ລິ້ງ ສຳຫລັບເຂົ້າຫາ

ວັນເສົາ, ໐໒ ມີນາ ໒໐໒໔

ນັກວິທະຍາສາດ ຊອກຫາທາງ ຍຸດຕິ ການລະບາດຂອງ ໂຣກຕີນຊ້າງ (ວີດີໂອ ຮຽນພາສາອັງກິດ)


ໂຣກ ຕີນຊ້າງ ຫລື Elephantiasis ກະທົບຕໍ່ 120 ລ້ານຄົນ ຢູ່ໃນອາຟຣິກາ ແລະເອເຊຍ.
ໂຣກ ຕີນຊ້າງ ຫລື Elephantiasis ກະທົບຕໍ່ 120 ລ້ານຄົນ ຢູ່ໃນອາຟຣິກາ ແລະເອເຊຍ.
ໃນ​ສາລະ​ຄະດີ​ການ​ແພດ​ຂອງ​ເຮົາ​ມື້​ນີ້ ​ ສິງ​ຈະ​ນຳ​ເອົາ​ເລື້ອງ
ວິທີປ້ອງ​ກັນໂຣກຊໍາ​ເຮື້ອ​ຊະນິດ​ນຶ່ງ ​ທີ່​ເອີ້ນເປັນ​ພາສາ​ອັງກິດ
​ວ່າ Elephantiasis ​ຫລືໂຣກຕີນຊ້າງ ມາສະ​ເໜີທ່ານ.

ລິງໂດຍກົງ

ເບິ່ງວີດີໂອ ກັບຮຽນພາສາອັງກິດໄປພ້ອມ:

Elephantiasis Affects Millions Worldwide
please wait

No media source currently available

0:00 0:03:12 0:00
ລິງໂດຍກົງ

ບັນດາ​ນັກວິທະຍາສາດກຳລັງ​ດຳ​ເນີນ​ງານ ​ເພື່ອ​ຊອກ​ຫາ​ຊ່ອງທາງ​ຍຸຕິການລະບາດຂອງ​
ພະຍາດ​ທີ່​ເປັນ​ໄພ​ຂົ່ມຂູ່​ຕໍ່ 1 ສ່ວນ 5ຂອງ​ປະຊາກອນ​ທັງ​ໝົດໃນໂລກ. ມີ​ປະຊາຊົນໃນຈຳ
ນວນ​ຫຼາຍ​ກວ່າ 120 ລ້ານ​ຄົນ ​ຕິດ​ໂຣກ​ຕີນ​ຊ້າງ ທີ່​ເອີ້ນກັນ​ອີກ​ຊື່​ນຶ່ງ​ວ່າ ພະຍາດໜັງ​ຊ້າງ​
ຫຼື elephantiasis. ພະຍາດ​ດັ່ງກ່າວ​ໄດ້​ຖືກ​ພົບເຫັນ​ສ່ວນ​ໃຫຍ່ ​ໃນເຂດ​ເອເຊຍຕາ​ເວັນ
​ອອກສຽງ​ໃຕ້ແລະ​ໃນທະວີບອາ​ຟຣິກາ. ມັນມີ​ຜົນ​ກະທົບກະ​ເທືອ​ນຕໍ່​ລະບົບ​ຕ່ອມ​ນ້ຳເຫຼືອງ
ຊຶ່ງ​ພາກສ່ວນ​ສຳຄັນໃນການ​ປ້ອງ​ກັນ​ທາງທຳ​ມະ​ຊາດ​ຂອງ​ຮ່າງກາຍ​ ເພື່ອ​ຕໍ່ສູ້​ກັບ​ພະຍາດ.

ພະຍາດ​ຕີນ​ຊ້າງນີ້ ​ສາມາດ​ເຮັດ​ໃຫ້​ຜິວໜັງ​ ແລະ​ເນື້ອ​ເຍື່ອພອງ​ຂຶ້ນ ຫຼື​ຂະຫຍາຍຕົວ​ຂຶ້ນ.
ສາ​ເຫດ​ກໍ​ແມ່ນ​ວ່າ​ເຊື້ອ​ພະຍາດເຂົ້າ​ໄປ​ໃນ ​ແລະ​ອາ​ໄສ​ຢູ່​ໃນ​ທໍ່​ຕ່ອມ​ນ້ຳ​ເຫຼືອງ ເປັນ​ເວລາ
6 ຫາ 8 ປີ.

ບັນດາ​ນັກວິທະຍາສາດ​ກ່າວ​ວ່າ ​ເຂົາ​ເຈົ້າ​ສາມາດ​ສະ​ແດງ​ໃຫ້​ເຫັນ​ວ່າ ​ສາ​ເຫດ​ທີ່​ພາ​ໃຫ້​
ເກີດພະຍາດ​ຕີນ​ຊ້າງ​ນີ້​ ສາມາດ​ຢຸດ​ໄດ້. ​ເຂົາ​ເຈົ້າ​ຮຽກຮ້ອງ​ໃຫ້​ພວກ​ທີ່ມີ​ຄວາມ​ສ່ຽງນັ້ນ ​
ພາກັນ​ນອນ​ໃນ​ມຸ້ງ ​ທີ່ອາບຢາ​ເຄມີຂ້າ​ໂຕ​ຍຸງ​.

ດຣ. Lisa Reimer ທີ່​ເປັນອາຈານ​ສອນ​ຢູ່​ສະ​ຖາ​ບັນ​ການແພດເຂດ​ຮ້ອນ Liverpool
ຊຶ່ງ​ເຄີຍ​ຮັບ​ໃຊ້​ ໃນ​ປະ​ເທດ Papua New Guinea ຮ່ວມ​ຢູ່​ໃນ​ທີ​ມງານ​ນຶ່ງ ທີ່​ທຳ​ການ ​
ສຶກສາ​ກ່ຽວ​ກັບ​ພະຍາດ​ດັ່ງກ່າວ. ທີ​ມງານ​ທີ່​ວ່າ​ນີ້ ​ປະກອບ​ດ້ວຍ​ບັນດາ​ນັກ​ຄົ້ນຄວ້າທີ່
ມາ​ຈາກ Papua New Guinea ອັງກິດ ອອສ​ເຕຣ​ເລຍ ​ແລະ​ສະຫະລັດ​ອາ​ເມຣິກາ.

ດຣ​. Reimer ກ່າວວ່າ ທ່ານນາງມີຄວາມປະຫຼາດໃຈ ນຳປະສິດທິຜົນຂອງມຸ້ງອາບຢາ ຂ້າແມງໄມ້ ເພື່ອຕໍ່ຕ້ານໂຣກໄຂ້ຍຸງ ທີ່ສາມາດຕໍ່ຕ້ານກັບພະຍາດດັ່ງກ່າວນີ້ໄດ້.

ດຣ​. Reimer ​ເວົ້າວ່າ “ພະຍາດໜັງຊ້າງ ຫຼື Filariasis ເກີດຈາກຍຸງກັດໃນຍາມ
ມື້ຄືນເທົ່ານັ້ນ ດັ່ງນີ້ມັນເວລາທີ່ເບິ່ງຄືວ່າຜູ້ຄົນສາມາດປົກປ້ອງຈາກການຕິດເຊື້ອ
ພະຍາດດັ່ງກ່າວ ໄດ້ໂດຍພາກັນນອນ ຢູ່ໃນມຸ້ງອາບຢາ. ດັ່ງນີ້ ພວກເຮົາເຫັນວ່າ
ການໃຊ້ມຸ້ງອາບຢາເຄມີ ຄວາມຈິງແລ້ວ ເປັນສິ່ງກີດກັນທີ່ສຳຄັນໃນການຕໍ່ຕ້ານ
ການຕິດເຊື້ອພະຍາດໜັງຊ້າງ ໃນບ່ອນທີ່ການຕິດພະຍາດໄຂ້ຍຸງອາດຈະຍັງມີຢູ່
ນອກເວລາທີ່ຜູ້ຄົນຢູ່ໃນມຸ້ງ
."

ຕາມທຳມະດານັ້ນ ພວກນາຍແພດພາກັນໃຊ້ຢາຊະນິດຕ່າງໆ ເພື່ອຕໍ່ສູ້ກັບພະຍາດດັ່ງ
ກ່າວນີ້. ດຣ.Reimer ກ່າວວ່າ ພວກນາຍແພດໃນປະເທດ Papua New Guineaໄດ້
ເອົາຢາໃຫ້ປະຊາຊົນໃຊ້ໃນ 5 ໝູ່ບ້ານ ແລະທ່ານນາງກ່າວຕື່ມວ່າ ການປິ່ນປົວເກືອບ
ເຮັດໃຫ້ ໄພຂົ່ມຂູ່ ຈາກການແຜ່ລະບາດຂອງເຊື້ອພະຍາດດັ່ງກ່າວ ຕໍ່ມະນຸດໝົດໄປ ແຕ່
ຢານີ້ບໍ່ສາມາດ​ຍຸຕິໄພຄຸກຄາມຈາກຍຸງ​ໄດ້. ມຸ້ງທີ່ອາບຢາ ກີດກັນບໍ່ໃຫ້ພວກຍຸງຕົວແມ່
ໄປດູດເອົາເລືອດ ຊຶ່ງເປັນສິ່ງຈຳເປັນສຳລັບຍຸງ ທີ່ຈະແຜ່ພັນ​ໄດ້. ນອກນັ້ນ ຢາຂ້າຍຸງດັ່ງ
ກ່າວ ຍັງຕັດຊີວິດຂອງພວກຍຸງ ລົງໄດ້ເຄິ່ງນຶ່ງ ຊຶ່ງ ດຣ.Reimer ກ່າວວ່າ:

“ຖ້າພວກເຮົາສາມາດລົດອັດຕາຍຸງກັດລົງໄດ້ ຫຼັງຈາກນັ້ນ ພວກເຮົາຈະສາມາດ
ເພີ່ມທາງກີດກັນການແຜ່ຜາຍຂອງພະຍາດດັ່ງກ່າວໃຫ້ໝົດໄປໄດ້. ດັ່ງນີ້ ໃນການ
ຄວບຄຸມຕົວຍຸງ​ໄດ້ໝາຍຄວາມວ່າ ພວກເຮົາວາງເປົ້າໝາຍ ສຳລັບຄຸ້ມ​ຄອງ​ໃນ
​ການ​ໃຊ້ຢາໄດ້ຜົນຫຼາຍຂຶ້ນ.”


ເບິ່ງວີດີໂອ ກ່ຽວກັບເລື້ອງນີ້:



ອົງການອະນາໄມໂລກໄດ້ວາງເປົ້າໝາຍ ທີ່ຈະຢຸດການແຜ່ລາມຂອງໂຣກຕີນຊ້າງນີ້
ໃນຖານະເປັນບັນຫາດ້ານ​ສາທາ​ລະນະ​ສຸກຂອງປະຊາຊົນອັນນຶ່ງ ໃຫ້ໄດ້ພາຍໃນປີ
2020. ອົງການອະນາໄມໂລກກະປະມານວ່າ ປະຊາຊົນໃນຈຳນວນ 1400 ລ້ານຄົນ
ໃນ 73 ປະເທດ ​ແມ່ນສ່ຽງຕໍ່ການຕິດເຊື້ອພະຍາດດັ່ງກ່າວ.

ພວກເດັກນ້ອຍມັກຕິດເຊື້ອພະຍາດນີ້ ແຕ່ບໍ່ມີຮ່ອງຮອຍໃດໆສະແດງໃຫ້ເຫັນການ​ເປັນ ພະຍາດດັ່ງກ່າວ ຈົນກວ່າເຂົາເຈົ້າເຕີບໃຫຍ່ຂຶ້ນມາ.
XS
SM
MD
LG