັດ​ຕະ​ວັດ​ທີ່​ຊາວ​ເອັດ” ພິ​ມອອກໂດຍ University of Hawaii Press ​ໃນ​ປີ 2013, ນອກ​ນັ້ນ ຍັງ
ໄດ້ພິມຫຼາຍກ​ວ່າ​ຫ້າ​ສະ​ບັບ ບົດ​ຂຽນ​ທີ່​ເນັ້ນ​ໜັກ​ກ່ຽ​ວ​ກັບ ​ບົດບັນ​ທຶກ​ຊາວ​ມົ້ງ​ຢູ່​ຕ່າງ​ແດນ ປະ​ຫວັດ​ສາດ​ມົ້ງ ​ວັດ​ທະ​ນະ​ທຳມົ້​ງ ວັດ​ທະ​ນະ​ທຳ​ລາວ ແລະ​ປະ​ສົບ​ການຂອງຊ​າວອົບ​ພະ​
ຍົບ​ອິນດູ​ຈີນ ແລະ​ອີກ​ຫຼາຍກວ່າ 20 ບົດ​ຂຽນ​ຂອງ​ທ່ານ ໄດ້​ປາ​ກົດ​ຢູ່​ຢ່າງກວ້າງ​ຂວາງ ​ໃນ​ໜ້າ​ໜັ​ງ​ສື​ພິ​ມ​ຕ່າງໆ. ດ​ຣ. Yang ​ໄດ້ເປັນ​ທີ່​ປຶ​ກ​ສາ​ຢູ່ໃນ​ບົດ​ຄວາມ ໃນ ສະ​ຫະ​ລັດ ແລະ​ຕ່າງ​ປະ​ເທດ. ບົດ​ຂ​ຽນ​ທີ່ສຳ​ຄັນຂອງ ດ​ຣ. Yang ລະລຶກ​ເ​ຖິງວັນຄົບ​ຮອບ 40 ປີຂອງ​ຊາວອົບ​ພະ​ຍົບ ​ຄື : ຄວາມ​ໂຫດ​ຮ້າຍ ຫາຍ​ຍະ​ນະ ທີ່​ຍັງ​ຝັງໄວ້​ໃຫ້​ເຫັນ​ຢູ່ໃນອິນ​ດູ​ຈີນ ພິ​ມ​ເຜີຍ​ແຜ່​ໃນ​ປີ 2015 ແລະ ບົດ​ຂຽນ 40 ປີ​ ຫລັງ​ຈາກ​ສົງ​ຄາມຫວຽດ​ນາມ ມີ​ຊື່ວ່າ : ​ສະຫລອງ​ການ​ຕອບ​ແທນ​ຂອງ ຊາ​ວ​ອົບ​ພະ​ຍົບ​ອິນດູ​ຈີນ ແກ່ ສະ​ຫະ​ລັດ ອາ​ເມຣິກາ ພິ​ມ ເຜີ​ຍ​ແຜ່​ໃນ​ປີ2015. ທີ່​ກ່າວ​ມາ​ນີ້ ​ແມ່ນ​ພາກ​ສ່ວນ​ຜົນງານ ການຄົ້ນ​ຄ​ວ້າທີ່ສຳຄັນ ແລະ ຂຽນເປັນ​ພາ​ສາອັງ​ກິດ ຂອງ​ສະ​ຖາ​ບັນ​ກາ​ນ​ສຶກ​ສາ​ຊັ້ນ​ສູງ.​

ດ​ຣ. Yang ອະ​ດີດ​ເຈົ້າ​ໜ້າ​ທີ່​ສັງ​ຄົມ​ສົງ​ເຄ​າະ ​ໄດ້​ປະ​ຕິ​ບັດ​ໜ້າ​ທີ່​ຢູ່​ໃນ​ຫລາຍໆ​ໂຄງ​ການ
ແລະ​ມີ​ຄວາມ​ຮັບ​ຜີດ​ຊອບ​ຫລາຍໆ​ຢ່າງ ຮວມ​ທັງ​ຄວາມ​ຢູ່​ດີ​ເປັນ​ສຸກ​ຂອງ​ເດັກ​ນ້ອຍ ບໍ​ລິ​
ການ​ແກ່ພວກຄອ​ບ​ຄົວ ຫ​ລຸດ​ຜ່​ອນ​ຄວາມ​ທຸກ​ຈົນ ປິ່ນ​ປົວ​ພວກທີ່ຕິດສຸລາແລະ​ຢາ​ເສບ​ຕິດ ແລະ ​ໂຣກ​ຈິດ.

ດຣ​. Yang ອາ​ເມ​ຣິ​ກັນ​ເຊື້ອ​ສາຍ​ລາວ​ມົ້ງ ເກີ​ດ​ທີ່​ແຂວງ​ໄຊ​ຍະ​ບູ​ລີ ທ່ານ​ມາ​ຈາກ​ຄອບ​ຄົວ​
ໃຫຍ່ ພໍ່​ແມ່​ບໍ່​ສາ​ມາດ​ອ່ານ​ ແລະ​ຂຽນໄດ້ ແຕ່​ວ່າ ດຣ. Yang ເປັນ​ໜຸ່ມ​ນ້ອຍ ທີ່​ສະ​ແຫວງ
​ຫາ​ການ​ສຶກ​ສາ​ ຢາກ​ຮູ້​ຢາກ​ເຫັນມາ​ແຕ່​ເກີດ ເວລາ ດຣ. Yang ອາຍຸໄດ້ 21 ປີ ທ່ານ​ໄດ້ເດີນທາງເຂົ້າມາຕັ້ງຖິ່ນຖານໃນປີ 1976 ຢູ່ນະຄອນ New Orleans ລັດ Louisiana ສະຫະລັດ ອາເມຣິກາ ຕັ້ງຢູ່ພາກໃຕ້ຂອງ ສະຫະລັດ ບ່ອນທ່ອງທ່ຽວທີ່ມີຊື່ສຽງ ທ່ານໄດ້ ກ່າວເຖິງຄວາມສູ້ທົນ ກັບການຮຽນພາສາອັງກິດ ວັດທະນະທຳແລະສິ່ງແວດລ້ອໃໝ່ດັ່ງນີ້ :

ອ້າຍຈົວນ້ອຍ Kou Yang ທີ່ວັດ ສຣີສະຫວ່າງວົງ (1970)
ອ້າຍຈົວນ້ອຍ Kou Yang ທີ່ວັດ ສຣີສະຫວ່າງວົງ (1970)

ລິງໂດຍກົງ

ເວ​ລາ​ ດຣ. Yang ​ອາ​ຍຸໄດ້ 21 ປີ ທ່ານໄດ້​ເດີນ​ທາງ​ເຂົ້າ​ມາ​ຕັ້ງ​ຖິ່ນ​ຖານ ໃນ​ປີ 1976 ​ຢູ່
ນະ​ຄອນ New Orleans ລັດ Louisiana ສະ​ຫະ​ລັດ ຕັ້ງ​ຢູ່​ພາກ​ໃຕ້​ຂອງ ສະ​ຫະ​ລັດ ອາ
​ເມ​ຣິ​ກາ ບ່ອນ​ທ່ອງທ່ຽວ​ທີ່​ມີ​ຊື່​ສຽງ ທ່ານ​ໄດ້​ກ່າວ​ເຖິງ​ຄວາມ​ສູ້​ທົນກັບ ການ​ຮຽນ​ພ​າ​ສາ​ອັງ​ກິດ ວັດ​ທະ​ນາ​ທຳ ແລະ​ສິ່ງ​ແວດ​ລ້ອ​ມໃໝ່ດັ່ງ​ນີ້ :

ທິດໝັ້ນ ແລະລູກຊາຍ ພ້ອມດ້ວຍ ທ່ານ Kou Yang ທີ່ແຂວງ ໄຊຍະບູລີ (1973)
ທິດໝັ້ນ ແລະລູກຊາຍ ພ້ອມດ້ວຍ ທ່ານ Kou Yang ທີ່ແຂວງ ໄຊຍະບູລີ (1973)

ລິງໂດຍກົງ

ຫລັງ​ຈາກ​ໄດ້​ໃຊ້​ຊີ​ວິດ​ຢູ່ນະ​ຄອນ New Orleans ເປັນ​ເວ​ລາ​ປີກວ່າແລ້ວ ດຣ Yang
ກໍໄດ້​ຍ້າຍ​ໄປ​ຢູ່ ​ນະ​ຄອນ Los Angeles ​ທາງ​ພາກ​ຕາ​ເວັນ​ຕົກ​ ແຄມມະ​ຫາ​ສະ​ມຸດ​ປາ​ຊິ
​ຟິກ ບ່ອນ​ທີ່​ມີ​ປະ​ຊາ​ກອນ​ອົບ​ພະ​ຍົບ​ອິນ​ດູ​ຈີນ ໄດ້​ເລີ້ມ​ເຂົ້າ​ມາ​ຕັ້ງ​ຖິ່ນ​ຖານຢ່າງ​ຫລ​ວງ​
ຫລາຍ ເວ​ລາ​ນັ້ນ ດ​ຣ. Yang ໄດ້ມີ​ໂອ​ກາດ​ຮັບ​ໃຊ້ ໂຄງການ​ຕັ້ງ​ຖິ່​ນຖານຊາວ​ອົບ​ພະ​
ຍົບ ພ້​ອ​ມ​ທັງ​ບຸກ​ບືນສະ​ແຫວງ​ຫາ​ການ​ສຶກ​ສາ​ຂັ້ນ​ສູງ ​ທ່ານ​ໄດ້​ກ່າວ​ເຖິງ​ຊີ​ວິດ​ບັ້​ນ​ນີ້​ວ່າ :

ດຣ. Kou Yang ອະດີດ ນັກສຶກສາອົບຮົມຄູ ຫລວງພະບາງ (1975)
ດຣ. Kou Yang ອະດີດ ນັກສຶກສາອົບຮົມຄູ ຫລວງພະບາງ (1975)

ລິງໂດຍກົງ

ປະ​ເທດ​ສະ​ຫະ​ລັດ ອາ​ເມ​ຣິ​ກາ ເປີດ​ໂອ​ກາດ​ການ​ສຶ​ກ​ສາ​ໃຫ້​ແກ່ທຸກໆ​ຄົນ ​ໂດຍບໍ່ມີການລຳ​
ອຽງ​ທາງ​ເຊື້ອ​ຊາດ ຜິວ​ພັນ ສາ​ສະ​ໜາ ແລະພື້ນ​ຖານ​ຄວາມ​ເປັນ​ມາ​ ພ້ອມ​ທັງມີ​ທຶນ​ສຶກ​ສາ​
ໃຫ້ຮຽນ​ແກ່​ຜູ້​ທີ່ ຢູ່ໃນ​ກໍ​ລະ​ນີເໝາະ​ສົມ. ​ຄົນສ່ວນຫລາຍ​ຢູ່​ໃນ ສະ​ຫະ​ລັດ ຈະພາ​ກັນ​ທຳ​ມາ
​ຫາ​ກິນ​ເຕັມ​ເວ​ລາແປດ​ຊົ່ວ​ໂມງ ​ແລະບໍ່​ມີໂອກາດ​ໄປ​ຮໍ່າຮຽນ​ເພີ້​ມ​ເຕີມ. ​ເພາະສະ​ນັ້ນ
ຫລາຍໆ​ຄົນ ຜູ້​ມີມານະ​ອົດທົນ ຈຶ່ງ​ໄດ້ພາ​ກັນເຂົ້າ​ໂຮງ​ຮຽນໃນ​ຕອນ​ຄ່ຳ​ ຮຽນ​ບໍ່​ເຕັມ​ເວ​ລາ
ຈະ​ຕ້ອງ​ໃຊ້​ເວ​ລາການ​ຮຽນ​ນານ​ກ​ວ່າ​ທຳ​ມະ​ດາ. ​ຄວາມ​ອົດທົນ​ດັ່ງ​ກ່າວ​ນີ້ ສະ​ແດງ​ໃຫ້​ເຫັນ
​ເຖິງ ສະມັດ​ຕະ​ພາບ​ດ້ານ​ຮ່າງ​ກາຍ ແລະມັນ​ສະ​ໝອງ ທີຈະນຳ​ມາ​ສູ່​ຜົນ​ສຳ​ເລັດ. ດ​ຣ.
Yang ກ່າວວ່າໃນ​ຕອນ​ທີ່​ທ່ານ​ບຶກບື​ນນຳ​ການ​ຮຽນ​ຢູ່​ນັ້ນ ພັນ​ລະ​ຍາ​ຂອງທ່ານເຄີ​ຍ​ໄດ້
ເວົ້າໃຫ້​ວ່າ ​ເປັນຜູ້​ເຮັດ​ວຽກ​ເຕັມ​ເວລາ ​ເປັນ​ນັກຮຽນ​ເຕັມ​ເວລາ ແຕ່ເປັນ​ພໍ່ບໍ່​ເຕັມ​ເວລາ​ແລະ​ເປັນ​ສາມີບໍ່​ເຕັມ​ເວລາ ກ່ຽວກັບຄວາມ​ບາກ​ບັ່ນ ແລະ​ໃນຄວາມ​ເຂົ້າ​ໃຈ​ຂອງ​ພັນ​ລະ​ຍາ​ດ​ຣ. Yang ​ເວົ້າໃນ​ຕອນ​ນີ້​ວ່າ:

ດຣ. Kou Yang, Yang Pdiede, Shen Hong ທີ່ກອງປະຊຸມຄົ້ນຄວ້າ ຊາວເຜົ່າ ທີຄຸນໝິງ ປະເທດຈິນ (2009)
ດຣ. Kou Yang, Yang Pdiede, Shen Hong ທີ່ກອງປະຊຸມຄົ້ນຄວ້າ ຊາວເຜົ່າ ທີຄຸນໝິງ ປະເທດຈິນ (2009)

ລິງໂດຍກົງ

ດຣ. Kou Yang ຫາ​ກໍ່​ອອກ​ກິນ​ເບ້​ຍບໍານານ​ມາ​ໄດ້ ປີ​ເຄິ່ງ​ ​ແຕ່​ກໍຍັງ​ບໍ່ລົດ​ລະ​ນຳ​ການ​ຂີດ
​ຂຽນ ຄົ້ນ​ຄວ້າ ກ່ຽວ​ກັບ​ວັດທະນາ​ທຳ ​ແລະ​ຄວາມ​ເປັນ​ມາ​ຂອງ​ລາ​ວ. ທ່ານ ໄດ້​ກ່າວ​ເຖິງ
ຊີວິດບັ້ນນີ້ວ່າ :

map
map

ລິງໂດຍກົງ

ໂອກາດ​ໜ້າ ​ເຮົາ​ຈະ​ນຳ​ເອົາ​ປະຫວັດ​ຄວາ​ມ​ເປັນ​ມາ​ຂອງ ​ແຂວງ​
ໄຊ​ຍະ​ບູລີ ​ແລະ​ຮີດຄອງ​ປະ​ເພນີ ທີ່​ຄົ້ນ​ຄວ້າ​ໂດຍ ດຣ. Kou
Yang ມາ​ເຫລົ່າ​ສູ່ ທ່ານ​ຟັງ.

ເບິ່ງຄວາມເຫັນ (3)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG