ລິ້ງ ສຳຫລັບເຂົ້າຫາ

logo-print

ການໃຫ້ການ ຢືນຢັນຕຳແໜ່ງ ຜູ້ຖືກສະເໜີຊື່ ຂອງທ່ານ ທຣຳ ໃນສານສູງສຸດ ກ້າວເຂົ້າສູ່ວັນສຸດທ້າຍ


ຜູ້ຖືກສະເໜີຊື່ໃນສານສູງສຸດ ທ່ານນາງ ເອມີ ໂຄນີ ບາເຣັດ ໃຫ້ປາກຄຳ ໃນລະຫວ່າງການໃຫ້ການຢືນຢັນຕຳແໜ່ງໃນວັນທີສາມ. ຫໍລັດຖະສະພາ ແຄັບປິຕອລ ຮິລ. 14 ຕຸລາ, 2020.(Andrew Caballero-Reynolds/Pool via AP)

ຄະນະກຳມະການຕຸລາການສະພາສູງ ສະຫະລັດ ໄດ້ຟັງຂໍ້ພິພາກທີ່ສະໜັບສະໜູນ ແລະ ຄັດຄ້ານການຢືນຢັນຜູ້ຖືກສະເໜີຊື່ໃນສານສູງສຸດທ່ານນາງ ເອມີ ໂຄນີ ບາເຣັດ ໃນວັນພະຫັດວານນີ້, ໃນຂະນະທີ່ຄະນະກຳມະການດັ່ງກ່າວໄດ້ ສິ້ນສຸດການຮັບຟັງຄຳໃຫ້ການສີ່ວັນ ເພື່ອຕື່ມຕຳແໜ່ງຫວ່າງໃນສານສູງສຸດຂອງ ປະເທດ.

ພັກເດໂມແຄຣັດໄດ້ນຳໃຊ້ກົດລະບຽບຕ່າງໆຂອງຄະນະກຳມະການ ເພື່ອບໍ່ໃຫ້ ມີການລົງຄະແນນສຽງຂັ້ນສຸດທ້າຍ ໂດຍຄະນະກຳມະການ ກ່ຽວກັບ ການສະເໜີຊື່ຂອງທ່ານນາງ ບາເຣັດ ຈົນຮອດວັນພະຫັດໜ້າ. ການລົງຄະແນນສຽງໃນສະພາສູງຄົບຄະນະອາດຈະເກີດຂຶ້ນໃນທ້າຍຂອງເດືອນນີ້, ພຽງບໍ່ເທົ່າໃດວັນກ່ອນການເລືອກຕັ້ງປະທານາທິບໍດີ ແລະ ລັດຖະສະພາໃນວັນທີ 3 ພະຈິກນີ້.

ຜູ້ນຳສຽງສ່ວນຫຼາຍສະພາສູງສັງກັດພັກຣີພັບບລີກັນ ທ່ານ ມິດຈ໌ ແມັກຄອນ ແນລ ໄດ້ກ່າວຕໍ່ບັນ ດານັກຂ່າວໃນລັດເຄັນຕັກກີ ຂອງທ່ານວ່າ “ພວກເຮົາຈະລົງຄະແນນສຽງ“ ເພື່ອຢືນຢັນຜູ້ຖືກສະ ເໜີຊື່ ທ່ານນາງ ບາເຣັດ ອາຍຸ 48 ປີ. ທ່ານ ແມັກຄອນແນລ ໄດ້ກ່າວວ່າສະພາສູງຄົບຄະນະຈະເລີ່ມການພິຈາລະນາການສະເໜີຊື່ຂອງລາວໃນວັນທີ 23 ຕຸລານີ້.

ທ່ານນາງ ບາເຣັດ ຈະເປັນແມ່ຍິງຄົນທີຫ້າທີ່ເຄີຍມີມາ ເພື່ອດຳລົງຕຳແໜ່ງໃນ ສານສູງສຸດ. ປັດຈຸ ບັນນີ້ ລາວແມ່ນຜູ້ພິພາກສາສານອຸທອນລັດຖະບານກາງ ເຊິ່ງການແຕ່ງຕັ້ງຕຳແໜ່ງຕະຫຼອດຊີວິດ ໃນສານສູງສຸດໂດຍປະທານາທິບໍດີ ດໍໂນລ ທຣຳ ຈະເຮັດໃຫ້ພວກຫົວອະນຸລັກນິຍົມມີຄວາມໄດ້ປຽບຢ່າງຈະແຈ້ງ 6 ຕໍ່ 3 ສຽງໃນສານສູງສຸດ, ເຊິ່ງມີຄວາມເປັນໄປໄດ້ທີ່ຈະສົ່ງຜົນກະທົບຕໍ່ຜົນ
ທີ່ອອກມາຂອງຄວາມຂັດແຍ້ງທາງກົດໝາຍ ສະຫະລັດ ເປັນເວລາຫຼາຍທົດສະວັດ.

ທ່ານນາງ ບາເຣັດ ໄດ້ຕອບຄຳຖາມຂອງບັນດາສະມາຊິກສະພາຫຼາຍຊົ່ວໂມງ ໃນວັນພະຫັດ ແລະ ວັນພຸດທີ່ຜ່ານມາ. ໃນວັນພະຫັດວານນີ້, ບັນດາສະມາຊິກພັກຣີພັບບລີກັນ ແລະ
ເດໂມແຄຣັດ ໄດ້ຮຽກຮ້ອງບັນດາພະຍານໃຫ້ສະໜັບສະ ໜູນ ແລະ ຕໍ່ຕ້ານການຢືນຢັນທ່ານນາງ ບາເຣັດ.

ສະມາຊິກສອງທ່ານຂອງຄະນະກຳມະການຖາວອນ ຂອງອົງການຄຸ້ມຄອງນັກກົດໝາຍໃນຄະນະກຳມະການຕຸລາການລັດຖະບານກາງໄດ້ໃຫ້ການຢືນຢັນ ກ່ຽວກັບ ການປະເມີນຜົນ ທີ່ເປັນແງ່ບວກຂອງທ່ານນາງ ບາເຣັດ ນັ້ນວ່າ “ມີຄຸນສົມບັດເໝາະຫຼາຍ” ທີ່ຈະປະຕິບັດໜ້າທີ່ໃນສານສູງສຸດ.

ພັກຣີພັບບລີກັນຍັງໄດ້ເອີ້ນນຶ່ງ ໃນອະດີດຜູ້ຊ່ວຍຜູ້ພິພາກສາຂອງລາວ ແລະ ອະດີດລູກສິດຂອງລາວຢູ່ຄະນະກົດໝາຍມະຫາວິທະຍາໄລ ໂນເທຣີ ດາມ ມາໃຫ້ການຢືນຢັນຕາງໜ້າລາວ. ໃນຂະນະດຽວກັນ, ພັກເດໂມແຄຣັດ ກໍໄດ້ຮ້ອງພະຍານມາໃຫ້ການ ກ່ຽວກັບ ປະສົບການຂອງເຂົາເຈົ້າໃນການຮັບມືກັບປະກັນສຸຂະພາບ ແລະ ການເຂົ້າຫາການແທ້ງລູກໃນ ສະຫະລັດ, ເປັນສອງບັນ ຫາທີ່ຜູ້ພິພາກສາ ບາເຣັດ ຈະປະເຊີນໃນສານສູງສຸດ.

ອ່ານຂ່າວນີ້ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG