ລັດຖະບານເນປານ ກ່າວວ່າ ຕົນກຳລັງເຊັນຂໍ້ຕົກລົງ ກັບບໍ
ລິສັດອິນເດຍເພື່ອສ້າງເຂື່ອນໄຟຟ້າມູນຄ່າ 1 ພັນ 40 ລ້ານ
ໂດລາ ຢູ່ໃນເຂດພູຫິມະໄລ ທາງພາກຕາເວັນອອກຂອງປະ
ເທດ ຕາມແມ່ນໍ້າ Arun.
ລັດຖະມົນຕີດ້ານກົດໝາຍຂອງເນປານ ທ່ານ Narahari
Acharya ກ່າວວ່າ ຂໍ້ຕົກລົງດັ່ງກ່າວ ຈະເຊັນກັນຫລັງຈາກ
ນາຍົກລັດຖະມົນຕີ Narendra Modi ແຫ່ງອິນເດຍ ໄປ
ເຖິງກອງປະຊຸມສຸດຍອດພູມີພາກຂອງບັນປະມຸກປະເທດ
ເຂດອາເຊຍໃຕ້ ທີ່ຈະເລີ້ມຂື້ນ ຢູ່ນະຄອນ Kathmandu
ໃນວັນພຸດມື້ອຶ່ນນີ້.
ໂຄງການດັ່ງກ່າວຄາດວ່າ ຈະເລີ້ມຜະລິດໄຟຟ້າໃນປີ 2020. ພາຍໃຕ້ຂໍ້ຕົກລົງນີ້ ເນປານ
ຈະໄດ້ຮັບນຶ່ງສ່ວນຫ້າຂອງກະແສໄຟຟ້າ ທີ່ຜະລິດໄດ້ ໂດຍບໍ່ຄິດຄ່າ.
ອິງຕາມພວກນັກວິເຄາະດ້ານອຸດສາຫະກຳ ການຂາດແຄນພະລັງງານແມ່ນຮ້າຍແຮງ
ຫລາຍຢູ່ໃນເນປານ ຊຶ່ງຈະມີການມອດໄຟຟ້າເຖິງ 12 ຊົ່ວໂມງຕໍ່ມື້. ບັນດາເຂື່ອນໄຟຟ້າ
ທີ່ມີຢູ່ໃນປັດຈຸບັນນີ້ ບໍ່ສາມາດສະໜອງຄວາມຮຽກຮ້ອງຕ້ອງການໄດ້ແມ່ນແຕ່ໃນລະດູ
ລົມມໍລະສຸມທີ່ມີຝົນຕົກໜັກ ເວລາມີນໍ້າ ຢູ່ເຕັມທະເລສາບ ແລະຕາມແມ່ນໍ້າ ຕ່າງໆຢ່າງ
ຫຼວງຫລາຍນັ້ນ.
