ລິ້ງ ສຳຫລັບເຂົ້າຫາ

logo-print

ຮ້ານອາຫານ ໃນນະຄອນຫຼວງ ວໍຊິງຕັນ ໄດ້ຮັບຄວາມເສຍຫາຍ ຈາກການປະທ້ວງ, ແຕ່ເຈົ້າຂອງຮ້ານ ຍັງສະໜັບສະໜັບສະໜູນ ຜູ້ປະທ້ວງ


COVID- Restaurant Looting Bafradzhian -- USAGM
please wait

No media source currently available

0:00 0:03:52 0:00

COVID- Restaurant Looting Bafradzhian -- USAGM

ທ່າມກາງການປະທ້ວງທີ່ໄດ້ປະທຸຂຶ້ນໃນນະຄອນຫຼວງຂອງ ສະຫະລັດ ກັບຫຼາຍຕົວເມືອງອື່ນໆນັ້ນ, ບັນດາເຈົ້າຂອງຮ້ານອາຫານ ແລະ ຮ້ານກິນດື່ມ ໃນຕົວເມືອງຂອງນະຄອນຫຼວງວໍຊິງຕັນ ໄດ້ເຫັນທຸລະກິດຂອງເຂົາເຈົ້າຖືກປຸ້ນ ສະດົມ ແລະ ຖືກທຳລາຍ. ແຕ່ເຖິງແມ່ນຈະໄດ້ຮັບຄວາມເສຍ ຫາຍ ແລະ ຕ້ອງລໍຖ້າດົນກວ່າເກົ່າ ເພື່ອທີ່ຈະເປີດຄືນສະຖານທີ່ຂອງເຂົາເຈົ້າໃນທີ່ສຸດນັ້ນ, ບັນດາເຈົ້າຂອງທຸລະກິດບາງຄົນແມ່ນໄດ້ເລືອກທີ່ຈະສະໜັບສະໜູນຜູ້ປະທ້ວງ. ນັກຂ່າວວີໂອເອ ຄາຣີນາ ບາຟຣາດຊຽນ (Carina Bafradzhian) ມີລາຍ ງານ, ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານໃນອັນດັບຕໍ່ໄປ.


ແທນທີ່ຈະເປີດລະບຽງທີ່ເຕັມໄປດ້ວຍປະຊາຊົນໃນທ້ອງຖິ່ນນັ້ນ ຮ້ານອາຫານ ແລະ ຮ້ານກິນດື່ມຫຼາຍແຫ່ງໃນຕົວເມືອງຂອງນະຄອນຫຼວງ ວໍຊິງຕັນ ແມ່ນໄດ້ ປົກປິດມັນໄວ້ແທນ ຍ້ອນການປະ ທ້ວງ ກ່ຽວກັບ ການຕາຍຂອງທ້າວ ຈອຣຈ໌ ຟລອຍດ໌. ທ່າມກາງທຸລະກິດຕ່າງໆທີ່ຖືກປຸ້ນສະດົມ ແລະ ຖືກທຳລາຍ ໃນລະ ຫວ່າງການປະທ້ວງຢູ່ນະຄອນຫຼວງຂອງ ສະຫະລັດ ນັ້ນແມ່ນຮ້ານອາ ຫານຊື່ວ່າ Equinox,​ ທີ່ຕັ້ງຢູ່ພຽງບໍ່ເທົ່າໃດກ້າວຈາກທຳນຽບຂາວ. ເຂົາເຈົ້າຫາກໍເປີດໄດ້ ນຶ່ງວັນ ເວລາທີ່ເຂົ້າເຈົ້າຕ້ອງໄດ້ປິດ ແລະ ອັດປະຕູໄວ້ອີກຄັ້ງ.

ທ່ານນາງ ແອລເລັນ ຄາສຊອຟ, ເຈົ້າຂອງຮ່ານ Equinox ກ່າວວ່າ “ຄືນທຳ ອິດພວກເຮົາໄດ້ຍ່າງໄປທາງລຸ່ມນັ້ນ ເວລາທີ່ເຮົາໄດ້ຍິນວ່າກຳລັງມີຫຍັງເກີດ ຂຶ້ນ. ຫົວໃຈມັນກະເລີ່ມເຕັ້ນແຮງຂຶ້ນ, ແລະ ດ້ວຍການໃຫ້ອະນຸຍາດຈາກຕຳ ຫຼວດ ພວກເຮົາກໍໄດ້ຍ່າງລົງໄປ ແລະ ມັນກໍຄືກັບຜູ້ເປັນແມ່, ທ່ານຮູ້ບໍ່, ເຈົ້າ ເຫັນລູກຢູ່ກ້ອງລົດ ແລະ ໃນທັນທີເຈົ້າກໍສາມາດຍົກລົດນັ້ນຂຶ້ນ. ມັນບໍ່ໄດ້ກ່ຽວ ກັບພວກເຮົາ ແລະ ຊັບສິນຂອງພວກເຮົາປານໃດ. ມັນມີບັນຫາທີ່ໃຫຍ່ກວ່າ ທີ່ກຳລັງເກີດຂຶ້ນໃນເວລານີ້, ທີ່ການເວົ້າ ກ່ຽວກັບ ຄວາມເສຍຫາຍຕໍ່ພວກເຮົາ ແມ່ນເບິ່ງ ຄືວ່າບໍ່ກ່ຽວຂ້ອງກັນປານໃດ.”

ເວລາການປຸ່ນສະດົມໄດ້ເກີດຂຶ້ນ, ຮ້ານອາຫານແມ່ນເປົ່າຫວ່າງ ແລະ ບໍ່ມີພະ ນັກງານຄົນໃດໄດ້ຮັບບາດເຈັບ. ແຕ່ບໍ່ມີໃຜຮູ້ວ່າຍາມໃດເຂົາເຈົ້າຈະສາມາດ ກັບຄືນໄປເຮັດວຽກຢ່າງປອດໄພ.

ທ່ານນາງ ແອລເລັນ ກ່າວວ່າ “ຂ້າພະເຈົ້າບໍ່ສາມາດເຮັດໃຫ້ພະນັກງານ ມີ ຄວາມສ່ຽງແນວນັ້ນ, ສະນັ້ນພວກເຮົາຈະປິດຮ້ານ. ຂ້າພະເຈົ້າໄດ້ຕິດຕາມຟັງ ສິ່ງທີ່ເຈົ້າເມືອງເວົ້າອອກມາຢ່າງໃກ້ຊິດ, ຂ້າພະເຈົ້າເບິ່ງວ່າແມ່ນຫຍັງກຳລັງເກີດ ຂຶ້ນ ແລະ ພວກເຮົາຕ້ອງໃຫ້ເວລາແກ່ເຂົາເຈົ້າ ແລະ ບໍ່ແມ່ນແຂ່ງຂັນກັບເຂົາ ເຈົ້າເອົາລູກຄ້າ.”

ບັນດາເຈົ້າຂອງຮ້ານ Dolcezza ກໍຍັງໄດ້ຮັບຄວາມເສຍຫາຍຈຳນວນນຶ່ງ. ປ່ອງຢ້ຽມຂອງຮ້ານກິນດື່ມທີ່ຕັ້ງຢູ່ໃນຕົວເມືອງຂອງເຂົາເຈົ້າໄດ້ແຕກ.

ທ່ານ ຣອບ ດັນແຄັນ ເຈົ້າຂອງຮ້ານຮ່ວມ Dolcezza ໄດ້ກ່າວວ່າ “ໃຈກາງ ເມືອງ, ແມ່ນແລ້ວ, ແຕ່ ລະຮ້ານໄດ້ເລື່ອນການເປີດຄືນຈົນກວ່າພວກເຮົາ ຈະ ຫາວິທີຊອກຫາແກ້ວ ແລະ ປ່ອງຢ້ຽມໃໝ່ໝົດທຸກຢ່າງໄດ້. ເຊິ່ງນັ້ນອາດຈະບໍ່ ສາມາດເປີດຄືນອີກສອງ ຫຼື ສາມອາທິດ.”

ການນັບຄວາມເສຍຫາຍທີ່ພວກປະທ້ວງໄດ້ນຳມາໃຫ້ເຂົາເຈົ້າ ແມ່ນຄວາມເຈັບ ປວດອີກບັ້ນນຶ່ງສຳລັບເຈົ້າຂອງຮ້ານອາຫານ ແລະ ຮ້ານກິນດື່ມ ຫຼັງຈາກເຂົາ ເຈົ້າໄດ້ຖືກບັງຄັບໃຫ້ປິດດົນກວ່າສອງເດືອນເຄິ່ງ. ທ່ານນາງ ເອມີ ແບຣນວີນ, ເຈົ້າຂອງຮ້ານອາຫານ Centrolina ແລະ ຮ້ານ Piccolina ແມ່ນໂຊກດີຫຼາຍ ກວ່າຄົນສ່ວນໃຫຍ່. ລາວໄດ້ໃຊ້ແປ້ນໄມ້ປິດປ່ອງຢ້ຽມ ແລະ ປະຕູກ່ອນຄວາມ ວຸ້ນວາຍຈະເກີດຂຶ້ນ. ແຕ່ລາວຍັງເປັນຫ່ວງວ່າ ທຸລະກິດຂອງລາວ ອາດຈະບໍ່ ລອດຈາກຄວາມຫຍຸ້ງຍາກຄື້ນໃໝ່ນີ້.

ທ່ານນາງ ເອມີ ແບຣນວີນ ກ່າວວ່າ “ແທ້ຈິງແລ້ວຂ້າພະເຈົ້າບໍ່ສາມາດຮັບເອົາ ຄວາມເສຍຫາຍທາງເສດຖະກິດ ທີ່ຈະເຮັດໃຫ້ຂ້າພະເຈົ້າຕ້ອງປ່ຽນປ່ອງຢ້ຽມໃໝ່ ອີກ. ມັນຈະເລື່ອນການເປີດຮ້ານຂອງເຮົາຄືນແທ້ໆ ຈົນກວ່າຮອດຈຸດໃດນຶ່ງ ໃນ ອະນາຄົດ, ມັນຈະເຮັດໃຫ້ຂ້າພະເຈົ້າເຈັບປວດຫຼາຍ. ວິ ທີທີ່ຂ້າພະເຈົ້າຮູ້ສຶກ, ມັນຄວນສະຫງົບສຸກ, ແຕ່ມັນໄດ້ມີຄວາມເຈັບປວດຢ່າງຫຼວງຫຼາຍ ທີ່ມັນຍາກທີ່ ຈະຄວບຄຸມຄວາມຮູ້ສຶກຂອງການປະທ້ວງນັ້ນ. ພວກເຮົາຢາກຮັບປະກັນວ່າສຽງ ຂອງຄົນທັງ ຫຼາຍຈະຖືກຮັບຟັງໃນວິທີທີ່ມັນຈະມີຜົນກະທົບສຳລັບການປ່ຽນແປງ. ຂ້າພະເຂົ້າບໍ່ແນ່ໃຈວ່າການເຮັດໃຫ້ປ່ອງຢ້ຽມແຕກຕື່ມອີກ ຈະເຮັດໃຫ້ມັນເປັນໄປ ໄດ້ຫຼືບໍ່.”

ແນວໃດກໍຕາມ, ມັນມີເຈົ້າຂອງທຸລະກິດຫຼາຍຄົນທີ່ເວົ້າວ່າ ເຂົາເຈົ້າສະໜັບສະ ໜູນຜູ້ປະທ້ວງ ບໍ່ວ່າຈະເປັນຫຍັງກໍຕາມ, ແລະ ຖ້າເຂົາເຈົ້າໄດ້ຮັບຄວາມເສຍ ຫາຍຊໍ່າໃດຊໍ່ານຶ່ງກໍໃຫ້ມັນເປັນໄປ.

ທ່ານ ຣອບ ດັນແຄັນ ເຈົ້າຂອງຮ້ານຮ່ວມ Dolcezza ກ່າວວ່າ “ບໍ່ວ່າເຈົ້າຢາກ ຈະໂຕ້ຖຽງວ່າມັນງຽບສະຫງົບໝົດ ແລະ ນັ້ນແມ່ນວິທີທີ່ຈະເປັນ ຫຼືວ່າເຈົ້າຢາກ ໂຕ້ຖຽງວ່າ ບໍ່, ພວກເຮົາຕ້ອງລຸກຂຶ້ນ ແລະ ໃນການລຸກຂຶ້ນນັ້ນ ມັນຕ້ອງມີການ ໃຊ້ຄວາມຮຸນແຮງ ແລະ ການທຳລາຍຫຼືບໍ່.. ຈາກໃຈຈິງແລ້ວ ຂ້າພະເຈົ້າບໍ່ຮູ້ວ່າ ແມ່ນຫຍັງແມ່ນວິທີທີ່ຖືກຕ້ອງ ຫຼື ວ່າມັນມີວິທີທີ່ຖືກຕ້ອງ ທີ່ຈະໃຫ້ມັນສາ ມາດ ເກີດຂຶ້ນ. ທຸກຢ່າງທີ່ຂ້າພະເຈົ້າເປັນຫ່ວງກໍແມ່ນໃຫ້ມີການປ່ຽນແປງເກີດຂຶ້ນ.”

ບັນດາຮ້ານອາຫານໃນນະຄອນຫຼວງ ວໍຊິງຕັນ ແມ່ນໄດ້ຮັບອະນຸຍາດໃຫ້ເປີດ ບໍລິການ, ແຕ່ຄົນສ່ວນໃຫຍ່ເວົ້າວ່າ ເຂົາເຈົ້າຈະບໍ່ສ່ຽງເປີດຄືນເທື່ອ ໂດຍຫວັງ ວ່າສະຖານະການຕ່າງໆຈະກັບມາເປັນປົກກະຕິ ໃນໄວໆນີ້.

Amid the protests that have flared up in the US capital among many other cities, the owners of some downtown DC restaurants and cafes saw their businesses looted and damaged. But despite the damage and having to wait even longer to finally re-open their venues, some business owners are choosing to support the protesters. Karina Bafradzhian has the story.

Instead of open terraces filled with locals many downtown DC restaurants and cafes instead are boarded up because of protests over the death of George Floyd. Amid the businesses that were looted and damaged during the protests in the US capital was the restaurant Equinox that is located just steps away from the White House. They had only been open for a day when they had to close – and board up their doors again.

“The first night we did walk down there when we heard what was going on. Adrenalin kind of kicked in. And with the permission of the police we went down… And it’s like being a mother, you know – you see your child under a car and suddenly you can lift a car... It really isn’t about us and our property… There’s a much bigger issue going on right now that talking about the damage done to us seems irrelevant.”

When the looting happened, the restaurant was empty and no one from the staff got hurt. But no one knows when they will be able to go back to work safely.

“I can’t put my employees at risk that way, so we’re not going to open. I’m listening closely to what the mayor says, I’m watching what’s going on and… we have to give them room and not compete with them for space!”

Owners of the chain Dolcezza also suffered some damage. Windows in one of their downtown cafés were broken.

“The City Center – yes, individual store postponed the reopening of that until we can sort all the stuff out to get a new glass and the windows and all that… That might not be open for another two or three weeks.”

Counting the damages that protests have brought about is another painful chapter for restaurant and café owners after that were forced to close for over 2,5 months. Amy Brandwein, owner of restaurants Centrolina and Piccolina was luckier than most – she had boarded up windows and doors before the unrest began. But she still worries her businesses might not survive this new wave of hardships.

“I actually can’t sustain the economic damage that would entail replacing the windows… It would really delay opening until at some point in the future, it would really be hurtful for me... The way I feel, it should be peaceful, but there’s been so much pain that it’s hard to control the emotions of the masses... We want to make sure the voices are heard in a way that is impactful for change. I’m not sure breaking any more windows is going to be doing it.”

However, there are a lot of business owners that say they back the protesters no matter what, and if they sustain certain damage, so be it.

“Whether you want to argue that it’s all peaceful and that’s the way to happen or whether you want to argue – no, we must rise up and within the rise there’s violence and destruction… I honestly I don’t know what is the right way or if there is the right way for that to be able to happen… All I care about is for it [[change]] to happen!”

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG