ໃນອັນດັບຕໍ່ໄປ ພວກເຮົາຈະສະເໜີຂ່າວ ກ່ຽວກັບການພະຍາ
ຍາມຂອງປາກິສຖານ ເພື່ອລົບລ້າງການເປັນໂຣກເປ້ຍຫລ່ອຍ
ຫຼືໂຣກໂປລີໂອ ໃນວັນຕໍ່ຕ້ານໂປລີໂອຂອງໂລກວັນທີ 24ຕຸລາ
ມື້ນີ້.
ປາກິສຖານແມ່ນນຶ່ງໃນສາມປະເທດໃນໂລກ ທີ່ຍັງມີໂຣກໂປລີ
ໂອຄຸກຄາມຢູ່ ສ່ວນອີກສອງປະເທດນັ້ນກໍຄືອັຟການິສຖານຊຶ່ງ
ເປັນເພື່ອນບ້ານ ແລະໄນຈີເຣຍ. ທ່ານນາງ Sharon Behn
ລາຍງານ ຈາກນະຄອນອິສລາມາບັດວ່າ ໂດຍການຊ່ວຍເຫຼືອ
ຈາກປະຊາຄົມນາໆຊາດ ຈໍານວນຜູ້ເປັນໂຣກໂປໂອ ຢູ່ໃນປາ
ກິສຖານໄດ້ຫລຸດລົງຈາກ 25,000 ກໍລະນີ ເມື່ອ 16 ປີກ່ອນມາ
ເປັນພຽງແຕ່ 40 ກໍລະນີ ໃນປີນີ້. ແຕ່ພວກທາລິບັນ ໄດ້ຫ້າມບໍ່
ໃຫ້ມີການສັກຢາປ້ອງກັນ ແລະໂຈມຕີ ບັນດາພະນັກງານການ
ແພດ ຊຶ່ງໝາຍຄວາມວ່າ ຈະເຮັດໃຫ້ພະຍາດ ທີ່ສາມາດຕິດຕໍ່
ໄດ້ສູງດັ່ງກ່າວ ແຜ່ຂະຫຍາຍຕໍ່ໄປອີກ.
ທ້າວ Hasmatullah Niazi ຊຶ່ງໄດ້ເປັນເປ້ຍຫລ່ອຍ ຍ້ອນໂຣກ
ໂປລີໂອ ເວລາລາວມີອາຍຸໄດ້ 6 ເດືອນເທົ່ານັ້ນ ບໍ່ໄດ້ຕິຕຽນ ແມ່
ຂອງລາວເລີຍ. ແມ່ລາວມີອາຍຸພຽງ 16 ປີເທົ່ານັ້ນ ເວລານາງໃຫ້ກຳເນີດ ທ້າວ Niazi ແລະກໍບໍ່ຮູ້ຫຍັງເລີຍກ່ຽວກັບເຊື້ອໄວຣັສດັ່ງກ່າວ.
ບັດນີ້ ບັນດາພະນັກງານແພດ ພາກັນໄປເຄາະປະຕູ ເພື່ອສິດສອນໃຫ້ປະຊາຊົນຮູ້ແລະພະ
ຍາຍາມສັກຢາປ້ອງກັນໃຫ້ແກ່ເດັກນ້ອຍທັງໝົດ ເພື່ອບໍ່ໃຫ້ຕິດເຊື້ອໄວຣັສໂປລີໂອ.
ແຕ່ການໂຈມຕີຂອງພວກທາລິບັນທີ່ເລີ້ມແຕ່ເມືອງ Peshawar ຢູ່ໃນພາກເໜືອ ໄປຫານະ
ຄອນ Karachi ຢູ່ໃນພາກໃຕ້ ທີ່ໄດ້ສັງຫານພະນັກງານແພດ ແລະຕໍາຫລວດ ທີ່ອາລັກຂາ
ເຂົາເຈົ້າໄປແລ້ວຫລາຍສິບຄົນ.
ຍ້ອນເຫດດັ່ງກ່າວນີ້ ພວກເດັກນ້ອຍປະມານ 260,000 ຄົນ ຍັງບໍ່ທັນໄດ້ສັກຢາວັກຊີນກັນ
ໂຣກ ແລະເຊື້ອໄວຣັສກໍາລັງແຜ່ຂະຫຍາຍອອກໄປອີກຄັ້ງນຶ່ງ.
ອິງຕາມ ທ່ານ Engebak ຫົວໜ້າທິມຕໍ່ຕ້ານໂປລີໂອຂອງອົງການ UNICEF ຢູ່ໃນປາກິສ
ຖານກ່າວວ່າ ບັນຫາຄວາມປອດໄພພວມເປັນອຸບປະສັກຂັດຂວາງຕໍ່ກໍາຈັດໂປລີໂອ.
ພວກຫົວຮຸນແຮງທາລິບັນກ່າວວ່າ ການສັກຢາວັກຊີນປ້ອງກັນແມ່ນພາກສ່ວນນຶ່ງໃນການ
ວາງແຜນຕໍ່ຕ້ານມຸສລິມຂອງປະເທດຕາເວັນຕົກ. ລັດຖະບານກໍາລັງປະຕິບັດງານຮ່ວມກັບ
ປະຊາຄົມ ແລະບັນດາຜູ້ນໍາທາງສາສະໜາ ເພື່ອຕ້ານຄືນໃນຄວາມເຊື່ອດັ່ງກ່າວ.
ທ່ານ Altaf Bosun ທີ່ສັງກັດຢູ່ໃນໜ່ວຍລົບລ້າງໂປລີໂອ ຂອງນາຍົກລັດຖະມົນຕີກ່າວວ່າ
ການບໍ່ສາມາດເຂົ້າໄປເຖິງ ໃນອັນທີ່ທ່ານຮ້ອງວ່າ ເຂດທີ່ "ມີບັນຫາ” ນັ້ນ ໄດ້ພາໃຫ້ມີການແຜ່ລະບາດຮອບໃໝ່ຂື້ນມາອີກ.
ຍາມຂອງປາກິສຖານ ເພື່ອລົບລ້າງການເປັນໂຣກເປ້ຍຫລ່ອຍ
ຫຼືໂຣກໂປລີໂອ ໃນວັນຕໍ່ຕ້ານໂປລີໂອຂອງໂລກວັນທີ 24ຕຸລາ
ມື້ນີ້.
ປາກິສຖານແມ່ນນຶ່ງໃນສາມປະເທດໃນໂລກ ທີ່ຍັງມີໂຣກໂປລີ
ໂອຄຸກຄາມຢູ່ ສ່ວນອີກສອງປະເທດນັ້ນກໍຄືອັຟການິສຖານຊຶ່ງ
ເປັນເພື່ອນບ້ານ ແລະໄນຈີເຣຍ. ທ່ານນາງ Sharon Behn
ລາຍງານ ຈາກນະຄອນອິສລາມາບັດວ່າ ໂດຍການຊ່ວຍເຫຼືອ
ຈາກປະຊາຄົມນາໆຊາດ ຈໍານວນຜູ້ເປັນໂຣກໂປໂອ ຢູ່ໃນປາ
ກິສຖານໄດ້ຫລຸດລົງຈາກ 25,000 ກໍລະນີ ເມື່ອ 16 ປີກ່ອນມາ
ເປັນພຽງແຕ່ 40 ກໍລະນີ ໃນປີນີ້. ແຕ່ພວກທາລິບັນ ໄດ້ຫ້າມບໍ່
ໃຫ້ມີການສັກຢາປ້ອງກັນ ແລະໂຈມຕີ ບັນດາພະນັກງານການ
ແພດ ຊຶ່ງໝາຍຄວາມວ່າ ຈະເຮັດໃຫ້ພະຍາດ ທີ່ສາມາດຕິດຕໍ່
ໄດ້ສູງດັ່ງກ່າວ ແຜ່ຂະຫຍາຍຕໍ່ໄປອີກ.
ທ້າວ Hasmatullah Niazi ຊຶ່ງໄດ້ເປັນເປ້ຍຫລ່ອຍ ຍ້ອນໂຣກ
ໂປລີໂອ ເວລາລາວມີອາຍຸໄດ້ 6 ເດືອນເທົ່ານັ້ນ ບໍ່ໄດ້ຕິຕຽນ ແມ່
ຂອງລາວເລີຍ. ແມ່ລາວມີອາຍຸພຽງ 16 ປີເທົ່ານັ້ນ ເວລານາງໃຫ້ກຳເນີດ ທ້າວ Niazi ແລະກໍບໍ່ຮູ້ຫຍັງເລີຍກ່ຽວກັບເຊື້ອໄວຣັສດັ່ງກ່າວ.
ບັດນີ້ ບັນດາພະນັກງານແພດ ພາກັນໄປເຄາະປະຕູ ເພື່ອສິດສອນໃຫ້ປະຊາຊົນຮູ້ແລະພະ
ຍາຍາມສັກຢາປ້ອງກັນໃຫ້ແກ່ເດັກນ້ອຍທັງໝົດ ເພື່ອບໍ່ໃຫ້ຕິດເຊື້ອໄວຣັສໂປລີໂອ.
ແຕ່ການໂຈມຕີຂອງພວກທາລິບັນທີ່ເລີ້ມແຕ່ເມືອງ Peshawar ຢູ່ໃນພາກເໜືອ ໄປຫານະ
ຄອນ Karachi ຢູ່ໃນພາກໃຕ້ ທີ່ໄດ້ສັງຫານພະນັກງານແພດ ແລະຕໍາຫລວດ ທີ່ອາລັກຂາ
ເຂົາເຈົ້າໄປແລ້ວຫລາຍສິບຄົນ.
ຍ້ອນເຫດດັ່ງກ່າວນີ້ ພວກເດັກນ້ອຍປະມານ 260,000 ຄົນ ຍັງບໍ່ທັນໄດ້ສັກຢາວັກຊີນກັນ
ໂຣກ ແລະເຊື້ອໄວຣັສກໍາລັງແຜ່ຂະຫຍາຍອອກໄປອີກຄັ້ງນຶ່ງ.
ອິງຕາມ ທ່ານ Engebak ຫົວໜ້າທິມຕໍ່ຕ້ານໂປລີໂອຂອງອົງການ UNICEF ຢູ່ໃນປາກິສ
ຖານກ່າວວ່າ ບັນຫາຄວາມປອດໄພພວມເປັນອຸບປະສັກຂັດຂວາງຕໍ່ກໍາຈັດໂປລີໂອ.
ພວກຫົວຮຸນແຮງທາລິບັນກ່າວວ່າ ການສັກຢາວັກຊີນປ້ອງກັນແມ່ນພາກສ່ວນນຶ່ງໃນການ
ວາງແຜນຕໍ່ຕ້ານມຸສລິມຂອງປະເທດຕາເວັນຕົກ. ລັດຖະບານກໍາລັງປະຕິບັດງານຮ່ວມກັບ
ປະຊາຄົມ ແລະບັນດາຜູ້ນໍາທາງສາສະໜາ ເພື່ອຕ້ານຄືນໃນຄວາມເຊື່ອດັ່ງກ່າວ.
ທ່ານ Altaf Bosun ທີ່ສັງກັດຢູ່ໃນໜ່ວຍລົບລ້າງໂປລີໂອ ຂອງນາຍົກລັດຖະມົນຕີກ່າວວ່າ
ການບໍ່ສາມາດເຂົ້າໄປເຖິງ ໃນອັນທີ່ທ່ານຮ້ອງວ່າ ເຂດທີ່ "ມີບັນຫາ” ນັ້ນ ໄດ້ພາໃຫ້ມີການແຜ່ລະບາດຮອບໃໝ່ຂື້ນມາອີກ.
