ລິ້ງ ສຳຫລັບເຂົ້າຫາ

logo-print

ການ​ດຳ​ລົງ​ຊີ​ວິດ ຂອງແມງ​ກະ​ເບື້ອ ສະ​ທ້ອນ​ໃຫ້​ເຫັນ​ ເຖິງຄຸນ​ນະ​ພາບ ໃນ​ດິນ​ທາມຕ່າງໆ


ຊະ​ນິດ​ຂອງ​ແມງ​ກະ​ເບື້ອ ສະ​ທ້ອນ​ໃຫ້​ເຫັນ​ເຖິງຄຸນ​ນະ​ພາບຂອງ​ດິນ​ທາ​ມ

ປັດ​ຈຸ​ບັນ​ນີ້ ມີ​ແມງ​ໄມ້ 48 ຊະ​ນິດທີ່​ຢູ່​ໃນ​ບັນ​ຊີ​ຂອງ​ສັດ​ໃກ້​ຈະ​ສູນ​ພັນ​ໄປ​ຂອງ​ສະ​ຫະ​ລັດ ແລະ ມີ​ວິ​ທີ​ດຽວເທົ່າ​ນັ້ນ​ທີ່​ແມ​ງ​ໄມ້​ປະ​ເພດ​ໃດ​ກໍຕາມຈະ​ສາ​ມາດ​ອອກ​ຈາກບັນ​ຊີນີ້​ໄດ້​ກໍ​ຄື ການສູນ​ພັນ​ໄປ​ເລີຍ. ສະ​ພາບ​ການນີ້​ ໂດຍ​ສະ​ເພາະ​ແລ້ວ ​ເປັນບັນ​ຫາ​ຕໍ່ແມງ​ກະ​ເບື້ອ​ຂອງ​ໂລກທີ່ຫລຸດ​ຈຳ​ນວນ​ລົງ​ 20 ເປີ​ເຊັນ​ໃນ​ຫລາຍທົດ​ສະ​ວັດຜ່ານ​ມາ. ເອ​ຣິກ​າ ເຊ​ເລັ​ສ​ເຕ (Erika Celeste) ໄດ້​ພາ​ພວກ​ເຮົາ​ໄປ​ຢ້ຽມຊົມແມງ​ກະ​ເບື້ອ​ທີ່​ຫາ​ຍາກ​ທີ່​ສຸດ​ຢູ່​ໃນ​ໂລກ, ຊຶ່ງ​ເອີ້ນ​ວ່າ​ແມງ​ກະ​ເບື້ອເຊ​ເຕີ (satyr [[SAY-ter]]) ຂອງ​ມີ​ແຊ​ລ (Mitchell) ຢູ່​ທີ່​ສູນ​ກາງທຳ​ມ​ະ​ຊາດ​ແຊ​ແຣັດ (Sarett) ຢູ່​ທ່າ​ເຮືອເບັນ​ຕັນ (Benton Harbor), ລັດ​ມິ​ຊິ​ແກນ (Michigan). ​ບົວ​ສະ​ຫວັນ​ຈະ​ນຳ​ລາຍ​ງານ​ເລື້ອງນີ້​ ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ທ່ານເນັດ ຟູ​ລ​ເລີ (Nate Fuller), ອຳ​ນວຍ​ການ​ສູນ​ທຳ​ມະ​ຊາດແຊ​ແຣັດ (Sarett Nature) ເວົ້າ​ວ່າ: "ຕອນເຊົ້າ​ມື້ນີ້ ພວກ​ເຮົາ​ຈະ​ພາ​ກັນ​ໄປ​ດິນ​ທາມ, ໄປ​ຫາ​ດິນ​ທາມປະ​ເພດ​ສະ​ເພາະ​ທີ່​ສຸດ ທີ່​ເອີ້ນ​ວ່າ ​ທົ່ງດິນ​ທາມອັນກວ້າງໃຫຍ່."

ໃນ​ຊ່ວງ​ເວ​ລານີ້​ຂອງແຕ່​ລະ​ປີ ເຮົາ​ອາດຈະ​ເຫັນ​ທ່ານເນັດ ຟູ​ລ​ເລີ (Nate Fuller) ນັບຊະ​ນິດ​ຂອງ​ແມງ​ກະ​ເບື້ອ​ຢູ່ກໍ​ເປັນ​ໄດ້. ຜູ້​ອຳ​ນວຍ​ການສູນ​ທຳ​ມະ​ຊາດແຊ​ແຣັດ (Sarett Nature) ຕ້ອງ​ການຮູ້​ຈຳ​ນວນຂອງແມງ​ກະ​ເບື້ອເຊ​ເຕີ (satyr) ຂອງ​ມີ​ແຊ​ລ (Mitchell) ຢ່າງ​ຊັດ​ເຈນເພື່ອ​ຊ່ວຍ​ອະ​ນຸ​ລັກແຫລ່ງ​ທີ່​ຢູ່​ອາ​ໄສທີ່​ຄົນ​ຮູ້​ກັນ​ດີ​ທີ່​ສຸດ​ແຫ່ງ​ສຸດ​ທ້າຍ​ ທີ່​ຍັງເຫລືອຢູ່.

ທ່ານ ຟູ​ລ​ເລີ (Fuller) ເລົ່າ​ສູ່​ຟັງ​ວ່າ: "ພວກ​ມັນ​ພິ​ຖີ​ ພິ​ຖັນ​ຫລາຍ ​ກ່ຽວ​ກັບ​ປະ​ເພດ​ຂອງບ່ອນ​ຢູ່ອາ​ໄສ ທີ່ພວກ​ມັນ​ສາ​ມາດດຳ​ລົງ​ຊີ​ວິດ​ຢູ່​ໄດ້ ຊຶ່ງ​ເປັນ​ສ່ວນ​ນຶ່ງ​ຂອງ​ສິ່ງ​ທີ່​ເຮັດ​ໃຫ້​ພວກ​ມັນຫາ​ຍາກ​ຫລາຍ ແລະກໍ​ເປັນ​ຕົວ​ຊໍ່​ສະ​ແດງ​ໃຫ້​ເຫັນ​ເຖິງ​ຄຸນ​ນະ​ພາບ​ຂອງ​ນ້ຳ."

ແມງກະເບື້ອເຊເຕີ (satyr) ຂອງມີແຊລ (Mitchell) ສີນ້ຳຕານທີ່ມີລາຍເປັນຮູບຕາມີຂອບສີທອງຢູ່ເປັນຈຸດໆ
ແມງກະເບື້ອເຊເຕີ (satyr) ຂອງມີແຊລ (Mitchell) ສີນ້ຳຕານທີ່ມີລາຍເປັນຮູບຕາມີຂອບສີທອງຢູ່ເປັນຈຸດໆ

​ມື້ນີ້, ນັກ​ຊ່ຽວ​ຊານ​ດ້ານແມງ​ກະ​ເບື້ອເຊ​ເຕີ (satyr), ທ່ານ​ນາງ ແອ​ສ​ຊລີ ໂຄ​ລ​ວິກ​ຄ໌ ຢູ່​ສູນ​ເກັບ​ກຳລັກ​ສະ​ນະ​ສະ​ເພາະຂອງ​ທຳ​ມະ​ຊາດມາຊ່ວຍ​ທ່ານ ຟູ​ລ​ເລີ (Fuller) ນັບ​ແມງ​ກະ​ເບື້ອ. ​ທ່ານ​ນາງບອກວ່າ: ​"ຕອນ​ທີ່​ຂ້າ​ພະ​ເຈົ້າ​ເລີ້ມ​ເຮັດ​ວຽກ​ກ່ຽ​ວ​ກັບ​ແມງ​ກະ​ເບື້ອ​ໃນ​ປີ 2013 ນັ້ນ ພວກ​ເຮົາ​ມີ​ແມງ​ກະ​ເບື້ອ​ຢູ່ 18 ຊະ​ນິດ ແລະ​ໃນ​ປີ 2019 ນີ້ ພວກ​ເຮົາ​ມີ 10 ຊະ​ນິດ. ບາງ​ເທື່ອ​ອາດ​ຈະ​ມີ​ພຽງ​ແຕ່​ຊະ​ນິດ​ດຽວ ຫລື ສອງ​ຊະ​ນິດ​ເທົ່າ​ນັ້ນ ທີ່​ແຜ່​ພັນ​ໄດ້. ແລະ​ພວກ​ເຮົາເ​ຫັນ​ວ່າ ມັນ​ຍັ້ງ​ຍືນ​ຢູ່​ເພື່ອແຜ່​ພັນໃນ​ອະ​ນາ​ຄົດ. ເມື່ອ​ຂ້າ​ພະ​ເຈົ້າ​ເວົ້າ​ວ່າ ພວກ​ເຮົາ​ມີ 10 ຊະ​ນິດ​ຍັງ​ເຫລືອ​ຢູ່, ໃນ​ປີນີ້ພວກ​ເຮົາ​ອາດໄດ້​ເຫັນ 2 ຊະ​ນິດຢູ່​ໃນ​ບາງ​ບ່ອນ​ໃນ​ຈຳ​ນວນ​ບ່ອນ​ຢູ່​ເຫລົ່າ​ນັ້ນ."

​ການ​ຊອກ​ຫາ​ແມງ​ກະ​ເບື້ອ​ສີ​ນ້ຳ​ຕານ​ທີ່​ມີລາຍ​ເປັນ​ຮູບ​ຕາມີ​ຂອບ​ສີ​ທອງຢູ່​ເປັນ​ຈຸດໆ ອາດ​ເປັນ​ເລື້ອງ​ຫຍຸ້ງ​ຍາກຫລາຍ. ມັນ​ຕັ້ງ​ບໍ່​ມີ​ຫລາຍຢູ່​ແຖວນີ້.

ແມງ​ກະ​ເບື້ອເຊ​ເຕີ (satyr) ຂອງ​ມີ​ແຊ​ລ (Mitchell) ໄດ້​ໄປ​ຢູ່​ໃນ​ບັນ​ຊີ​ສັດ​ທີ່​ກຳ​ລັງ​ຈະ​ສູນ​ພັນ​ໃນ​ປີ 1991. ທຳ​ອິດ​ຄິດ​ກັນ​ວ່າ ການ​ສູນ​ເສຍ​ເນື້ອທີ່​ຂອງ​ບຶງມີ​ສ່ວນ​ເຮັດ​ໃຫ້​ຈຳ​ນວນ​ແມງ​ກະ​ເບື້ອນີ້​ຫລຸດ​ລົງ.

​ທ່ານ ຟູ​ລ​ເລີ (Fuller) ເວົ້າ​ສູ່​ຟັງ​ວ່າ: "ຮ່ອງ​ຮອຍ​ສະ​ແດງບອກ​ໃຫ້​ຮູ້​ວ່າ ບໍ່​ແມ່ນ​ພຽງ​ແຕ່​ການ​ມີ​ບ່ອນ​ຢູ່​ອາ​ໄສ​ເທົ່າ​ນັ້ນ. ນ້ຳ​ທີ່​ຢູ່​ພື້ນນັ້ນ ແລະ​ປະ​ລິ​ມານ ແລະ​ຄຸນ​ນະ​ພາບ​ຂອງ​ນ້ຳ​ທີ່​ໄຫລ​ມາ​ຫາດິນ​ທາມ​ເຫລົ່າ​ນີ້ ກໍປາ​ກົດ​ວ່າ​ເປັນບັນ​ຫາ​ທ້າ​ທາຍສຳ​ລັບ​ແມງ​ກະ​ເບື້ອທີ່​ວ່ານີ້ເຊັ່ນ​ກັນ. ບໍ່​ມີ​ຫຍັງ ຖືກ​ໄຈ້​ແຍກ​ອອກ​ມາ​ຢ່າງ​ຊັດ​ເຈນ​ໄດ້​ທັງ​ໝົດດອກ."

ເຖິງ​ແມ່ນ​ວ່າ ​ການ​ຫລຸດ​ລົງ​ຂອງຈໍ​າ​ນວນ​ຊະ​ນິດຂອງແມງ​ກະ​ເບື້ອຂ້ອນ​ຂ້າງ​ເກີດ​ຂຶ້ນຍ້ອນຫລາຍ​ປັດ​ໃຈລວມ​ກັນກໍ​ຕາມ, ແຕ່​ທີ່​ແທ້​ຈິງ​ແລ້ວ, ການທີ່ຄຸນ​ນະ​ພາບ​ຂອງ​ນ້ຳອາດມີ​ສ່ວນ​ເຮັດ​ໃຫ້ເປັນ​ເຊັ່ນ​ນັ້ນ ແມ່​ນບໍ່​ໄດ້​ຮັບ​ການ​ເຫັນ​ພ້ອມ​ນຳ​ກັນ​ເລີຍ ເພາະ​ວ່າບຶງ​ຕ່າງໆ ເປັນ​ແຫລ່ງ​ກຳ​ເນີດ​ຂອງ​ແມ່​ນ້ຳ ແລະ​ຫ້ວຍ​ຮ່ອງ​ຕ່າງໆ ຢູ່​ໃນເຂດ​ຕາ​ເວັນ​ຕົກ​ຕອນກາງ​ຂອງ​ສະ​ຫະ​ລັດ.

ໂຄງ​ການ​ເພາະ​ພັນ​ແບບ​ລ້ຽງ​ໄວ້ໄດ້​ເລີ້ມມີ​ຂຶ້ນໃນ 4 ປີ​ກ່ອນ ຢູ່​ສວນ​ສັດໂທ​ລີ​ໂດ, ລັດ​ໂອ​ຮາຍ​ໂອ, ເພື່ອ​ຄົ້ນ​ໃຫ້ເຖິງ​ພື້ນ​ຂອງ​ຄວາມ​ລຶກ​ລັບ. ມື້ນີ້ ດ​ຣ. ໄຣ​ອັນ ວອ​ສ (Ryan Walsh), ຜູ້ອຳນວຍ​ການ​ຂອງໂຄງ​ການນີ້ເວົ້າ​ວ່າ ມັນ​ເປັນ​ໂຄງ​ການລ້ຽງແມງ​ກະ​ເບື້ອ​ແບບ​ຂັງໄວ້ອັນ​ດຽວ​ເທົ່າ​ນັ້ນ ທີ່​ປະ​ສົບ​ຜົນ​ສຳ​ເລັດ.

ດ​ຣ. ວອ​ສ (Walsh) ເວົ້າ​ວ່າ: "ພວກ​ເຮົາ​ກຳ​ລັງ​ເລີ້​ມການ​ລ້ຽງ​ກຸ່ມ​ແມງ​ກະ​ເບື້ອ. ພວກ​ເຮົາ​ບາງ​ຄັ້ງ​ຄາວ​ກໍ ເອົາ​ ແນວ​ພັນ​ໃໝ່​ມາ​ເພີ້ມ​ເຂົ້າ​ໃສ່ຈຳ​ນວນ​ແມງ​ກະ​ເບື້ອທີ່​ລ້ຽງໄວ້​ນີ້. ພວກ​ເຮົາ​ສາ​ມາດ​ເພາະ​ພັນ​ແມງ​ກະ​ເບື້ອ​ໄດ້​ໃນ​ຈຳ​ນວນ​ຫລາຍ​ແທ້ໆ. ສ່ວນ​ທີ່​ເຫລືອຈາກນັ້ນ, ພວກທີ່​ຈະ​ບໍ່​ປ່ອຍ​ໃຫ້​ຄ້າງໄວ້​ໃນ​ນີ້ ​ເພື່ອເອົາໄວ້​ເພາະ​ພັນ​ແບບ​ລ້ຽງ​ໄວ້ກໍ​ຈະ​ຖືກ​ປ່ອຍ​ໄປ."

ແມງ​ກະ​ເບື້ອ​ໂຕ​ອ່ອນ​ລາຍ​ສີ​ດຳກຳ​ລັງ​ກິນ​ຜັກຢູ່ (Photo: B. Dennee)
ແມງ​ກະ​ເບື້ອ​ໂຕ​ອ່ອນ​ລາຍ​ສີ​ດຳກຳ​ລັງ​ກິນ​ຜັກຢູ່ (Photo: B. Dennee)


ບົ້ງ ຫລື​ແມງ​ກະ​ເບື້ອ​ໂຕ​ອ່ອນ​ ແມ່ນ​ໃຊ້​ລະ​ດູ​ໜາວ​ຢູ່​ໃນ​ຕູ້​ທີ່​ຖືກ​ຄວບ​ຄຸມ​ອາ​ກາດ​ແບບ​ພິ​ເສດ. ການ​ເຮັດ​ແນວນັ້ນໄດ້​ບົ່ງ​ບອກ​ໃຫ້​ຮູ້​ແຈ້ງວ່າ ແມງ​ກະ​ເບື້ອເຊ​ເຕີ (satyr) ຂອງ​ມີ​ແຊ​ລ (Mitchell) ບໍ່ຢູ່​ລອດໄດ້​ໃນ​ອຸນ​ຫະ​ພູມທີ່​ຕ່ຳ​ກວ່າ 4.4 ອົງ​ສາແຊ​ລ​ຊັຽ​ສ ຊຶ່ງ​ເປັນ​ລະ​ດັບອຸນ​ຫະ​ພູມ​ຢູ່​ໃນບຶງໃຫຍ່ທີ່ຈະ​ເຮັດ​ໃຫ້ແມງ​ໄມ້​ນີ້​ຕາຍ.

ເມື່ອ​ຮູ້​ຈັກ​ເຊັ່ນ​ນັ້ນ​ແລ້ວ, ໂຄງ​ການ​ດັ່ງ​ກ່າວ​ໄດ້​ຜະ​ລິດໄຂ່​ແມງ​ກະ​ເບື້ອ 1,300 ໜ່ວຍ​ໃນ​ລະ​ດູ​ຮ້ອນ​ປີນີ້, ຊຶ່ງ​ເປັນ​ຄວາມ​ກ້າວ​ໜ້າ​ທີ່​ຈະ​ຕ້ອງ​ໄດ້​ເຮັດ​ເປັນ​ເວ​ລາ​ດົນ​ນານ ເພື່ອ​ ​ຈະ ໃຫ້​ຟື້ນ​ຟູ​ຈຳ​ນວນ​ຊະ​ນິດຂອງ​ແມງ​ກະ​ເບື້ອຄືນ​ມາໄດ້.

ແລະ​ຖ້າ​ຫາກ​ທຸກ​ສິ່ງທຸກ​ຢ່າງ​ເປັນ​ໄປ​ດ້ວຍ​ດີ, ມື້​ນຶ່ງ ເຮົາອາດ​ຈະ​ເຮັດ​ໃຫ້ແມງ​ກະ​ເບື້ອເຊ​ເຕີ (satyr) ຂອງ​ມີ​ແຊ​ລ (Mitchell) ໄດ້​ຮັບ​ປີ້ອະນຸ​ຍາດ​ໃຫ້​ອອກ​ຈາກ​ບັນ​ຊີສັດ​ທີ່​ໃກ້​ຈະ​ສູນ​ພັນ​ໄປ ໄດ້.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ​ຢູ່​ຂ້າງ​ລຸ່ມນີ້

There are currently 48 insects included on the US Endangered Species List, and the only way any insect has ever come off the list is through extinction. This is especially troubling for the world's butterfly populations which have declined by 20 percent over the last decades. Erika Celeste takes us to visit one of the rarest wild butterfly populations in the world, the Mitchell's satyr [[SAY-ter]] butterfly at the Sarett Nature Center in Benton Harbor, Michigan.]]

Nate Fuller/Sarett Nature Center Director:
"This morning we're going to head off down into the wetland into a very specific kind of wetland called the prairie fen."

This time of year you can often find Nate Fuller counting butterflies. The director of the Sarett Nature Center needs an accurate count of

((Mandatory cg for photo: Michigan State University))

Mitchell's satyr butterflies, to help preserve one of their last known habitats.

Nate Fuller-Sarett Nature Center Director:
"They're very particular in the kind of habitat where they can live, which is part of what makes them so rare and amazing indicators for our water quality."

Today, satyr expert Ashley Cole-Wick with Michigan's Natural Features Inventory helps Fuller count.

Ashley Cole-Wick/Michigan's Natural Features Inventory Zoologist:

"Probably maybe only one or two of those is viable. And we see it persisting for the future. When I say we have 10 populations left, this year we found maybe 2 at some of those sites."

Finding the small brown butterflies with golden ringed eye-spots can be difficult. There just aren't many around.

The Mitchell's satyr went on the Endangered Species List in 1991. Initially it was thought that loss of wetlands contributed to their decline.

Nate Fuller/Sarett Nature Center Director:
"The clues seem to suggest that it's not just habitat availability. It's ground water and the amount and the quality of ground water coming into these wetlands seemed to be a challenge for the butterflies. Nothing has all been sorted out exactly."

While the decline is likely due to a combination of factors, the fact that water quality might contribute is unsettling because the wetlands are the headwaters for the Midwest's rivers and streams.

A captive breeding program was started four years ago at the Toledo Zoo to get to the bottom of the mystery. Today, Dr. Ryan Walsh, its director, says it's been the only successful captive program.

Ryan Walsh, Director, Toledo Zoo Mitchell's Satyr Breeding Program:
"We're starting a captive colony. We'll occasionally collect them to add new genetics to the captive population. We can really breed a large number of the butterflies. The rest of them, the ones that won't be left back for captive breeding will be released out into the wild."

The caterpillars spend the winter in a special weather-controlled chamber. That helped determine the Mitchell satyrs don't do well below 4.4 degrees Celsius--the temperature at which hard freezes in the fen wetlands will kill the insects.

With that knowledge, the program produced 1300 new eggs this summer, a development that may go a long way toward restoring the population.

And if all goes well, may one day, earn the Mitchell's satyr butterfly ...
a ticket off the Endangered Species List.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG