ລິ້ງ ສຳຫລັບເຂົ້າຫາ

ວັນອາທິດ, ໑໙ ພຶດສະພາ ໒໐໒໔

ການໝູນວຽນຂອງຄວາມຮຸນແຮງຂອງພວກ ທະຫານ ໄດ້ກັບຄືນມາອີກໃນປະເທດມຽນມາ


ອົບພະຍົບໂຣຮິງຢາ ລຽນແຖວ ຮັບເອົາເຄື່ອງບໍລິຈາກປະຈຳວັນ ທີ່ຈຳເປັນ ຢູ່ໃນສູນອົບພະຍົບ ບາຊາຣ ບັງກລາແດັສ ທີ 15 ມັງກອນ 2018.
ອົບພະຍົບໂຣຮິງຢາ ລຽນແຖວ ຮັບເອົາເຄື່ອງບໍລິຈາກປະຈຳວັນ ທີ່ຈຳເປັນ ຢູ່ໃນສູນອົບພະຍົບ ບາຊາຣ ບັງກລາແດັສ ທີ 15 ມັງກອນ 2018.

ລາຍ​ງານ ​ກ່ຽວກັບການກໍ່ຄວາມທາລຸນໂຫດຮ້າຍ ຂອງທະຫານມຽນມາ​ຕໍ່ ພວກຊົນກຸ່ມ
ນ້ອຍຊາວ​ເຜົ່າ​ໂຣຮິງ​ຢາຫວ່າງມໍ໋ໆ​ມາ​ນີ້ ​ໄດ້​ເຮັດ​ສ້າງຄວາມ​ຕື່ນ​ຕົກ​ໃຈ​ໃຫ້ແກ່​ຫລາຍໆ​
ຄົນ ​ແຕ່ພວກ​ທະຫານມຽນມາ ແມ່ນມີ​ປະ​ຫວັດມາເປັນເວລາ ດົນນານ​ແລ້ວ ໃນການກໍ່
ຄວາມ​ຮຸນ​ແຮງ​ຕໍ່ພົນລະ​ເຮືອນຊົນກຸ່ມນ້ອຍ ​ທີ່​ເຂົາເຈົ້າ​ມັກຖືກກ່າວ​ວ່າ ​ໃຫ້ການ​ສະໜັບ
ສະໜູນ​ຕໍ່​ກຸ່ມ​ກຳລັງປະກອບ​ອາວຸດຊົນກຸ່ມນ້ອຍ ​ເພື່ອ​ຄວບຄຸມ​ຊັບພະຍາກອນ​ແລະ​ດິນ
​ແດນ​ພາຍ​ໃນ​ປະ​ເທດ​. ການໂຈມຕີ​ທີ່​ຄ້າຍ​ຄື​ກັນທັງໃນອະດີດແລະປັດຈຸບັນ ໄດ້ສະ​ແດງ
​ໃຫ້​ເຫັນ​ຮ່ອງ​ຮອຍ​ຂອງການບໍ່ຖືກ ​ລົງໂທດ ທີ່​ໄດ້​ແຜ່​ລາມຢ່າງກວ້າງຂວາງ ຢູ່ໃນກອງທັບ​ມຽນມາ. ສະຕີິຟ ​ແຊນ​ຟ​ອຣດ ໂອ້ລົມ​ກັບ​ຜູ້​ເຄາະ​ຮ້າຍ​ທີ່​ຜ່ານ​ມາ ​ແລະ​ບັນດາ​ຜູ້​ຊ່ຽວຊານ
​ກ່ຽວ​ກັບ​ການ​ວົງຈອນ​ຂອງ​ຄວາ​ມຮຸນ​ແຮງ ທີ່ຍັງດຳເນີນຢູ່ຕໍ່ມາ ຊຶ່ງ ​ກິ່ງສະຫວັນ ຈະ​ນຳ
ເອົາລາຍລະອຽດ ​ມາສະ​ເໜີ​ທ່ານ.

ເປັນ​ເວ​ລາ 20 ກວ່າປີມາແລ້ວ ນັບ​ແຕ່ທະຫານມຽນມາ​ໄດ້ໂຈມ​ຕີຈູດຢ້າວເຜົາ​ເຮືອນ
ເຮັດ​ ໃຫ້​ພວກຊົນກຸ່ມນ້ອຍ ​ທີ່ເປັນພົນລະເຮືອນເຜົ່າ​ສານ​ຫລາຍ​ກວ່າ 300,000 ຄົນ
ບໍ່​ມີ​ທີ່ຢູ່​ອາ​ໄສ​ ໃນລະຫວ່າງ​ຊຸມ​ປີ 1990.

​ແຕ່​ການ​ໂຈມ​ຕີ​ຢ່າງ​ໂຫດຮ້າຍທາ​ລຸນ​ໂດຍພວກ​ທະຫານ ​ຍັງ​ດຳ​ເນີນຕໍ່ມາ ​ເປັນ​ເວລາ​|
ຫລາຍ​ປີ ​ເຮັດ​ໃຫ້​ຫລາຍ​ພັນ​ຄົນບໍ່​ມີ​ທີ່ຢູ່​ອາ​ໄສ​ໃນ​ລັດ​ສານ ​ແລະ​ໃນ​ເຂດ​ຊົນ​ເຜົ່າ​ອື່ນໆ.

ທ້າວລຸງ ​ໄຊ ລັງ ​ແລະ​ຄອບຄົວ​ຂອງ​ລາວ​ໄດ້ພາກັນ​ຫລົບໜີຈາກ​ພາກ​ກາງຂອງ​ລັດ​ສານ
​ໃນ​ປີ 2002 ຫລັງ​ຈາກໄດ້ມີການ​ຍິງ​ປືນ​ໃຫຍ່​ໃສ່​ບ້ານ​ຂອງ​ລາວເປັນເວລາຫຼາຍອາທິດ
​ແຕ່ລາວ​ບໍ່​ເຄີຍ​ລືມ​ ການ​ກໍ່ໂທດກຳ​ທີ່​ຜ່ານ​ມາຂອງພວກທະຫານ ມຽນມາ.

ທ້າວ​ລຸງ ​ໄຊ ລັງ ກ່າວ​ວ່າ “​ເວລາໃດພວກ​ເຮົາ​ໄດ້​ຂ່າວ​ວ່າ ​ທະຫານ​ມຽນມາ​ຈະມາ
ແລ້ວເວລາ​ນັ້ນ ​ພວກ​ຜູ້​ຊາຍ​ທັງ​ໝົດ​ກໍຈະພາກັນ​ຫາຍໂຕໄປ. ພວກ​ແມ່ຍິງ ​ແລະ​ເດັກ
ນ້ອຍ​ຕ້ອງ​ໄດ້​ຢູ່ ໃນເມື່ອພວກ​ເຂົາ​ເຈົ້າ​ບໍ່​ເຫັນພວກ​ຜູ້​ຊາຍທີ່ຈະນຳໄປລຳລຽງຫຼື​ຂົນ​
ສົ່ງເພາະສະ​ນັ້ນພວກ​ເຂົາ​ເຈົ້າກໍຈະ​ເອົາ​ພວກ​ແມ່ຍິງໄປ ເມື່ອເຂົ້າໄປໃນປ່າແລ້ວກໍ
ຈະມີກໍລະນີ​ຂົ່ມຂືນສຳເລົາ ມີ​ຫຼາຍໆ​ກໍລະນີຂອງ​ການຂົ່ມຂືນ.”

​ຄວາມຮູ້ສຶກຢ້ານ​ກົວທີ່ຍັງມີຢູ່ຕໍ່ມາໃນ​ໝູ່ພວກຊົນກຸ່ມ​ນ້ອຍ ແມ່ນໄດ້ຖືກນຳມາໃຊ້ນັບ
ຕັ້ງແຕ່ພວກທະຫານ ໄດ້ປົກຄອງປະເທດໃນປີ 1962 ​ແຕ່​ການຈົດ​ບັນທຶກ​ກ່ຽວກັບເຫດ
ການທີ່ເກີດຂຶ້ນນັ້ນ ແມ່ນບໍ່ຄ່ອຍມີ.

​ຕໍ່ມາ ​ໃນ​ປີ 2002 ບັນ​ດາ​ກຸ່ມປົກປ້ອງ​ສິດທິ​ມະນຸດ ໃນລັດ​ສານ ​ໄດ້​ທຳການສືບສວນ
​ແລະພິມ​ເຜີຍ​ແຜ່​ລາຍ​ງານທີ່ມີຊື່ວ່າ “ໃບອະນຸຍາດໃຫ້​ຂົ່ມ​ຂືນ” ທີ່ຈໄດ້ຈົດ ບັນທຶກ 173
​ກໍລະນີ ຂອງ​ການ​ຂົ່ມຂືນ ​ແລະ​ຄວາມ​ຮຸນ​ແຮງ​ທາງ​ເພດ​ອື່ນໆ ທີ່​ກໍ່ຂຶ້ນ ​ໂດຍ​ພວກທະ
ຫານ​ມຽນມາ ລະຫວ່າງ​ປີ 1996 ຫາ​ປີ 2001.

ທ່ານ​ຈຳ​ຕົງ ຈາກ​ມູນ​ນິທິສິດທິ​ມະນຸດ​ລັດ​ສານ ກ່າວ​ວ່າ “ການ​ກໍ່ໂທດກຳດັ່ງກ່າວ​ນີ້
ແມ່ນຖື​ວ່າ​ເປັນ​ການ​ກະທຳ​ທີ່​ໜ້າລະອາຍ​ທີ່​ສຸດ. ມັນຖືກນຳໃຊ້ເພື່ອສ້າງຄວາມຢ້ານ
ກົວ ​ເຮັດໃຫ້ໝົດກຳລັງໃຈ​ແລະ​ສ້າງຄວາມອັບອາຍຂາຍໜ້າຢູ່ໃນ​ປະຊາ​ຄົມ ​ທ້ອງ
​ຖິ່ນ ​ແລະ​ຍັງເພື່ອ​ສະ​ແດງ​ໃຫ້ເຫັນວ່າ ​ເຂົາ​ເຈົ້າ​ສາມາດ​ຄວບ​ຄຸມ​ປະຊາ​ຄົມ​ທັງ​
ໝົດໄດ້.”

ການ​ກ່າວ​ຫາ ໃນການໃຊ້ການ​ຂົ່ມຂືນເປັນອາວຸດສົງຄາມ ຍັງມີ​ມາ​ຈົນ​ເທົ່າ​ທຸກ​ມື້​ນີ້ແຕ່
ໃນປັດຈຸບັນ ແມ່ນ​ຢູ່​ລັດຣາ​ໄຄນ໌ ຕໍ່ພວກ​ຊົນ​ເຜົ່າ​ນ້ອຍ​ຊາວໂຣຮິງ​ຢາ.”

ພວກທະຫານ​ມຽນມາ​ ກ່າວອ້າ​ງວ່າ ການ​ສືບ​ສວນ​ພາຍ​ໃນພົບ​ເຫັນ​ວ່າ ​ທະຫານຂອງ
​ຕົນ​ບໍ່​ໄດ້​ຂົ່ມຂືນ ຫລືກໍ່​ຄວາມ​ຮຸນ​ແຮງ​ທາງ​ເພດ​ໃດໆ​ ຕໍ່​ພວກ​ແມ່ຍິງ.

Cycle of Military Violence Repeats in Myanmar
please wait

No media source currently available

0:00 0:02:32 0:00

ມັນ​ເປັນ​ການຍາກ ທີ່ຈະ​ເຊື່ອ​ຖືໄດ້ສຳລັບກຸ່ມ​ປົກ​ປ້ອງ​ສິດທິມະນຸດ ​ທີ່​ໄດ້ເກັບກຳ ຮີບ
ຮວມເອົາ​ຄຳ​ໃຫ້ການ​ຂອງ​ຜູ້​ເຄາະ​ຮ້າຍ​ຫລາຍ​ຮ້ອຍ​ຄົ​ນ ​ແຕ່​ໄດ້​ຖືກຫ້າມບໍ່ໃຫ້ ທຳການ
ສືບ​ສວນ​ ຢູ່ໃນ​ລັດຣາ​ໄຄ​ນ໌.

ທ່ານ​ຟິລ ​ໂຣ​ເບີດ​ສັນ ຈາກ​ກຸ່ມ​ປົກ​ປ້ອງສິດທິ​ມະນຸດ Human Rights Watch ກ່າວ
ວ່າ “ພວກ​ເຮົາ​ຂໍປະນາມ​ການລ່ວງລະເມີດ ​ຕໍ່​ພົນລະ​ເຮືອນ​ຢູ່ໃນ​ທຸກກໍລະນີ​ທັງໝົດ
​ແລະ​ສຳລັບ​ເຂົາ​ເຈົ້າ​ທີ່​ກ່າວ​ວ່າ ພວກ​ເຮົາ​ຈະ​ບໍ່​ໃຫ້​ເຈົ້າເຂົ້າ​ໄປສືບສວນຢູ່​ໃນເຂດ​ນີ້​
​ເພາະວ່າ​ມັນ​ເປັນ​ອັນຕະລາຍ​ຫຼາຍ ຖ້າ​ຫາກ​ວ່າ​ເປັນ​ອັນຕະລາຍ​ຫຼາຍ​ສຳລັບ​ປະຊາ
ຊົນ​ຜູ້​ຢູ່​ທີ່​ນັ້ນ ພວກ​ເຮົາ​ຈະ​ພາກັນ​ສ່ຽງ ພວກ​ເຮົາ​ຈະ​ເຂົ້າ​ໄປ. ​ແຕ່​ພວກ​ເຮົາ​ຫວັງ​ວ່າ
ຈະ​ເຂົ້າ​ໄປ​ຫາ​ທຸກໆບ່ອນ ​ໂດຍບໍ່ມີການຂັດຂວາງ ​ແລະ​ພວກ​ເຮົາ​ຈະ​ຮັບເອົາ ການ

ແຊກແຊງໃດໆກໍຕາມ ຈາກ​ລັດຖະບານ​ມຽນມາ.”

ເຖິງ​ແມ່ນ​ວ່າໄດ້​ມີ​ຫລັກ​ຖານ​ເປັນຈຳນວນຫຼວງຫຼາຍກໍຕາມ ແຕ່ກໍຍັງມີຄຳ​ຖາມ​ຢູ່ວ່າ ​ບັນ
ດາ​ຜູ້​ເຄາະ​ຮ້າຍ​ໃນອະດີດ​ທີ່​ຜ່ານ​ມາພ້ອມ​ທັງພວກຜູ້ເຄາະຮ້າຍປັດ​ຈຸ​ບັນຈະໄດ້ຮັບ
ຄວາມເປັນທຳຫຼືບໍ່?

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG