ລິ້ງ ສຳຫລັບເຂົ້າຫາ

logo-print

ບັນດານັກລົງທຶນ ພາກັນ ກັບຄືນໄປຍັງ ຫວຽດນາມ (ວີດີໂອ ແລະລາຍງານ ຮຽນພາສາອັງກິດ)


ລິງໂດຍກົງ

ວີດີໂອ ຮຽນພາສາອັງກິດ ກ່ຽວກັບລາຍງານນີ້.

ການ​ປະ​ທ້ວງ​ຕໍ່ຕ້ານ​ຈີນ ​ເມື່ອ​ຕົ້ນ​ປີ​ນີ້ ​ໄດ້​ສ້າງ​ຄວາມ​ເສຍ​ຫາຍ​ໃຫ້
​ແກ່​ໂຮງ​ຈັກ​ໂຮງງານ​ຂອງ​ຊາວ​ຕ່າງປະ​ເທ​ດຫລາຍ​ກ່ວາ 400 ​ແຫ່ງ
​ແລະ​ນັກ​ລົງທຶນ​ຕ່າງປະ​ເທດ​ຫລາຍ​ພັນ​ຄົນ​ ໄດ້​ພາກັນໜີ​ອອກ​ຈາກ​
ປະ​ເທດ​ໄປ ​ເພາະ​ຢ້າ​ນກົວວ່າຈະ​ມີ​ການ​ກໍ່​ຄວາມຮຸນ​ແຮງ​ເພີ້ມ​ຕື່ມ​
ແຕ່​ວ່າດຽວ​ນີ້ ການ​ລົງທຶນຂອງ​ຕ່າງປະ​ເທດ​ໄດ້​ກັບຄືນ​ມາສູ່​ລະດັບ
​ກ່ອນ​ການ​ປະ​ທ້ວ​ງ​ແລ້ວ. ຜູ້​ສື່​ຂ່າວ​ວີ​ໂອ​ເອ ພະ​ແນ​ກຮຽນ​ພາສາ​ອັງ
ກິດ Marville Ritter ມີ​ລາຍ​ງານ​ກ່ຽວ​ກັບ​ເລື້ອງ​ນີ້ ຊຶ່ງ​ດາຣາຈະ​ນຳ
​ມາສະ​ເໜີ​ທ່ານ​.

ເມື່ອເດືອນ​ພຶດສະພາ​ທີ່​ຜ່ານ​ມາ ພວກ​ປະ​ທ້ວງ​ຕໍ່ຕ້ານ​ຈີນ ​ໃນ​
ຫວຽດນາມ ​ໄດ້​ສ້າງ​ຄວາມ​ເສຍຫາຍ​ໃຫ້​ແກ່​ໂຮງ​ຈັກ​ໂຮງງານຂອງ​ຊາວ​ຕ່າງປະ​ເທດ ຢ່າງ
ນ້ອຍ 460 ​ແຫ່ງ. ນັກ​ລົງ​ທຶນ​ຕ່າງປະ​ເທດ​ຫລາຍ​ພັນ​ຄົນ​ພາກັນ​ຫລັ່ງ​ໄຫລ​ໜີ​ອອກ​ຈາກ
ຫວຽດນາມ. ​ເຂົາ​ເຈົ້າຢ້ານ​ວ່າ ຈະ​ມີການ​ກໍ່​ຈະລາຈົນ​ຕື່ມ​ອີກ. ​ແຕ່​ມາ​ບັດ​ນີ້ ການ​ລົງທຶນ​ຂອງ​
ຕ່າງປະ​ເທດ ​ໄດ້​ກັບ​ຄືນ​ມາ​ສູ່ລະດັບກ່ອນ​ການປະ​ທ້ວງ​ແລ້ວ. ການ​ຫລັ່ງ​ໄຫລ​ກັບ​ຄືນ​ມາ
ຂອງ​ເງິນ​ທຶນ ​ແມ່ນ​ເປັນ​ຍ້ອນ​ສາມ​ເຫດຜົນສຳຄັນ ດ້ວຍ​ກັນ​.

ຄື​ລັດຖະບານ​ໃຫ້​ຄຳ​ໝັ້ນ​ສັນຍາທີ່​ຈະ​ປົກ​ປ້ອງນັກ​ລົງທຶນ​ຕ່າງປະ​ເທດ. ນອກ​ນັ້ນ ເສດຖະ
ກິດກໍ​ສືບ​ຕໍ່​ດີ​ຂຶ້ນ​ ​ແລະ​ທ້າຍ​ສຸດ ຄ່າ​ຜະລິດ​ສິນຄ້າ​ກໍ​ຍັງຕໍ່າ​ຢູ່. ພວກ​ໂຮງງານເສື້ອ​ຜ້າ ​ເຄື່ອງ
ເຮືອ​ນ​ແລະ ​ເຄື່ອງ​ອີ​ເລັກ​ໂທຣນິກ ​ໄດ້​ເລີ້ມ​ປະຕິບັດ​ກາ​ນອີກ​ຄັ້ງ​ນຶ່ງ​ແລ້ວ ຢູ່​ໃນ​ຫວຽດນາມ.

ມີ 20 ຄົນ​ເສຍ​ຊີວິດ​ໃນ​ການປະ​ທ້ວງ ​ແລະ​ຫລາຍ​ຮ້ອຍ​ຄົນ​ໄດ້​ຮັບ​ບາດ​ເຈັບ. ພວກ​ປະ​ທ້ວງ
ມີ​ຄວາມ​ໂກດ​ແຄ້ນ ທີ່​ຈີນ​ໄດ້​ເອົາ​ໂຄງ​ສ້າງ​ອຸດສາຫະກຳ​ນ້ຳມັນ​ອັນ​ນຶ່ງ ​ໄປ​ຕັ້ງ​ໄວ້​ຢູ່​ໃນ​ບໍລິເວນ
​ນ່ານນ້ຳ ທີ່​ຫວຽດນາມ​ອ້າງ ​ວ່າ​ເປັນ​ດິນ​ແດນ​ຂອງ​ຕົນ. ຄວາມ​ເຄັ່ງ​ຕຶງ​ທີ່​ມີ​ມາ​ເປັນ​ເວລາ​ຍາວ
ນານ ລະຫວ່າງ​ປ​ະ​ເທດ​ທັງ​ສອງ ​ໄດ້ຮ້າຍ​ແຮງ​ຂຶ້ນ. ຈີນ​ແລະ​ຫວຽ​ດນາມໄດ້​ຕໍ່ສູ້​ສົງຄາມຊາຍ
​ແດນ​ກັນ ​ໃນປີ 1979.

ເບິ່ງວີດີໂອກ່ຽວກັບ ການປະທ້ວງຕໍ່ຕ້ານຈີນ ຢູ່ຫວຽດນາມ:

ການ​ລົງທຶນ​ຂອງ​ຕ່າງປະ​ເທດ ປະກອບ​ເປັນ 17 ສ່ວນ​ຮ້ອຍ​ຂອງ​ເສດຖະກິດ​ຫວຽດນາມ
ແລະ 66 ສ່ວນ​ຮ້ອຍຂອງ​ສິນຄ້າ​ສົ່ງ​ອອກ​ຂອງ​ຫວຽດນາມ ທັງສະໜອງ​ເຄິ່ງນຶ່ງ​ຂອງ​ລາຍ
ໄດ້ຈາກ​ພາສີ​ຂອງ​ຫວຽດນາມ.

Ralf Matthaes ​ເປັນ​ເຈົ້າ​ຂອງ​ບໍ​ລິ​ສັດ​ໂຄສະນາ​ດ້ານ​ການຕະຫລາດ ​ທີ່​ນະຄອນໂຮ​ຈີມິນ.
ລາວ​ກ່າວ​ວ່າ ການ​ລົງທຶນ​ຂອງ​ຕ່າງປະ​ເທດ​ກັບ​ຄືນ​ມາ ກໍ​ຍ້ອນ​ການ​ເອົາ​ບາດກ້າວ​ຢ່າງ​ແຂງ
ຂັນ​ຂອງ​ລັດຖະບານ.

ນັກ​ລົງ​ທຶນ​ຈາກ ຍີ່ປຸ່ນ ສິງກະ​ໂປ ​ເກົາຫລີ​ໃຕ້ ​ແລະ​ໄຕ້​ຫວັນ ​ໄດ້​ເຂົ້າ​ໄປ​ຍັງ​ຫວຽດນາມ ນັບ
ຕັ້ງ​ແຕ່​ລັດຖະບານ​ຫວຽດນາມ​ໄດ້​ຍຸດຕິ ​ການ​ຈຳກັດ​ຮັດ​ແຄບ​ຕໍ່​ການ​ລົງທຶນໃນ​ປີ 1987​. ​ໂຄງການ​ຕ່າງໆ​ຂອງ​ພວກ​ເຂົາ​ເຈົ້າ​ໄດ້​ຊ່ວຍ​ສະໜັບ​ສະໜຸນ​ເສດຖະກິດ​ ມູນ​ຄ່າ 155 ພັນ
ລ້ານ​ດອລລ່າ ຂອງ​ຫວຽດນາມ ​ແລະ​ໄດ້​ຫລຸດຜ່ອນ​ຄວາມທຸກ​ຈົນ ​ໂດຍ​ການ​ສ້າງ​ວຽກ​ງານ
ເພີ້​ມຕື່ມ. ​

ໃນ​ເດືອນ​ກໍລະກົດ ຈີນ​ໄດ້​ຍ້າຍຖານ​ເຈາະ​ນ້ຳມັນ​ອອກ​ໄປ ລຸນຫລັງ​ການ​ເຈລະຈາ​ກັບ
ຫວຽດນາມ. ກ່ອນ​ເກີດ​ການ​ປະ​ທ້ວງ​ ຈີນ​ແມ່ນ​ເປັນນັກ​ລົງທຶນໃຫຍ່​ອັນ​ດັບ 7 ຢູ່​ໃນ​ຫວຽດ
ນາມ. ປີ​ກາຍ​ນີ້ ຈີນ​ໄດ້​ທຳ​ການລົງທຶນໃນ​ມູນ​ຄ່າ 2.300 ລ້ານ​ດອລລ່າຢູ່​ໃນຫວຽດນາມ.
ນັ້ນ​ແມ່ນຫລາຍ​ກ່ວາປີ 2012 ​ເຖິງ 6 ​ເທົ່າ​ໂຕ. ຈຳນວນ​ຫລາຍ​ຂອງ​ການ​ລົງທຶນດັ່ງກ່າວ
ແມ່ນເປັນ​ພວກວັດ​ຖຸ ທີ່​ໃຊ້​ໃນ​ການ​ເຮັດ​ເສື້ອ​ຜ້າ ​ເຄື່ອງ​ຈັກ ແລະສິນຄ້າ​ອື່ນໆ. ​

​ຄາດ​ກັນ​ວ່າ ໃນ​ອະນາຄົດ ຫວຽດນາມ​ຈະ​ເຮັດ​ໃຫ້ງ່າຍ​ຂຶ້ນ ສຳຫລັບພວກນັກ​ລົງທຶນ​ຕ່າງ
ປະ​ເທດ ທີ່​ຈະ​ໄປ​ທຳ​ທຸລະ​ກິດ​ຢູ່​ໃນ​ປະ​ເທດ ຄື​ຫວຽດນາມຈະອະນຸຍາດໃຫ້​ນັກ​ລົງທຶນ​ຕ່າງ
ປະ​ເທດ ມີສິດ​ຫລາຍ​ຂຶ້ນ​ໃນ​ການ​ຊົມ​ໃຊ້ ທີ່​ດິນ. ​ແລະ​ຫວຽດນາມ​ຈະ​ສ້າງ​ລະບົບ​ຂົນ​ສົ່ງ​ໃໝ່
ທີ່​ເຊື່ອມ​ຕໍ່​ນະຄອນ​ໂຮ​ຈີ​ມິນ ​ໃສ່​ກັບພວກ​ເຂດ​ຜະລິດ​ສິນຄ້າ​ຕ່າງໆ.

ວີດີໂອພາສາລາວ: ຊາວຫວຽດນາມພາກັນຂວ້ຳບາດສິນຄ້າຈີນ:

​ແລະ​ນັ້ນ​ກໍ​ແມ່ນລາຍ​ງານ​ເສດຖະກິດ ຈາກ​ພະ​ແນ​ກຮຽນ​ພາ​ສາ​ອັງກິດຂອງ​ວີ​ໂອ​ເອ.
ຄຳສັບ​ຈາກ​ລາຍ​ງານ​ ທີ່​ເຮົາ​ຈະ​ສອນ​ທ່ານ​ມື້​ນີ້ ກໍມີ​ຄຳ​ວ່າ

foreign f-o-r-e-i-g-n foreign ​ແປ​ວ່າ ຕ່າງປະ​ເທດ

investors i-n-v-e-s-t-o-r-s investors ​ແປ​ວ່າ​ ພວກ​ນັກ​ລົງທຶນ

border b-o-r-d-e-r border ​ແປ​ວ່າ ຊາ​ຍ​ແດນ

poverty p-o-v-e-r-t-y poverty ​ແປ​ວ່າ ຄວາມທຸກ​ຍາກ

rights r-i-g-h-t-s rights ​ແປ​ວ່າ ສິດ ຫລື ສິດທິ

ທ່ານ​ສາມາດ​ເຂົ້າ​ໄປ​ອ່ານ​ແລ​ະຟັງ ລາຍ​ງານ​ພາສາ​ອັງກິດຊ້າ​ໆ​ໄດ້ ທີ່​ເວັບ​ໃຊ້​ຂອງ​ເຮົາ lao.voanews.com

ຟັງລາຍງານ ພາສາອັງກິດ ຊ້າໆ:

In May, anti-China protestors in Vietnam caused damage to at least 460 factories owned by foreigners. Thousands of foreign investors fled Vietnam. They feared there would be more riots. But foreign investment has now returned to levels that existed before the protests. The flow of money returned for three main reasons. The government has promised to protect foreign investors. Also, the economy continues to grow. Finally, the cost of manufacturing remains low.

Clothing, furniture and electronics factories have begun operating again in Vietnam. Twenty people died in the protests and hundreds were injured. The protestors were angry about China’s placement of an oil industry structure in waters that Vietnam claims as its territory. Long-term tensions between the two countries worsened. China and Vietnam fought a border war in 1979.

Foreign investment is 17 percent of Vietnam’s economy and 66 percent of its exports. It provides half of Vietnam’s tax income.

Ralf Matthaes is the owner of a market advising company in Ho Chi Minh City. He says foreign investment has returned because of the government’s strong actions.

Foreign investors from Japan, Singapore, South Korea and Taiwan have entered Vietnam since the government ended investment restrictions in 1987. Their projects have helped support Vietnam’s $155 billion economy and have lowered poverty by adding jobs.

In July, China moved the platform following talks with Vietnam. Before the riots, China was the seventh-largest investor in Vietnam. Last year, it invested $2.3 billion in the country. That was six times more than in 2012. Much of that investment was materials used to make clothing, machines and other goods.

In the future, Vietnam is expected to make it easier for foreign investors to do business in the country. It will increase the rights of foreign investors to use land. And it will build new transportation systems linking Ho Chi Minh City to manufacturing areas.

And that’s the Economics Report from VOA Learning English. (For more Learning English programs, go to our website LearningEnglish.voanews.com. And follow us on Facebook and Twitter.) I’m Mario Ritter.

____________________________________________________________

Words in the News

foreign – adj. of, about or from another nation; not from one’s own place or country

investors – n. people who give money to a business or organization with the hope of making more money

border – n. a dividing line between nations

poverty – n. the condition of being poor

rights – n. what a person legally and morally should be able to do or have (“It is their right to vote.”)

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG