ລິ້ງ ສຳຫລັບເຂົ້າຫາ

logo-print

ຢູໂຣບ ປະກາດວ່າ ຈະປ້ອງກັນຜົນປະໂຫຍດ ທ່າມກາງ ການຖອນ ໂຕຂອງ ສຫລ ອອກຈາກຂໍ້ຕົກລົງ ນິວເຄລຍ ອີຣ່ານ


Europe Vows to Defend Its Interests in Iran
please wait

No media source currently available

0:00 0:03:00 0:00

ການ​ດິ້ນລົນທາງດ້ານການ​ທູດຂ້າມ​ມະຫາ​ສະໝຸດ​ອັດ​ລັນ​ຕິກ ​ປາກົດອອກ​ມາ ຫຼັງຈາກ
ບັນດາ​ຜູ້​ນໍາ​ຢູ​ໂຣບ ປະກາດ​ທີ່​ຈະປົກ​ປ້ອງ​ ຜົນ​ປະ​ໂຫຍ​ດທາງ​ການຄ້າຂອງ​ເຂົາ​ເຈົ້າຢູ່​
ໃນ​ອີຣ່ານ ລຸນຫຼັງການ​ຕັດສິນ​ໃຈ​ຂອງປະທານາທິບໍດີ​ສະຫະ ລັດ ທ່າ​ນດໍ​ໂນ​ລ ທຣໍາ ທີ່
​ຈະ​ຖອນໂຕ ​ອອກ​ຈາກ​ຂໍ້​ຕົກລົງ​ນິວ​ເຄລຍ ປີ 2015 ກັບ​ອີຣ່ານ ທີ່​ຮູ້​ກັນ​ໃນອີກຊື່ນຶ່ງວ່າ
​ແຜນ​ການປະຕິບັດ​ງານ​ຮ່ວມ​ໃນ​ຂອບ​ເຂດ​ທີ່​ກວ້າງ​ຂວາງ ຫຼື JCPA. ​ບັນ​ດາປະເທດ ທີ່
ຮ່ວມລົງ​ນາມ ຣັດ​ເຊຍ​ແລະ​ຈີນຍັງ​ໄດ້​ກ່າວ​ວ່າ​ ເຂົາ​ເຈົ້າ​ຈະ​ຢູ່​ໃນ​ຂໍ້​ຕົກລົງດັ່ງກ່າວຕໍ່ໄປ.
ວໍ​ຊິງ​ຕັນ​ກ່າວ​ວ່າ ຕົນ​ຈະ​ເລີ້ມລົງ​ໂທດ​ຕໍ່ອີຣ່ານ​ໃນ​ບໍ່​ເທົ່າ​ໃດ​ເດືອນຕໍ່ໜ້າ ​ໂດຍອ້າງ​ວ່າ​ຂໍ້
​ຕົກລົງ​ປີ 2015 ນັ້ນບໍ່ສາມາດຢຸດຢັ້ງ ​ໂຄງການ​ອາວຸດປາລະມະນູຂອງເຕຫະຣ່ານ ຫຼື​
ຢຸດ​ການ​ພັດທະນາ​ລູ​ກສອນ​ໄຟ​ຂີ​ປະ​ນາ​ວຸດ. ​ເຮ​ນຣີ ຣິດສ​ແວ​ລ ມີ​ລາຍ​ງານຊຶ່ງ ​
ກິ່ງ​ສະ ຫວັນ​ ຈະ​ນຳ​ເອົາລາຍລະອຽດ ມາສະ​ເໜີ​ທ່ານ.

ຂໍ້​ຕົກລົງ​ນິວ​ເຄລຍປີ 2015 ​ໄດ້​ຍົກຍ້ອງ​ວ່າ​ ເປັນ​ໄຊຊະນະ​ດ້ານການ​ທູດ​ຂອງ​ໂລກ ຊຶ່ງ​
ເປັນ​ຂໍ້​ຕົກລົງປ້ອງກັນບໍ່ໃຫ້ມີການແຜ່ຜາຍອາວຸດ​ນິວ​ເຄລຍ ທີ່​ໄດ້​ ​ມີການເຈລະຈາກັນ
ຢ່າງຂຸ້ນຂ້ຽວ ມາກ​ວ່າ​ເຈັດ​ປີ​.

ຢູ​ໂຮບ​ໄດ້​ສະແດງຄວາມບໍ່ພໍ​ໃຈ ​ຕໍ່​ການ​ຖອນ​ໂຕ​ຂອງ​ສະຫະລັດ ​ໂດຍ​ກ່າວ​ວ່າ​ ພາໃຫ້ມີ
ສ່ຽງ​ຕໍ່ການ​ແຂ່ງຂັນ​ອາວຸດ​ນິວ​ເຄລຍ​ ຢູ່​ພາກຕາ​ເວັນ​ອອກ​ກາງ.

ທ່ານ​ນາງ​ເຟ​ເດຣິກາ ​ມໍເກີຣີນີ ຫົວໜ້າ​ນະ​ໂຍບາຍ​ຕ່າງປະ​ເທດຂອງສະຫະພາບ ​ຢູ​ໂຣບ
ກ່າວ​ວ່າ “​ມັນ​ເປັນ​ອົງປະກອບທີ່​ສຳຄັນ​ ຂອງ​ໂຄງສ້າງໃນການຫ້າມແຜ່ຜາຍອາວຸດ
ນິວເຄລຍ.”

ວໍ​ຊິງ​ຕັນ​ກ່າວ​ວ່າ ການ​ລົງ​ໂທດ​ຕໍ່ອີຣ່ານ​ຈະຖືກ​ນຳມາໃຊ້​ຄືນ​ໃໝ່ ພາຍ​ໃນ​ສາມ​ຫາ​ຫົກ
​ເດືອນ. ​ເອກອັກຄະ​ລັດຖະທູດ​ສະຫະລັດ ​ໃນ​ນະຄອນເບີ​ລິນ ຂຽນ​ຢູ່​ໃນ​ທວິດ​ເຕີ​ວ່າ
"ບັນດາ​ບໍລິສັດ​ເຢຍຣະມັນ ​ທີ່ເຮັດ​ທຸລະ​ກິດ​ຢູ່ໃນ​ອີຣ່ານ ຄວນຫຼຸດ ຜ່ອນການ​ປະຕິບັດ
​ງານລົງ ​ໂດຍ​ທັນທີ.”

ບໍລິສັດ​ນາໆຊາດຂອງຢູ​ໂຣບ ເຊັ່ນວ່າ ບໍລິສັດ​ສ້າງ​ເຮືອບິນແອ​ບັສ ​ໄດ້​ລົງທຶນ​ຢ່າງ​ໃຫຍ່​
ຢູ່​ໃນ​ອີຣ່ານ​ແລະ​ອາດ​ຈະຖືກໃນອັນ​ທີ່​ຮ້ອງ​ວ່າ ​ເກັບພາສີ​ອັນດັບ​ສອງ ທີ່​ວາງ​ໄວ້​ໂດຍ​
ວໍ​ຊິງ​ຕັນ.

ທ່ານ​ເບັນ​ຈາ​ມິນ ກຣິ​ໂວ​ ​ໂຄສົກ​ລັດຖະບານ​ຝຣັ່ງກ່າວ​ວ່າ “​ເພື່ອ​ໃຫ້​ເປັນ​ທີ່​ແຈ່ມ​ແຈ້ງ
ສະຫະພາບ​ຢູ​ໂຣບພ້ອມ​ແລ້ວ​ທີ່​ຈະ​ທ້າ​ທາຍ ຕໍ່ການເອົາມາດຕະການຕາມລຳພັງໃດໆ
ກໍຕາມ ທີ່ຈະສ້າງຄວາມເສຍຫາຍ ໃຫ້ແກ່ຜົນປະໂຫຍດຂອງບໍລິສັດຢູໂຣບ ຢູ່ທີ່ອົງ
ການໆ​ຄ້າ​ໂລກ.

ປະທານາທິບໍດີ​ອີຣ່ານ ທ່າ​ນຮາ​ສຊານ ຣູຮາ​ນີ ກ່າວ​ວ່າ ອີຣ່ານຈະ​ສືບ​ຕໍ່ຢູ່ໃນ​ຂໍ້​ຕົກລົງ ໂດຍຈະເຈລະຈາກັບປະເທດທີ່ໄດ້ຮ່ວມ​ລົງ​ນາມອື່ນໆ. ນັກວິ​ເຄາະແລະ​ອະດີດ​ນັກ​
ການ​ທູດອີຣ່ານ ທ່ານ​ເມີດາດ ​ໂຄນ​ຊາຣີ ກ່າວ​ວ່າ ການ​ຖອນໂຕ​ຂອງ ​ສະຫະລັດ ​ໄດ້
ເຮັດໃຫ້ພວກຫົວແຂງກະດ້າງໃນ​ເຕຫະຣ່ານ ມີອຳນາດຫຼາຍຂຶ້ນ.

ທ່ານໂຄ​ນຊາ​ຣີ ຜູ້​ກໍ່​ຕັ້ງ​ສູນ​ກາງການສຶກສາດ້ານນະ​ໂຍບາຍຂອງ​ອີຣ່ານ ກ່າວ​ວ່າ “ຜູ້ນຳ
ສູງ​ສຸດ​ໄດ້ຄັດ​ຄ້ານ​ຕໍ່ເງື່ອນໄຂ ​ທີ່​ອີຣ່ານຕ້ອງໄດ້​ເປີດ​ກວ້າງເພີ້ມຕື່ມ ໃຫ້ແກ່​ສະຫະລັດ.
​ແຕ່​ຈຸດໝາຍ​ກໍ​ຄື​ວ່າ ນີ້​ແມ່ນ​ສົງຄາມ ​ທີ່​ໄດ້​ດຳ​ເນີ​ນມາ​ໃນ​ອີຣ່ານ​ເປັນ​ເວລາ 40 ປີ​ແລ້ວ.
​ແລະ​ພວກ​ປະຕິ​ຮູບທ່ານ​ອາດ​ກ່າວ​ວ່າ ​ໄດ້ບັນລຸໃນຂໍ້ຕົກລົງ JCPOA ​ທີ່ໄດ້​ຢູ່​ເບື້ອງຜູ້​
ຊະນະ ​ແລະ​ເຂົາ​ເຈົ້າ​ອາດ​ສ້າງ​ຄວາມ​ກ້າວໜ້າ​ຕໍ່​ໄປ​ກັບ​ເວລາ ຖ້າ​ຫາກ​ເລື້ອງ​ນີ້​ບໍ່​ໄດ້
ເກີດ​ຂຶ້ນ.”

ປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣໍາ ​ໄດ້​ໂຕ້​ຖຽງ​ວ່າ ຂໍ້​ຕົກລົງ​ທີ່​ມີ​ຢູ່​ນັ້ນ​ “ແມ່ນ
ອ່ອນແອຫຼາ​ຍ​ທີ່ຈະຈຳກັດ​ກິດຈະການ​ນິວ​ເຄລຍ” ​ແລະ​ບໍ່ສາມາດທີ່ຈະແກ້ໄຂຕໍ່ອັນ​ທີ່
ທ່ານ​ຮ້ອງວ່າ ກິດຈະ​ກຳ​ “ໃນທາງທີ່ບໍ່ດີ” ຂອງອີຣ່ານຢູ່​ໃນ​ຂົງ​ເຂດ.

ທ່ານ​ໂຄ​ນຊາ​ຣີ ກ່າວ​ວ່າ ແຕ່​ກາ​ນຮຽກຮ້ອງ​ຂອງ​ທ່ານ​ ເພື່ອໃຫ້ມີ​ຂໍ້​ຕົກລົງ​ໃໝ່​ກັບ​ລັດຖະ
ບານ​ອີຣ່ານ ​ເປັນ​ການ​ສ້າງຄວາມໂດດດ່ຽວໃຫ້ຝ່່າຍຄ້ານ​ທາງການ​ເມືອງ.

ທ່ານ​ໂຄ​ນຊາ​ຣີ ກ່າວ​ວ່າ “​ເວລາ​ທ່ານ​ກ່າວ​ຢ່າງຈະແຈ້ງວ່າ ​ທ່ານ​ເຕັມ​ໃຈທີ່ຈະຮັບຟັງ​ ​
ບັນດາ​ຜູ້​ນໍາ​ອີຣ່ານ ໄດ້ມີຂໍ້ແນະນຳ​ໃໝ່ ຫຼືເພື່ອຈະເຮັດຂໍ້​ຕົກລົງ​ໃໝ່​ກັບ​ທ່ານ ທີ່ທ່ານ
ເຕັມໃຈ ພ້ອມແລ້ວ​ແລະ​ສາມາດ​ເຮັດໄດ້ນັ້ນ​ ໝາຍ​ຄວາມ​ວ່າ​ທ່ານ​ບໍ່​ມີ​ຄວາມ​ຕັ້ງ​ໃຈ
ທີ່​ຈະປ່ຽນ​ສະພາບ​ການຢູ່​ໃນ​ອີຣ່ານ ໃນອັນ​ທີ່​ປະຊາຊົນ​ຜູ້ຕ້ອງ ການ​ຢາກໃຫ້ມີການ
ປ່ຽນ​ລະບອບ​ ​ທີ່​ໄດ້​ຫວັງເອົາໄວ້​ນັ້ນ.”

ແຕ່ຄູ່ແຂ່ງຂອງອີຣ່ານຢູ່ໃນຂົງເຂດ ຄືຊາອຸດີ ອາຣາເບຍ ສະຫະລັດ ອາຣັບ ເອເມີເຣສ ແລະອິສຣາແອລ ຍິນດີຕໍ່ການຖອນໂຕຂອງສະຫະລັດ.

ທ່ານ​ເບັນ​ຈາ​ມິນ ​ເນ​ຕັ​ນຢາ​ຮູ ນາ​ຍົກ​ລັດຖະມົນຕີ​ອິສຣາ​ແອ​ລ ກ່າວ​ວ່າ “​ແທນ​ທີ່​ຈະ​ກີດ
ກັ້ນ​ເສັ້ນທາງ​ຂອງ​ອີຣ່ານ​ ໄປ​ສູ່​ການ​ມີລ​ະ​ເບີດ ຄວາມ​ຈິງ​ແລ້ວ​ຂໍ້​ຕົກລົງ​ນີ້ ແມ່ນແຜ້ວ
ທາງ​ໃຫ້​ອີີຣ່ານ​ ໄປ​ສູ່​ການ​ສ້າງຄັງອາວຸດ​ນິວ​ເຄລຍທັງ​ໝົດ.”

ພວກ​ເຈົ້າ​ໜ້າ​ທີ່​ອີຣ່ານ ມີກຳນົດທີ່ຈະພົບ​ປະ ​ກັບລັດຖະມົນຕ່າງປະ​ເທດ​ຝຣັ່ງ ​ເຢຍຣະ
ມັນ ​ແລະ​ອັງກິດ ໃນວັນຈັນນີ້ ​ເພື່ອ​ຫາລືກ່ຽວກັບ​ອະນາຄົດຂອງ​ຂໍ້​ຕົກ ​ລົງນິວ​ເຄລຍ.

transatlantic diplomatic tussle appears to be looming after European leaders pledged to defend their countries' commercial interests in Iran, following U.S. President Donald Trump's decision to withdraw from the 2015 nuclear deal with Tehran, known as the Joint Comprehensive Plan of Action. Fellow signatories Russia and China also said they would stick with the accord. Washington says it will begin phasing in sanctions on Iran in the coming months, claiming the 2015 agreement failed to curb Tehran's atomic program or stop its development of ballistic missiles. Henry Ridgwell reports.]]

The 2015 nuclear agreement was hailed as a triumph of global diplomacy an agreement to prevent nuclear proliferation forged over seven years of tough negotiations.

Europe reacted with dismay at the U.S. withdrawal, saying it raises the risk of a nuclear arms race in the Middle East.

"It is a key element of the global non-proliferation architecture."

Washington says sanctions will be re-imposed on Iran in three to six months. The U.S. ambassador in Berlin wrote on Twitter that "German companies doing business in Iran should wind down operationsimmediately."

European multinationals like aircraft-maker Airbus have made big investments in Iran and could be hit by so-called secondary tariffs imposed by Washington.

"To be clear, the European Union is ready to challenge at the World Trade Organization any unilateral measure that would hurt the interests of European companies."

Iran's president, Hassan Rouhani, said Tehran would remain in the agreement subject tonegotiations with other signatories. The U.S. withdrawal has empowered hardliners in Tehran, says analyst and former Iranian diplomat Mehrdad Khonsari.

"The Supreme Leader was resistant in terms of Iran wanting to open up further to the United States. But the point is that this is a battle that has been going on in Iran for the last 40 years. And the reformers, you might say, having attained JCPOA, were on the winning side, and they would have made further progress with time if this had not happened."

U.S. President Donald Trump argued the deal placed "very weak limits on the regime's nuclear activity" and failed to address what he called Iran's "malign" activities in the region.

But his call for a new deal with the Iranian government is alienating political opponents, says Khonsari.

"When he says in clear terms that he is willing to listen to Iranian leaders come up with new suggestions or to come up and make a new deal with him, that he is willing, ready and able to act, that means he is not intending on changing the status quo in Iran, which is what people who want regime change were hoping for."

But Iran's regional adversaries, Saudi Arabia, the United Arab Emirates
"Rather than blocking Iran's path to a bomb, the deal actually paves Iran's path to an entire arsenal of nuclear bombs."

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG