ຄວາມກ້ຳເກິ່ງກັນ ລະຫວ່າງອຳນາດ ໄດ້ມີການຫັນປ່ຽນ ໃນນະຄອນຫຼວງວໍຊິງຕັນ
ໃນວັນອັງຄານວານນີ້ ເວລາພັກເດໂມແຄຣັດ ຍາດໄດ້ຄືນ ການຄວບຄຸມສະພາຕ່ຳ
ຂອງສະຫະລັດ, ເຮັດໃຫ້ປະທານາທິບໍດີສະຫະລັດ ທ່ານດໍໂນລ໌ ທຣຳ ແລະພັກຣີພັບ
ບລີກັນຂອງທ່ານ ຕ້ອງໄດ້ຮັບມືທາງດ້ານການເມືອງໜັກໜ່ວງ. ແຕ່ວ່າ ພັກຣີພັບບລີກັນ
ກໍໄດ້ຂະຫຍາຍການຄວບຄຸມສຽງສ່ວນຫຼາຍໃນສະພາສູງຕື່ມຂຶ້ນ, ເປັນການສະໜັບ
ສະໜູນທ່ານປະທານາທິບໍດີ ແລະພ້ອມແລ້ວທີ່ຈະປະເຊີນໜ້າທາງການເມືອງ ໃນປີ
ຕໍ່ໜ້າ.ນັກຂ່າວແຫ່ງຊາດຂອງວີໂອເວ ຈິມ ມາໂລນ ມີລາຍງານສະຫຼຸບຜົນ ຂອງການ
ເລືອກຕັ້ງດັ່ງກ່າວຈາກວໍຊິງຕັນ ຊຶ່ງວັນນະສອນ ມີລາຍລະອຽດມາສະເໜີທ່ານໃນ
ອັນດັບຕໍ່ໄປ.
ທີ່ສູນກາງໃຫຍ່ພັກເດໂມແຄຣັດ ໃນວໍຊີງຕັນ ຜູ້ນຳພັກເດໂມແຄຣັດ ທ່ານນາງແນນຊີ
ເພໂລຊີ ໄດ້ປະກາດອອກໄປວ່າ ເປັນມື້ໃໝ່ຂອງເມືອງຫຼວງແຫ່ງຊາດ.
ທ່ານນາງແນນຊີ ເພໂລຊີ ຜູ້ນຳພັກເດໂມແຄຣັດ ກ່າວວ່າ “ພວກເຮົາຈະຕ້ອງມີຄວາມ
ຮັບຜິດຊອບ ເພື່ອຈະຊອກຫາຈຸດຮວມທີ່ເປັນພື້ນຖານ ບ່ອນທີ່ພວກເຮົາຈະສາມາດ
ເຮັດໄດ້, ແລະຢືນຢັດຢູ່ບົນພື້ນຖານ ບ່ອນທີ່ພວກເຮົາຈະບໍ່ສາມາດເຮັດໄດ້. ແຕ່ ພວກ
ເຮົາຕ້ອງພະຍາຍາມ. ລັດຖະສະພາທີ່ເປັນປະຊາທິປະໄຕ ຈະປະຕິບັດເພື່ອຫາທາງ
ອອກ ທີ່ຈະນຳພວກເຮົາເຂົ້າມາຮ່ວມກັນ, ຍ້ອນວ່າພວກເຮົາທັງໝົດ ໄດ້ແຕກແຍກ
ກັນມາພໍແລ້ວ.”
ທ່ານນາງເພໂລຊີ ພວມເຂົ້າສູ່ເສັ້ນທາງທີ່ຈະກັບໄປເປັນປະທານສະພາຕ່ຳຍ້ອນພວກ
ເດໂມແຄຣັດ ເຊັ່ນ ທ່ານນາງແຈນນິເຟີຣ໌ ແວກສຕັນ ຜູ້ຊຶ່ງໄດ້ຊະນະບ່ອນນັ່ງຂອງ
ສະພາຕ່ຳ ໃນລັດເວີຈີເນຍ.
ທ່ານນາງແຈນນິເຟີຣ໌ ແວກສຕັນ ຈາກພັກເດໂມແຄຣັດ ກ່າວວ່າ “ຂ້າພະເຈົ້າໄດ້
ເວົ້າມາດົນແລ້ວ ນັບຕັ້ງແຕ່ ກ່ອນການເລີ້ມລົງໂຄສະນາຫາສຽງ ທີ່ວ່າ ການປ່ຽນ
ແປງແມ່ນມາເຖິງອາເມຣິກາແລ້ວ ການປ່ຽນແປງແມ່ນກັບຄືນມາສູ່ເຂດທີ 10
ໃນລັດເວີຈີເນຍ. ແລະການປ່ຽນແປງນີ້ ມີຂຶ້ນໃນຄືນນີ້.”
ແຕ່ວ່າ ພັກຣີພັບບລີກັນ ແມ່ນຍັງຂະຫຍາຍການມີສຽງສ່ວນຫຼາຍທີ່ແຄບໆໃນສະພາສູງ
ດ້ວຍການປະລາໄຊຂອງສະມາຊິກສະພາສູງຈາກລັດດາໂຄຕາເໜືອ, ລັດມິສສຸຣີ ແລະ
ອິນເດຍນາ ບ່ອນທີ່ທ່ານໄມຄ໌ ບຣອນ ໄດ້ຊະນະການເລືອກຕັ້ງຄັ້ງນີ້.
ທ່ານໄມຄ໌ ບຣອນ ຈາກພັກຣີພັບບລີກັນ ກ່າວວ່າ “ພວກເຮົາແມ່ນນິຍົມແນວທາງເດີມ,
ໂດຍການນຳພາຂອງປະທານາທິບໍດີ ທຣຳ ພວກເຮົາໄດ້ພິສູດໃຫ້ເຫັນແລ້ວ ເຖິງສາ
ເຫດວ່າ ເປັນຫຍັງວິທີຂອງຄວາມຄິດອ່ານຂອງພວກເຮົາ, ສິ່ງທີ່ມັນເຮັດໄດ້ໃນລັດ
ອິນເດຍນາ ແມ່ນຈະສາມາດເຮັດໄດ້ແທ້ ຕໍ່ຊາວອາເມຣິກັນທັງມວນ ແລະຂ້າພະເຈົ້າ
ກໍຍິ່ງເຊື່ອໝັ້ນວ່າ ຂ້າພະເຈົ້າຈະຖືວ່າເປັນນ້ຳໜັກໃນການຖົກຖຽງເລື້ອງນີ້.”
ໃນທຳນຽບຂາວ, ໂຄສົກປະຈຳທຳນຽບຂາວ ທ່ານນາງຊາຣາ ຮັກກະບີ ແຊນເດີຣ໌ສ
ກ່າວວ່າ ປະທານາທິບໍດີທຣຳ ໄດ້ຍິນດີໃນການທີ່ພັກຣີພັບບລີກັນຍັງຍຶດສະພາສູງ
ໄວ້ໄດ້ຢູ່.
ທ່ານນາງຊາຣາ ຮັກກະບີ ແຊນເດີຣ໌ສ ໂຄສົກປະຈຳທຳນຽບຂາວ ກ່າວວ່າ “ພວກລົງ
ແຂ່ງຂັນສ່ວນໃຫຍ່ ທີ່ປະທານາທິບໍດີ ໄດ້ລົງໄປຮ່ວມແລະໂຄສະນາຫາສຽງໃຫ້ນັ້ນ
ນິຍົມຊົມຊອບປະທານາທິບໍດີ ແມ່ນມີຜົນດີໃນຄ່ຳຄືນນີ້. ແລະໃນທີ່ສຸດແລ້ວ ປະທາ
ນາທິບໍດີ ກໍແມ່ນຈະປະຕິບັດໜ້າທີ່ ກັບຜູ້ໃດກໍຕາມທີ່ຈະເຂົ້າມາປະຕິບັດພາລະກິດ
ໃນຫ້ອງການນີ້.”
ການໂຄສະນາຫາສຽງຢ່າງແຂງຂັນຂອງປະທານາທິບໍດີ ແລະຄາລົມຄົມຄາຍ ໄດ້ຊັກ
ຊວນໃຫ້ພວກປ່ອນບັດທັງຫຼາຍ ມີຄວາມກະຕືລືລົ້ນ ຈາກທັງສອງຝ່າຍ, ຊຶ່ງນັກວິເຄາະ
ທ່ານນາງເຣີແບັກກາ ກີລ ໄດ້ເວົ້າໄປ.
ທ່ານນາງເຣີແບັກກາ ກີລ ຈາກມາຫາວິທະຍາໄລ ເນວາດາ ລັສ ເວກັສ ກ່າວວ່າ
“ມັນຄ້າຍກັບວ່າ ເປັນພວກຜູ້ເຖົ້າຜູ້ແກ່ ທີ່ເປັນອຳມະພາດ ແລະການນຳເອົາພວກ
ຜູ້ຄົນເຂົ້າໄປສົນໃຈ ພົວພັນ ເຂົ້າທັງສອງຝ່າຍ.”
ນັ້ນແມ່ນຫຼັກຖານພິຍານຂອງພວກປ່ອນບັດ ທີ່ສຳພາດກັບພວກທີ່ສະນັບສະໜຸນ
ທ່ານທຣຳໃນລັດຄາລີຟໍເນຍ.
ທ່ານທອມມັສ ແວສລີ ຜູ້ສະນັບສະໜຸນທ່ານທຣຳ ກ່າວວ່າ “ຂ້າພະເຈົ້າເຫັນພ້ອມກັບ
ຫຼາຍສິ່ງຢ່າງ ທີ່ທ່ານໄດ້ກະທຳມາ, ບໍ່ແມ່ນໝົດທຸກເລື້ອງດອກ, ແຕ່ວ່າ ໃນຫຼາຍສິ່ງ
ຫຼາຍຢ່າງທີ່ທ່ານໄດ້ກະທຳລົງໄປນັ້ນ. ຂ້າພະເຈົ້າຄິດວ່າ ທ່ານໄດ້ນຳມາຊຶ່ງຜົນ
\ປະໂຫຍດໃຫ້ປະເທດຊາດຂອງພວກເຮົາ, ທັງພາຍໃນແລະຕ່າງປະເທດນຳ.”
ແລະດ້ວຍພວກທີ່ຕຳນິຕິຕຽນທ່ານ ໃນນິວ ຢອກ ຊຶ່ງກ່າວວ່າ “ແມ່ນແລ້ວ, ພວກເຮົາ
ຫວັງວ່າ ທ່ານຄົງຈະຝັນຮ້າຍ ຈາກການເລີ້ມຕົ້ນຂອງການທີ່ທ່ານຟື້ນຕືນ. ກ່ອນອື່ນ
ໝົດຈາກການຍຶດຄືນສະພາຕ່ຳ ແລະໃນອີກສອງປີ ຕໍ່ໜ້າຈະຍຶດເອົາສະພາສູງແລະ
ທຳນຽບຂາວ. ລາກ່ອນທ່ານທຣຳ.”
ສຸດທ້າຍແລ້ສ ທ່ານທຣຳ ແມ່ນບັນຫາສຳຄັນຂອງທັງສອງຝ່າຍ, ຊຶ່ງນັກວິໂຄະທ່ານນາງ
ຄາປຣີ ຄາຟາໂຣ ໄດ້ກ່າວໄປ.
ທ່ານນາງຄາປຣີ ຄາຟາໂຣ ກ່າວວ່າ “ມັນມີຄວາມກະຕືລືລົ້ນ ທັງສອງຝ່າຍ ທີ່ຂ້າພະເຈົ້າ
ຄິດວ່າ ພວກເຮົາເຫັນການແຂ່ງຂັນທີ່ສູສີກັນ ໃນທົ່ວທັງຫຼາຍໆເຂດ ທີ່ຖືກບົ່ງຊີ້ວ່າ
ເປັນການແຂ່ງຂັນທີ່ຈະໄປທາງໃດກໍໄດ້ ໃນທົ່ວປະເທດ.”
ທ່ານທຣຳ ແລະພັກເດໂມແຄຣັດ ປັດຈຸບັນນີ້ ປະເຊີນໜ້າກັບຄຳຖາມໃໝ່ ພວກເຂົາເຈົ້າ
ທັງສອງ ສາມາດທີ່ຈະເຮັດວຽກຮ່ວມກັນໄດ້ບໍ ເຖິງແມ່ນວ່າ ທັງສອງຝ່າຍເລີ້ມຕຽມການ
ເພື່ອການແຂ່ງຂັນເລືອກຕັ້ງປະທານາທິບໍດີຮອບໜ້າ ໃນພຽງແຕ່ອີກ 2 ປີ ເທົ່ານັ້ນ.
ອ່ານຂ່າວນີ້ເພີ້ມຕື່ມເປັນພາສາອັງກິດ
