ພາກຕາເວັນອອກສຽງໃຕ້ຂອງສະຫະລັດນັ້ນ ເປັນທີ່ຮູ້ກັນ
ດີວ່າເປັນເຂດ “ວົງສາຍພານແຫ່ງລົມສາລະບາດ ຫລື
Stroke”. ຜູ້ຄົນອາໃສຢູ່ໃນເຂດນັ້ນມີຄວາມສ່ຽງເພີ້ມຂຶ້ນ
ໃນອັດຕາລະຫວ່າງ 20 ຫາ 40% ຕໍ່ການເສຍຊີວິດຍ້ອນ
ເປັນລົ້ມສາລະບາດ ຫລືເປັນ Stroke ຊຶ່ງກໍຄືອາການທີ່
ເລືອດແລ່ນໄປລ້ຽງສະໝອງບໍ່ໄດ້ ຊຶ່ງຕາມປົກກະຕິແລ້ວ
ແມ່ນເປັນຍ້ອນເກີດອາການເລືອດກ້າມອຸດຕັນເສັ້ນເລືອດ.
ມາບັດນີ້ ການສຶກສາບັ້ນນຶ່ງ
ທີ່ກໍາລັງດໍາເນີນໄປທີ່ມີຄົນ
ອາເມຣິກັນເກືອບຮອດ 22
ພັນຄົນເຂົ້າປະກອບສ່ວນ
ນັ້ນ ໄດ້ຊີ້ໃຫ້ເຫັນສິ່ງນຶ່ງທີ່
ອາດເປັນໂຕການພາໃຫ້ເປັນເຊັ່ນນັ້ນ ຊຶ່ງກໍຄືຈືນປານັ້ນເອງ.
ການສຶກສາດັ່ງກ່າວໄດ້ພົບເຫັນວ່າ ເຖິງແມ່ນວ່າຫລາຍໆຄົນ
ທີ່ອາໃສຢູ່ໃນບັນດາລັດທີ່ຢູ່ໃນເຂດ “ວົງສາຍພານແຫ່ງລົມ
ສາລະບາດ ຫລື Stroke” ນັ້ນ ມັກຈະກິນປາສອງຄາບຂຶ້ນ
ໄປຕໍ່ອາທິດກໍຕາມ, ແຕ່ປາທີ່ເຂົາເຈົ້າກິນນັ້ນ ກໍມັກຈະເປັນປາຈືນໂດຍໃຊ້ນ້ຳມັນຫລາຍໆ
ຊຶ່ງເປັນການເພີ້ມພະລັງຄາລໍຣີ, ໄຂມັນ, ຊຶ່ງເຮັດໃຫ້ມີຄໍແລັສຕໍຣອລເພີ້ມຫລາຍຂຶ້ນ. ການ
ບໍລິໂພກປາຈືນແມ່ນມີຫລາຍເປັນພິເສດໃນກຸ່ມຄົນອາເມຣິກັນເຊື້ອສາຍອາຟຣິກາຫລືພວກ
ຄົນດຳ ທີ່ກິນປາຈືນຫລາຍກວ່າພວກອາເມຣິກັນຜິວຂາວ ຫລາຍກວ່າສາມເທື່ອເຄິ່ງ. ຊາວ
ອາເມຣິກັນຜິວດຳນັ້ນ ມີຄວາມສ່ຽງຕໍ່ການເປັນ Stroke ສູງກວ່າຊາວຜີວຂາວໂດຍບໍ່ກ່ຽວ
ກັບວ່າ ພວກເຂົາເຈົ້າຈະດໍາລົງຊີວິດ ຢູ່ແຫ່ງໃດ.
ສະມາຄົມວ່າດ້ວຍຫົວໃຈອາ
ເມຣິກັນ ຫລື American
Heart Association ໄດ້
ແນະນຳໃຫ້ຄົນກິນປາທີ່ມີ
ອາຊິດ ຫລືທາດກົດຂອງນໍ້າ
ມັນປາ Omaga 3 ສູງນັ້ນ
ຢ່າງໜ້ອຍສອງເທື່ອຕໍ່ອາ
ທິດ ໂດຍໃຫ້ອົບຫລືປີ້ງເອົາ
ແຕ່ບໍ່ໃຫ້ຈືນ.
ອີງຕາມທ່ານນາງ Virginia
Howard ແຫ່ງມະຫາວິທະຍາ
ໄລ ລັດອາລາບາມາ ທີ່ເມືອງ
Birmingham, ຜູ້ນຶ່ງໃນບັນດາ
ຜູ້ຂຽນລາຍງານການສຶກສາຄົ້ນ
ຄວ້າລະດັບອາວຸໂສ ກໍແມ່ນວ່າ
ການປຸງແຕ່ງປາໂດຍການໃຊ້
ນໍ້າມັນແມ່ນເຮັດໃຫ້ສິ່ງທີ່ເປັນປະໂຫຍດຕໍ່ຫົວໃຈຂອງຄົນເຮົາຂອງປານັ້ນຫລຸດໜ້ອຍລົງ ທ່ານນາງກ່າວດັ່ງນີ້:
“ການຈືນປາແມ່ນການເອົາອາຊິດ ຫລືທາດກົດຂອງນ້ຳມັນປາ Omaga 3 ອອກ
ໄປຈາກປາ ຊຶ່ງທາດທີ່ວ່ານີ້ ແມ່ນດີທີ່ສຸດຖ້າວ່າພວກເຮົາໄດ້ມາຈາກປາ, ສະນັ້ນ
ບາງເທື່ອພວກເຮົາຕ້ອງໄດ້ຊອກຫາວິທີປຸງແຕ່ງປາແບບອື່ນ”
ການສຶກສາຄົ້ນຄວ້າດັ່ງກ່າວນີ້ ເປັນພາກສ່ວນນຶ່ງຂອງການສຶກສາຂະໜາດໃຫຍ່ທີ່ໄດ້ຮັບ
ທຶນຈາກລັດຖະບານສະຫະລັດທີ່ມີຊື່ວ່າ ເຫດຜົນຢູ່ເບື້ອງຫລັງຄວາມແຕກຕ່າງກັນໃນດ້ານ
ພູມີພາກ ແລະເຊື້ອຊາດຂອງການເປັນ Stroke ຫລື Reasons for Geographic
and Racial Differences in Stroke ຊຶ່ງເອີ້ນຫຍໍ້ວ່າ REGARDS ຊຶ່ງມີເປົ້າໝາຍ
ເພື່ອພະຍາຍາມກຳໜົດຄວາມແຕກຕ່າງກັນລະຫວ່າງຂົງເຂດແລະເຊື້ອຊາດຕ່າງໆ ໃນ
ການເປັນພະຍາດຫົວໃຈ ແລະການເປັນລົມສາລະບາດ ຫລື Stroke ນັ້ນ.
ພວກເຂົ້າຮ່ວມໃນການສຶກສາ REGARDS ໄດ້ຕອບລາຍການຄຳຖາມຢູ່ໃນແບບຟອມ
ທີ່ຖາມພວກເຂົາເຈົ້າວ່າ ເຂົາເຈົ້າກິນຫອຍນາງລົມ, ຫອຍອື່ນໆ, ປາທູນາ, ປາຈືນ ແລະປາ
ບໍ່ຈືນ ເລື້ອຍປານໃດ.
ນອກນັ້ນແລ້ວ ທ່ານນາງ Howard ຍັງເວົ້າວ່າ ຜູ້ຄົນທີ່ອາໃສຢູ່ໃນເຂດ “ວົງສາຍພານແຫ່ງ
ການເປັນລົມສາລະບາດ ຫລືStroke” ອາດຈະບໍ່ໄດ້ກິນປາທີ່ມີທາດກົດຂອງນ້ຳມັນປາ
Omaga 3 ສູງ ເຊັ່ນປາ salmon, ປາສະຫລາມ ແລະປາສົບຍາວ ຫລື sword fish.
“ປາບາງຊະນິດແມ່ນໃຊ້ສຳລັບຈືນດີກວ່າປາຊະນິດອື່ນ ແລະ ມັນອາດເປັນໄປໄດ້
ວ່າ ພວກປາທີ່ເປັນປະໂຫຍດຕໍ່ຮ່າງກາຍຫລາຍກວ່າ ບໍ່ໃຫ້ໃຊ້ສຳລັບຈືນ”
ທ່ານນາງ Howard ຍັງກ່າວມ້ວນທ້າຍວ່າ ທ່ານາາງ ແລະເພື່ອຮ່ວມງານຈະສືບຕໍ່ຕິດຕາມ
ເບິ່ງພວກເຂົ້າຮ່ວມໃນການສຶກສາຄົ້ນຄວ້າ REGARDS ເພື່ອເບິ່ງວ່າພວກເຂົາເຈົ້າຈະເປັນ
Stroke ຫລືລົມສາລະບາດ ຫລືບໍ່ ແລະເບິ່ງວ່າມີການພົວພັນຂອງການກິນອາຫານກັບການ
ເປັນ Stroke ຂອງພວກເຂົາເຈົ້າຫລືບໍ່.
ທ່ານສາມາດຫາອ່ານຜົນການສຶກສາຄົ້ນຄວ້າ ທີ່ສະແດງໃຫ້ເຫັນການພົວພັນກັນລະຫວ່າງປາ
ຈືນແລະການເປັນ Stroke ໄດ້ ໃນວາລະສານ Neurology.
