ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

​ມີການຊົມເຊີຍຕໍ່ຄວາມເອື້ອເຟື້ອເພື່ອແພ່ ໃນດ້ານມະນຸດສະທຳ ຕໍ່ຢູເຄຣນ ແຕ່ຢ້ານວ່າ ຈະມີຜົນເສຍຕໍ່ວິກິດການອື່ນໆ


ບັນດາສະມາຊິກຂອງປະຊາຄົມໂບດອໍໂທດັອກສຂອງຢູເຄຣນ ພາກັນໄຫວ້ພາວັນນາ ໃນລະຫວ່າງພິທີທາງສາສະໜາຂອງພວກເຂົາເຈົ້າ ໃນໂບດແຫ່ງນຶ່ງ ທີ່ຍັງຖືກໃຊ້ເປັນສະຖານທີ່ເກັບມ້ຽນການຊ່ອຍເຫຼືອ ເປັນການຊົ່ວຄາວ ທີ່ພ້ອມຈະຖືກຂົນສົ່ງໄປຍັງຢູເຄຣນ ທ່າມກາງການບຸກລຸກຂອງຣັດເຊຍໃນຢູເຄຣນ, ວັນທີ 10 ເມສາ 2022.
ບັນດາສະມາຊິກຂອງປະຊາຄົມໂບດອໍໂທດັອກສຂອງຢູເຄຣນ ພາກັນໄຫວ້ພາວັນນາ ໃນລະຫວ່າງພິທີທາງສາສະໜາຂອງພວກເຂົາເຈົ້າ ໃນໂບດແຫ່ງນຶ່ງ ທີ່ຍັງຖືກໃຊ້ເປັນສະຖານທີ່ເກັບມ້ຽນການຊ່ອຍເຫຼືອ ເປັນການຊົ່ວຄາວ ທີ່ພ້ອມຈະຖືກຂົນສົ່ງໄປຍັງຢູເຄຣນ ທ່າມກາງການບຸກລຸກຂອງຣັດເຊຍໃນຢູເຄຣນ, ວັນທີ 10 ເມສາ 2022.

ບັນດາອົງການຊ່ອຍເຫຼືອບັນເທົາທຸກສາກົນ ກ່າວວ່າ ພວກເຂົາຍິນດີນຳການຊ່ອຍເຫຼືອ ທີ່ລັ່ງໄຫລເຂົ້າມາຈາກທົ່ວໂລກ ສຳ​ລັບຢູເຄຣນ ນັບຕັ້ງແຕ່ມີການບຸກລຸກຂອງຣັດເຊຍ ແຕ່ກໍເປັນຫ່ວງວ່າ ວິກິດການນີ້ຈະຫັນປ່ຽນຄວາມສົນໃຈ ແລະດ້ານການເງິນ ໄປຈາກພາວະສຸກເສີນດ້ານມະນຸດສະທຳທີ່ຮີບດ່ວນເທົ່າ ທຽມກັນ ຢູ່ໃນອາຟຣິກາ ເຂດພາກຕາເວັນອອກກາງ ແລະແຫ່ງອື່ນ.

ວິກິດການດ້ານອົບພະຍົບຂະໜາດໃຫຍ່ ໄດ້ສ້າງ “ການຕອບສະໜອງທີ່ຍາກເປັນພິເສດ” ໃນຄວາມເຫັນອົກເຫັນໃຈແລະການຊ່ອຍເຫຼືອ ອີງຕາມການກ່າວຂອງເຈົ້າໜ້າທີ່ປະຈຳອົງການເພື່ອການກຸສົນສາກົນ Save the Children.

ທ່ານເກຣກກໍຣີ ຣາມ (Gregory Rammd) ຜູ້ທີ່ກຳກັບນຳການຮັບມືດ້ານມະ ນຸດສະທຳສຳລັບອົງການເພື່ອການກຸສົນດັ່ງກ່າວ ແລະມີຫ້ອງການຕັ້ງຢູ່ໃນນະ ຄອນຫຼວງວໍຊິງຕັນໄດ້ກ່າວວ່າ “ລະດັບຂອງການສະໜັບສະໜຸນທັງດ້ານການເງິນ ທີ່ໄດ້ລັ່ງໄຫລເຂົ້າມາໃນອົງການ Save the Children ຕະຫຼອດເຖິງອົງການທີ່ບໍ່ຂຶ້ນກັບລັດຖະບານ ຫຼື NGO ອື່ນໆ ແລະອົງການຂອງອົງການສະຫະປະຊາຊາດທັງຫຼາຍ....ການສະໜັບສະໜຸນທີ່ມາຈາກລັດຖະບານສະຫະ ລັດ ຄວາມສາມັກຄີເປັນນ້ຳນຶ່ງໃຈດຽວ ທຸງຊາດທັງຫຼາຍທີ່ເປັນສີຂອງຢູເຄຣນ ໄດ້ໂບກໄປມານັ້ນ-ຂ້າພະເຈົ້າໝາຍເຖິງ ມັນເປັນພຽງລະດັບຂອງການສະໜັບສະໜຸນແບບບໍ່ທຳມະດາ.”

ແຕ່ທ່ານກ່າວອີກວ່າ “ມີວິກິດການຫຼາຍແຫ່ງທີ່ໄດ້ຖືກປ່ອຍປະລະເລີຍ. ດຽວນີ້ ພວກເຮົາມີໂລກ ທີ່ໄດ້ປະເຊີນກັບບັນຫາຂັດແຍ້ງ ວິກິດການດ້ານສະພາບອາ ກາດ ໂຄວິດ ແລະໃນເວລາດຽວກັນ ມັນຍາກທີ່ຈະດຶງເອົາຄວາມສົນໃຈຂອງໂລກ ໄປຫາຊູດານ ຫາເຂດພາກຕາເວັນອອກຂອງຄອງໂກ ຫາເຢເມນ ຫາເຂດຊາແຮລ ຫາແຫ່ງຕ່າງໆ ບ່ອນທີ່ພວກເດັກນ້ອຍແມ່ນທົນທຸກທໍລະມານໃນແບບດຽວກັນກັບທີ່ພວກເດັກນ້ອຍຂອງຢູເຄຣນ ທີ່ກຳລັງທົນທຸກທໍລະມານຢູ່ນີ້.”

ສະຫະປະຊາຊາດໄດ້ລາຍງານວ່າ ປະຊາຊົນຫຼາຍກວ່າ 4 ລ້ານ 6 ແສນຄົນໄດ້ຫລົບໜີອອກຈາກຢູເຄຣນ ຫຼັງຈາກການບຸກລຸກຂອງຣັດເຊຍໃນວັນທີ 24 ກຸມພາ ແລະອີກຈຳນວນ 7 ລ້ານ 1 ແສນຄົນ ໄດ້ຖືກພັດພາກຈາກຖິ່ນຖານພາຍໃນປະເທດ. ໃນຈຳນວນ 11 ລ້ານ 7 ແສນຄົນ ຜູ້ທີ່ໄດ້ຖືກພັດພາກຈາກຖິ່ນຖານຢູ່ພາຍໃນ ແລະນອກປະເທດຢູເຄຣນ ນັ້ນ 7 ລ້ານ 5 ແສນຄົນ ແມ່ນເດັກນ້ອຍ-ແລະ ພວກເຂົາເຈົ້າ ແມ່ນລວມຢູ່ໃນພວກເດັກໄວລຸ້ນ 190 ລ້ານຄົນໃນທົ່ວໂລກທີ່ອາໃສ “ຢູ່ໃນເຂດຕ່າງໆທີ່ມີບັນຫາຂັດແຍ້ງຮ້າຍແຮງ.”

ສະຫະປະຊາຊາດ ກະປະມານວ່າ 274 ລ້ານຄົນໃນທົ່ວໂລກ ຈະຕ້ອງການການຊ່ອຍເຫຼືອດ້ານມະນຸດສະທຳ ໃນປີນີ້ ຊຶ່ງສູງຂຶ້ນເປັນປະຫວັດການ ຈາກ235 ລ້ານໃນປີ 2021. ອົງການອາຫານໂລກຂອງສະຫະປະຊາຊາດ ຊຶ່ງໄດ້ຕັດການປັນສ່ວນອາຫານລົງຢູ່ແລ້ວ ຍ່ອຍການຂາດແຄນດ້ານທຶນຮອນ ກໍໄດ້ກ່າວເຕືອນ ໃນທ້າຍເດືອນມີນາ ວ່າ ວິກິດການທີ່ກ່ຽວຂ້ອງກັບຜູ້ຜະລິດອາ​ຫານ ປະ​ເພດ​ເມັດທີ່ສຳຄັນ ​ໃນຢູເຄຣນແລະຣັດເຊຍ ສາມາດເຮັດໃຫ້ເກີດວິກິດກາ​ນ ດ້ານອາຫານໃນທົ່ວໂລກທີ່ຮ້າຍແຮງ​ໄດ້ ນັບແຕ່ສົງຄາມໂລກຄັ້ງທີສອງ​ມາ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG