ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ມີ​ການ​ຄິດ​ຄົ້ນ ຢາປະ​ຕິ​ຊີ​ວະ​ນະ ແນວ​ໃໝ່ ​ເພື່ອ​ປິ່ນ​ປົວ ໂຣກ​ອີ​ໂບ​ລາ ​ແລ້ວ​ ໃນ ສ​ປ ຄອງ​ໂກ


DRC Tries to Contain Ebola With New Medical Tools Amid Conflict
please wait

No media source currently available

0:00 0:03:12 0:00

ໄວ​ຣັ​ຊ​ອີ​ໂບ​ລາ ໄດ້​ລະ​ບາດ​ຕື່ມ​ອີກ ໃນ​ສາ​ທາ​ລະ​ນະ​ລັດ​ຄອງ​ໂກ ຊຶ່ງ​ເປັນການລະ​ບາດ
ຄັ້ງ​ທີ 10 ນັບ​ຕັ້ງ​ແຕ່ ໄວ​ຣັ​ຊ​ອີ​ໂບ​ລາ ​ໄດ້​ຄົ້ນ​ພົບ​ໃນ​ປີ 1976. ນັກ​ຂ່າວ​ວີ​ໂອ​ເອ ແຄ​ໂຣລ​
ເພຍ​ຊັນ ລາຍ​ງານ​ວ່າ ພວກ​ນັກ​ວິ​ທະ​ຍາ​ສາດ ໄດ້​ປະ​ສົບ​ຜົນ​ສຳ​ເລັດທາງ​ການ​ແພດຢ່າງ
ໃຫຽ່ຫຼວງ ໃນ​ຮອບ​ສອງສາມ​ປີ​ຜ່ານ​ມາ, ແຕ່ປະ​ເທດນີ້ ກໍຍັງໄດ້ປະ​ເຊີນ​ກັບ​ການ​ທ້າ​ທາຍ
ຢ່າງໃຫຍ່ ໃນ​ການ​ທີ່​ຈະ​ຄວບ​ຄຸມ​ການ​ລະ​ບາດ​ຂອງ​ໂຣກ​ນີ້ ໃຫ້ໄດ້ ຊຶ່ງວັນນະສອນຈະມີ
ລາຍລະອຽດມາສະເໜີທ່ານ ໃນອັນດັບຕໍ່ໄປ.

ໂຣກອີ​ໂບ​ລາ ຍັງເປັນໂຣກອັນ​ຕະ​ລາຍ​ຮ້າຍແຮງເຖິງຕາຍຢູ່. ການ​ແຜ່​ລະ​ບາດຄັ້ງຫຼ້າສຸດ ​
ໃນ​ພາກ​ຕາ​ເວັນ​ອອກ​ ຂອງ​ສາ​ທາ​ລະ​ນະ​ລັດ​ຄອງ​ໂກ ໄດ້ເລີ້​ມຂຶ້ນ ໃນ​ຕົ້ນ​ເດືອນສິງ​ຫາ
​ຜ່ານມາ. ອັດຕາ​ການ​ຕາຍ​ນີ້ ແມ່ນມີ 70 ເປີ​ເຊັນ.

ແຕ່​ວ່າ​ການ​ລະ​ບາດ​ຄັ້ງ​ນີ້ ແມ່ນ​ແຕກ​ຕ່າງ​ຢ່າງ​ໃຫຍ່​ຫຼວງ ຈາກ​ໂ​ຣກ​ຮ້າຍ​ແຮງ​ສຸດໃນ​ເຂດ
ທີ່​ປະ​ສົບ​ກັບ​ຄວາມ​ຫາ​ຍະ​ນະໃນ​ອາ​ຟ​ຣິ​ກາ​ຕາ​ເວັນ​ຕົກ ໃນ​ຮອບ​ສອງສາມປີຜ່ານມາ​.
ມາບັດນີ້ ພວກເຈົ້າ​ໜ້າ​ທີ່​ສາ​ທາ​ລະ​ນະ​ສຸກ ມີ​ອຸບ​ປະ​ກອນ​ຫຼາຍ​ຂຶ້ນ​ແລະ​ດີກວ່າເກົ່າແລ້ວ.
ພວກ​ນັກ​ວິ​ທະ​ຍາ​ສາດ ໄດ້​ພັດ​ທະ​ນາ ໄດ້ທົດ​ລອງວິທີປິ່ນປົວຕ່າງໆ ໃຫ້ແກ່​ພວກ​ທີ່​ມີ​
ໂຣກ​ອີ​ໂບ​ລາ.

ດ​ຣ. ແອນ​ໂຕ​ນີ ໂຟ​ຊີ ຈາກ​ສະ​ຖາ​ບັນ​ສາ​ທາ​ລະ​ນະ​ສຸກ​ແຫ່ງ​ຊາດ ຫຼື NIH ກ່າວ​ວ່າ
“ພວກ​ເຮົາ​ມີ​ວິທີການ​ບຳ​ບັດ 5 ຢ່າງ ເພື່ອ​ບໍ​ລິ​ການ ຊຶ່ງສາມ​ຢ່າງ ແມ່ນໃຫ້​ການ ບໍລິການຢູ່ຕະຫຼອດ.”

ປະເທດ ດີອາຊີ ແລະສາະຖາ​ບັນ ​ສາ​ທາ​ລະ​ນະ​ສຸກ​ແຫ່ງ​ຊາດ ໄດ້​ກໍ່ສ້າງຂຶ້ນມາ ຢ່າງນຶ່ງ ​
ໃນ​ຈຳນວນການທົດລອງ​ຮັກ​ສາປິ່ນປົວດັ່ງກ່າວ​.

ດ​ຣ.ໂຟ​ຊີ ກ່າວ​ວ່າ “ຜູ້​ປ່ວຍຄົນນຶ່ງ ຕິດ​ໂຣກ​ອີ​ໂບ​ລາ ໃນ​ປີ 1995 ທີ່​ເຄີ​ຄວິດລະ​ບາດ​
ໃນສາ​ທາ​ລະ​ນະ​ລັດ​ຄອງ​ໂກ. ຜູ້​ປ່ວຍ​ຄົນ​ນັ້ນ ໄດ້​ຫາຍຈາກໂຣກ​ອີ​ໂບ​ລາ​ ແລະ
​ພວກ​ເຮົາໄດ້​ນຳ​ເອົາ​ລາວ ມາ​ຍັງ​ສະ​ຫະ​ລັດ ໃນ ສະ​ຖາ​ບັນ NIH. ພວກ​ເຮົາໄດ້​ເຈາະ​
ເອົາ​ເລືອດ​ຂອງພວກ​ເຂົາ​ເຈົ້າ. ພວກ​ເຮົາ​ໄດ້ໂຄ​ລນ​ແຊ​ລ B ແລ້ວ​ພວກ​ເຮົາ​ກໍ​ໄດ້​ເຮັດ
ຢາປະ​ຕິ​ຊີ​ວະ​ນະຂຶ້ນ​ມາ.”

ມັນ​ເອີ້ນ​ວ່າ ຢາໂມ​ໂນ​ໂຄ​ລ​ໂນປະ​ຕິ​ຊີ​ວະ​ນະ 114 ຫຼື mAb114. ພວກ​ນັກ​ວິ​ທະ​ຍາ​ສາດ
ໃນ​ບໍ​ລິ​ສັດ​ບຳ​ບັດ ແລະ​ສະ​ຖາ​ບັນຊີ​ວະແພດສາດ ທີ່ສະວິດເຊີແລນ ທີ່​ໄດ້​ເຮັດ​ວຽກ​ຢ່າງ
​ຫຼວງ​ຫຼາຍ ທີ່​ນຳ​ໄປ​ສູ່ການ​ທົດ​ລອງຮັກ​ສາປິ່ນປົວ​ແບບ​ໃໝ່​ນີ້.

ສາ​ຖາ​ບັນ​ສາ​ທະ​ລະ​ນະ​ສຸກ​ແຫ່ງ​ຊາດ ໄດ້​ພົບ​ເຫັນ​ວ່າ mAb114 ມີຄວາມ​ປອດ​ໄພດີ.
ສະ​ຖາ​ບັນ NIH ໄດ້​ທຳ​ການ​ທົດ​ລອງ ໃນ​ໂຮງ​ພະ​ຍາ​ບານ ບ່ອນ​ທີ່​ພວກ​ທ່ານ​ໝໍ​ໄດ້​ຊັກ
​ຢານີ້ ໃຫ້​ພວກ​ອາ​ສາ​ສະ​ໝັກ ຊຶ່ງ​ປັດ​ຈຸ​ບັນ​ ຢາ​ດັ່ງ​ກ່າວ​ໄດ້​ນຳ​ໄປ​ໃຊ້ ​ກັບ​ພວກ​ຜູ້​ປ່ວຍ
ຕິດ​ອີ​ໂບ​ລາ ໃນສາ​ທາ​ລະ​ນະ​ລັດ​ຄອງ​ໂກ ແລ້ວ.

ດ​ຣ.ໂຟ​ຊີ ກ່າວ​ຕື່ມວ່າ “​ເທົ່າ​ເຖິງ​ປັດ​ຈຸ​ບັນ​ນີ້ ໄດ້ມີການປິ່ນປົວພວກ​ຜູ້​ປ່ວຍ 13 ຄົນ
ແລ້ວ ແລະ 11 ຄົນ ກໍແມ່ນໄດ້ອອກ​ໂຮງ​ໝໍໄປແລ້ວ ຊຶ່ງ​ເປັນອັນວ່າໄດ້​ຜົນ​ດີສົມຄວນ.”

ມີຫຼາຍ​ຄົນອີກຢູ່ ​ທີ່ຕ້ອງໄດ້ໃຊ້ການປິ່ນປົວແບບນີ້ ແລະ​ອີກ​ສອງ​ຄົນ ກ່ອນ​ທີ່​ພວກ​ເຮົາ​
ຈະ​ຮູ້ໄດ້ ວ່າ​ການ​ຮັກ​ສາ​ແບບ​ໃດ ຈະໃຊ້​ໄດ້ ຖ້າມີ.

ດ​ຣ.ໂຟ​ຊີ ກ່າວ​ອີກ​ຕື່ມວ່າ “ພວກ​ເຮົາ​ຢາກສະ​ເໜີວ່າ ໃຫ້​ທົດ​ລອງ ເພື່ອ​ປຽບ​ທຽບ
ການ​ຮັກ​ສາແບບນຶ່ງ ໃສ່ອີກ​ອັນ​ນຶ່ງ ແລະ​ກັບແບບ​ອື່​ນ​ໆນຳ.​”

ອຸບ​ປະ​ກອນ​ອັນ​ອື່ນ ທີ່​ພວກ​ທ່ານ​ໝໍ ມີ​ ໃນ​ຕອນໂຣກ​ນີ້ລະ​ບາດ​ຢູ່ໃນປັດຈຸ​ບັນ​ແມ່ນ​ການ
​ສີດ​ວັກ​ຊີນ ເພື່ອ​ປ້ອງກັນ ພວກ​ຜູ້​ຄົນ ບໍ່ໃຫ້ເປັນ​ໂຣກອີ​ໂບ​ລາ. ວັກ​ຊີນ ພວກ​ນີ້ ບໍ່ໄດ້
ມີ​ໃຫ້ຕອນ​ທີ່​ມີການ​ລະ​ບາດ​ຂອງ​ໂຣກ​ນີ້​ ຕອນທີ່​ມັນຮ້າຍ​ແຮງ​ ຢູ່ໃນ​ອາ​ຟຣິ​ກາຕາ​ເວັນ​ຕົກ.
ການ​ທົດທອງ​ດັ່ງ​ກ່າວ ໄດ້​ສະ​ແດງ​ໃຫ້ເຫັນ​ວ່າມີປະ​ສິດ​ທິຜົນຢ່າງ​ໃຫຍ່​ຫຼວງ ເພື່ອ​ປ້ອງ​ກັນ​
ການແຜ່​ລະ​ບາດ ຂອງ​ໄວ​ຣັ​ຊ​ນີ້.

ສິ່ງທີ່ໃໝ່ໆອີກກໍຄື ໜ່ວຍງານພະຍາບານທີ່ໃຊ້​ຝາຢາງ​ທີ່​ຊ່ອງ​ເຫັນ. ພວກ​ຜູ້​ຄົນ ສາ​ມາດ
​ເຫັນ ແລະ​ລົມ​ກັບ​ພວກ​ຄົນຮັກ​ຄົນແພງຂອງ​ພວກ​ເຂົາ​ເຈົ້າໄດ້ ໂດຍ​ທີ່​ບໍ່​ໄດ້​ເຂົ້າ​ໄປ​ສຳ​ພັດ​
ກັບ​ໄວ​ຣັ​ຊ​ທີ່​ວ່າ​ນີ້.

ແຕ່​ວ່າ ກໍ​ມີ​ຫຼາຍໆ​ປັດໃຈຢູ່ ໃນການລະບາດຂອງ​ໂຣກ​ນີ້ ທີ່ພາ​ໃຫ້ຄ​ວາມ​ພະ​ຍາ​ຍາມທີ່​
ຈະຄວບ​ຄຸມ​ມັນ ສ້າງຄວາມກະວົນກະວາຍໃຈ​.

ການ​ລະ​ບາດ​ຂອງ​ໂຣກ​ນີ້ ແມ່ນຢູ່ໃນ​ເຂດ​ທີ່​ມີ​ຄວາມ​ຂັດແຍ້ງກັນ ສະ​ນັ້ນ​ພວກ​ເຈົ້າ​ໜ້າ​ທີ່​
ການ​ແພດ ຈຶ່ງບໍ່ສາມາດໄປຮອດພວກທີ່ມີຄວາມສ່ຽງໄດ້ທຸກຄົນ​. ພວກ​ຜູ້​ຄົນ​ທີ່​ຢູ່​ໃນ​
ເມືອງບູ​ແທມ​ໂບ ທີ່​ມີ​ປະ​ຊາ​ກອນ​ເກີນ​ລ້ານ​ຄົນ​ນັ້ນ ໄດ້ເຂົ້າມາພ້ອມກັບໂ​ຣກ​ອີ​ໂບ​ລາ.

ມັນ​ເປັນ​ການ​ຍາກທີ່ຈະ​ຄວບ​ຄຸມ​ໂຣກ​ນີ້ ໃນ​ເມືອງ​ທີ່​ມີ​ປະ​ຊາ​ກອນ​ເປັນ​ຈຳ​ນວນ​ຫຼວງ
​ຫຼາຍ ກວ່າຢູ່ໃນ​ເຂດ​ຊົນ​ນະ​ບົດ. ການ​ລະ​ບາດ​ຂອ​ງ​ໂຣກນີ້ ແມ່ນ​ໃກ້​ກັບເຂດ​ຊາຍ​ແດນ
ອູ​ການ​ດາແລະ ຣ​ວັນ​ດາ ບ່ອນ​ທີ່​ພວກ​ຜູ້​ຄົນ ເດີນ​ທາງ​ເຂົ້າອອກ ເພື່ອ​ຊື້

ຂາຍ ສະ​ນັ້ນ​ມັນ​ກໍ​ອາດ​ເປັນ​ໄປ​ໄດ້​ ທີ່ວ່າໂຣກນີ້ຈະ​ແຜ່​ລະ​ລາດໄປທົ່ວ​ ໃນ​ປະ​ເທດ
ດັ່ງກ່າວເຊັ່ນກັນ.

ຄວາມ​ເປັນ​ຫ່ວງ​ຢ່າງ​ອື່ນ ຂອງພວກເຈົ້າ​ໜ້າ​ທີ່​ສາ​ທາ​ສະ​ນະ​ສຸກກໍຄື ​ເຖິງ​ແມ່ນ​ວ່າຈະໄດ້​
ມີ​ການ​ແພດ​ທີ່​ກ້າວໜ້າ​ກໍ​ຕາມ ແຕ່ຈຳ​ນວນ​ກໍ​ລະ​ນີ​ຂອງ​ພວກທີ່ເປັນໂຣກ​ນີ້ ກໍແມ່ນຍັງມີ​
ເພີ້ມຂຶ້ນຢູ່.

ອ່ານ​ຂ່າວນີ້ເປັນ​ພາ​ສາ​ອັງ​ກິດ​ເພີ້ມ​ຕື່ມ

XS
SM
MD
LG