ຫຼັງຈາກຈຳນວນພວກຄົນເຂົ້າເມືອງທີ່ຜິດກົດໝາຍຢູ່ຕາມຊາຍແດນໄດ້ຫຼຸດລົງ, ແຕ່ໃນທັນທີກໍມີການເພີ່ມຂຶ້ນຂອງພວກຍົກຍ້າຍຖິ່ນຖານຂ້າມຊາຍແດນຢູ່ໃນບໍລິເວນເມືອງຣີໂອ ແກຣນເດ (Rio Grande) ໃນເດືອນກັນຍາຜ່ານມາ. ການຫຼັ່ງໄຫຼມາຢ່າງໄວວາ ຂອງພວກຍົກຍ້າຍຖິ່ນຖານຫລາຍພັນຄົນ ຜ່ານເຂດຊາຍແດນເມືອງອີໂກ ພາສ (Eagle Pass) ຂອງລັດເທັກຊັສ ໄດ້ພາໃຫ້ເຈົ້າຫນ້າທີ່ຂອງເມືອງດັ່ງກ່າວ ອອກມາປະກາດພາວະສຸກເສີນ. ດີວາລີເຊັດ ແຄັສ (Divalizeth Cash) ມີລາຍງານ.
ນາງມາເຣຍ ອາເຈັນຕິນາ (María Argentina), ເຖິງແມ່ນວ່າບໍ່ມີຂາ ແລະໄດ້ຮັບການຊ່ວຍເຫຼືອໂດຍລູກສາວນ້ອຍຂອງນາງກໍຕາມ, ກໍໄດ້ພາກັນຂ້າມບໍລິເວນ ຣິໂອ ແກຣນເດ ເພື່ອເຂົ້າມາຍອມຈໍານົນຕໍ່ເຈົ້າຫນ້າທີ່ສະຫະລັດ ໃນເມືອງອີໂກພາສ. ເມືອງດັ່ງກ່າວຕັ້ງຢູ່ໃນພາກຕາເວັນຕົກສຽງໃຕ້ຂອງເທັກຊັສ, ກົງກັນຂ້າມ ກັບເມືອງປີເອດຣາສ ເນກຣາສ (Piedras Negras), ຂອງເມັກຊິໂກ.
ກຸ່ມພວກຍົກຍ້າຍຖິ່ນຖານທີ່ຢູ່ໃກ້ຄຽງໄດ້ພະຍາຍາມຊ່ວຍນາງຂ້າມສິ່ງກີດຂວາງ ທີ່ເປັນເຫຼັກໜາມໝາກຈັບ ໃນຂະນະທີ່ເຈົ້າຫນ້າທີ່ລາດຕະເວນຊາຍແດນເຝົ້າຕິດຕາມເບິ່ງຢູ່. ນຶ່ງໃນນັ້ນໄດ້ເຂົ້າມາ, ໂດຍຕັດສິ່ງກີດຂວາງເພື່ອຊ່ວຍແມ່ຍິງພິການຊາວຮອນດູຣາສ, ທີ່ອິດເມື່ອຍ, ແຕ່ສະບາຍໃຈ ເພື່ອເຮັດໃຫ້ມັນຮອດຝັ່ງ ແລະປອດໄພ.
ມີການສົນທະນາກັນ ລະຫວ່າງເຈົ້າໜ້າທີ່ ແລະນາງມາເຣຍເປັນພາສາສະເປນວ່າ:
ເຈົ້າຫນ້າທີ່: Y esta es tu hija? ແລະນີ້ແມ່ນລູກສາວຂອງເຈົ້າບໍ?
Maria: Sí, y él es mi hermano. ແມ່ນແລ້ວ, ແລະລາວແມ່ນນ້ອງຊາຍຂອງຂ້ອຍ.
ເຈົ້າຫນ້າທີ່: Cuántos años tiene la nena? ເດັກຍິງອາຍຸຈັກປີແລ້ວ?
María: Dos años ອາຍຸສອງປີ.
ນາງມາເຣຍ ບອກເຈົ້າຫນ້າທີ່ວ່າ ນາງໄດ້ຂ້າມຊາຍແດນພ້ອມກັບລູກສາວອາຍຸ 2 ປີ ແລະນ້ອງຊາຍຂອງນາງ. ນາງແລະພວກຍົກຍ້າຍຖິ່ນຖານຫຼາຍຄົນໄດ້ຖືກຈັບໂດຍເຈົ້າໜ້າທີ່ພາສີ ແລະການປ້ອງກັນຊາຍແດນ ຫຼື CBP.
ກີລເບີໂຕ ໂລເປສ (Gilberto López) ແລະ ອາເລັກຊານເດີ້ ນາວາ (Alexander Nava) ແມ່ນສອງໃນບັນດາຫຼາຍໆຄົນ ທີ່ໄດ້ເດີນທາງອອກຈາກເວເນຊູເອລາ.
ກີລເບີໂຕ ໂລເປສ, ຜູ້ຍົກຍ້າຍຖິ່ນຖານຊາວເວເນຊູເອລາ ກ່າວເປັນພາສາສະເປນວ່າ:
"ການເດີນທາງຜ່ານປ່າ, ຜ່ານປະເທດນຶ່ງ ແລະໄປອີກປະເທດນຶ່ງ, ມັນຍາກແທ້ໆ. ເມັກຊິໂກແມ່ນຫຍຸ້ງຍາກທີ່ສຸດ ພວກເຮົາເດີນທາງມາຮອດທີ່ນີ້ ດ້ວຍຄວາມຫວັງວ່າ ພວກເຮົາຈະໄດ້ຮັບການອະນຸຍາດໃຫ້ເຂົ້າໄປ."
ອາເລັກຊານເດີ້ ນາວາ, ຜູ້ຍົກຍ້າຍຖິ່ນຖານຊາວເວເນຊູເອລາເຊັ່ນກັນ ກ່າວວ່າ:
"ພວກເຮົາຜ່ານເວລານຶ່ງເດືອນຂອງການຖືກປຸ້ນຈີ້, ໂຈມຕີ ແລະລັກພາໂຕ."
ພວກຍົກຍ້າຍຖິ່ນຖານໃຊ້ເຄື່ອງນຸ່ງ ແລະຜ້າຫົ່ມປົກຄຸມຕົນເອງໃນເວລາຂ້າມ
ໜາມໝາກຈັບ, ເຊິ່ງຖືກຕິດຕັ້ງໂດຍກອງກຳລັງຮັກສາດິນແດນຂອງລັດເທັກຊັສ ເພື່ອກີດກັນພວກເຂົາເຈົ້າບໍ່ໃຫ້ເຂົ້າມາໃນປະເທດ.
ຄົນອື່ນໆລໍຖ້າຢູ່ຟາກຮົ້ວໜາມໝາກຈັບ.
ອີງຕາມຫົວຫນ້າໜ່ວຍລາດຕະເວນຊາຍແດນ ທ່ານເຈສັນ ໂອເວັນສ໌ (Jason Owens), ເຊິ່ງເປັນໜ່ວຍງານທີ່ກໍາລັງເຮັດວຽກຢ່າງແຂງຂັນໃນການຄຸ້ມຄອງຈັດການກັບການຫຼັ່ງໄຫຼເຂົ້າມາ, ດ້ວຍກຸ່ມຜູ້ຍົກຍ້າຍຖິ່ນຖານຈໍານວນຫຼາຍເຖິງ 1,000 ຫຼື 2,000 ຄົນ ທີ່ກໍາລັງພະຍາຍາມຂ້າມເຂົ້າມາໃນສະຫະລັດ, ຜູ້ຄົນຈໍານວນຫຼາຍເຫຼົ່ານັ້ນ ແມ່ນແມ່ຍິງແລະເດັກນ້ອຍ.
ບາງຄັ້ງໃນຊ່ວງເວລານັ້ນ ເຈົ້າໜ້າທີ່ໄດ້ທໍາການຕັດລວດໜາມໝາກຈັບ ເພື່ອຊ່ວຍພວກເຂົາເຈົ້າ, ການເຄື່ອນໄຫວດັ່ງກ່າວນີ້ ຖືກວິຈານໂດຍຜູ້ປົກຄອງລັດ ເທັກຊັສ ທ່ານເກຣກ ແອັບບັອດ (Greg Abbott), ຜູ້ທີ່ກ່າວວ່າ ມັນເປັນ "ການເປີດປະຕູນ້ໍາ ໃຫ້ແກ່ຄົນເຂົ້າເມືອງທີ່ຜິດກົດຫມາຍ."
ແຕ່ ທ່ານໂອເວັນ ໄດ້ປົກປ້ອງການກະທຳດັ່ງກ່າວ.
ທ່ານກ່າວຕໍ່ອົງການຂ່າວຣອຍເຕີ້ວ່າ:
“ໃນຊ່ວງເວລາທີ່ຜູ້ອົບພະຍົບໄດ້ປະເຊີນໜ້າກັບໜ່ວຍງານຂອງພວກເຮົາ, ພວກເຂົາເຈົ້າກໍຢູ່ໃນສະຫະລັດແລ້ວ. ພວກເຂົາເຈົ້າບໍ່ສາມາດປີນຂຶ້ນຝັ່ງໄດ້, ຊຶ່ງກໍບໍ່ເປັນຫຍັງ ຈົນກວ່າພວກເຂົາເຈົ້າເລີ້ມພົບກັບຄວາມຫຍຸ້ງຍາກ. ຖ້າພວກເຂົາເລີ່ມຖືກພັດໄປໂດຍກະແສນໍ້າ, ຖ້າພວກເຂົາເລີ່ມຍອມຈໍານົນຕໍ່ສະພາບແວດລ້ອມ, ເຊິ່ງມີອຸນຫະພູມທີ່ຮ້ອນແຮງ, ແລະບັນດາພະນັກງານຜູ້ຊາຍ ແລະແມ່ຍິງຂອງຂ້າພະເຈົ້າເຫັນແນວນັ້ນ ພວກເຂົາຈະບໍ່ປ່ອຍໃຫ້ຜູ້ໃດຜູ້ນຶ່ງເສຍຊີວິດຫຼືຕົກຢູ່ໃນອັນຕະລາຍໄດ້.”
ດ້ວຍຄວາມໜັກໃຈ, ແລະບໍ່ມີຊັບພະຍາກອນທີ່ຈໍາເປັນ ເພື່ອຮັບມືກັບການເພີ້ມຂຶ້ນຂອງພວກຍົກຍ້າຍຖິ່ນຖານທີ່ມີຄວາມຕ້ອງການອາຫານ ແລະບ່ອນພັກພາອາໄສ, ເຈົ້າໜ້າທີ່ເມືອງ ອີໂກ ພາສ ຈຶ່ງໄດ້ປະກາດສະຖານະການສຸກເສີນຂອງລັດ.
ເຈົ້າຄອງນະຄອນ ທ່ານໂຣແລນໂດ ຊາລີນາສ (Rolando Salinas) ໄດ້ຮຽກຮ້ອງໃຫ້ລັດຖະບານກາງ ດໍາເນີນການຊ່ວຍເຫຼືອໃນການຮັບມືກັບສະຖານະການດັ່ງກ່າວ, ໂດຍອ້າງວ່າຜູ້ຍົກຍ້າຍຖິ່ນຖານປະມານ 12,000 ຄົນໄດ້ມາຮອດເມືອງ ທີ່ມີປະຊາກອນ 28,000 ຄົນ ພາຍໃນອາທິດດຽວ.
ໃນຊ່ວງບໍ່ເທົ່າໃດອາທິດທີ່ຜ່ານມາ, ລັດຖະບານ ທ່ານໄບເດັນ ໄດ້ປະກາດການຈັດສັນງົບປະມານຫຼາຍກວ່າ 12 ລ້ານໂດລາ ສໍາລັບຊຸມຊົນຕ່າງໆທີ່ກໍາລັງຮັບເອົາບັນດາຜູ້ຍົກຍ້າຍຖິ່ນຖານ.
ທ່ານໂຣແລນໂດ ຊາລີນາສ ກ່າວວ່າ:
"ຂ້າພະເຈົ້າເຂົ້າໃຈວ່າ ຜູ້ຄົນເຫຼົ່ານີ້ກໍາລັງຫລົບຫນີສະຖານະການທີ່ຫຍຸ້ງຍາກທີ່ສຸດໃນປະເທດຂອງພວກເຂົາເຈົ້າ. ບໍ່ມີການປະຕິເສດໃດໆ, ແຕ່ຕ້ອງມີຄໍາສັ່ງ. ພວກເຮົາບໍ່ສາມາດເວົ້າໄດ້ແຕ່ພຽງວ່າ, 'ໂອ້, ພວກເຮົາຮູ້ສຶກເສຍໃຈນໍາພວກເຂົາ, ປະໃຫ້ທຸກໆຄົນເຂົ້າມາ,' ເພາະວ່າລະບົບກໍາລັງຈະພັງລົງມາ."
ມັນເປັນສະຖານະການຮ້າຍແຮງທີ່ມີຄວາມທ້າທາຍຫຼາຍກວ່າເກົ່າໃນຂ້າງຫນ້າ. ກົດລະບຽບຂອງລັດຖະບານ ທ່ານໄບເດັນ ທີ່ໄດ້ປະກາດໃນເດືອນພຶດສະພາແລ້ວນີ້ ຮຽກຮ້ອງໃຫ້ຜູ້ຍົກຍ້າຍຖິ່ນຖານທີ່ກໍາລັງຮ້ອງຂໍບ່ອນລີ້ໄພ ເພື່ອຈັດການນັດໝາຍກັບເຈົ້າໜ້າທີ່ກວດຄົນເຂົ້າເມືອງທາງອອນລາຍ ຫຼື ພິສູດວ່າພວກເຂົາຊອກຫາການປົກປ້ອງໃນປະເທດອື່ນ ກ່ອນທີ່ຈະເດີນທາງມາຮອດສະຫະລັດ.
After a decline in illegal immigration at the border, there was a sudden surge in migrants crossing the Rio Grande in September. The rapid influx of thousands into the Texas border city of Eagle Pass prompted city officials to declare and extend a state of emergency. Verónica Villafañe narrates this report by Divalizeth Cash.
María Argentina, despite having no legs and being accompanied by her young daughter, crossed the Rio Grande to surrender to US authorities in the city of Eagle Pass. It’s located in southwest Texas, across from the city of Piedras Negras, Mexico.
A group of migrants nearby tried to help her cross a razor wire barrier as border patrol officers watched. One of them intervened, cutting the barrier to help the disabled Honduran woman, exhausted but relieved to make it to shore… and safety.
exchange in Spanish
Officer: Y esta es tu hija? (And is this your daughter?)
Maria: Sí, y él es mi hermano. (Yes, and he's my brother.)
Officer: Cuántos años tiene la nena? (How old is the girl?)
María: Dos años (Two years old)
María tells an officer she crossed with her 2-year-old daughter and a brother.
She and many other migrants were apprehended by Customs and Border Protection – CBP.
Gilberto López and Alexander Nava are among the many who made their way from Venezuela.
Gilberto López, Venezuelan Migrant, Male in Spanish
"The journey through the jungle, passing through country after country, was really hard. Mexico was tough…We arrived here with the hope we’ll be granted entry."
Alexander Nava, Venezuelan Migrant, Male in Spanish
“We have been through a month of being robbed, mugged, kidnapped...”
Migrants are using clothes and blankets to make their way over razor coils, installed by the Texas National Guard to block them from entering the country.
Others wait behind the barbed wire.
According to Border Patrol Chief Jason Owens, agents are actively working to manage the influx, with groups of migrants as large as 1,000 or 2,000 attempting to cross into the U.S., many of them, women and children.
Agents have at times cut openings in the razor wire to help them, a move criticized by Texas governor Greg Abbott, who said it’s “opening the floodgates to illegal immigrants.”
But Owens defends the action.
Jason Owens, US Border Patrol Chief, REUTERS
“By the time the migrants encounter our agents, they are already in the U.S. They can't climb up the riverbank, which is fine until they start getting themselves into trouble. If they start getting swept away by the currents, if they start succumbing to the environment, the extreme temperatures, // and my men and women see that, they are not going to let somebody die or get into harm's way.”
Overwhelmed, and without the resources needed to handle the surge of migrants who need food and shelter, Eagle Pass city officials declared a state of emergency.
Mayor Rolando Salinas has called on the federal government for assistance in dealing with the situation, claiming about 12,000 migrants arrived in the city of 28,000 residents in a single week.
The Biden Administration stepped in last week, announcing the allotment of more than $12 million for communities receiving migrants.
Rolando Salinas, Mayor of Eagle Pass, Male in Spanish
“I understand that these people are fleeing very difficult situations in their home countries. There’s no denying it, but there needs to be order. We can’t just say, 'Oh, we feel sorry for them, let everyone come,' because the system will collapse.”
It’s a dire situation with more challenges ahead. A Biden administration regulation announced in May requires migrants requesting asylum to arrange an appointment with immigration officials online or prove they sought protection in another country before arriving in the U.S.
