ລິ້ງ ສຳຫລັບເຂົ້າຫາ

logo-print

ຣັດ​ເຊຍ ​ແລະ ກາ​ຕ້າ ​ເຈົ້າພາບ​ຈັດ ການ​ແ​ຂ່ງຂັນ ​ບານ​​ເຕະໂລກ ປະສົບກັບບັນຫາ ສິດທິມະນຸດ


ຊົມວີດີໂອ ລາຍງານນີ້

ຣັດ​ເຊຍ ​ແລະ ກາ​ຕ້າ ທັງ​ສອງ​ປະ​ເທດ​ ທີ່​ໄດ້​ຖືກ​ເລືອກ ​ໃຫ້
ເປັນ​ເຈົ້າພາບ​ຈັດການ​ແ​ຂ່ງຂັນ​ບານເຕະໂລກ ຂອງ​ສະຫະ​ພັນ
​ບານ​ໂລກ ຫຼື FIFA World Cup ທັ​ງ 2 ຄັ້ງຕໍ່​ໄປ ຕາມ​ລຳດັບ
ຊຶ່ງຍັງ​ມີ​ບັນຫາ​ເລື້ອງ​ສິດທິ​ມະນຸດ ທີ່​ຕ້ອງ​ໄດ້​ນຳ​ມາ​ແກ້​ໄຂ. ​
ໃນ​ສອງ​ປະ​ເທດ​ດັ່ງກ່າວ ບັນດາ​ນັກ​ເຄື່ອນ​ໄຫວ ​ໄດ້​ອ້າງອິງ​ເຖິງ
ການ​ເອົາ​ລັດ​ເອົາ​ປຽບ ​ແລະ ການ​ບໍ່​ເອົາ​ໃຈ​ໃສ່ ​ຕໍ່​ການ​ປົກ​ປ້ອງ
ແຮງ​ງານ ​ຊຶ່ງໃນ​ບາງກໍລະນີ​ ໄດ້​ນຳ​ໄປ​ສູ່​ການ​ເສຍ​ຊີວິດ ທີ່ລວມ
​ໄປ​ເຖິງ​ການ​ໃຊ້​ແຮງ​ງານ ​ໃນ​ການ​ກໍ່ສ້າງ​ພື້ນຖານ​ໂຄງ​ລ່າງ​
ສະໜາມ​ກິລາ​ບານເຕະ ​ແລະ ສະຖານ​ທີ່​ຕ່າງໆ ທີ່ໃຊ້ເຂົ້າໃນ
ການແຂ່ງຂັນດັ່ງກ່າວນັ້ນ. ຜູ້​ສື່​ຂ່າວ​ວີ​ໂອ​ເອ Ramon Taylor
ລາຍ​ງານ ຊຶ່ງ​ໄຊຈະ​ເລີ​ນສຸກ ຈະ​ນຳ​ມາສະ​ເໜີທ່ານ ​ໃນ​ອັນ​ດັບ
​ຕໍ່​ໄປ.

ເມື່ອເດືອນພຶດສະພາ ຜ່ານ​ມາ ອົງການ​ຂ່າວ BBC ​ໄດ້​ບັນທຶກ ການ​ຈັບ​ກຸມ ​ແລະ ກັກຂັງ​ພະນັກງານ​ຂອງ​ຕົນ ​ໃນ​ເວລາ​ພວກເຂົາ​ເຈົ້າກຳລັງ​ພະຍາຍາມຖ່າຍ​ທຳສະພາບ​ຄວາມເປັນ
​ຢູ່​ຂອງ​ບັນດາແຮງ​ງານ​ຕ່າງ​ຊາດ ຢູ່ທີ່ນະຄອນຫຼວງ Doha ໃນການກະກຽມ ສຳຫລັບ
ການແຂ່ງຂັນບານເຕະໂລກ ໃນປີ 2022. ອຸປະກອນຕ່າງໆ ທີ່ໃຊ້ໃນການຖ່າຍທຳໄດ້ຖືກ
ຍຶດເອົາໄວ້ ແລະ ບໍ່ໄດ້ສົ່ງຄືນເລີຍ.

ໃນການສືບສວນສອບສວນ ໂດຍໜັງສືພິມອັງກິດ The Guardian ຂອງ​ອັງກິດ ລາຍ
ງານ​ເວົ້າວ່າ ຊາວແຮງງານເນປານ ທີ່ພົວພັນກັບ ການກໍ່ສ້າງສະໜາມແຂ່ງຂັນບານເຕະ ໂລກ ໄດ້ເສຍຊີວິດ ໃນອັດຕາ 1 ຄົນ ຕໍ່ທຸກ 2 ມື້ ເມື່ອປີ 2014 ຊຶ່ງຕົວເລກອັນນີ້ ລັດຖະ- ມົນຕີ ແຮງງານຂອງກາຕ້າ ໄດ້ປະຕິເສດ ວ່າ ບໍ່ແມ່ນຄວາມຈິງ. ກຸ່ມປົກປ້ອງສິດທິມະນຸດ
ກ່າວວ່າ ບັນດານາຍຈ້າງ ໄດ້ວາງຍຸດທະວິທີ ການຂົ່ມຂູ່ຕ່າງໆນາໆ ລວມທັງການຍຶດ
ໜັງສືເດີນທາງ ຂອງພວກແຮງງານຕ່າງຊາດໄວ້.

ທ່ານນາງ Jane Buchanan ຈາກກຸ່ມປົກປ້ອງສິດທິມະນຸດ ເວົ້າວ່າ “ພວກເຂົາເຈົ້າ ມີ​ສະຖານະ​ພາບ​ທີ່​ອ່ອນໄຫວ​ທີ່​ສຸດ ຍ້ອນ​ສອງ​ເຫດຜົນ ຄືການ​ບໍ່​ເອົາ​ໃຈໃສ່ ຕໍ່ ​ ການ​ປົກ​ປ້ອງ​ແຮງ​ງານຂັ້ນພື້ນຖານ​ຂອງ​ລັດຖະບານ ​ແລະ ການ​ກະທຳ​ຂອງ​ບັນດາ​ນາຍ​ຈ້າງ ຜູ້​ທີ່​ປະຕິບັດ​ດ້ວຍ​ຄວາມ​ບໍ່​ຢ້ານ​ກົວ​ ວ່າຈະ​ໄດ້​ຮັບ​ໂທດ ​ໃນ​ສະພາບ​ການ​ທີ່​ກ່າວ​ນັ້ນ.”

ທ່ານ Jeff Thinnes ທີ່​ປຶກສາ ດ້ານຈັນ​ຍາ​ບັນ ​ແລະ ການ​ປະຕິບັດ ກ່າວ​ວ່າ ພວກ​ແຮງ​ງານ​ຕ່າງ​ຊາດ​ເຫຼົ່ານີ້ ສ່ວນຫຼາຍ​ແມ່ນ​ມາ​ຈາກ ​ເນ​ປາລ, ບັງ​ກລາແດັ​ສ, ອິນ​ເດຍ, ປາ​ກິ​ສຖານ ​ແລະ ສຣີລັງກາ ຊຶ່ງສາມາດ​ອະທິບາຍໄດ້ພຽງ​ຢ່າງ​ດຽວ​ວ່າ ​ເປັນແຮງ​ງານ​ຂ້າ​ທາດ.

ທ່ານ Thinnes ​ເວົ້າວ່າ “ຂ້າພະ​ເຈົ້າຄິດ​ວ່າ ​ໃນ​ເມື່ອ ສັດຕະວັດ​ໃໝ່ ​ຮັບ​ຮູ້ ​ໃນ​ເມື່ອ
ທ່ານ​ເຫັນ ​ເລື້ອງ​ນີ້​ໃນ​ສື່​ສັງຄົມ ຫຼາຍຂຶ້ນ ມັນ​ກໍ​ຈະ​ກົດ​ດັນ​ ໃຫ້​ບັນດາ​ຜູ້​ມີ​ສ່ວນ​ກ່ຽວ
ຂ້ອງອື່ນໆ ລວມທັງ ບັນດາ​ບໍລິສັດທີ່​ໃຫ້ການອຸປະຖຳ ຜູ້​ທີ່​ເອົາ​ຊື່​ ​ແລະ ສຽງ ​ຂອງ​
ພວກ​ຕົນ​ເຂົ້າ​ໄປ​ໃນ​ການ​ແຂ່ງຂັນ ​ໃນ​ເວລາ​ທີ່​ພວກ​ເຂົາ ​ໃຫ້ການ​ອຸປະຖຳກິດຈະກຳ​
ຕ່າງໆ ຄື​ກັບ​ການ​ຄຸມ​ຄອງໂດຍ FIFA ນັ້ນ ທ່ານກໍ​ຈະ​ຮູ້​ດີ​ຢູ່​ແລ້ວ ທີ່​ຈະ​ຖາມ​ຕົນ​ເອງ​
ວ່າ ອັນ​ນີ້ ​ເປັນ​ສິ່ງ​ທີ່​ພວກ​ຕົນ​ຄວນ​ກະທຳຫຼືບໍ່? ອັນ​ນີ້ ​ເປັນ​ວິທີ​ທາງ​ທີ່​ດີ​ທີ່​ສຸດ ສຳ​ຫລັບ ການ​ລົງທຶນ​ຂອງ​ພວກ​ຕົນຫຼືບໍ່?”


ທ່ານ​ນາງ Buchanan ກ່າວ​ວ່າ ນອກຈາກ​ ​ຂໍ້ຜູກມັດ​ທາງ​ດ້ານ​ກົດໝາຍ ​ຕໍ່​ທັງ​ສອງ​ປະ​ເທດ ກາ​ຕ້າ ​ແລະ ຣັດ​ເຊຍ ​ແລ້ວ FIFA ຍັງ​ມີ​ຄວາມ​ຮັບຜິດຊອບ ກຳນົດ​ກົດ​ລະບຽບ​ ​ແລະ
ຄວາມຄາດ​ຫວັງຕ່າງໆ ​ເພື່ອ​ປົກ​ປ້ອງ​ແຮງ​ງານ​ຕ່າງ​ຊາດ ​ແລະ ຫລີກ​ເວັ້ນ ການ​ຊ້ຳຮອຍ
ຄວາມ​ຜິດ​ພາດທີ່​ຜ່ານ​ມາ.

ທ່ານ​ນາງ Buchanan ​ເວົ້າວ່າ “ອັນ​ທີ່​ພວກ​ເຮົາ​ໄດ້​ເຫັນ ຢູ່​ໃນ ມະຫາ​ກຳ ກິລາ​ໂອ​ລິ​ມ
ປິກ ລະ​ດູ​ໜາວ ທີ່​ນະຄອນ Sochi ຊຶ່ງ​ເປັນ​ການ​ເອົາ​ລັດ​ເອົາ​ປຽບ ຕໍ່​ແຮງ​ງານ​ຕ່າງ​
ຊາດ ທີ່​ກໍ່ສ້າງ​ພື້ນຖານ​ໂຄງ​ລ່າງ ​ແລະ ສະຖານ​ທີ່​ ທີ່ໃຊ້ເຂົ້າໃນການແຂ່ງຂັນຕ່າງໆ,
ການ​ບໍ່​ເອົາ​ໃຈ​ໃສ່​ຢ່າງ​ແທ້​ຈິງ ​ໃນ​ພາກ​ສ່ວນ​ຂອງ​ລັດຖະບານຣັດ​ເຊຍ ຈົນ​ເຖິງ​ນາທີ​
ສຸດ​ທ້າຍ​ຂອງ​ການ​ກວດກາ ​ແລະ ບໍ່​ໄດ້​ເອົາບັນດາ​ນາຍ​ຈ້າງ ມາ​ຮັບຜິດຊອບ​ຕໍ່​ການ​
ລະ​ເມີດ ດັ່ງນັ້ນ ຂ້າພະ​ເຈົ້າຈຶ່ງຄິດ​ວ່າ ມັນ​ໄດ້​ສົ່ງ​ສັນຍານ ຢ່າງແຂງ​ແຮງ​ວ່າ ການ​ກະ
ທຳ​ຕ່າງໆ​ເຫຼົ່ານັ້ນ ໂດຍ​ປົກກະຕິ​ແລ້ວ ແມ່ນທົນຮັບ​ເອົາ​ໄດ້.”

ບັນດາ​ຜູ້​ແທນ​ຂອງຣັດ​ເຊຍ ​ໄດ້​ນຳສະ​ເໜີ ການ​ເກນເອົາ​ພວກ​ນັກ​ໂທດ ​ໄປເຮັດ​ວຽກ​ກໍ່ສ້າງ
ສະຖານ​ທີ່​ຕ່າງໆ ​ໃນ​ການເປັນ​ເຈົ້າພາບ​ຈັດ ການ​ແຂ່ງຂັນ​ບານ​ເຕະ​ໂລກ ​ຂອງ​ຕົນ​ໃນປີ
2018, ທ່ານ​ນາງ Buchanan ​ກ່າວວ່າ ການ​ເຄື່ອນ​ໄຫວ​ນີ້ ອາດຈະ​ເຮັດ​ໃຫ້​ພວກ​ເຂົາ​ເຈົ້າ
ຕົກ​ຢູ່​ໃນ​ສະພາບສ່ຽງຫຼາຍ ຕໍ່ການ​ບັງ​ຂັບ​ໃຫ້​ອອກ​ແຮງ​ງານ. ທ່ານ​ນາງ ກ່າວ​ອີກ​ວ່າ
ລັດຖະບານຣັດ​ເຊຍ ມີ​ກົດໝາຍ​ປົກ​ປ້ອງ​ແຮງ​ງານ ທີ່​ອ່ອນ​ແອ​ຢູ່​ແລ້ວ ສຳ​ຫລັບ​ບັນດາ​ພວກ​
ແຮງ​ງານ​ ທີ່ກ່ຽວ​ຂ້ອງ​ກັບ​ການ​ກະກຽມ ການ​ແຂ່ງຂັນ​ບານ​ເຕະ​ໂລກ ຫຼື World Cup ນັ້ນ.

Russia and Qatar, the selected countries to host the next two FIFA World Cups, have human rights issues to address.In both countries, activists cite exploitation and disregard for labor protections—-in some cases leading to death—-among laborers tasked with building football infrastructure and venues.VOA's Ramon Taylor reports.

In May, the BBC documented the arrest and jailing of its crew, when it attempted to film the living conditions of poor migrant workers in Doha, in preparation for the 2022 World Cup.Their equipment was confiscated, and never returned.

An investigation by The Guardian said Nepalese migrants, in connection with World Cup stadium construction, died at a rate of one every two days in 2014; a figure which Qatar's Labor Ministry refutes.Human Rights Watch says many employers impose intimidation tactics, including confiscation of migrants' passports.

(JANE BUCHANAN, HUMAN RIGHTS WATCH)
"They are extremely vulnerable, both because of the government's disregard for basic labor protections and the conduct of employers who act with impunity in that kind of environment."

Jeff Thinnes, a consultant on ethics and compliance, says these migrants—-many of whom come from Nepal, Bangladesh, India, Pakistan, and Sri Lanka—-can only be described as slave laborers.

(JEFF THINNES, CEO & FOUNDER, JTI, INC.)
"I think once the millennials get a hold of this, once you see more traffic on social media, it's going to force the other stakeholders, including the corporate sponsors who put their names and their reputations into play when they sponsor activities like those managed by FIFA, you know, to ask themselves, Is this what we should be doing?Is this the best way for us to invest?'"

Jane Buchanan says that in addition to legal obligations by both Qatar and Russia, FIFA has a responsibility to set rules and expectations to protect workers, and avoid a repeat of past mistakes.

(JANE BUCHANAN, HUMAN RIGHTS WATCH)
"What we saw with the Sochi Winter Olympics was ramped on exploitation of migrant workers building the infrastructure and venues, real disregard on the part of the Russian government until the very last minute to inspect and hold employers accountable for those abuses so I think that sends a pretty strong signal that those kinds of practices are basically tolerated."

Russian lawmakers have proposed enlisting prisoners to work on its 2018 FIFA construction sites, a move Buchanan says would place them at extreme risk of forced labor.She says the Russian government has already weakened labor protections for workers engaged in World Cup preparations.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG