ລິ້ງ ສຳຫລັບເຂົ້າຫາ

logo-print

ໄອຍະການ ສານຍຸຕິທຳສາກົນ ຫວັງວ່າ ການດຳເນີນຄະດີ ອາຊະຍາກຳສົງຄາມ ຈະຊ່ວຍຢຸດ ຄວາມຮຸນແຮງໃນ ຊູດານ


ໄອຍະການສານອາຍາສາກົນຫວັງວ່າ ການດຳເນີນຄະດີຂອງຜູ້ທີ່ຖືກ ກ່າວຫາ ວ່າເປັນອາຊະຍາກອນສົງຄາມຊາວ ຊູດານ ທ້າວ ອາລີ ຄູຊາອິບ ເຊິ່ງໄດ້ເລີ່ມຂຶ້ນໃນເດືອນນີ້ ຈະຊ່ວຍຢຸດເຊົາວົງ ຈອນຂອງຄວາມຮຸນແຮງ ໃນ ປະເທດ ຊູດານ ໄດ້. ໃນການສຳພາດຊ່ອງໜ້າກັນກັບນັກຂ່າວຂອງວີໂອເອ ຊາເລັມ ໂຊໂລມັອນ ນັ້ນ, ໄອຍະການກ່າວວ່າ ການດຳເນີນງານດັ່ງກ່າວໄດ້ສົ່ງສັນຍານ ເຖິງພວກອາຊະຍາກອນສົງຄາມວ່າ ພວກເຂົາບໍ່ສາມາດຫຼົບໜີ ຈາກຖືກນຳຕົວມາລົງໂທດໄດ້. ເຊິ່ງ ພຸດທະສອນ ຈະນຳລາຍລະອຽດມາສະ ເໜີທ່ານໃນອັນດັບຕໍ່ໄປ.


ຫຼັງຈາກການຫຼົບໜີດົນກວ່ານຶ່ງທົດສະວັດ, ຊາວ ຊູດານ ຜູ້ທີ່ຖືກກ່າວຫາວ່າ ເປັນອາຊະຍາກອນສົງຄາມ ທ້າວ ອລີ ຄູຊາຢິບ ໄດ້ນັ່ງຢູ່ໃນຫ້ອງສານ ໃນ ປະເທດ ເນເທີແລນ ເຊິ່ງຖືກກ່າວຫາວ່າ ເປັນຜູ້ບັນຊາພວກນັກລົບ ຈານຈາ ວີດ ຜູ້ທີ່ໄດ້ຂົ່ມຂືນ, ທໍລະມານ ແລະ ເຂັ່ນຂ້າພົນລະເຮືອນໃນເຂດ ດາຟົວ.

ທ່ານ ຟາຕູ ເບັນຊູດາ, ໄອຍະການທີ່ສານອາຍາສາກົນ ກ່າວວ່າ “ຂ້າພະເຈົ້າ ເຊື່ອວ່າການສົ່ງຕົວຂອງລາວແມ່ນກະຈ່າງແຈ້ງຫຼາຍ ແລະ ເປັນຂໍ້ຄວາມທີ່ຊັດ ເຈນວ່າ ບໍ່ວ່າມັນຈະໃຊ້ເວລາດົນປານ ໃດ, ພວກເຮົາຈະບໍ່ຢຸດ, ຫ້ອງການຂອງ ຂ້າພະເຈົ້າຈະບໍ່ຢຸດວຽກງານຂອງພວກເຮົາ, ຈົນກວ່າຜູ້ທີ່ຖືກກ່າວຫາກະທຳຜິດ ກ່ຽວກັບ ອາຊະຍາກຳ ສົນທິສັນຍາ ໂຣມ ພວກນີ້ຈະຖືກນຳຕົວມາລົງ ໂທດ.”

ລະຫວ່າງປີ 2003 ແລະ 2004, ທ້າວ ຄູຊາຢິບ, ຜູ້ທີ່ມີຊື່ແທ້ວ່າ ອາລີ ມູຮຳມັດ ອາລີ ອັບດີ ອາລ-ຣາມັນ, ໄດ້ຖືກກ່າວຫາວ່າ ນຳພາສະມາຊິກ ຂອງກຸ່ມທະຫານບ້ານ ຈານຈາວີດ ຫຼາຍພັນຄົນ.

ນັກລົບພວກນີ້ໄດ້ກະທຳສິ່ງທີ່ຖືກເອີ້ນວ່າ ການກວາດລ້າງຊົນເຜົ່າ ຕໍ່ປະຊາຊົນ ໃນເຂດດາຟົວ.

ທ່ານ ແຄມເມີຣອນ ຮັດສັນ ຈາກສະພາ ແອັດແລນຕິກ ກ່າວວ່າ “ພວກເຂົາ ຖືກເອີ້ນວ່າ ຜີສາດຢູ່ເທິງຫຼັງມ້າ. ລາວໄດ້ນຳພາກອງທະຫານພວກນີ້ ໃນການ ທຳລາຍໝູ່ບ້ານ ດ້ວຍການປະສານງານຢ່າງໃກ້ຊິດກັບພວກມືລະເບີດທະຫານ. ເຫດການນີ້ໄດ້ດຳເນີນໄປຫຼາຍປີ. ແລະ ລາວກໍແມ່ນຜູ້ທີ່ມີຊື່ສຽງບໍ່ດີທີ່ສຸດ, ເປັນ ຕົວຢ່າງແຫ່ງຄວາມໂສກເສົ້າ ຂອງຊ່ວງເວລາ ທີ່ເສົ້າສະຫຼົດໃຈຫຼາຍນັ້ນ.”

ໃນປີ 2007, ທ້າວ ຄູຊາຢິບ ຖືກຟ້ອງຮ້ອງ 22 ກະທົງ ກ່ຽວກັບ ອາຊະຍາກຳ ຕໍ່ມວນມະນຸດຊາດ ແລະ 28 ກະທົງ ສຳລັບອາຊະຍາກຳສົງຄາມ.

ມັນໄດ້ສິ້ນສຸດລົງເວລາທີ່ທ່ານ ອາລ-ບາເຊຍ ໄດ້ຖືກຂັບໄລ່ລົງຈາກອຳນາດໃນ ລະຫວ່າງການລຸກຂຶ້ນຕໍ່ຕ້ານທີ່ມີຊື່ສຽງ. ໃນເດືອນ ກຸມພາ 2020, ລັດຖະບານ ໃໝ່ຂອງ ຊູດານ ໄດ້ປະກາດວ່າເຂົາເຈົ້າຈະຮ່ວມມືກັບສານ ICC.

ທ່ານ ຟາຕູ ເບັນຊູດາ ກ່າວວ່າ “ຂ້າພະເຈົ້າເຊື່ອວ່າຄວາມຮັບຜິດຊອບ ສຳລັບ ການກໍ່ອາຊະຍາກຳໃນເຂດ ດາຟົວ ຕອນນີ້ ແມ່ນຫົວຂໍ້ທີ່ໄດ້ຮັບການສະໜັບ ສະໜູນຢ່າງກວ້າງຂວາງໃນ ຊູດານ, ທີ່ວ່າຄວາມຍຸຕິທຳ ແລະ ຄວາມຮັບຜິດ ຊອບສຳລັບອາຊະຍາກຳທີ່ໂຫດຮ້າຍປ່າເຖື່ອນ ແມ່ນອົງປະ ກອບທີ່ສຳຄັນ ໃນ ການສ້າງຄວາມໝັ້ງຄົງທີ່ຍືນຍົງ.”

ທ່ານ ຮັດສັນ ເວົ້າວ່າ ການຈັບກຸມ ແລະ ການດຳເນີນຄະດີທີ່ໃກ້ຈະເກີດຂຶ້ນ ຂອງທ້າວ ຄູຊາຢິບ ແລະ ຄົນອື່ນໆທີ່ຖືກກ່າວຫາ ກ່ຽວກັບ ອາຊະຍາກຳສົງ ຄາມນັ້ນ ໄດ້ເປັນຂີດໝາຍຂອງຄວາມສຳ ເລັດ ທີ່ສຳຄັນສຳລັບ ICC ແລະ ອາດມີຜົນກະທົບທີ່ແທ້ຈິງໃນ ຊູດານ.

ທ່ານ ແຄມເມີຣອນ ຮັດສັນ ກ່າວວ່າ “ຂ້າພະເຈົ້າຄິດວ່າມັນເປັນໂອກາດທີ່ສຳ ຄັນຫຼາຍສຳລັບ ICC ທີ່ຈະສະແດງໃຫ້ເຫັນບໍ່ພຽງແຕ່ປະສິດທະພາບຂອງເຂົາ ເຈົ້າໃນການດຳເນີນຄະດີ ທ້າວ ອາລີ ຄູຊາຢິບ ເທົ່ານັ້ນ, ແຕ່ຍັງເປັນນຶ່ງໃນສິ່ງ ຕ່າງໆທີ່ມັນຈະສົ່ງເສີມດັ່ງກັບຜົນປະໂຫຍດຂອງຄວາມຍຸຕິທຳສາກົນ, ເຊິ່ງແມ່ນ ຜົນການບັນເທົາ ແລະ ຜົນການຍັບຢັ້ງຂອງຄວາມຍຸຕິທຳສາກົນ.”

ໃນຂະນະທີ່ ຊູດານ ກະກຽມສຳລັບການການເລືອກຕັ້ງໃນປີ 2022 ນັ້ນ ບາງ ຄົນຢ້ານວ່າ ການດຳເນີນການຂອງ ICC ຈະເປີດບາດແຜເກົ່າ ແລະ ມີຜົນ ກະທົບໃນຄວາມບໍ່ໝັ້ນຄົງ. ແຕ່ທ່ານ ເບັນຊູດາ ສາມາດເຫັນຜົນປະໂຫຍດ ຕ່າງໆ.

ທ່ານ ຟາຕູ ເບັນຊຸດາ ກ່າວວ່າ “ຜູ້ເຄາະຮ້າຍໃນເຂດ ດາຟົວ ໄດ້ລໍຖ້າມາດົນ ພໍແລ້ວ ສຳລັບຄວາມຮັບຜິດຊອບ ແລະ ຈຸດປະສົງຂອງພວກເຮົາແມ່ນ ເພື່ອ ຫຼິ້ນບົດບາດຂອງພວກເຮົາ ພາຍໃນອຳ ນາດຂອງພວກເຮົາ ແລະ ຈຸດປະສົງ ທີ່ຈະຕໍ່ສູ້ກັບການຍົກເວັ້ນໂທດໃນຊູດານ. ການສືບສວນສອບສວນ ແລະ ການ ດຳເນີນການຟ້ອງຮ້ອງອາຊະຍາກຳພວກນີ້ ຈະສາມາດຊ່ວຍຍັບຢັ້ງການກໍ່ອາຊະ ຍາກຳໃນອະນາຄົດ, ແລະ ການເຮັດແນວນັ້ນ, ມັນອາດຊ່ວຍທຳລາຍວົງຈອນ ຂອງຄວາມຮຸນແຮງ.”

ທ່ານ ເບັນຊູດາ ກ່າວວ່າ ເວລາທີ່ຜູ້ເຄາະຮ້າຍເຫັນຄວາມຍຸຕິທຳ ໃນສານແຫ່ງ ກົດໝາຍ ແລະ ຜູ້ກະທຳຜິດຖືກນຳຕົວມາຮັບຜິດຊອບ, ມັນຈະຫຼຸດຜ່ອນຄວາມ ເປັນໄປໄດ້ສຳລັບການກໍ່ຄວາມຮຸນແຮງໃນຄັ້ງຕໍ່ໄປ.

The International Criminal Court’s chief prosecutor hopes the trial of an alleged Sudanese war criminal Ali Kushayb which began this month will help break the cycle of violence’ in Sudan. In a one-on-one interview with VOA's Salem Solomon, the chief prosecutor says the proceedings are a signal to war criminals that they cannot escape justice. ]]

After more than a decade on the run, alleged Sudanese war criminal Ali Kushayb sat in a courtroom in the Netherlands accused of commanding Janjaweed fighters who raped, tortured, and killed civilians in Darfur.

“I believe that his transfer is a very clear and unequivocal message that no matter how long it takes, we will not stop, my office will not stop our work, until these alleged perpetrators of the Rome Statute crimes have been brought to justice.”

Between 2003 and 2004, Kushayb, whose given name is Ali Muhammad Ali Abd–Al-Rahman, is accused of leading thousands of Janjaweed militia members.

These fighters conducted what has been called a campaign of ethnic cleansing against the people of Darfur.

“They were called the devils on horseback. He led those troops into destroying villages in close coordination with military bombers. This went on for many years. And he is just one of the most notorious, grievous representations of that very, very sad period of time.”

In 2007, Kushayb was indicted on 22 counts of crimes against humanity and 28 war crimes.

But for years, he received protection from the former Sudanese President Omar al-Bashir.

That ended when al-Bashir was ousted during a popular uprising. In February 2020, Sudan’s transitional government announced it would cooperate with the ICC.

“… I believe that accountability for crimes committed in Darfur is now widely supported proposition in Sudan, that justice and accountability for atrocity crimes is an essential element in building lasting stability.”

Hudson says the arrest and impending trial of Kushayb and other alleged war criminals mark an important milestone for the ICC and could have real impacts in Sudan.

“I think it's a really important opportunity for the ICC to demonstrate not just its efficacy in trying Ali Kushayb, but also one of the things that it touts as a benefit of international justice, which is the healing effect and the deterrent effect of international justice.”

As Sudan prepares for elections in 2022 some have feared that the ICC proceedings could reopen old wounds and have a destabilizing effect. But Bensouda sees the benefits.

“The victims in Darfur have waited long enough for accountability and our objective is to play our role within our mandates and means to combat impunity in Sudan. Investigating and prosecuting these crimes can help to deter the commission of future crimes, and in doing so, it can help to break the cycle of violence.”

Bensouda says that when victims see justice in a court of law and perpetrators are held accountable, it decreases the likelihood for further violence.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG