ລິ້ງ ສຳຫລັບເຂົ້າຫາ

logo-print

ມີຄົນ​ເສຍ​ຊີ​ວິດ ຍ້ອນເຊື້ອໄວຣັສໂຄໂຣນາເພີ້ມ​ຂຶ້ນ ​ໃນຂະນະທີ່ອົງ​ການ​ການ​ແພດຕ່າງໆ ພະ​ຍາ​ຍາມ​ສະ​ກັດ​ກັ້ນ​ ບໍ່​ໃຫ້​ມັນ​ແຜ່​ລາມ​ໄປ


ກຳ​ມະ​ກອນ​ຜະ​ລິດ​ຊຸດ​ກັນ​ພະ​ຍາດຢູ່​ໂຮງ​ງານ​ແຫ່ງ​ນຶ່ງ​ ໃນ​ເມືອງ Chaohu, ແຂວງ Anhui ຂອງ​ຈີນ ຮີບ​ຮ້ອນ​ຜະ​ລິດ​ສິນ​ຄ້າ ໃນ​ຂະ​ນະ​ທີ່​ປະ​ເທດ​ຂອງ​ເຂົາ​ເຈົ້າປະ​ເຊີນ​ກັບ​ການ​ລະ​ບາດ​ຂອງ​ເຊື້ອໄວຣັສໂຄໂຣນາຢ່າງວ່ອງໄວ, ພາບ​ຖ່າຍ​ໃນວັນ​ທີ 28 ມັງ​ກອນ, 2020.

ໃນຂະນະທີ່ມີການແຜ່ລະ​ບາດເຊື້ອ​ໄວ​ຣັ​ສ​ຊະ​ໜິດ​ໃໝ່​ຢູ່​ໃນ ແລະ​ຢູ່ນອກ​ຈີນນັ້ນ, ບັນ​ດາ​ພະ​ນັກ​ງານ​ການ​ແພດ​ ພາ​ກັນ​ຮີບ​ຮ້ອນ​ສະ​ກັດ​ກັ້ນ​ມັນ​ໄວ້ ແຕ່​ວ່າ ເຊື້ອ​ໄວ​ຣັ​ສຊະ​ໜິດນີ້ ແມ່ນ​ໃໝ່​ຫລາຍ ຈຶ່ງບໍ່​ມີ​ໃຜ​ຮູ້​ ກ່ຽວ​ກັບ​ມັນ​ຫລາຍ​ປານ​ໃດ. Carol Pearson ນັກຂ່າວຂອງອີ​ໂອ​ເອ ໄດ້ເອົາ​ນຳ​ສິ່ງ​ທີ່​ພວກ​ເຮົາ​ຮູ້ ກ່ຽວ​ກັບ ເຊື້ອໄວຣັສໂຄໂຣນາ (Coronavirus) ມາ​ເວົ້າ​ໃຫ້​ທ່ານ​ຟັງ ຊຶ່ງ​ບົວ​ສະ​ຫວັນ​ຈະ​ນຳ​ເອົາ​ລາຍ​ລະ​ອຽດມາ​ສະ​ເໜີ​ທ່ານໃນອັນດັບຕໍ່ໄປ.

ຜູ້​ຄົນ​ທີ່​ເດີນ​ທາງ​ມາ​ຈາກ​ຈີນໄດ້​ຖືກກວດ​ພະ​ຍາດ​ຢູ່​ໃນ​ສະ​ໜາມ​ບິນ​ຕ່າງໆ ທັງ​ຢູ່​ພາຍ​ໃນ​ຈີນ ແລະ​ຢູ່​ຕ່າງ​ປະ​ເທດ. ພວກ​ເຂົາ​ເຈົ້າ​ຖືກກວດ​ເບິ່ງ​ອາ​ການ​ເປັນ​ໄຂ້ ຄີງ​ຮ້ອນ ແລະ​ອາ​ການ​ອື່ນໆ ຂອງເຊື້ອ​ໄວ​ຣັ​ສຊະ​ໜິດ​ໃໝ່ ທີ່​ກ່ຽວ​ຂ້ອງ​ກັບການ​ຫາຍ​ໃຈອັນ​ນຶ່ງ.

ເຊື້ອ​ໄວ​ຣັ​ສດັ່ງ​ກ່າວ ແມ່ນເຊື້ອໄວຣັສໂຄໂຣນາ (Coronavirus), ມັນ​ຖືກ​ເອີ້ນ​ວ່າແນວນັ້ນ ກໍ​ເພາະປາ​ກົດວ່າ ມັນ​ມີຈອມ​ມົງ​ກຸດ​ອັນ​ນຶ່ງຢູ່​ອ້ອມ​ຮອບ​ມັນ.

ການ​ເປັນ​ໄຂ້​ຫວັດ​ທຳ​ມະ​ດາ ແມ່ນ​ເປັນ​ຕົວ​ຢ່າງ​ອັນ​ນຶ່ງຂອງເຊື້ອໄວຣັສໂຄໂຣນາ (Coronavirus) ແລະ​ເປັນເຊື້ອໄວຣັສທາງ​ການ​ຫາຍ​ໃຈທີ່​ອັນ​ຕະ​ລາຍ​ຮ້າຍ​ແຮງ​ອີກ​ດ້ວຍ.

ເຊື້ອໄວຣັສ ຊາ​ຣສ໌ (SARS) - ຊຶ່ງ​ເປັນ​ອາ​ການ​ຂອງໂຣກ​ທາງ​ການ​ຫາຍ​ໃຈ​ຮ້າຍ​ແຮງ​ສາ​ຫັດອັນທຳ​ອິດ​ ໄດ້​ເຮັດ​ໃຫ້​ຄົນ​ຕິດ​ເຊື້ອ​ໃນ​ປີ 2002. ມັນ​ເກີດ​ມາ​ຈາກ ສັດ​ ຢູ່​ໃນ​ຕະ​ຫລາດ​ຂາຍ​ອາ​ຫານ​ແຫ່ງ​ນຶ່ງ​ໃນ​ຈີນ.

ຈາກນັ້​ນ ໃນ 8 ປີ​ກ່ອນໜ້ານີ້ ກໍ​ມີເຊື້ອໄວຣັສໂຄໂຣນາ (Coronavirus) ອີກ​ອັນ​ນຶ່ງ​ຕາ​ມ​ມາ --- ກໍ​ຄືເຊື້ອໄວຣັສທາງ​ການ​ຫາຍ​ໃຈຢູ່​ໃນ​ຂົງເຂດ​ຕາ​ເວັນ​ອອກ​ກາງ -- ​ຊຶ່ງ​ເອີ້ນ​ວ່າເມີ​ສ໌ (MERS).

ທ່ານ ແມັດ​ທີວ ຟ​ຣີ​ແມນ (Matthew Freiman) ຈາກ​ໂຮງ​ຮຽນ​ແພດ​ສາດ ຂອງມະ​ຫາ​ວິ​ທະ​ຍາ​ໄລ ແມ​ຣີ​ແລນອະ​ທິ​ບາຍ​ວ່າ:
"ເຊື້ອໄວຣັສ ເມີ​ຣສ໌ (MERS) ອາດ​ຈະ​ມາ​ຈາກ​ພວກ​ເຈຍກໍ​ເປັນ​ໄດ້ ແຕ່​ວ່າ ດຽວນີ້ ມັນ​ລະ​ບາດ​ຢູ່​ໃນ​ພວກ​ອູດຢູ່​ທົ່ວ​ຂົງ​ເຂດ​ຕາ​ເວັນ​ອອກ​ກາງ ແລະກຳ​ລັງແຜ່ລາມ​ຈາກ​ອູດ​ໄປ​ສູ່ຄົນຢູ່. ສຳ​ລັບເຊື້ອໄວຣັສໂຄໂຣນາ (Coronavirus) ທັງ​ໝົດແລ້ວ ພວກ​ມັນ​ອາ​ໄສ​ຢູ່​ໃນ​ຮ່າງ​ກາຍ​ທີ່​ຢູ່​ໃກ້ໆທີ່​ເຮັດ​ໃຫ້ເຊື້ອໄວຣັສດັ່ງ​ກ່າວ ​ສາ​ມາດ​ທີ່​ຈະ​ກະ​ໂດດ​ອອກ​ຈາກ​ສັດ​ໄປ​ຫາ​ຄົນ​ໄດ້.”

ເຊື້ອໄວຣັສໂຄໂຣນາ (Coronavirus) ຊະ​ໜິດ​ຫລ້າ​ສຸດ ແມ່ນ​ກ່ຽວ​ຂ້ອງ​ກັບ ຕະ​ຫລາດ​ຂາຍ​ອາຫານຢູ່​ໃນ​ເມືອງວູ​ຫານ, ຊຶ່ງ​ເປັນ​ເມືອງ​ທີ່​ມີພົນ​ລະ​ເມືອງ 11 ລ້າ​ນ​ຄົນນັ້ນ. ເຊື້ອໄວຣັສທາງ​ດ້ານ​ການ​ຫາຍ​ໃຈ ແມ່ນມີ​ຢູ່​ໃນ​ອາ​ກາດ, ຕິດ​ຕໍ່ຫາ ກັນ​ໄດ້ໂດຍ​ຜ່ານ​ການ​ໄອ ຫລື​ຈາມ, ການ​ສຳ​ຜັດ​ພື້ນ​ທີ່​ທີ່​ຕິດ​ເຊື້ອ​ໄວ​ຣັ​ສນີ້ ແລ້ວ ເອົາ​ມາ​ແຕະ​ໃສ່ປາກ​, ດັງ ຫລື​ຕາຂອງ​ທ່ານ. ທ່ານ ຟ​ຣີ​ແມນ (Freiman) ເວົ້າ​ວ່າ ມັນ​ສາ​ມາດ​ຕິດເຊື້ອໄວຣັສໂຄໂຣນາໄດ້​ງ່າຍກວ່າ​ການ​ຕິດ​ເຊື້ອ​ອີ​ໂບ​ລາ, ທີ່​ແຜ່ລາມ​ໄດ້​ໂດຍ​ສິ່ງ​ແຫລວ​ໃນ​ຮ່າງ​ກາຍ.

ເທົ່າ​ທີ່ຜ່ານ​ມາ, ເຊື້ອໄວຣັສຊະ​ໜິດໃໝ່​ທີ່​ວ່ານີ້ ບໍ່​ປາ​ກົດ​ວ່າ​ໄດ້​ແນ​ໃສ່​ກຸ່ມ​ຄົນ​ນຶ່ງ​ເປັນ​ການສະ​ເພາະ​ ແຕ່​ວ່າ ການ​ມີອາ​ຍຸຫລາຍແມ່ນເປັນ​ຂໍ້​ເສຍ​.

ດ​ຣ. ແອນ​ໂຕ​ນີ ຟາວ​ຈິ (Dr. Anthony Fauci) ຈາກ​ສະ​ຖາ​ບັນ​ສາ​ທາ​ລະ​ນະ​ສຸກ​ແຫ່ງ​ຊາດໃຫ້​ຄຳ​ເຫັນ​ວ່າ:
"ຖ້​າ​ຫາກ​ທ່ານ​ອາ​ຍຸ​ແກ່ 65 ປີ​ ຫລື ​ແກ່ກວ່ານັ້ນ ທ່ານ​ມີ​ໂອ​ກາດ​ ທີ່​ຈະ​ມີ​ອາ​ການ​ສັບ​ສົນຫລາຍ​ກວ່າ ແຕ່​ວ່າ ມັນກໍ​ບໍ່​ໄດ້​ຈຳ​ກັດ​ອາ​ຍຸ​ ຢູ່ໃນ​ເລື້ອງນີ້.”

ອາ​ການ​ສັບ​ສົນ ​ສາ​ມາດ​ລວມ​ມີ ໂຣກ​ປອດບວມ ຫລື ປອດ​ອັກ​ເສບ, ໂຣກ​ຫລອດ​ລົມ​ອັກ​ເສບ, ໝາກ​ໄຂ່​ຫລັງ​ຫລົ້ມ​ແຫລວ, ທາດ​ແຫລວ​ອັ່ງຢູ່​ໃນປອດ ແລະ​ການເສຍ​ຊີ​ວິດ​ໄດ້.

ດ​ຣ. ຟາວ​ຈິ (Fauci) ກ່າວ​ຕໍ່​ໄປ​ວ່າ:
"ຖ້​າ​ທ່ານ​ຫາກກັບ​ກາຍ​ມາ​ຕິດ​ເຊື້ອ​ພະ​ຍາດ​ທີ​ສອງ​ອັນ​ນຶ່ງ ທ່ານສາ​ມາດ​ໄດ້​ຮັບ​ການ​ປິ່ນ​ປົວ​ດ້ວຍ​ການ​ກິນຢາ​ຕ້ານ​ເຊື້ອ​ກໍ​ໄປ​ເປັນ​ໄດ້. ຖ້າ​ຫາກ​ທ່ານ​ຫາຍ​ໃຈຝືດ ແລະ​ທ່ານ​ຕ້ອງ​ການ​ຄວາມ​ຊ່ວຍ​ເຫລືອ​ໃຫ້​ຫາຍ​ໃຈ​ສະ​ດວກ​ຂຶ້ນ ທ່ານ​ສາ​ມາດໃຊ້​ເຄື່ອງ​ຊ່ວຍ​ຫາຍ​ໃຈ​ໄດ້. ແຕ່​ວ່າ ບໍ່​ມີ​ການ​ປິ່ນ​ປົວ​ອັນ​ໃດທີ່​ພິ​ສູດ​ໃຫ້​ເຫັນ​ວ່າ​ເປັນການ​ປິ່ນ​ປົວ​ສະ​ເພາະ ມີ​ປະ​ສິດ​ທິ​ພາບສຳ​ລັບເຊື້ອໄວຣັສໂຄໂຣນາ (Coronavirus) ຊະ​ໜິດໃໝ່​ນີ້​ໄດ້້​ລີຍ."

ບັນ​ດາ​ນັກ​ວິ​ທະ​ຍາ​ສາດ​ຢູ່​ທົ່ວ​ໂລກ ກຳ​ລັງ​ສຶກ​ສາ​ຄົ້ນ​ຄວ້າ​ກ່ຽວ​ກັບເຊື້ອໄວຣັສນີ້​ຢູ່.

ທ່ານ ຟ​ຣີ​ແມນ ກ່າວ​ມ້ວນ​ທ້າຍ​ວ່າ:
"ສິ່ງ​ທີ່​ພວກ​ເຮົາ​ຕ້ອງ​ຮູ້​ຈັກໃຫ້​ໄດ້ ​ໃນ​ໄລ​ຍະ​ຕໍ່​ໄປ​ ກໍ​ຄືເຊື້ອໄວຣັສນີ້ມາ​ຈາກ​ໃສ. ແລະ​ຈາກນັ້ນ, ບາດ​ກ້າວ​ຕໍ່​ໄປ​ກໍຄືສຶກ​ສາ​ເບິ່ງຢ່າງ​ແທ້​ຈິງວ່າ ເຊື້ອໄວຣັສນີ້ເຮັດ​ຫຍັງ​ແດ່, ມັນ​ເຮັດ​ໃຫ້​ເກີດ​ພະ​ຍາດ​ໄດ້​ແນວ​ໃດ. ພວກ​ເຮົາ​ສາ​ມາດ​ພັດ​ທະ​ນາ ລະ​ບົບ​ວິ​ນິ​ໄສ​ພະ​ຍາດເພື່ອ​ໃຫ້​ພວກ​ເຮົາ​ສາ​ມາດ​ຮູ້ຫລາຍ​ຂຶ້ນວ່າ​ມັນ​ແຜ່ລາມໄປ ໄດ້ແນວ​ໃດຢູ່​ໃນ​ປະ​ຊາ​ຄົມ."

ໃນ​ຂະ​ນະ​ດຽວ​ກັນສູນ​ກາງ​ຄວບ​ຄຸມ ແລະ​ປ້ອງ​ກັນ​ພະ​ຍາດ ຫລື CDC ຂອງ​ສະ​ຫະ​ລັດ ກໍ​ແນະ​ນຳ​ໃຫ້ລ້າງ​ມືຢູ່​ເລື້ອຍໆ, ໃຊ້​ແຂນ​ສອກ ຫລື​ເຈ້ຍ​ເຊັດ​ມືອັດ​ປາ​ກ​ໄວ້​ ໃນ​ເວ​ລາ​ໄອ ແລະຖ້າ​ທ່ານ​ສົງ​ໄສວ່າ​ອາດ​ຈະຕິດເຊື້ອໄວຣັສນີ້ ໃຫ້​ຕິດ​ຕໍ່​ຫາ​ທ່ານ​ໝໍ​ໂລດ.

ເບິ່ງວີ​ດິ​ໂອ​ກ່ຽວ​ກັບ​ລາຍ​ງານນີ້​ເພີ້ມ​ເປັນ​ພາ​ສາ​ອັງ​ກິດ

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

As a new virus spreads within and outside of China, health officials are scrambling to contain it, but the virus is so new, not much is known about it. VOA's Carol Pearson tells us what we do know about the coronavirus.

People from China are being screened at airports, both in their country and abroad. They're being checked for fever and other symptoms of a new respiratory virus.

The virus is a coronavirus, so-called because it appears to be surrounded by a crown.

The common cold is one example of a coronavirus and so are deadly respiratory viruses.

SARS - severe acute repertory syndrome first infected people in 2002. It originated from animals at a food market in China.

Then eight years ago another coronavirus came along --- the Middle East Respiratory Virus -- known as MERS.

Matthew Freiman, University of Maryland School of Medicine:
"MERS probably was from bats, but now is endemic in camels all over the Middle East, and spreading from camels to humans. For all of these emerging coronaviruses, they have an intermediate host that allows the virus to jump from animals to people."

This latest coronavirus is associated with a food market in Wuhan, a city of 11 million people. Respiratory viruses are airborne, transmitted by coughing or sneezing, touching an infected surface and then touching your mouth, nose or eyes. Freiman says it's easier to catch a coronavirus than it is to catch Ebola, which spreads by bodily fluids.

So far, this new virus doesn't seem to target any one group, but age has its disadvantages.

Dr. Anthony Fauci, National Institutes of Health:
"If you're elderly, 65 or older, you have a greater chance of complications, but there's no age restriction on this."

Complications can include pneumonia, bronchitis, kidney failure, fluid buildup in the lungs and death.

Dr. Anthony Fauci, National Institutes of Health:
"If you wind up getting a secondary bacterial infection, you can get put on an antibiotic. If you have respiratory distress and you need help breathing, you could be put on a respirator. But, there is no proven, specific, effective treatment for the novel coronavirus."

Scientists around the world are studying this virus.

Matthew Freiman, University of Maryland School of Medicine:
"What we need to know next is where the virus comes from."
"And then, the next steps are really looking at what this virus does, how it causes disease. Can we develop diagnostics so we can better know how it spreads in the community."

In the meantime, the CDC recommends frequent hand-washing, coughing into your elbow or a tissue, and if you suspect you have the virus, contacting a doctor.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG