ເກົາຫຼີເໜືອ ເກົາຫຼີໃຕ້ແລະກອງບັນຊາການສະຫະປະຊາຊາດ ຫຼື (UNC) ໄດ້ພົບກັນ
ໃນວັນຈັນມື້ນີ້ ເພື່ອປຶກສາຫາລື ກ່ຽວກັບແຜນການຕໍ່ໄປ ທີ່ຈະປົດອາວຸດ ໃນເຂດ
ຮັກສາຄວາມປອດໄພຮ່ວມ ຫຼື JSA ໃນເຂດປອດທະຫານ ຫຼື (DMZ) ຊຶ່ງການພົບປະ
ກັນຄັ້ງນີ້ ໄດ້ມີຂຶ້ນ ຕາມຫຼັງການໂອ້ລົມສົນທະນາກັນຂອງສັບປະດາທີ່ແລ້ວນີ້ ບ່ອນທີ່
ທັງ 3 ຝ່າຍ ໄດ້ປຶກສາຫາລືກັນ ເພື່ອຫາທາງແກ້ໄຂຂໍ້ຕົກລົງຄົບວົງຈອນທາງທະຫານ
ທີ່ໄດ້ລົງນາມກັນ ໃນກອງປະຊຸມສຸດຍອດພາຍໃນເກົາຫຼີ ເພື່ອໃຫ້ບັນລຸເປົ້າໝາຍ.
ຮອງຜູ້ບັນຊາການກຳລັງຂອງສະຫະປະຊາຊາດ ນາຍພົນ ເວນ ໄອເຣ໌ (Wayne Eyre)
ກ່າວວ່າ UNC ຈະປັບປ່ຽນເປົ້າໝາຍຂອງການສະໜັບສະໜຸນໃນຄວາມພະຍາຍາມ
ທາງການທູດໃນປະຈຸບັນ ແລະພວກຊ່ຽວຊານໄດ້ຮຽກຮ້ອງ ໃຫ້ບັນດາອົງການທັງຫຼາຍ
ໃຫ້ຫຼິ້ນບົດບາດຢ່າງແຂງຂັນ ໃນຂະນະທີ່ເກົາຫຼີທັງສອງ ເອົາບາດກ້າວເພື່ອການຈັດສັນ
ຊາຍແດນທີ່ເຕັມໄປດ້ວຍອາວຸດໜັກນີ້ ໃຫ້ເປັນເຂດສັນຕິ.
ອາຈານ ຢຸນ ຈີວອນ ຈາກມະຫາວິທະຍາໄລພຽງຢົງຕຽກ ໄດ້ບອກ ວີໂອເອ ພະແນກ
ພາສາເກົາຫຼີ ວ່າ ການປົດອາວຸດ ໄດ້ເປັນເລື້ອງລາວສົນທະນາມາ ຕັ້ງແຕ່ຊຸມປີ 1990
ລະຫວ່າງສອງເກົາຫຼີ, ແຕ່ຈົນເທົ່າເຖິງປະຈຸບັນນີ້,ສະຖານະການທີ່ຖືກຕ້ອງທີ່ຈະກະທຳ
ນັ້ນ ແມ່ນຍັງບໍ່ທັນໄດ້ປະາກົດຕົວເທື່ອ.
ການພົບປະກັນໃນວັນຈັນມື້ນີ້ ແມ່ນມີ “ຈຸດປະສົງທີ່ຈະກວດສອບແລະທົບທວນຄືນ
ຖານະເພື່ອການປະຕິບັດງານ ໃນເຂດ JSA ແລະປຶກສາກັນ ກ່ຽວກັບກຳນົດວັນເວລາ
ທີ່ຈະຖອນອາວຸດອອກ ແລະຈຳນວນປ້ອມຍາມ ແລະປັບປ່ຽນເຈົ້າໜ້າພະນັກງານ
ພ້ອມທັງແຜນການໃນອານາຄົດ ເພື່ອການກວດກາຈາກທຸກຝ່າຍ,” ຊຶ່ງນັ້ນແມ່ນ
ຄຳຖະແຫຼງຂອງກະຊວງປ້ອງກັນປະເທດຂອງນະຄອນຫຼວງໂຊລ.
