ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ພູມິສາດດ້ານການເມືອງ ຍັງສືບຕໍ່ມີ ອິດທິພົນ ຕໍ່ການຈັດອັນດັບ ການຄ້າມະນຸດ


ເຈົ້າໜ້າທີ່ ລັດຖະບານມຽນມາ ແລະ ເຈົ້າໜ້າທີ່ ອົງການ ສະຫະປະຊາຊາດ ຢືນຢູ່ເທິງເຮືອ ທີ່ໄດ້ຖືກນຳໃຊ້ໃນການຄ້າ ມະນຸດ ຢູ່ທີ່ສະພານປາ ນອກ ເມືອງ Sittwe ຂອງມຽນມາ.
ເຈົ້າໜ້າທີ່ ລັດຖະບານມຽນມາ ແລະ ເຈົ້າໜ້າທີ່ ອົງການ ສະຫະປະຊາຊາດ ຢືນຢູ່ເທິງເຮືອ ທີ່ໄດ້ຖືກນຳໃຊ້ໃນການຄ້າ ມະນຸດ ຢູ່ທີ່ສະພານປາ ນອກ ເມືອງ Sittwe ຂອງມຽນມາ.

ໃນຂະນະທີ່ ລັດຖະບານສະຫະລັດ ກະກຽມທີ່ຈະເປີດເຜີຍ ການປະເມີນຜົນ ປະຈຳປີ ໃນວັນພະຫັດມື້ນີ້ ກ່ຽວກັບຄວາມພະຍາຍາມ ຂອງ​ລັດ​ຖະບານ ​ປະ​ເທດ​ຕ່າງໆ ໃນການຕໍ່ສູ້ ຕ້ານການຄ້າມະນຸດນັ້ນ ກຸ່ມພວກນັກເຄື່ອນໄຫວ ຕ່າງ​ກໍ​ໄດ້ສະແດງຄວາມເປັນຫ່ວງວ່າ ພູມິສາດດ້ານການເມືອງ ຍັງສືບຕໍ່ມີ ອິດທິພົນ ຕໍ່ການຈັດອັນດັບນີ້ຢູ່.

ຄວາມສົນໃຈສ່ວນໃຫຍ່ ແມ່ນ​ໄດ້ເພັ່ງເລັງໃສ່ການຍົກລະດັບ ຂອງປະເທດໄທ ຈາກກຸ່ມ​ໃນອັນ​ດັບທີ 3 ຂຶ້ນມາ​ເປັນອັນ​ດັບທີ 2 ​ໃນບັນຊີການຕິດຕາມສິ້ງຊອມ ຂອງລາຍ​ງານການຄ້າມະນຸດ ຫຼື TIP ນັ້ນ.

ຊາຍຄົນນຶ່ງ ຍ່າງຢູ່ໃນຂຸມຝັງສົບ ທີ່ເຕັມໄປດ້ວຍ ຫີບສົບຂອງພວກຊາວ Rohingya ທີ່ໄດ້ຖືກພົບເຫັນຢູ່ໃນຄ້າຍ Wang Kelian ຂອງພວກລັກລອບຄ້າມະນຸດ, ຢູ່ປ່າຊ້າ ໃກ້ໆກັບ ເມືອງ Alor Setar ຂອງມາເລເຊຍ.
ຊາຍຄົນນຶ່ງ ຍ່າງຢູ່ໃນຂຸມຝັງສົບ ທີ່ເຕັມໄປດ້ວຍ ຫີບສົບຂອງພວກຊາວ Rohingya ທີ່ໄດ້ຖືກພົບເຫັນຢູ່ໃນຄ້າຍ Wang Kelian ຂອງພວກລັກລອບຄ້າມະນຸດ, ຢູ່ປ່າຊ້າ ໃກ້ໆກັບ ເມືອງ Alor Setar ຂອງມາເລເຊຍ.

ປະເທດໄທ ໄດ້ເປັນຈຸດສູນກາງຂອງຂົງເຂດ ຊຶ່ງ​ແຕ່​ໃດໆ​ມາ ​ແມ່ນ​ເຕັມ​ໄປ​ດ້ວຍອົງການໆຄ້າມະນຸດທີ່ໄດ້ຮັບການຊ່ອຍເຫຼືອຈາກບັນດາເຈົ້າໜ້າທີ່ ທີ່ທຸຈະລິດ ແລະ ສົມຮູ້​ຮ່ວມ​ຄິດ. ທ່ານ Kristen Abrams ຜູ້ອຳນວຍການ ຂອງກຸ່ມພັນທະມິດເພື່ອຍຸຕິການເປັນຂ້າທາດ ແລະການຄ້າມະນຸດ ຫຼື ATEST ໄດ້ກ່າວວ່າ “ສະພາບການຕ່າງໆ ແມ່ນຮ້າຍແຮງຂຶ້ນ ໃນປະເທດ ດັ່ງກ່າວນັ້ນ ສຳລັບພວກ​ແຮງ​ງານ​ຕາມ​ລະດູ​ການ. ການລ່ວງລະເມີດແຮງ ງານ ທີ່ເປັນຕາຢ້ານ ຍັງ​ມີ​ຢູ່​ຕໍ່​ມາ ໂດຍສະເພາະ​ແລ້ວ ຢູ່ໃນອຸດສາຫະກຳ ອາຫານທະເລ. ພວກເຮົາເຊື່ອວ່າ ປະເທດໄທຄວນຢູ່​ໃນກຸ່ມ​ອັນ​ດັບທີ 3.”

ພວກຊາວນາໄທ ແລະ ພວກແຮງງານຕາມລະດູການ ສາມາດເຫັນໄດ້ ກຳລັງເຮັດວຽກ ຢູ່ໃນທົ່ງນາ ຢູ່ໃກ້ໆກັບເມືອງ Maesot ທີ່ມີຊາຍແດນຕິດກັບ ມຽນມາ.
ພວກຊາວນາໄທ ແລະ ພວກແຮງງານຕາມລະດູການ ສາມາດເຫັນໄດ້ ກຳລັງເຮັດວຽກ ຢູ່ໃນທົ່ງນາ ຢູ່ໃກ້ໆກັບເມືອງ Maesot ທີ່ມີຊາຍແດນຕິດກັບ ມຽນມາ.

ບົດລາຍງານ TIP ໄດ້ຈັດອັນດັບປະເທດຕ່າງໆ ອອກ​ເປັນ 3 ກຸ່ມ​ດ້ວຍ​ກັນ. ກຸ່ມທີ 1 ປະກອບດ້ວຍ ພວກປະເທດ ທີ່ລັດຖະບານປະຕິບັດໃນຂັ້ນຕ່ຳ ຕາມມາດຕະຖານ ຢ່າງຄົບຖ້ວນ. ກຸ່ມທີ 2 ຄືພວກປະເທດ ທີ່ບໍ່ປະຕິບັດ ຕາມມາດຕະຖານ ຂັ້ນຕ່ຳ​ສຸດ ຢ່າງຄົບຖ້ວນ ແຕ່ກຳລັງພະຍາຍາມຢ່າງ​ສຳຄັນທີ່ຈະປະຕິບັດຕາມນັ້ນ.

ນາຍົກລັດຖະມົນຕີ ໄທ ທ່ານປຣະຍຸດ ຈັນໂອຊາ ເດີນທາງໄປເຖິງ ລັດຖະສະພາ ຢູ່ໃນນະຄອນຫຼວງບາງ ເພື່ອເຂົ້າຮ່ວມກອງປະຊຸມ ປະຈຳສັບປະດາ, ວັນທີ 16 ພຶດສະພາ 2016.
ນາຍົກລັດຖະມົນຕີ ໄທ ທ່ານປຣະຍຸດ ຈັນໂອຊາ ເດີນທາງໄປເຖິງ ລັດຖະສະພາ ຢູ່ໃນນະຄອນຫຼວງບາງ ເພື່ອເຂົ້າຮ່ວມກອງປະຊຸມ ປະຈຳສັບປະດາ, ວັນທີ 16 ພຶດສະພາ 2016.

ສ່ວນອັນດັບທີ່ຕ່ຳທີ່ສຸດ ແມ່ນກຸ່ມທີ 3 ຊຶ່ງປະກອບດ້ວຍ ພວກປະເທດ ທີ່ ລັດຖະບານບໍ່ປະຕິບັດ ຕາມມາດຕາຖານຂັ້ນຕ່ຳ​ສຸດ ຢ່າງຄົບຖ້ວນ ແລະ ບໍ່ມີພະຍາຍາມ​ໃດໆທີ່ຈະປະຕິບັດຕາມມາດຕະຖານ​ດັ່ງກ່າວເລີຍ. ການ ຕົກ​ຢູ່​ໃນ​ກຸ່ມທີ 3 ນີ້ບໍ່ພຽງແຕ່ເປັນເຄື່ອງໝາຍຂອງຄວາມລະອາຍເທົ່ານັ້ນ ແຕ່ຍັງສາມາດ​ໄດ້​ຮັບການລົງໂທດ ດ້ວຍການຈຳກັດ ການເຂົ້າເຖິງການ ຊ່ວຍເຫຼືອ ຈາກສະຫະລັດ ແລະປະເທດອື່ນໆ.

ມາເລເຊຍ ເປັນປະເທດຈຸດໝາຍປາຍທາງ ຂອງພວກທີ່ຖືກລັກລອບຄ້າ ຈຳນວນ​ຫຼວງຫຼາຍ ພ້ອມກັນກັບພວກຊາວ Rohingya ທີ່ຫລົບໜີ ຈາກ ມຽນມາໄດ້ຖືກຍົກ​ລະດັບຈາກ​ກຸ່ມທີ 3 ຂຶ້ນມາ​ຢູ່​ໃນ​ກຸ່ມທີ 2 ຂອງບັນຊີ​ລາຍ ​ຊື່​ປະ​ເທດ ​ທີ່​ຖືກ​ຕິດຕາມ​ສິ້ງ​ຊອມ​ໃນບົດລາຍງານ TIP ສຳ ລັບປີ 2015.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG