ບັນດານັກວິເຄາະກ່າວວ່າ ມີໂອກາດທີ່ອະດີດດາລາຫລິ້ນບານບ້ວງແຫ່ງຊາດ (NBA)
ທ່ານ Dennis Rodman ທີ່ກັບຄືນໄປເກົາຫລີເໜືອຢ່າງຕື່ນຕົກໃຈ ອາດສາມາດຈະ
ຊ່ວຍໃນການປ່ອຍໂຕຊາວອາເມຣິກັນ ທີ່ຖືກກັກຂັງຢູ່ໃນປະເທດດັ່ງກ່າວທີ່ກົດຂີ່ຂົ່ມເຫັງ
ແຕ່ຍັງສ້າງຄວາມເປັນຫ່ວງຢ່າງຮ້າຍແຮງຢູ່.
ໂດຍການໃສ່ແວ່ນຕາດຳ ນຸ່ງເສື້ອສີດຳຄໍ້າ ແລະໝວກເບສບອນ ແລະໜ້າຕາບ່ອງໃສ່
ບ້ວງ ທ່ານ Rodman ໄດ້ກ່າວຕໍ່ບັນດານັກຂ່າວໃນວັນອັງຄານມື້ນີວ່າ “ຂ້າພະເຈົ້າພະ
ຍາຍາມທີ່ຈະເປີດປະຕູ” ຫລັງຈາກທີ່ຜູ້ຄົນເຫັນຢູ່ສະໝາມບິນສາກົນທີ່ນະຄອນປັກກິ່ງ
ມຸ້ງໜ້າເຂົ້າສູ່ນະຄອນພຽງຢາງ.
ຢູ່ໃນນະຄອນໂຕກຽວ ຮອງລັດຖະມົນຕີຕ່າງປະເທດ ທ່ານ Thomas Shannon ໄດ້
ຢືນຢັນວ່າ ທ່ານ Rodman ໄດ້ເດີນທາງໄປເກົາຫລີເໜືອ ໃນນາມປະຊາຊົນສ່ວນຕົວ
ແລະກ່າວວ່າ “ພວກເຮົາປາດຖະໜາດີຕໍ່ທ່ານ. ແຕ່ພວກເຮົາໄດ້ອອກເຕືອນການເດີນ
ທາງແກ່ຊາວອາເມຣິກັນ ແລະໄດ້ສະເໜີເຂົາເຈົ້າບໍ່ໃຫ້ເດີນທາງໄປເກົາຫລີເໜືອ ຍ້ອນ
ຄວາມປອດໄພຂອງເຂົາເຈົ້າ.”
ອະດີດດາລາບານບ້ວງອາຍຸ 56 ປີ ໄດ້ໄປຢ້ຽມຢາມເກົາຫລີເໜືອຢ່າງໜ້ອຍສີ່ເທື່ອ ແລະສ້າງຄວາມເປັນມິດກັບ ຜູ້ນຳໜຸ່ມ Kim Jong Un ຜູ້ທີ່ມີຄວາມຕື່ນເຕັ້ນເປັນແຟນ NBA
ແລະໂດຍສະເພາະເປັນແຟນຂອງ Michael Jordan ທີ່ນຳພາແຊມປຽນຂອງທີມ
Chicago Bulls ທີ່ທ່ານ Rodman ໄດ້ເປັນພາກສ່ວນໃນຊຸມປີ 1990. ທ່ານ Rodman
ໄດ້ຕິດໃຈກັບ ຜູ້ນຳກຳອຳນາດພະເດັດການວ່າເປັນ “ຫົວໜ້າໃຫຍ່" ແລະຍັງຮ້ອງທ່ານວ່າ
“ເປັນເດັກນ້ອຍທີ່ແນ່ນອນ.” ທ່ານໄດ້ກ່າວໃນເມື່ອກ່ອນວ່າ ຈຸດປະສົງການເດີນທາງຂອງ
ທ່ານໄດ້ຊ່ວຍ “ເປີດປະຕູໃຫ້ກວ້າງອອກ” ແກ່ປະເທດທີ່ຢູ່ໂດດດ່ຽວດັ່ງກ່າວ.
