ການເລີ້ມຕົ້ນວັນແມ່ຍິງສາກົນ ມີການປະທ້ວງຂະໜາດໃຫຍ່
ໂດຍບັນດາແມ່ຍິງຫຼາຍພັນຄົນ ທີ່ນະຄອນ New York ເພື່ອ
ຮຽກຮ້ອງໃຫ້ມີການຈ່າຍເງິນເດືອນ ໃຫ້ພວກເຂົາເຈົ້າເພີ້ມຂື້ນ
ພ້ອມກັບປັບປຸງ ສະພາບການເຮັດວຽກ ແລະ ສິດທິ ໃນການ
ປ່ອນບັດ ໄດ້ພັດທະນາ ກາຍມາເປັນວັນ ແຫ່ງການເອົາບາດ
ກ້າວຂອງຄວາມກ້າວໜ້າຕ່າງໆ ທີ່ໄດ້ຮັບ ກ່ຽວກັບຄວາມສະ
ເໝີພາບທາງເພດ ພ້ອມດ້ວຍບັນຫາຕ່າງໆ ທີ່ຍັງຈະຕ້ອງໄດ້
ຮັບການແກ້ໄຂ.
ສະຫະປະຊາຊາດ ຫລີງເຫັນວ່າ ຄວາມສະເໝີພາບທາງເພດ
ຊຶ່ງເປັນທັດສະນະຄວາມເຫັນທີ່ວ່າ ແມ່ຍິງ ແລະຜູ້ຊາຍ ມີຄຸນ
ຄ່າເທົ່າທຽມກັນ ແລະຄວນໄດ້ຮັບການປະຕິບັດຕໍ່ ທີ່ເທົ່າທຽມກັນ ໃນຖານະທີ່ເປັນສິດທິ
ມະນຸດອັນນຶ່ງ.
ເຖິງແມ່ນວ່າ ວັນແມ່ຍິງສາກົນໄດ້ສະຫລອງກັນມາເປັນເວລາ 100 ກວ່າປີແລ້ວກໍຕາມ
ການຈຳແນກກີດກັນຕໍ່ບັນດາແມ່ຍິງ ແລະພວກຍິງສາວຢັງມີຢູຸ່ຕໍ່ມາຢູ່ໃນທົ່່ວໂລກຢູ່ໃນ
ຮູບແບບຂອງຄວາມຮຸນແຮງທາງເພດ ແລະການຈຳແນກກີດກັນ.
ສະຫະລັດ ໄດ້ປະສົບກັບຄວາມຄືບໜ້າຢ່າງໃຫຍ່ຫລວງຈຳນວນນຶ່ງ ນັບຕັ້ງແຕ່ການເດີນ
ປະທ້ວງໃນປີ 1908 ຄືພວກແມ່ຍິງ ໄດ້ຊະນະ ການມີສິດປ່ອນບັດ ເຂົາເຈົ້າໄດ້ປະກອບ
ເປັນປະມານເຄິ່ງໜຶ່ງຂອງກຳລັງແຮງງານ ແລະບັດນີ້ເຂົາເຈົ້າໄດ້ມີເປີເຊັນສູງກວ່າຜູ້ຊາຍ
ໃນການຮຽນຈົບຂັ້ນມະຫາວິທະຍາໄລແລະໃນດ້ານ ອື່ນໆນຳດ້ວຍ.
ເຖິງຢ່າງໃດກໍດີ ສະຫະລັດ ຕິດອັນດັບທີ 28 ໃນຈຳນນວນ 145 ປະເທດ ຂອງການຈັດ
ອັນດັບປະຈຳປີ ກ່ຽວກັບຄວາມສະເໝີພັບຂອງແມ່ຍິງ.
ລາຍງານ ປີ 2015 ຂອງກອງປະຊຸມເສດຖະກິດໂລກ ກ່ຽວກັບຊ່ອງຫວ່າງທາງເພດ ທີ່ອີງ
ໃສ່ລະດັບຄວາມສະເໝີພາບທາງ ດ້ານເສດຖະກິດ ການສຶຶກສາ ພື້ນຖານສຸຂະພາບແລະ
ເຄື່ອງບົ່ງບອກທາງດ້ານການເມືອງນັ້ນ ໄດ້ພົບວ່າ ມີຄວາມກ້າວໜ້າໃນຮອບທົດສະວັດທີ່
ຜ່ານມາ.
