ລິ້ງ ສຳຫລັບເຂົ້າຫາ

logo-print

ທ່ານ​ໝໍ​ເວົ້າ​ວ່າ ຄວນ​ມີ​​ການ​ຜ່າ​ຕັດ​ກະ​ເພາະ ເພື່ອລົດ​ຄວາມອ້ວນ ຫຼາຍ​ຂຶ້ນ ເພື່ອ​ປ້ອງ​ກັນ​ໂຣກ​ອ້ວນ​ພີ ​ຈົນ​ເກີນ​ໄປ


ທ່ານ​ໝໍເວົ້າ​ວ່າ ​ຄວນ​ຈະ​ມີ​ການ​ຜ່າ​ຕັດ​ກະ​ເພາະ ເພື່ອລົດ​ຄວາມອ້ວນ ທີ່​ເອີ້ນ​ວ່າ Bariatric surgery ເລື້ອຍໆຂຶ້ນກວ່າເກົ່າ ເພື່ອຊ່ວຍ​ປ້ອງ​ກັນ​ໂຣກ​ອ້ວນ​ພີແບບຮ້າຍແຮງ

ການຜ່າຕັດ​ກະ​ເພາະເພື່ອລົດ​ຄວາມອ້ວນ ທີ່​ເອີ້ນ​ວ່າ Bariatric surgery ເຮັດ​ໃຫ້​ກະ​ເພາະນ້ອຍ​ລົງເພື່ອ​ໃຫ້ຄົນ​ທີ່​ເປັນ​ໂລກ​ອ້ວນ​ພີ​ເກີນ​ໄປສາ​ມາດ​ຫລຸດ​ນ້ຳ​ໜັກ​ລົງ​ໄດ້ ​ແລະ​ເຮັດ​ໃຫ້ເຂົາ​ເຈົ້າ​ມີ​ສຸ​ຂະ​ພາບແຂງ​ແຮງ​ຄື​ນອີກ. ມັນ​ເປັນຂະ​ບວນ​ການປ່ຽນ​ແປງ​ຊີ​ວິດຢ່າງ​ໃຫຍ່​ຫລວງ, ແຕ່​ວ່າ ດັ່ງ​ທີ່ Carol Pearson, ນັກ​ຂ່າວ​ວີ​ໂອ​ເອ​ລາຍ​ງານ​ມາ ທ່ານ​ໝໍ​ບາງ​ຄົນ​ຄິດ​ວ່າ ​ຄວນ​ຈະ​ມີ​ການ​ຜ່າ​ຕັດແບບນີ້​ເລື້ອຍໆຂຶ້ນກວ່າເກົ່າ---ກ່ອນ​ຄົນ​ປ່ວຍ​ຈະ​ກາຍ​ເປັນ​ໂຣກ​ອ້ວນ​ພີແບບຮ້າຍແຮງ. ບົວ​ສະ​ຫວັນ​ມີ​ລາຍ​ລະ​ອຽດ​ກ່ຽວ​ກັບເລື້ອງມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.​

ທ່ານ ຊອນ ໂຣ​ເຈີ​ສ໌ (Shaun Rogers) ໄດ້​ໃຊ້​ຄວາມ​ພະ​ຍາ​ຍາມ​ເປັນ​ເວ​ລາ​ນານກວ່າ 20 ປີ ​ເພື່ອ​ຄວບ​ຄຸມ​ນ້ຳ​ໜັກ​ຂອງຕົນ ແມ່ນ​ກະ​ທັ້ງຢູ່ໃນຕອນ​ທີ່​ໂຣກ​ເບົາ​ຫວານ​ຂອງ​ທ່ານ​ໄດ້​ເພີ້ມທະ​ວີ​ຄວາມ​ຮ້າຍ​ແຮງ​ຂຶ້ນ​ຢູ່​ກໍ​ຕາມ.

ທ່ານ​ໂຣ​ເຈີ​ສ໌ ເວົ້າ​ວ່າ: "ໂດຍ​ພຽງ​ແຕ່ການຄວບ​ຄຸມອາ​ຫານ​ການ​ກິນ ແລະ​ສືບ​ຕໍ່​ໃຊ້​ທາດ​ອິນ​ຊູ​ລິນ​ຕາມລະ​ບົບ​ວົງ​ຈອນຂອງ​ມັນເທົ່າ​ນັ້ນ, ຂ້ອຍບໍ່​ສາ​ມາດ​ຫລຸດ​ນ້ຳ​ໜັກ​ລົງເຖິງ​ຂີດທີ່​ຂ້ອຍ​ຕ້ອງ​ການ​ໄດ້ຈັກ​ເທື່ອ, ບໍ່​ສາ​ມາດ​ປ່ຽນ​ແປງ​ລະ​ບົບ​ວົງ​ຈອນທັງ​ໝົດຂອງ​ມັນ ແລະເຮັດ​ໃຫ້​ໂຣກ​ເບົາ​ຫວານ​ຢູ່​ພາຍ​ໃຕ້​ການ​ຄວບ​ຄຸມ​ໄດ້​ແທ້ໆ."

ທາດ​ອິນ​ຊູ​ລິນທີ່​ເຮັດ​ໃຫ້​ລະ​ດັບ​ນ້ຳ​ຕານ​ຢູ່​ໃນ​ພາ​ວະ​ປົກ​ກະ​ຕິ ສາ​ມາດທີ່​ຈະ​ເຮັດ​ໃຫ້​ຄົນ​ຮູ້​ສຶກ​ຫິວ​ໄດ້​ງ່າຍ, ຊຶ່ງເປັນ​ການ​ຍາກ​ຂຶ້ນ​ອີກ ທີ່ເຂົາ​ເຈົ້າຈະຫລຸດ​ນ້ຳ​ໜັກ​ລົງ​ໄດ້. ແຕ່​ວ່າ ການ​ຜ່າ​ຕັດ​ກະ​ເພາະ ​ເພື່ອ​ລົດ​ຄວາມ​ອ້ວນ ກໍ​ມີ​ຄ່າ​ໃຊ້​ຈ່າຍ​ທີ່ແພງຫລາຍ.

​ຢູ່​ໃນ​ສະ​ຫະ​ລັດ, ບໍ​ລິ​ສັດປະ​ກັນ​ໄພ​ສຸ​ຂະ​ພາບຈະ​ບໍ່​ຈ່າຍເງິນ​ສຳ​ລັບ​ຂັ້​ນ​ຕອນ​ການ​ຜ່າ​ຕັດ​ດັ່ງ​ກ່າວ ເວັ້ນ​ເສຍ​ແຕ່​ວ່າ ດັດ​ຊະ​ນີ​ມວນ​ສານ​ຮ່​າງ​ກາຍ​ຂອງ​ຄົນ​ປ່ວຍ ​ຫລື BMI ຢ່າງ​ໜ້ອຍຢູ່​ໃນ​ລະ​ດັບ 35 ແມ່ນ​ແຕ່ໂຣກ​ເບົາ​ຫວານຂອງເຂົາ​ເຈົ້າ ຈະ​ບໍ່​ສາ​ມາດ​ຄວບ​ຄຸມ​ໄດ້ ​ກໍ​ຕາມ.

ດັດຊະນີມວນສານຮ່າງກາຍຫລື BMI ແມ່ນການວັດແທກລະດັບນ້ຳມັນຂອງຮ່າງກາຍ ໂດຍອີງໃສ່ຄວາມສູງ ແລະນ້ຳໜັກ, ແລະບໍ່ແມ່ນຕົວຊີ້ບອກໄດ້ສະເໝີໄປວ່າ ຄົນປ່ວຍມີປະຕິກິລິຍາຕອບໂຕ້ຕໍ່ການປິ່ນປົວໂຣກເບົາຫວານໄດ້ດີປານໃດ.

ດ​ຣ. ສ​ແຕ​ຊີ ເບ​ຣດ​ຮາວ​ເອີ (Stacy Brethauer), ຈາກ​ສູນ​ການ​ແພດເວັກ​ສ​ເນີ (Wexner) ຂອງມະ​ຫາ​ວິ​ທະ​ຍາ​ໄລ​ລັດ​ໂອ​ຮາຍ​ໂອເວົ້າ​ວ່າ:
"BMI ບໍ່​ແມ່ນ​ຕົວເລກ​ທີ່ບົ່ງ​ບອກທີ່​ດີ ຫລື​ແນ່ນອນ​ແທ້ໆ ທີ່​ສະ​ແດງ​ໃຫ້​ຮູ້​ວ່າ​ໃຜ​ຄວນ​ຈະ​ໄດ້​ຮັບ​ການ​ບຳ​ບັດ.”

ດ​ຣ. ເບ​ຣດ​ຮາວ​ເອີ (Brethauer) (BRETT-how-er), ເວົ້າ​ອີກວ່າ ຫລັກ​ເກນ​ທີ່ໃຊ້​ເພື່ອ​ທຳ​ການ​ຜ່າ​ຕັດ​ດັ່ງ​ກ່າວ ແມ່ນ​ຫລ້າ​ສະ​ໄໝແລ້ວ. ທ່ານ​ກ່າວ​ດັ່ງ​ນີ້:
"ສຳ​ລັບຄົນ​ປ່ວຍ​ທີ່ບໍ່​ໄດ້​ຮັບ​ການ​ຜ່າ​ຕັດ, ພວກ​ເຮົາ​ຮູ້​ດີວ່າ ພະ​ຍາດ​ຂອງ​ເຂົາ​ເຈົ້າ ຈະ​ເພີ້ມ​ຄວາມ​ຮ້າຍ​ແຮງ​ຂຶ້ນ, ອາ​ຍຸ​ຂອງ​ພວກ​ເຂົາ​ເຈົ້າ​ຈະ​ສັ້ນ​ລົງ ຖ້າ​ຫາກ​ພວກ​ເຂົາ​ເຈົ້າ​ບໍ່ໄດ້​ຮັບ​ການ​ປິ່ນ​ປົວ​ທີ່​ມີ​ປະ​ສິດ​ທິ​ພາບ.”

ສະ​ມາ​ຄົມ​ການ​ແພດ​ອາ​ເມ​ຣິ​ກັນ ໄດ້​ຈັດ​ປະ​ເພດ​ຂອງ​ໂຣກ​ອ້ວນ​ພີ​ເກີ​ນ​ໄປ​ວ່າ ເປັນ​ພະ​ຍາດຊຳ​ເຣື້ອ​ທີ່ມີ​ຄວາມ​ສັບ​ສົນ ທີ່​ຕ້ອງ​ໄດ້​ຮັບ​ການ​ເອົາ​ໃຈ​ໃສ່​ປິ່ນ​ປົວ. ຖ້າ​ຫາກ​ປ່ອຍ​ມັນ​ໄວ້ໂດຍບໍ່​ມີ​ການ​ປິ່ນ​ປົວໃດໆ ໂຣກ​ອ້ວນ​ພີ​ເກີນ​ໄປ ສາ​ມາດ​ທີ່​ຈະ​ພາ​ໃຫ້​ເກີດ​ໂຣກ​ຫົວ​ໃຈ, ໂຣກ​ມະ​ເຮັງ ແລະ​ໂຣກເບົາ​ຫວານ​ໄດ້.

ດ​ຣ. ເບ​ຣດ​ຮາວ​ເອີ (Brethauer) ກ່າວ​ຕໍ່​ໄປ​ວ່າ: "ບໍ່​ມີ​ໃຜ​ດອກ​ທີ່​ຈະ​ບອກ​ໃຜຜູ້ນຶ່ງ​ທີ່​ເປັນ​ໂຣກ​ມະ​ເຮັງ ຫລື ໂຣກ​ຫົວ​ໃຈໃຫ້ປິ່ນ​ປົວ​ຢູ່​ພຽງ​ຜູ້​ດຽວ. ຄົນ​ປ່ວຍ​ຕ້ອງ​ໄດ້​ເຂົ້າ​ຮ່ວມໃນ​ການ​ດູ​ແລ​ສຸ​ຂະ​ພາບ ແລະ​ເຮັດ​ໃນ​ສິ່ງ​ທີ່​ຖືກ​ຕ້ອງ ແຕ່​ໃນ​ຂະ​ນະ​ດຽວ​ກັນ ກໍ​ມີ​ການ​ບຳ​ບັດ​ທີ່​ມີ​ປະ​ສິດ​ທິ​ຜົນ​ສູງ​ໄວ້​ສະ​ໜອງ​ໃຫ້​ແກ່​ບັນ​ດາ​ຄົນ​ປ່ວຍ​ເຫລົ່ານັ້ນຢູ່."

ນັບ​ແຕ່​ໄດ້​ຮັບ​ການ​ຜ່າ​ຕັດ​ເປັນ​ຕົ້ນ​ມາ, ທ່ານ ​ໂຣ​ເຈີ​ສ໌ (Rogers) ໄດ້​ຫລຸດ​ນ້ຳ​ໜັກ​ລົງ​ຫ​ລາຍ, ແລະ​ໂຣກ​ເບົາ​ຫວານ​ຂອງ​ທ່ານ​ກໍ​ຢູ່​ໃນ​ຂັ້ນ​ທີ່​ຄວບ​ຄຸມ​ໄດ້. ທ່ານບໍ່ ຕ້ອງ​ໄດ້​ກິນ​ຢາ​ອີກ​ຕໍ່​ໄປ​ແລ້ວ ແລະ​ທາດ​ອິນ​ຊຸ​ລິນ​ຂອງ​ທ່ານ ແມ່ນ​ຫລຸດ​ລົງ​ຈາກ​ລະ​ດັບ​ທີ່​ເກືອບ​ຮອດ 500 ຫົວ​ໜ່ວຍ ​ມາ​ເປັນປະ​ມານ 10 ຫົວ​ໜ່ວຍຕໍ່​ມື້.

ທ່ານ ​ໂຣ​ເຈີ​ສ໌ (Rogers) ທີ່​ເປັນຄົນ​ປ່ວຍ​ເປັນໂຣກເບົາ​ຫວານບອກວ່າ:"ມັນ​ໄດ້​ເຮັດ​ໃຫ້​ຊີ​ວິດ​ຂອງ​ຂ້ອຍປ່ຽນແປງ​ຫລາຍ, ເຈົ້າ​ຮູ້ບໍ່, ຂ້ອຍ​ຈະ​ບອກ​ໃຫ້ທຸກ​ຄົນເຮັດ​ແນວນີ້."

ໂຣກເບົາ​ຫວານເປັນ​ບັນ​ຫາ​ທາງ​ສຸ​ຂະ​ພາບ​ຂອງ​ໂລກ. ​ໃນ​ຈຳ​ນວນຜູ້​ໃ​ຫຍ່ທີ່​ມີຫລາຍກວ່າ 400 ລ້ານ​ຄົນນັ້ນ 11 ຄົນ​ໃດ ຈະມີ​ຜູ້​ນຶ່ງເປັນໂຣກນີ້. ອົງ​ການ​ອະ​ນາ​ໄມ​ໂລກຄາດ​ຄະ​ເນ​ໄວ້ວ່າ ຈຳ​ນວນ​ຄົນ​ທີ່​ເປັນ​ໂຣກນີ້ຈະ​ເພີ້ມ​ສູງ​ຂຶ້ນຢ່າງ​ຫລວງ​ຫລາຍ ໃນ​ອະ​ນາ​ຄົດ​ອັນ​ໃກ້ໆ​ນີ້.

ຖ້າຄົນເປັນໂຣກເບົາ​ຫວານ ໄ​ດ້​ຮັບການຜ່າຕັດ​ກະ​ເພາະເພື່ອລົດ​ຄວາມອ້ວນ ທີ່​ເອີ້ນ​ວ່າ Bariatric surgery ແຕ່​ຫົວ​ທີ ໂຣກນີ້​ກໍ​ສາ​ມາດ​ປິ່ນ​ປົວ​ໄດ້. ສຳ​ລັບ​ຜູ້​ໃດ​ທີ່​ເປັນໂຣກນີ້​ມາ​ໄດ້ 10 ປີ ​ຫລື​ດົນ​ກວ່ານັ້ນ ແລະ​ຕ້ອງ​ການສັກ​ທາດ​ອິນ​ຊູ​ລິນຢູ່ ການ​ຜ່າ​ຕັດ​ດັ່ງ​ກ່າວ​ຈະ​ບໍ່​ເຮັດ​ໃຫ້​ໂຣກ​ເບົາ​ຫວານ​ຂອງ​ເຂົາ​ເຈົ້າ​ກັບ​ຄືນ​ມາ​ດີ​ໄດ້, ແຕ່​ວ່າ ດ​ຣ. ເບ​ຣດ​ຮາວ​ເອີ (Brethauer) ກໍ​ເວົ້າ​ວ່າ ການຜ່າຕັດນັ້ນສາ​ມາດ​ເຮັດ​ໃຫ້​ສຸ​ຂະ​ພາບ​ຂອງ​ເຂົາ​ເຈົ້າ​ດີ​ຂຶ້ນ​ຫລາຍ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດຢູ່​ຂ້າງ​ລຸ່ມນີ້

Bariatric surgery shrinks the stomach so people battling obesity can lose weight and regain their health. It's a drastic, life-changing procedure, but as VOA's Carol Pearson reports, some doctors think it should be done more often -- before patients become severely obese.

Shaun Rogers struggled for more than 20 years to manage his weight even as his diabetes kept getting worse.

Shaun Rogers, diabetic "By just dieting and continuing the cycle with the insulin, I was never going to lose the amount of weight I needed to, to change the whole cycle and get the diabetes under really good control."

Insulin, which stabilizes blood sugar, can make people feel hungry, making it harder for them to lose weight. But bariatric surgery is expensive.

In the U.S., health insurance companies won't pay for the procedure unless a patient's body mass index, or BMI, is at least 35, even if the patient's diabetes is uncontrolled.

BMI is a measure of body fat based on height and weight, and is not always an indication of how well a patient is responding to treatment for diabetes.

Dr. Stacy Brethauer, Ohio State Wexner Medical Center
"BMI is not really a fair or accurate representation of who should be getting therapy."

Dr. Stacy Brethauer ((BRETT-how-er, male doctor)) at Ohio State University says the criteria for the surgery is outdated.

Dr. Stacy Brethauer, Ohio State Wexner Medical Center
"The patient who doesn't get the operation, we know very well that their disease will progress, their lifespan will be shortened if they don't get effective treatment."

The American Medical Association classifies obesity as a complex, chronic disease that requires medical attention. Left untreated, obesity can also lead to heart disease, cancer and diabetes.

Dr. Stacy Brethauer, Ohio State Wexner Medical Center
"No one asks somebody with cancer or heart disease to just do it themselves. Patients have to participate in their care and do the right things, but there's also effective therapy being offered to those patients at the same time."

Since his surgery, Rogers has lost a significant amount of weight, and his diabetes is under control. He no longer needs oral medication, and his insulin is down from nearly 500 units per day to about 10.

Shaun Rogers, diabetic
"It's changed my life so much, I would, you know, have anyone do it."

Diabetes is a global health issue. More than 400 million adults, one in 11, have this disease. The World Health Organization estimates that number will rise significantly in the near future.

If diabetics have bariatric surgery early on, they can be cured. For those who have had the disease for 10 years or more and need insulin shots, the surgery won't reverse their diabetes, but Brethauer says it can greatly improve their health.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG