ພວກຜູ້ນຳຂອງສະຫະພາບຢູໂຣບ ຄາດຫວັງທີ່ຈະບັນລຸຂໍ້ຕົກລົງ
ຂັ້ນສຸດທ້າຍກັບເທີກີ ກ່ຽວກັບເລື້ອງພວກອົບພະຍົບ ໃນກອງ
ປະຊຸມສຸດຍອດ 2 ມື້ ໃນນະຄອນ Brussels ຄືວັນພະຫັດມື້ນີ້
ແລະວັນສຸກມື້ອື່ນ.
ໃນລາຍການ ຊຶ່ງຮວມທັງແຜນການທີ່ເປັນການຖົກຖຽງເລື້ອງ
ການທີ່ຈະສົ່ງພວກອົບພະຍົບຈຳນວນຫຼາຍສິບພັນຄົນ ກັບຄືນ
ໄປຍັງເທີກີ ເພື່ອຊ່ອຍບັນເທົາໃນການຂາດແຄນຊັບພະຍາກອນ
ຂອງບັນດາປະເທດຕ່າງໆທາງພາກຕາເວັນອອກຂອງສະຫະ
ພາບຢູໂຣບນັ້ນ.
ສຳຫຼັບອົບພະຍົບທຸກໆຄົນທີ່ບໍ່ມີໜັງມື ທີ່ທາງເທີກີໄດ້ຮັບໄວ້ນັ້ນ ສະຫະພາບຢູໂຣບ ກ່າວວ່າ ຕົນຈະຮັບອົບພະຍົບຊາວຊິເຣຍນຶ່ງຄົນ ຈາກເທີກີ. ສະຫະພາບຢູໂຣບກ່າວວ່າ ມັນຈະເປັນການຮັບເອົາພວກອົບພະຍົບ ຈຳນວນທັງໝົດເຖິງ 70 ພັນຄົນ ທີ່ຈະເຂົ້າໄປຕັ້ງຖິ່ນຖານໃໝ່ໃນຢູໂຣບ ໃນຂັ້ນຕອນການປະຕິບັດງານທີ່ກຳກັບໂດຍອົງການອົບພະຍົບສະຫະປະຊາຊາດ.
ຮ່າງຖະແຫລງການຮ່ວມຂອງຂໍ້ຕົກລົງນີ້ ຮຽກຮ້ອງໃຫ້ມີ “ການເອົາມາດຕະການພິເສດແບບຊົ່ວຄາວ” ທີ່ຈຳເປັນ ເພື່ອຊ່ອຍບັນເທົາຄວາມທຸກທໍລະມານຂອງມະນຸດ ແລະເພື່ອຟື້ນຟູຄວາມເປັນລະບຽບຮຽບຮ້ອຍຄືນ.
ແຕ່ວ່າກຸ່ມປົກປ້ອງສິດທິມະນຸດ ແມ່ນຍັງເປັນຫ່ວງເປັນໃຍກ່ຽວກັບມາດຕະການຂອງເທີກີ ສຳຫລັບພວກຂໍຫຼີ້ໄພທາງການເມືອງ ຮວມທັງການປາບປາມຫວ່າງໝໍ່ໆມານີ້ ຕໍ່ສື່ມວນຊົນ
ແລະບັນຫາຂັດແຍ້ງທີ່ຮຸນແຮງ ກັບພວກກະບົດເທີກີ.
ແຕ່ວ່າ ຫຼາຍປະເທດສະຫະພາບຢູໂຣບຍັງຂໍສະຫງວນທ່າທີກ່ຽວກັບຂໍ້ຕົກລົງນີ້ ຫຼືບໍ່ ກໍຈະໃຊ້ເປັນເຄື່ອງຕໍ່ລອງ ເພື່ອຫາທາງແກ້ໄຂບັນຫາອື່ນໆ.
Cyprus ກ່າວວ່າ ຕົນຈະບໍ່ລົງນາມໃນຂໍ້ຕົກລົງດັ່ງກ່າວ ຈົນກວ່າວ່າເທີກີ ຮັບຮູ້ລັດຖະບານ
ທີ່ໄດ້ໜຸນຫຼັງໂດຍກຣີສວ່າ ເປັນປະເທດທີ່ມີອະທິປະໄຕ. ຮັງກາຣີ ປະຕິເສດທີ່ຈະບໍ່ຮັບເອົາ
ພວກອົບພະຍົບໃດໆທັງສິ້ນຈາກເທີກີ ຊຶ່ງອ້າງວ່າ ນີ້ຈະເປັນການຊຸກຍູ້ໃຫ້ພວກອົບພະຍົບ ອື່ນໆພາກັນຫຼັ່ງໄຫຼເຂົ້າມາເລື້ອຍໆ.
ແລະແຜນການທີ່ຈະໃຫ້ລາງວັນຕໍ່ເທີກີ ດ້ວຍການເອົາບາດກ້າວໄປສູ່ການເປັນສະມາຊິກ
ໃນສະຫະພາບຢູໂຣບ ທີ່ຮວມທັງ ການເດີນທາງແບບບໍ່ການຈຳກັດຂອງພວກຊາວເທີກີ
ເຂົ້າໄປໃນເຂດ Schengen ທີ່ມີບໍ່ມີຊາຍແດນ. ຝຣັ່ງ ແລະຫຼາຍໆປະເທດສະຫະພາບ
ຢູໂຣບ ຄັດຄ້ານຕໍ່ມາດຕະການດັ່ງກ່າວນີ້.
