ລິ້ງ ສຳຫລັບເຂົ້າຫາ

ຈີນ ໃຊ້ບັນຊີ twitter ປອມ ເພື່ອ ໂຄສະນາ ຊວນເຊື່ອ ກ່ຽວກັບ ທິເບດ


ຜູ້ຊາຍຄົນນຶ່ງ ໃຊ້ iPhone ເຂົ້າໄປເບິ່ງເວັບໄຊທ໌ Sina's Weibo ຂອງຈີນ.

ກຸ່ມປົກປ້ອງສິດທິ​ມະນຸດ​ກຸ່ມນຶ່ງ ກ່າວ​ວ່າ ຕົນ​ໄດ້​ພົບ​ເຫັນ​ຢ່າງ
ໜ້ອຍ 100 ບັນຊີ Twitter ປອມ ທີ່​ໃຊ້​ເພື່ອເຜີຍແຜ່ຂ່າວການ
ໂຄສະນາ​ຊວນ​ເຊື່ອຂອງລັດ​ຖະ​ບານ​ຈີນ ກ່ຽວ​ກັບ​ທິ​ເບ​ດ.

​ບັນຊີ​ເຫລົ່າ​ນີ້ ​ຊຶ່ງໄດ້​ພົບ​ເຫັນ​ໂດຍກຸ່ມທິ​ເບ​ດ​ເສລີ ທີ່​ມັກ​ຈະ​ໃຊ້​
ການກໍ່​ຕັ້ງ​ຊື່ ​ຂອງ​ຊາວ​ຕາ​ເວັນ​ຕົກ​ທີ່​ແປກໆ​ແລະ​ຕິດ​ຕາມໂດຍ
ບັນດາຮູບ​ພາບຮວມ​ທັງ​ຮູບ​ພາບ​ຂອງ​ນັກພວກຮຽນ​ຍິງອາ​ເມຣິ
ກັນ ທີ່​ຖ່າຍ​ໂດຍ ​ພວກນັກ​ຖ່າຍຮູບມື​ອາ​ຊີບ. ນອກ​ນັ້ນ ​ຍັງ​ໃຊ້
​ພວກ​ຮູບ​ພາບເຫຼົ່ານີ້ ​ແລະ​ຮູບ​ຂອງ​ບັນດາ​ຜູ້​ມີ​ຊື່​ສຽງ ​ທີ່​ຕາຍ​ໄປ​
ແລ້ວ.

ກຸ່ມປົກປ້ອງ​ສິດທິ​ມະນຸດ ທີ່​ມີ​ຫ້ອງການ​ຢູ່ນະຄອນ​ລອນ​ດອນ ກ່າວ​ວ່າ ບັນຊີ​ເຫ​ລົ່ານີ້ ໄດ້ ພິມເຜີຍບົດຂຽນ​ເປັນ​ພາສາ​ອັງກິດໂຈມ​ຕີອົງ​ດາ​ໄລ ລາ​ມະ ​ແລະວາດພາບວ່າ​ທິ​ເບ​ດ​ເປັນ ແຂວງ​ນຶ່ງທີ່ໜ້າຊື່ນຊົມຍິນດີ ແລະມີທຳມະຊາດອັນງົດງາມ​ຂອງຈີນ.

ຈີນ​ໄດ້​ໃຊ້ເວລາຢ່າງຫຼວງຫຼາຍເພື່ອວາດພາບ ກ່ຽວກັບການມີສະຖຽນລະພາບ​ຂອງ​ທິ​ເບ​ດ
ບ່ອນ​ທີ່ມີຫຼາຍກວ່າ 130 ຄົນ​ໄດ້​ເຜົາ​ໂຕ​ຕາຍນັບ​ຕັ້ງ​ແຕ່ປີ 2009 ​ເປັນຕົ້ນມາເພື່ອ​ປະ​ທ້ວງ​
ການ​ປົກຄອງ​ຂອງປັກ​ກິ່ງ. ຈີນຍັງ​ໄດ້​ຖິ້ມໂທດໃສ່ອົງ​ດາ​ໄລ ລາ​ມະ ວ່າ​ຍຸ​ແຍ່​ໃຫ້ມີການ​ເຜົາ​
ໂຕ​ຕາຍ ຊຶ່ງ​ເປັນຂໍ້ກ່າວ​ຫາ​ທີ່ພະອົງ​ໄດ້​ຊົງປະຕິ​ເສດໄປແລ້ວນັ້ນ.

ລັດຖະບາ​ນຈີນ ຍັງ​ບໍ່​ໄດ້​ໃຫ້ຄວາມເຫັນໃດໆຕໍ່​ການ​ກ່າວ​ຫາທີ່​ພົບ​ເຫັນ​ຢູ່ໃນ​ລາຍ​ງານ​ຂອງ ກຸ່ມທິ​ເບ​ດ​ເສລີ ທີ່​ໄດ້​ປະຕິບັດ​ງານ​ຮ່ວມ​ກັບໜັງ​ສື​ພິມ New York Times ​ໃນ​ການສືບສວນ ຂອງຕົນນັ້ນ.

XS
SM
MD
LG