ລິ້ງ ສຳຫລັບເຂົ້າຫາ

logo-print

ບັນຫາບໍ່ແຮ່ທອງແດງ ໃນມຽນມາ ເປັນການທົດສອບ ລັດຖະບານ (ສະໄລດ໌)


ພວກປະທ້ວງຊາວມຽນມາຢູ່ທີ່ຄ້າຍພັກຂອງພວກເຂົາເຈົ້າ ຕັ້ງຢູ່ໃກ້ ບໍ່ແຮ່ທີ່ໜຸນຫຼັງໂດຍຈີນ ເຂດ Letpadaung
ປາກົດ​ວ່າ ລັດຖະບານມຽນມາ​ໄດ້​ລ່າ​ຊ້າ​ ໃນ​ການນໍາອອກເຜີຍ
ແຜ່ລາຍງານ ກ່ຽວກັບບໍ່ທອງແດງທີ່ເປັນຫົວຂໍ້ຂັດແຍ້ງກັນ ທີ່
ໜຸນຫຼັງໂດຍຝ່າຍກອງທັບກັບຈີນ ​ແຕ່ປະເຊີນກັບການຄັດຄ້ານ
ຢ່າງໃຫຍ່ນັ້ນ. ບັນດານັກເຄື່ອນໄຫວດ້ານສິດທິເວົ້າວ່າການສືບ ສວນສອບສວນກ່ຽວກັບບໍ່ແຮ່ດັ່ງກ່າວ ​ແມ່ນຖືວ່າ ເປັນການທົດ
ສອບຢ່າງ​ນຶ່ງ ສໍາລັບລັດຖະບານຊຸດໃໝ່ຂອງມຽນມາ ແລະທ່ານ
ນາງອອງຊານ ຊູຈີ ຜູ້ນໍາປະຊາທິປະໄຕມຽນມາ ທີ່ໄດ້ຖືກແຕ່ງ
ຕັ້ງໃຫ້ ເປັນຫົວໜ້າຄະນະ​ກໍາມະການສຶບສວນ ເລື່ອງຂໍ້ຕົກລົງ
ກ່ຽວ​ກັບບໍ່ທອງແດງດັ່ງກ່າວນັ້ນ. ຜູ້​ສື່ຂ່າວ​ວີ​ໂອ​ເອ Daniel
Schearf ລາຍ​ງານ​ມາ​ຈາກບາງກອກ ຊຶ່ງທອງປານຈະ​ນໍາ​
ລາຍ​ລະອຽດ ມາສະເໜີທ່ານ.


ຄະນະກໍາມະການສືບສວນ ທີ່ປະທານາທິບໍດີມຽນມາ​ໄດ້ແຕ່ງຕັ້ງຂຶ້ນມາ ​ເພື່ອ​ໃຫ້ກວດ ສອບເບິ່ງບໍ່ທອງແດງ Letpadaung ນັ້ນ ​ໄດ້​ມີກໍານົດນໍາ​ອອກ​ເຜີຍ​ແຜ່ ລາຍ​ງານການ​ສືບສວນຂອງຕົນ ພາຍ​ໃນວັນທີ 31 ມັງກອນ ອາທິດຜ່ານມານີ້ ແຕ່ວັນນັ້ນກໍ​ໄດ້ມາເຖິງ ແລະຜ່ານໄປ​ແລ້ວ ໂດຍທີ່ບໍ່ມີລາຍງານຫຼືການອະທິບາຍໂດຍທັນທີໃດໆ ກ່ຽວກັບການ ສືບສວນສອບສວນວ່າ ​ໄດ້​ດໍາເນີນໄປຢ່າງໃດ ຫລື​ຄືບ​ໜ້າ​ໄປ​ຮອດ​ໃສ​ແລ້ວ.

ບໍ່ທອງແດງທີ່ໃຫຍ່ທີ່ສຸດຂອງມຽນມາ ແມ່ນດໍາເນີນງານໂດຍວິ​ສາ​ຫະກິດຈີນບໍ​ລິ​ສັດນຶ່ງ ໃນການຮ່ວມມືກັບບໍລິສັດ Union of Myanmar Economic Holdings ຈໍາກັດ ຫຼື UMEHL ທີ່​ເປັນຂອງກອງທັບມຽນມານັ້ນ.

ແຜນການຂອງເຂົາເຈົ້າ ສໍາລັບ​ໂຄງການຂະຫຍາຍບໍ່ດັ່ງກ່າວ ​ໃນມູນຄ່ານຶ່ງພັນລ້ານໂດ
ລ່າ ໄດ້ຖືກຕໍ່ຕ້ານໂດຍການປະທ້ວງຫຼາຍບັ້ນ ຈາກພວກຊາວບ້ານທ້ອງຖິ່ນ ທີ່ເວົ້າວ່າ ພວກເຂົາເຈົ້າບໍ່ໄດ້ຮັບເງິນຊົດເຊີຍທີ່ຍຸຕິທໍາ ແລະກໍເປັນຫ່ວງນໍາຜົນກະທົບຕໍ່ສະພາບ
ແວດລ້ອມນັ້ນ ນໍາ.

ເມື່ອທ້າຍປີຜ່ານມາ ພວກ​ຊາວບ້ານ​ໄດ້​ພາກັນເດີນຂະບວນປະທ້ວງ ເປັນ​ເວລາດົນ
ນານ ເຖິງນຶ່ງເດືອນ ​ແຕ່ໃນ​ທີ່​ສຸດກໍ​ໄດ້ຖືກຕໍາຫຼວດ​ໃຊ້ຄວາມຮຸນແຮງ ຂັບໄລ່ໃຫ້ສະຫຼາຍ
ຕົວ​ໄປ.



Thein Than Oo ຫົວໜ້າຄະນະກໍາມະການດ້ານກົດໝາຍ ປະຈໍາເຄືອຂ່າຍທະນາຍ ຄວາມຂອງມຽນມາ ເວົ້າວ່າ ພວກເຂົາເຈົ້າຄົ້ນພົບຫຼັກຖານ ທີ່ວ່າຕໍາຫຼວດໄດ້ຍິງ​ກະ
ປ໋ອງ ທີ່ບັນຈຸທາດ phosphorus ສີຂາວ ທີ່​ໄວໄຟນັ້ນ ຂັບໄລ່ພວກປະທ້ວງ.

ທ່ານ ທັ່ນ ອູ ເວົ້າວ່າ: “ພວກເຂົາເຈົ້າຢາກເຕືອນໝົດທຸກໆຄົນນັ້ນວ່າ ຢ່າໄປ
ແຕະຕ້ອງບໍລິສັດ MEHL ຢ່າງເດັດຂາດ. ນີ້ເປັນເລຶ່ອງທຸລະກິດໂດຍສະ
ເພາະ ​ແລະແຕະຕ້ອງບໍ່ໄດ້. ແລະປະການທີ່ສອງ ກໍເພື່ອນາບຂູ່ປະຊາຊົນ.”


ທ່ານ Thein Than Oo ກ່າວ​ວ່າ ພວກ​ເຂົາ​ເຈົ້າຢາກຊາບວ່າ ແມ່ນຜູ້ໃດເປັນຜູ້ສັ່ງການ
ໃຫ້ຕໍາຫຼວດປະຕິບັດການເຊັ່ນນັ້ນ ​ເພາະ​ເຂົາ​ເຈົ້າສົງ​ໄສກັນ ວ່າຝ່າຍທະຫານອາດ​ໄດ້
ມີ ສ່ວນພົວພັນໃນເລຶ່ອງນີ້.

ເຖິງແມ່ນຈະມີການໂຕ້ແຍ້ງກັນ ກ່ຽວ​ກັບເລຶ່ອງການກວດລ້າງດັ່ງກ່າວກໍຕາມ ແຕ່ກໍບໍ່
ເປັນທີ່ແຈ້ງຂາວວ່າ ຄະນະກໍາມະການຂອງທ່ານນາງອອງຊານ ຊູຈີ ​ໄດ້​ຮັບ​ມອບ​ໝາຍ​ອໍານາດ ໃຫ້ທໍາການສອບສວນກ່ຽວ​ກັບ​ເລຶ່ອງນີ້ ຫຼືບໍ່?

David Mathieson ນັກຄົ້ນຄວ້າກ່ຽວກັບຂົງເຂດເອເຊຍ ປະຈໍາກຸ່ມສິ້ງຊອມສິດທິມະ
ນຸດ Human Rights Watch ເວົ້າວ່າ ການສືບສວນສອບສວນທີ່​ວ່ານີ້ ຖືວ່າເປັນ
ແນວປະຕິບັດການໃໝ່ ສໍາລັບລັດຖະບານທີ່ນໍາໂດຍ ພົນລະເຮືອນຂອງມຽນມາ.

ທ່ານ Mathieson ເວົ້າວ່າ: “ການປະທ້ວງແລະການກວດລ້າງການປະທ້ວງ
ແລະ ບັນຫາອື່ນໆທັງໝົດຢູ່ອ້ອມແອ້ມ ບໍ່​ທອງ​ແດງ Letpadaung ນັ້ນ ​ແມ່ນພວກເຂົາເຈົ້າເອົາຈິງເອົາຈັງ ດັ່ງທີ່ເຫັນກັນນັ້ນ. ແຕ່ເລຶ່ອງນີ້ ກໍຍັງຖື
ວ່າເປັນການທົດສອບ ທີ່ສໍາຄັນຫຼາຍກໍລະນີນຶ່ງ ກ່ຽວ​ກັບວິທີການທີ່ບັນດາ
ເຈົ້າໜ້າທີ່ມຽນມາຮັບມືກັບ ການປະທ້ວງຢ່າງສັນຕິ ແລະບັນຫາສິດທິ​ໃນ
​ດິນ​ດອນ​ຕອນ​ຫຍ້າຢ່າງໃດ ແລະພວກເຈົ້າໜ້າທີ່ມຽນມາປະຕິບັດການ ແກ້ໄຂບັນຫານີ້ຢ່າງໃດ? ສະນັ້ນ ຂ້າພະເຈົ້າຈຶ່ງຄິດວ່າ ມັນມີຄວາມສໍາ
ຄັນທາງ​ດ້ານສັນຍາລັກ ຢ່າງໃຫຍ່ຫຼວງ.”


ຂໍ້ຕົກລົງກັນເລຶ່ອງບໍ່ທອງແດງ ລະຫວ່າງບໍລິສັດຈີນກັບກອງທັບມຽນມານັ້ນ ​ແມ່ນໄດ້
ບັນລຸ​ກັນ ໃນສະ​ໄໝການປົກຄອງຂອງຝ່າຍທະຫານ ແລະ​ໄດ້ຖືກຕໍາໜິຕິຕຽນຢ່າງ
ໃຫຍ່ ຍ້ອນຂາດຄວາມໂປ່ງໃສ.

ສ່ວນທ່ານນາງອອງຊານ ຊູຈີ ກໍໄດ້ອອກປາກ​ສະ​ແດງ​ຄວາມ​ເຫັນ ກ່ຽວກັບຂໍ້ຂັດແຍ້ງ
ກັນດັ່ງກ່າວ​ນີ້ແລ້ວ ໂດຍເວົ້າວ່າ ເຖິງແມ່ນວ່າ ສິດທິຂອງພວກຊາວບ້ານຕ້ອງໄດ້ຮັບ​ການພິທັກປົກປ້ອງກໍຕາມ ແຕ່ມຽນມາກໍຍັງຈໍາເປັນຕ້ອງໄດ້​ເຄົາລົບຕໍ່ຂໍ້ຕົກລົງຂອງຕົນ ກັບບັນດາບໍລິສັດຕ່າງປະເທດທັງຫຼາຍນັ້ນ ນໍາ.

ທ່ານ Mathieson ເວົ້າອີກວ່າ ລາຍງານຂອງຄະນະກໍາມະການສອບ​ສວນ ກໍຍັງຖືວ່າ
ເປັນກໍລະນີທົດສອບ ທ່ານນາງອອງຊານ ຊູຈີ ໃນຖານະເປັນນັກການເມືອງນັ້ນເຊັ່ນກັນ.

ທ່ານ ມາທາຍເຊິ່ນ ເວົ້າວ່າ: “ໃນຖານະບຸກຄົນຜູ້ນຶ່ງ ທີ່ບໍ່ແມ່ນແຕ່ຈະພົວພັນ
ກັບການສືບສວນສອບສວນ ກ່ຽວ​ກັບເຫດການທີ່ຮຸນແຮງພຽງເທົ່ານັ້ນ ແຕ່
ແທ້ໆແລ້ວ ​ແມ່ນ​ໃນການນໍາເອົາສະມາຊິກການເມືອງຫຼາຍໆຝ່າຍທີ່ແຕກ
ຕ່າງກັນ ມາຮ່ວມງານກັບທ່ານນາງ. ສະນັ້ນຂ້າພະເຈົ້າຄິດວ່າ ຜ່ານ​ການ
ປະຕິບັດໜ້າ​ທີ່​ອັນນີ້ ພວກເຮົາຈະໄດ້ເຫັນກັນວ່າ ທ່ານນາງມີປະສິດທິຜົນ
ຫຼາຍສໍ່າໃດ ໃນຖານະຜູ້ນໍາທາງການເມືອງຄົນນຶ່ງ.”


ທ່ານ Nyan Win ໂຄສົກພັກສັນນິບາດແຫ່ງຊາດເພື່ອປະຊາທິປະໄຕມຽນມາ ຫຼື
NLD ເວົ້າວ່າ ເວລາລາຍງານຖືກນໍາອອກເຜີຍແຜ່ໃນທີ່ສຸດນັ້ນ ມັນກໍໜ້າຈະຊີ້ບອກ
ໄດ້ວ່າ ທ່ານນາງ ອອງຊານ ຊູຈີ ດໍາເນີນການພາຍໃຕ້ຄວາມກົດດັນທີ່ແຂ່ງຂັນກັນນັ້ນ ຢ່າງໃດ.

ໂຄສົກ ນວຽນ ວິນ ເວົ້າວ່າ: “ພວກເຮົາກໍຄວນຈະລໍຖ້າເບິ່ງລາຍງານຂັ້ນສຸດ
ທ້າຍ ວ່າຄວາມກົດດັນມີ​ຄືແນວໃດ ແລະທ່ານນາງສາມາດກະທໍາສິ່ງໃດ
ໄດ້ແດ່ ເພື່ອຜົນປະໂຫຍດຂອງປະຊາຊົນເຂດ Letpadaung ນັ້ນ.”


ໃນລະຫວ່າງດຽວກັນນີ້ ລາຍງານຂ່າວ​ຕ່າງໆ​ຂອງສື່ມວນຊົນມຽນມາ ໃນອາທິດຜ່ານ
ມານີ້ ​ໄດ້ຊີ້​ໃຫ້​ເຫັນ​ວ່າ ການປະທ້ວງຍັງດໍາເນີນສືບຕໍ່ໄປຢູ່ໃກ້ບໍ່ທອງ​ແດງ​ນັ້ນ. ເອກອັກ
ຄະລັດຖະທູດຈີນປະຈໍາມຽນມາ ກໍ​ໄດ້​ສະ​ແດງ​ຄວາມ​ເຫັນກ່ຽວກັບບັນຫາດັ່ງກ່າວ ໃນ
ອາທິດຜ່ານມານີ້ ໃນການພົບປະກັບລັດຖະມົນຕີກະຊວງບໍ່ແຮ່.

ຖະແຫຼງການສະບັບນຶ່ງຂອງສະຖານທູດຈີນ ເວົ້າວ່າ ເອກອັກຄະລັດຖະທູດຈີນ​ໄດ້
ສະແດງຄວາມຫວັງວ່າ ມຽນມາຈະພິທັກປົກປ້ອງຜົນປະໂຫຍດດ້ານທຸລະກິດຂອງຈີນ
ຢ່າງ​ເອົາຈິງ​ເອົາ​ຈັງ ແລະຊ່ວຍແກ້ໄຂບັນຫາ​ໃດໆ ທີ່ຍັງຄ້າງຄາຢູ່ນັ້ນ ໃຫ້ໄດ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG