ລິ້ງ ສຳຫລັບເຂົ້າຫາ

logo-print

ຄ​ວາມ​ຂັດ​ແຍ້ງ ​ໃນແຄວ້ນ ​ແຄັ​ສ​ເມຍ ເຮັດ​ໃຫ້​ອຸດ​ສາ​ຫະ​ກຳ ​ໝາກ​ໄມ້ ເສຍ​ຫາຍ​ມະ​ຫາ​ສານ


India Pakistan Apple
please wait
Embed

No media source currently available

0:00 0:03:10 0:00

ເຊີນ​ຊົມ​ວິ​ດີ​ໂອ ກ່ຽ​ວ​ກັບ ລາຍ​ງານນີ້.

ໃນ​ຂະ​ນະ​ທີ່​ຄົນ​ໃນ​ທົ່ວ​ໂລກ​ຕ້ອນ​ຮັບ​ປີ​ໃໝ່​ດ້ວຍ​ການ​ປາ​ຖະ​ໜາ ເພື່ອສັ​ນ​ຕິ​ພາບ ແລະ ຄວາມ​ຮັ່ງ​ມີນັ້ນ, ຫຼາຍ​ຄົນ​ໃນ​ພາກ​ພື້ນ​ທີ່​ມີ​ຄວາມ​ຂັດ​ແຍ້ງ​ກັນ​ໃນ​ເອ​ເຊຍ​ໃຕ້ ຊື່​ວ່າ ແຄັ​ສ​ເມຍ ແມ່ນ​ກຳ​ລັງ​ປະ​ເຊີນ​ກັບ​ສິ່ງ​ທີ່​ຄາດ​ວ່າ​ ຈະ​ເປັນ​ປີ​ທີ່​ຫຍຸ້ງ​ຍາກຂ້າງ​ໜ້າ. ລາຍ​ງານ​ຂອງນັກ​ຂ່າວ ວີ​ໂອ​ເອ ໂຣ​ຊານ ມູ​ກາ​ລ ສະ​ແດງ​ໃຫ້​ເຫັນ​ຄວາມ​ເຄັ່ງ​ຕຶງ ລະ​ຫວ່າງຄູ່​ແຂ່ງ ​ທີ່​ມີ​ອາ​ວຸດ​ນິວ​ເຄ​ລຍ ອິນ​ເດຍ ແລະ ປາ-​ກິ​ສ​ຖານ ແມ່ນ​ກຳ​ລັງ​ສ້າງ​ຄວາມ​ເສຍ​ຫາຍ​ຕໍ່​ຊາວ​ສວນ​ໝາກ​ໄມ້​ໃນ​ທ້ອງ​ຖິ່ນ​ຢ່າ​ງ​ໜັກ. ເຊິ່ງ ພຸດ​ທະ​ສອນ ຈະ​ນຳ​ລາຍ​ລະ​ອຽດ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.


ໃນ​ຂະ​ນະ​ທີ່​ໝາກ​ແອັບ​ເປິ​ລເໜົ່າ​ຢູ່​ເທິງ​ຕົ້ນ​ໄມ້​ນັ້ນ, ທ້າວ ຄວາ​ຈາ ມາກ​ຊຸດ ກາ​ເດຍ ​ແມ່ນໄດ້​ມີ​ຄວາມ​ເສຍ​ໃຈ​ກັບ​ການ​ສູນ​ເສຍ​ເວ​ລາ ແລະ ເງິນ. ລາວ​ໄດ້​ເຮັດ​ວຽກ​ຢ່າງໜັກ​ສຳ​ລັບ​ຜົນ​ລະ​ປູກ​ຂອງ​ປີນີ້ ແລະ ຄາດ​ວ່າ​ຈະ​ມີ​ຜົນ​ໄດ້​ຮັບ​ສູງ​ກວ່າ​ປົກ​ກະ​ຕິ.

ບັນ​ດາ​ນັກ​ຄ້າໝາກ​ໄມ້ຫຼາຍ​ບໍ​ລິ​ສັດ​ໄດ້​ເຂົ້າ​ມາ​ຫາ​ລາວ ເພື່ອ​ຊື້​ໝາກ​ໄມ້​ຈາກ​ສວນ​ທັງ​ໝົດ, ຄື​ປົກ​ກ​ະ​ຕິ​ໃນ​ອຸດ​ສາ​ຫະ​ກຳ​ນັ້ນ.

ແຕ່​ໂຊກ​ບໍ່​ດີ​ສຳ​ລັບ​ລາວ, ສະ​ຖາ​ນະ​ການ​ລະ​ຫວ່າງ ອິນ​ເດຍ ແລະ ປາ​ກິ​ສ​ຖານ ແມ່ນ​ໄດ້​ຮ້າຍ​ແຮງ​ຂຶ້ນກວ່າ​ເກົ່າ ກ່ອນ​ຂໍ້​ຕົກ​ລົງ​ຂອງ​ລາວ​ຈະ​ແລ້ວ​ສຳ​ເລັດ. ຜູ້​ຊື້​ໝາກ​ໄມ້ຂອງລາວ​ໄດ້​ໜີ​ໄປ​ຈາກ​ການ​ເຈ​ລະ​ຈາ, ບາງ​ຄັ້ງ​ກໍ​ຍ່າງ​ອອກ​ໄປ​ເລີຍ.

ທ້າວ ຄວາ​ຈາ ມາກ​ຊຸດ ກາ​ເດຍ ເຈົ້າ​ຂອງ​ສວນໝາກ​ໄມ້ ໄດ້​ກ່າວ​ວ່າ “ຂ້າ​ພະ​ເຈົ້າ​ໄດ້​ບອກ​ເຂົາ​ເຈົ້າ​ວ່າ ​ຂ້າ​ພະ​ເຈົ້າ​ຢາກ​ໄດ້ 7,000 ໂດ​ລາ​ສຳ​ລັບ​ຜົນ​ລະ​ປູກ​ຂອງ​ຂ້າ​ພະ​ເຈົ້າ. ເຂົາ​ເຈົ້າ​ເບິ່ງ​ຄື​ວ່າ​ສົນ​ໃຈ. ໃນ​ຂະ​ນະ​ທີ່​ພວກ​ເຮົາ​ຍັງ​ທຳ​ການ​ເຈ​ລະ​ຈາ​ຢູ່​ນັ້ນ, ການ​ຍິງ​ກັນ​ກໍໄດ້​ເລີ່ມຂຶ້ນ. ເຂົາ​ເຈົ້າ​ເວົ້າ​ວ່າ​ພາຍ​ໃຕ້​ສະ​ຖາ​ນະ​ການ​ແບບນີ້ ເຂົາ​ເຈົ້າ​ບໍ່​ສາ​ມາດ​ທີ່​ຈະ​ເກັບ​ໝາກ​ແອັບ​ເປິ​ລ​ໄດ້​ເລີຍ. ການ​ຍິງ​ກັນ​ແມ່ນ​ຮຸນ​ແຮງຫຼາຍ ຈົນ​ເຂົາ​ເຈົ້າ​ຢ້ານ ແລະ ຮອດບໍ່​ໄດ້​ຢູ່​ກິນ​ນ້ຳ​ຊາ​ເລີຍ.”

ການ​ຍິງ​ກັນ​, ​ຂ້າ​ມ​ສິ່ງ​ທີ່​ຮູ້​ຈັກ​ກັນ​ວ່າ ແມ່ນ​ເສັ້ນ​ການ​ຄວບ​ຄຸມ ທີ່ເປັນ​ເຂດ​ຊາຍ​ແດນ​ທີ່​ແທ້​ຈິງ​ລະ​ຫວ່າງ ອິນ​ເດຍ ກັບ​ ປາ​ກິ​ສ​ຖານ ໃນ​ແຄວ້ນ ແຄັ​ສ​ເມຍ ນັ້ນ, ແມ່ນ​ໄດ້​ກາຍ​ເປັນເລື່ອງ​ປົກ​ກະ​ຕິ.

ປີ​ກາຍນີ້, ທັງ​ສອງ​ຝ່າຍ​ໄດ້ຍິງ​ຕອບ​ໂຕ້​ກັນຫຼາຍ​ພັນ​ຄັ້ງ, ສັງ​ຫານ​ປະ​ຊາ​ຊົນຫຼາຍ​ຮ້ອຍ​ຄົນ.

ໃນ​ເມື່ອ​ມັນ​ມີ​ປະ​ຊົນຫຼາຍກວ່າ​ໃນ​ຟາກ​ຂອງ ປາ​ກິ​ສ​ຖານ, ພົນ​ລະ​ເຮືອນ​ແມ່ນ​ໄດ້​ປະ​ສົບ​ຄວາມ​ທຸກ​ທໍ​ລະ​ມານຫຼາຍກວ່າ​ໃນ​ຟາກ​ນີ້.

ຫຼາຍ​ຄົນ​ໃນ​ພາກ​ພື້ນ​ນີ້ ​ອາ​ໄສ​ສວນ​ໝາກ​ໄມ້​ຂອງ​ເຂົາ​ເຈົ້າ​ເພື່ອ​ສ້າງ​ລາຍ​ໄດ້.

ກ່ອນ​ຄວາມ​ເຄັ່ງ​ຕຶງ​ໄດ້​ຂະ​ຫຍາຍ​ຂຶ້ນ​ນັ້ນ, ຄວາມ​ຫວັງ​ຂອງ​ເຂົາ​ເຈົ້າ​ແມ່ນ​ສູງ.

ດ​ຣ. ຕາ​ຣິກ ຊາ​ອີດ, ຈາກ​ກະ​ຊວງ​ກະ​ສິ​ກຳ ໄດ້​ກ່າວ​ວ່າ “ປີ​ກາຍນີ້​ລະ​ດູ​ໜາວ​ແມ່ນ​ດົນ​ກວ່າ, ເຊິ່ງ​ແມ່ນ​ດີ​ສຳ​ລັບ​ຕົ້ນ​ໝາກ​ໄມ້ ສະ​ນັ້ນ​ປີນີ້ ຜົນ​ລະ​ປູກ​ແມ່ນຈະ​ສູງກວ່າ​ສຳ​ລັບ​ໝາກ​ໄມ້​ທຸກ​ຊະ​ນິດ. ປົກ​ກະ​ຕິ​ພວກ​ເຮົາ​ຈະ​ເກັບ​ໝາກ​ແອັບ​ເປິ​ລ​ໄດ້ 20 ຫາ 25 ພັນ​ໂຕນ​ຈາກ​ພາກ​ພື້ນນີ້. ແຕ່​ປີນີ້​ພວກ​ເຮົາ​ຄາດ​ວ່າ​ຈະ​ເກັບ​ໄດ້ຫຼາຍກວ່າ 40,000 ໂຕນ.

ການ​ເກັບ ແລະ ຫໍ່​ໝາກ​ແອັບ​ເປິ​ລ​ແມ່ນ​ໃຊ້​ເວ​ລາຫຼາຍ​ເດືອນ. ຫຼາຍ​ເດືອນ​ເພື່ອ​ເກັບ​ໝາກ​ແອບ​ເປິ​ລ​ຈາກ​ຕົ້ນ​ຂອງ​ມັນ​ໃນ​ຈຳ​ນວນ​ທີ່​ນ້ອຍ​ ໃນ​ຂະ​ນະ​ທີ່​ມັນ​ເລີ່ມ​ສຸກ. ອີກ​ເດືອນ​ນຶ່ງ​ແມ່ນ​ຫໍ່​ມັນ​ໃສ່​ກ່ອງ. ແລະ ອີກ​ເດືອນ​ແມ່ນ​ສົ່ງ​ມັນ​ໄປ​ຕະຫຼາດ​ຂາຍ​ສົ່ງ.

ວຽກ​ດັ່ງ​ກ່າວບໍ່​ສາ​ມາດ​ເຮັດ​ໄດ້​ພາຍ​ໃຕ້​ການ​ຍິງ​ກັນ​ຢ່າງ​ຕໍ່​ເນື່ອງ.

ເຖິງ​ແມ່ນ​ຜູ້​ທີ່​ສາ​ມາດ​ເກັບ​ມັນ​ຈາກ​ຕົ້ນ​ໄດ້​ໃນ​ລະ​ດູນີ້ ເຂົາ​ເຈົ້າກໍ​ມັກ​ຈະ​ສູນ​ເສຍ​ມັນ​ຢູ່​ຕາມ​ທາງ.

ທ້າວ ຊາ​ເກຍ ນາກວີ, ຜູ້​ອາ​ໄສ​ຢູ່​ໃນ​ທ້ອງ​ຖິ່ນ ກ່າວ​ວ່າ “ພໍ່​ຄ້າ​ຄົນ​ນຶ່ງ​ໄດ້​ນຳ​ເອົາ​ໝາກ​ແອັບ​ເປິ​ລ​ຂອງ​ລາວ​ຈາກ​ສວນ​ໄປ​ຖະ​ໜົນ​ໃນ​ຄືນ​ນຶ່ງ ຕອນ​ທີ່ ອິ​ນ​ເດຍ ເລີ່ມ​ຍິງ. ຄົນ​ຂອງ​ລາວ​ກໍໄດ້​ຖິ້ມ​ທຸກ​ຢ່າງ​ຢູ່​ຖະ​ໜົນ ແລະ ໄປຫຼົບ​ລີ້​ຢູ່​ກ້ອງ​ຂົວ​ເພື່ອ​ປ້ອງ​ກັນຊີ​ວິດ​ຂອງ​ເຂົາ​ເຈົ້າ​ໄວ້.”

ພາກ​ພື້ນ​ດັ່ງ​ກັບ​ແມ່ນ​ມີ​ຊື່​ສຽງ​ສຳ​ລັບ​ໝາກ​ໄມ້​ຂອງ​ເຂົາ​ເຈົ້າ. ແຕ່​ປີນີ້, ຍ້ອນ​ຄວາມບໍ່​ສາ​ມາດ​ທີ່​ຈະ​ເກັບ​ມັນ, ແມ່ນ​ກະ​ທັ້ງ​ໃນ​ຕະຫຼາດ​ທ້ອງ​ຖິ່ນ​ນັ້ນ, ໝາກ​ໄມ້​ທຸກ​ຊະ​ນິດ​ແມ່ນ​ຖືກ​ນຳ​ເຂົ້າ​ຈາກ​ພາຍນອກ.

As people around the world welcome the new year with wishes of peace and prosperity, many in a disputed region in South Asia calledKashmir are facing the prospect of a hard year ahead. Roshan Mughalreportshow tensions between nuclear armed rivals India and Pakistan are costing local fruit farmers dearly. The story is narrated by Ayesha Tanzeem.

As the apples rot on the trees, Khwaja Maqsood Qadir laments the loss of time and money. He had worked hard for this year's crop and was expecting a higher than normal return.

Multiple fruit tradershadapproached him to buyfruit from the entire orchard, as is normal in the industry.

Unfortunately for him, the situation between India and Pakistanworsened before his deal was done. His buyers ran away from the negotiations, sometimes literally.

"I told them I wanted $7000 for my crop. They seemed interested. While we were still negotiating, firing started. They said under these conditions they would not be able to pick the apples at all. The firing was so intense that they got very scared and did not even stay for a cup of tea."

The firing, across what is known as the Line of Control, the de-facto border between India and Pakistan in Kashmir,has become the norm.

Last year, the two sides fired at each other thousands of times, killing hundreds of people.

Since there's more population on the Pakistani side, more civilians suffer at this end.

Thousands in this region rely on their fruit orchards for income.

Before the tensions mounted, their hopes were high.

"Last year the winter was longer, which was good for fruit trees so this year the yield was higher for all fruits. Usually we get 20 to 25 thousand tons of apples from this region. This year we were expecting more than 40,000 tons."

Apple picking and packing takesmonths. Several months to pick the apples off the trees in small batches as they ripen. Another month to pack them in boxes. And another to transport them to the wholesale market.

The job cannot be done under constant gunfire.

Even those who managed to pick fruit off trees this season often lost it along the way.

"A trader was bringing his crop of apples from the garden to the road one night when Indians started firing. His menjust dumped everything on the road and took cover under a bridge to save their lives."

The region is famous for its fruits. But this year,due to the inability to pick them, even in local markets, all the fruit has been imported from outside.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG