ລິ້ງ ສຳຫລັບເຂົ້າຫາ

logo-print

ອະດີດນາຍົກໄທ ຖືກຟ້ອງຮ້ອງ ໂດຍສະພານິຕິບັນຍັດ ທີ່ຫວນຄືນເຖິງ ການແບ່ງແຍກທາງການເມືອງ


ອະດີດນາຍົກລັດຖະມົນຕີໄທ ທ່ານນາງ Yingluck Shinawatra ຜູ້ຖືກຂັບໄລ່ອອກຈາກຕຳແໜ່ງ ໂອ້ລົມກັນບັນດານັກຂ່າວ ໃນຂະນະທີ່ເດີນທາງໄປເຖິງສະພາ ກ່ອນໜ້າກອງປະຊຸມ ສະພານິຕິບັນຍັດ ຢູ່ທີ່ບາງກອກ, ວັນທີ 9 ມັງກອນ 2015.

ອະດີດ​ນາຍົກລັດຖະມົນຕີ​ໄທ ທ່ານ​ນາງ ຍິ່ງ​ລັກ ຊິນນະ​ວັດ ​
ໄດ້ໄປປາກົດ​ໂຕ​ ຢູ່​ທີ່​ສະພາ​ນິຕິບັນຍັດແຫ່ງ​ຊາດ ​ໃນ​ວັນ​ສຸກ
ທີ 9 ມັງກອນ​ຜ່ານ​ມາ ​ເພື່ອ​ປະ​ເຊີນ​ໜ້າ​ກັບ​ການຟ້ອງ​ຮ້ອງ​ ໃນ​
ຂໍ້​ກ່າວ​ຫາກ່ຽວ​ກັບ ​ໂຄງການ​ຈຳນຳ​ເຂົ້າຂອງ​ປະ​ເທດ ທີ່​ໄດ້ສ້າງ​
ຄວາມ​ເສຍ​ຫາຍ ປະມານ 16 ຕື້​ດອນ​ລາ. ຜູ້​ສື່​ຂ່າວ​ວີ​ໂອ​ເອ Ron
Corben ມີ​ລາຍ​ງານ​ຈາກ​ບາງກອກວ່າ ​ການເຄື່ອນ​ໄຫວເພື່ອ
ຟ້ອງຮ້ອງ ທ່ານ​ນາງ ຍິ່ງ​ລັກ ນີ້ ໄດ້ກໍ່​ໃຫ້​ເກີດຄວາມ​ແຕກ​ແຍກ ທີ່
​ຝັງ​ເລີກ​ໃນ​ການ​ເມືອງ​ຂອງ​ໄທ ອີກເທື່ອໜຶ່ງ ດັ່ງ ໄຊຈະເລີນສຸກ
ມີລາຍລະອຽດມາສະເໜີທ່ານ.

ທ່ານນາງຍິ່ງລັກ ຊຶ່ງລັດຖະບານຂອງທ່ານນາງ ໄດ້ຖືກໂຄ່ນລົ້ມໃນການກໍ່ລັດຖະປະຫານ​ ໂດຍທະຫານ ເມື່ອເດືອນພຶດສະພາ ປີກາຍນີ້ ແມ່ນກຳລັງປະເຊີນໜ້າກັບ ການຟ້ອງຮ້ອງ
ສຳຫລັບ ຂໍ້ກ່າວຫາລະເລີຍຕໍ່ໜ້າທີ່ ໃນລະຫວ່າງຊີ້ນຳໂຄງການ ສະໜັບສະໜຸນ ລາຄາເຂົ້າ ຫຼື ໂຄງການຈຳນຳເຂົ້ານັ້ນ ທີ່ກໍ່ໃຫ້ເກີດຄວາມເສຍຫາຍຫຼາຍຕື້ດອນລາ.

ໂຄງການຮັບປະກັນລາຄາເຂົ້າດັ່ງກ່າວ ແມ່ນໜຶ່ງໃນຂໍ້ສະເໜີທີ່ສຳຄັນ ທາງການເມືອງ ຊຶ່ງ ໄດ້ຊຸກດັນໃຫ້ພັກເພື່ອໄທ ຂອງທ່ານນາງ ໄດ້ຮັບໄຊຊະນະ ໃນການເລືອກຕັ້ງເມື່ອປີ 2011.

ໃນຂະນະທີ່ກ່າວຖະແຫລງ ໃນ​ວັນ​ສຸກ ທີ 9 ມັງກອນ​ຜ່ານ​ມາ ຕໍ່​ສະພານິຕິບັດຍັດ​ແຫ່ງ​ຊາດ ​ທີ່ຖືກແຕ່ງຕັ້ງໂດຍທະຫານນັ້ນ ທ່ານນາງຍິ່ງລັກ ປະຕິເສດ “ຢ່າງສິ້ນເຊິງ” ທຸກຂໍ້ກ່າວຫາ ແລ້ວກ່າວວ່າ ໂຄງການຈຳນຳເຂົ້າ ແມ່ນໄດ້ໃຫ້ຜົນປະໂຫຍດ ແກ່ກະເສດຕະກອນ 1 ລ້ານ
8 ແສນຄົນ.

ທ່ານນາງຍິ່ງລັກ ກ່າວວ່າ ການຟ້ອງຮ້ອງທ່ານນາງນັ້ນ ຈະດັບຄວາມຫວັງ ຂອງບັນດາ
ກະເສດຕະກອນ ແລະວ່າ ລັດຖະບານ ໄດ້ທຳງານຢ່າງສຸດຈະລິດ ແລະ ຢ່າງໂປ່ງໃສ.
ທ່ານນາງກ່າວຕື່ມວ່າ ໃນຖານະນາຍົກລັດຖະມົນຕີ ທ່ານນາງບໍ່ມີອຳນາດ ທີ່ຈະຍົກເລີກ
ໂຄງການດັ່ງກ່າວນັ້ນ​ໄດ້.

ເຖິງຢ່າງໃດກໍຕາມ ທ່ານນາງຍິ່ງລັກ ແມ່ນເປັນປະທານ ຂອງໂຄງການ ທີ່ອອກນະໂຍບາຍ ກ່ຽວກັບເຂົ້າແຫ່ງຊາດ ຊຶ່ງໄດ້ດຳເນີນໂຄງການຈຳນຳເຂົ້າ ທີ່ພວກຕຳໜິຕິຕຽນ ກ່າວວ່າ ເຮັດໃຫ້ທ່ານນາງ ເປັນຜູ້ສຳຄັນ ທີ່ມີຄວາມຮັບຜິດຊອບ ສຳຫລັບການເສຍຫາຍຂອງໂຄງການນັ້ນ.

ບັນດາເຈົ້າໜ້າທີ່ ແລະ ເຈົ້າໜ້າທີ່ຕ້ານຄໍຣັບຊັ່ນແຫ່ງຊາດ ກ່າວວ່າ ເຂົາເຈົ້າໄດ້ເຕືອນ
ລັດຖະບານຊ້ຳແລ້ວຊ້ຳອີກ ວ່າ ໂຄງການນັ້ນ ໄດ້ປະເຊີນໜ້າກັບ ຄວາມຫຍຸ້ງຍາກ
ຫຼາຍໆຢ່າງ ທາງການເງິນ.

ສ່ວນຜູ້ຕິຕຽນຄົນອື່ນໆ ກ່າວວ່າ ໂຄງການມູນຄ່າຫຼາຍໆຕື້ດັ່ງກ່າວນັ້ນ ແມ່ນເຕັມໄປດ້ວຍ
ການສໍ້ໂກງ.

ພາຍໃຕ້ໂຄງການນີ້ ລັດຖະບານ ສະເໜີ ຊື້ເຂົ້າກັບກະເສດຕະກອນ ໃນລາຄາສູງກວ່າ
ລາຄາໃນທ້ອງຕະຫລາດ ເຖິງ 50 ເປີເຊັນ.

ປະເທດໄທໃນເວລານັ້ນ ແມ່ນເປັນຜູ້ນຳ ໃນການສົ່ງອອກເຂົ້າຂອງໂລກ ແລະແຜນການນີ້ ແມ່ນຫວັງວ່າຈະເຮັດໃຫ້ລາຄາເຂົ້າຂອງໂລກ ສູງຢູ່ດັ່ງເດີມ. ແຕ່ຫາກວ່າ ອັນນັ້ນມັນໄດ້ ລົ້ມແຫລວ ຊຶ່ງໄດ້ນຳມາຊຶ່ງ ເຂົ້າຈຳນວນ 19 ລ້ານໂຕນ ທີ່ເກັບຊື້ຕຸ​ນໄວ້ນັ້ນ ທີ່ຍັງບໍ່ໄດ້
ຂາຍອອກ ຢູ່ຕາມສາງໃນທົ່ວປະເທດ ໃນຂະນະດຽວກັນ ຜູ້ສົ່ງອອກອື່ນໆ ເຊັ່ນຫວຽດນາມ ກໍໄດ້ກ້າວເຂົ້າມາ ເພື່ອຕອບສະໜອງ ຄວາມຕ້ອງການເຂົ້າຂອງໂລກ.

ທ່ານນາງຍິ່ງລັກ ແມ່ນເປັນນ້ອງສາວ ຂອງອະດີດຜູ້ນຳ ທ່ານທັກສິນ ຊິນນະວັດ ຊຶ່ງ
ຜູ້ກ່ຽວເອງ ກໍໄດ້ຖືກຂັບ​ໄ​ລ່ອອກ​ຈາກ​ຕຳ​ແໜ່​ງ ໃນການກໍ່ລັດຖະປະຫານໂດຍທະຫານ
ໃນປີ 2006 ຍ້ອນການກ່າວຫາສໍ້ລາດບັງຫລວງ ແລະ ການຫລິ້ນພັກຫຼິ້ນພວກ. ທ່ານ
ທັກສິນ ໄດ້ຫລົບໜີອອກຈາກປະເທດໄທ ໃນປີ 2008 ໃນເວລາປະເຊີນໜ້າກັບ ໂທດ
ສອງປີ ສຳຫລັບການສໍ້ລາດບັງຫລວງ. ແຕ່ທ່ານທັກສິນ ແລະ ພັກເພື່ອໄທຂອງທ່ານ ກໍ
ຍັງມີຄວາມນິຍົມຊົມຊອບຢູ່ດັ່ງເດີມ ໂດຍພິເສດ ແມ່ນຢູ່ຕາມເຂດຊົນນະບົດ.

ນັກຊ່ຽວຊານທາງດ້ານການເມືອງ ທ່ານ Thitinan Pongsudhirak ຈາກມະຫາວິທະຍາໄລ ຈຸລາລົງກອນ ກ່າວວ່າ ການຟ້ອງຮ້ອງ ເປັນຂີດໝາຍ ຂອງການທົດສອບ ຄວາມພະຍາຍາມ ເພື່ອທີ່ຈະແກ້ໄຂການແບ່ງແຍກ ທາງການເມືອງ ໃນປະເທດ ທີ່ພາໃຫ້ເກີດການ
ກໍ່ລັດຖະປະຫານ ໃນເດືອນພຶດສະພາປີກາຍນີ້.

ທ່ານ Thitinan ເວົ້າວ່າ “ການຮັບຟັງຄຳໃຫ້ການ ໃນການຟ້ອງຮ້ອງ ແມ່ນມີຄວາມ
ສຳຄັນຫຼາຍ ສຳຫລັບການເມືອງຂອງໄທ ເພາະວ່າ ມັນເປັນການທົດສອບ ທີ່ຫຼໍ່
ແຫຼມສຳຄັນ ຕໍ່ຄວາມພະຍາຍາມຂອງໄທ ທີ່ຈະປະນີປະນອມກັນ. ການຟ້ອງຮ້ອງ
ທ່ານນາງຍິ່ງລັກ ສຳຫລັບໂຄງການຈຳນຳເຂົ້ານັ້ນ ໝາຍຄວາມວ່າ ກຸ່ມຄູ່ປໍລະປັກ
ຂອງອ້າຍທ່ານນາງ ກໍຄືກຸ່ມຄູປໍລະປັກທ່ານທັກສິນ ນັ້ນເອງ ແມ່ນຢາກຈະກຳຈັດ
ທ່ານນາງຍິ່ງລັກ. ໂດຍພື້ນຖານແລ້ວ ພວກເຂົາເຈົ້າ ຢາກຫ້າມທ່ານນາງ ຈາກວົງ
ການໆເມືອງ. ແຕ່ວ່າ ຖ້າເຂົາເຈົ້າພະຍາຍາມ ທີ່ຈະດຳເນີນຄະດີ ທ່ານນາງຍິ່ງລັກ ທາງອາຍາ ໃນຂໍ້ຫາສໍ້ລາດບັງຫລວງ ແລະ ເຮັດໃຫ້ທ່ານນາງຕິດຂຸກ ໄດ້ນັ້ນ.
ອັນນັ້ນ ເປັນການດຳເນີນຄະດີ ໄປເຖິງທີ່ສຸດ. ສະນັ້ນ ອັນນີ້ແມ່ນເປັນການ
ທົດສອບ. ໝາກບານ ແມ່ນຢູ່ໃນເດີ່ນ ຂອງກຸ່ມຄູ່ປໍລະປັກ ທ່ານທັກສິນແລ້ວ.”

ຖ້າພົບເຫັນວ່າ ທ່ານນາງຍິ່ງລັກ ຜິດແລ້ວ ຈະປະເຊີນໜ້າກັບ ການສັ່ງຫ້າມບໍ່ໃຫ້ຫລິ້ນ
ການເມືອງ ເປັນເວລາ 5 ປີ.

ຄະນະ​ກຳມະການຕ້ານ​ຄໍຣັບຊັ່ນ​ແຫ່ງ​ຊາດ ແມ່ນຍັງເຄື່ອນໄຫວ ເພື່ອທີ່ຈະກ່າວຟ້ອງ ອະດີດ ນາຍົກລັດຖະມົນຕີ ໃນຂໍ້ຫາ ສໍ້ລາດບັງຫລວງ.

ອະດີດສະມາຊິກ ລັດຖະບານ ອີກ 2 ທ່ານ ແມ່ນກຳລັງປະເຊີນໜ້າກັບ ການຟ້ອງຮ້ອງ
ເຊັ່ນກັນ ໃນຂໍ້ຫາສະໜັບສະໜຸນບາດກ້າວຕ່າງໆ ເພື່ອດັດແກ້ລັດຖະທຳມະນູນໂດຍບໍ່ໄດ້ ຮັບການອະນຸມັດ.

ນາຍົກລັດຖະມົນຕີ ຄົນປັດຈຸບັນ ແລະກໍເປັນນາຍພົນ ທ່ານ ປຣາຢຸດ ຈັນໂອຊາ ຜູ້ທີ່
ນຳພາການກໍ່ລັດຖະປະຫານ ໃນປີກາຍນີ້ ໄດ້ແຈ້ງເຕືອນ ພວກສະໜັບສະໜຸນ ທ່ານນາງ
ຍິ່ງລັກ ຕໍ່ການຈັດຕັ້ງການປະທ້ວງ ໂດຍຢ້ຳເຕືອນພວກເຂົາເຈົ້າວ່າ ປະເທດຍັງຢູ່ພາຍໃຕ້
ກົດໄອຍາການເສີກ.

ແຕ່ຫາກວ່າ ນາຍທະຫານເຮືອອາວຸໂສຄົນໜຶ່ງ ທີ່ເປັນສະມາຊິກ ສະພາແຫ່ງຊາດອີກດ້ວຍ
ໄດ້ບອກກັບສື່ຂ່າວໃນທ້ອງຖິ່ນວ່າ ທ່ານຄາດໄວ້ວ່າທັງສາມທ່ານນີ້ຈະ “ລອດຜົ້ນ” ຂໍ້
ກ່າວຫາທັງຫຼາຍ ໃນຄະນະທີ່ສະມາຊິກຫຼາຍໆຄົນ ໂດຍສ່ວນໃຫຍ່ ເຊື່ອກັນວ່າພື້ນຖານ
ຂອງການຟ້ອງຮ້ອງ ບໍ່ມີອີກຕໍ່ໄປ ນັບຕັ້ງແຕ່ມີການກໍ່ລັດຖະປະຫານ.

ສະພາແຫ່ງຊາດທີ່ຖືກແຕ່ງຕັ້ງຂຶ້ນມາ ລວມມີສະມາຊິກຈຳນວນ 250 ທ່ານ ແລະຕ້ອງການ ສຽງສະໜັບສະໜຸນ 3 ສ່ວນ 5 ຂອງຈຳນວນສະມາຊິກທັງໝົດ ຫຼື 132 ສຽງ ສຳຫລັບການ
ຟ້ອງຮ້ອງ ຈະດຳເນີນຕໍ່ໄປໄດ້. ການ​ລົງ​ຄະ​ແນນ​ສຽງ ​ຕໍ່​ຂໍ້​ກ່າວ​ຫາຕ່າງໆ ​ແມ່ນ​ຄາດ​ກັນວ່າ
ຈະ​ມີ​ຂຶ້ນ ​ໃນ​ວັນ​ທີ 22 ​ແລະ 23 ​ເດືອນ​ມັງກອນ​ນີ້.

THAILAND POLITICS VO
please wait
Embed

No media source currently available

0:00 0:00:48 0:00

ເບິ່ງຄວາມເຫັນ (3)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG