ຜູ້ຜະລິດເຮືອບິນຂອງຈີນ ແມ່ນກຳລັງທຳການຕະຫຼາດຢ່າງຂະຫຍັນຂັນແຂງ ກ່ຽວກັບ ເຮືອບິນພານິດຂອງເຂົາເຈົ້າ ຕໍ່ຕະຫຼາດສາກົນ, ແລະ ໃນທີ່ສຸດກໍຫວັງທີ່ຈະແຂ່ງຂັນກັບບັນດາບໍລິສັດໃຫຍ່ທັງຫຼາຍ ຄື ໂບອິງ ແລະ ແອບັສ. ແຕ່ນັກຂ່າວວີໂອເອ ອາຮາດຽນ ອຸຕາມາ ລາຍງານວ່າ ປັກກິ່ງ ໄດ້ປະເຊີນກັບອຸປະສັກໃນການແຂ່ງຂັນສຳລັບທ້ອງຟ້າໃນທະວີບເອເຊຍ. ພຸດທະສອນ ມີລາຍລະອຽດມາສະເໜີທ່ານ ໃນອັນດັບຕໍ່ໄປ.
ຕະຫຼາດການບິນຂອງ ອິນໂດເນເຊຍ ແມ່ນກຳລັງເຕີບໂຕໄວທີ່ສຸດເປັນອັນດັບສອງຂອງໂລກ, ຕໍ່ຈາກ ຈີນ, ອີງຕາມພະແນກການຄ້າສາກົນ ສະຫະລັດ.
ເຂົ້າໄປໃນບໍລິສັດເຮືອບິນພານິດທີ່ລັດຖະບານ ຈີນ ເປັນເຈົ້າຂອງ ຫຼື ເອີ້ນຫຍໍ້ວ່າ COMAC. ປັກກິ່ງ ແມ່ນກຳລັງສະແດງເຮືອບິນທີ່ມີທາງຍ່າງເສັ້ນດຽວຊື່ວ່າ C919, ແລະ ພະຍາຍາມທີ່ຈະເຈາະເຂົ້າໄປໃນທຸລະກິດທີ່ຖືກຄອບງຳໂດຍບໍລິສັດຍັກໃຫຍ່ທາງອະວະກາດຂອງ ສະຫະລັດ ແລະ ຢູໂຣບ ຄື ໂບອິງ ແລະ ແອບັສ.
ທ່ານ ບາຢູ ຊູຕັນໂຕ, ຫົວໜ້າຂອງສະມາຄົມສາຍການບິນແຫ່ງຊາດ ອິນໂດເນເຊຍ, ເວົ້າວ່າ ມັນມີໂອກາດສຳລັບ ຈີນ ໃນພາກສ່ວນນີ້ຂອງໂລກ.
ທ່ານ ບາຢູ ຊູຕັນໂຕ ກ່າວວ່າ “ມັນມີໂອກາດຫຼາຍ ເພາະວ່າ ອຸດສາຫະກຳການບິນແມ່ນກຳລັງພັດທະນາຢ່າງຕໍ່ເນື່ອງ, ແລະ ຄວາມຕ້ອງການຂອງແຕ່ລະປະເທດກໍແຕກຕ່າງກັນ ແລະ ບໍ່ສາມາດບັນລຸໄດ້ດ້ວຍຜູ້ສະໜອງຄົນດຽວ ຫຼື ເຮືອບິນຊະນິດດຽວ.”
COMAC ໄດ້ທຳການເດີນທາງໂຄສະນາຢູ່ຫົກປະເທດໃນເອເຊຍຕາເວັນອອກສຽງໃຕ້, ລວມທັງ ອິນໂດເອເຊຍ, ໃນເດືອນກຸມພາ ແລະ ມີນາ ທີ່ຜ່ານມາ. ນັກວິເຄາະການບິນທ່ານ ອາລວິນ ລາຍ ເວົ້າວ່າ COMAC ອາດຫວັງທີ່ຈະເອົາຄວາມໄດ້ປຽບຈາກບັນຫາດ້ານຄວາມປອດໄພ ແລະ ການສະໜອງທີ່ໄດ້ສົ່ງຜົນກະທົບຕໍ່ ໂບອິງ ແລະ ແອບັສ.
ທ່ານ ອາລວິນ ລາຍ ກ່າວວ່າ “ໂບອິງ ແມ່ນກຳລັງປະເຊີນກັບບັນຫາດ້ານຄວາມປອດໄພ, ໃນຂະນະທີ່ ແອບັສ ມີຄິວການຜະລິດທີ່ຍາວ, ເພື່ອທີ່ຈະນຳເອົາເຮືອບິນ ແອບັສ ເຂົ້າມາ, ໄລຍະເວລາການລໍຖ້າອາດດົນເຖິງ 5 ປີ, ນີ້ແມ່ນໂອກາດທີ່ດີສຳລັບເຮືອບິນ COMAC C919 ເຊິ່ງຄວາມສາມາດຂອງມັນແມ່ນທຽບເທົ່າກັບເຮືອບິນແອບັສ A320 ແລະ ໂບອິງ 737.”
ແຕ່ການທີ່ສາມາດຈະປະຕິບັດການໃນປະເທດອື່ນໆໄດ້, ເຮືອບິນດັ່ງກ່າວ ຕ້ອງໄດ້ຮັບການຢັ້ງຢືນໂດຍອຳນາດການປົກຄອງການບິນພົນລະເຮືອນໃນທ້ອງຖິ່ນຂອງແຕ່ລະປະເທດ.
ແລະ ປັດຈຸບັນນີ້, ບໍ່ມີປະເທດໃດ ໃນເອເຊຍຕາເວັນອອກສຽງໃຕ້ໄດ້ຢັ້ງຢືນຮັບຮອງໃຫ້ເຮືອບິນ C919.
ທ່ານ ລາຍ ກ່າວວ່າ ເຮືອບິນທີ່ນ້ອຍກວ່າຂອງ COMAC ກໍຄືເຮືອບິນ ARJ21 ນັ້ນ, ແມ່ນໄດ້ຖືກຢັ້ງຢືນຮັບຮອງໂດຍອຳນາດການປົກຄອງການບິນພົນລະເຮືອນຂອງ ອິນໂອເນເຊຍ, ແລະ ນັ້ນອາດເຮັດໃຫ້ການຢັ້ງຢືນຮັບຮອງໃໝ່ ງ່າຍຂຶ້ນກວ່າເກົ່າ.
ທ່ານ ອາລວິນ ລາຍ ກ່າວວ່າ “ຖ້າເຈົ້າຄຸ້ນເຄີຍກັບຜູ້ຜະລິດ, ມັນຈະກາຍເປັນສິ່ງຄຸ້ນເຄີຍຫຼາຍຂຶ້ນ. ຂະບວນການແມ່ນໄວກວ່າ, ແຕ່ຂັ້ນຕອນແມ່ນຄືກັນທຸກຂັ້ນ.”
ບໍລິສັດ ໂບອິງ ຄາດເດົາວ່າ ຈຳນວນເຮືອບິນພານິດທີ່ບິນຢູ່ໃນເຂດເອເຊຍຕາເວັນອອກສຽງໃຕ້ອາດເພີ່ມຂຶ້ນເປັນສີ່ເທົ່າ ຫຼາຍກວ່າ 4,000 ລຳພາຍໃນບໍ່ເຖິງ 20 ປີ. ແລະ ຈີນ ແມ່ນກຳລັງທຳການຜັກດັນເພື່ອຮັບປະກັນວ່າ ເຮືອບິນຂອງເຂົາເຈົ້າຈະລວມຢູ່ໃນນັ້ນ.
ອ່ານລາຍງານນີ້ເປັນພາສາອັງກິດ
Indonesia’s aviation market is the second-fastest growing in the world, next to China, according to the U.S. International Trade Administration.
Enter the state-owned Commercial Aircraft Corporation of China—or COMAC [Koe-mack] for short. Beijing is showing off its new single-aisle jet, the C-9-1-9, and looking to muscle in on a business dominated by US and European aerospace giants Boeing and Airbus.
Bayu Sutanto, the head of the Indonesia National Air Carriers Association, says that there are opportunities for China in this part of the world.
"There are opportunities because the aviation industry is dynamic and each nations needs are also different and cannot be met by a single provider or one type of aircraft.”
COMAC went on a promotional tour to six Southeast Asian nations, including Indonesia, in February and March. Aviation analyst Alvin Lie says COMAC might be hoping to take advantage of safety and supply issues impacting Boeing and Airbus.
"Boeing is experiencing problems with safety issues, while Airbus has a long queue production, to be able to bring in Airbus, the waiting time can be up to 5 years, this is a good opportunity for the COMAC C919 whose capacity is equivalent to the Airbus A320 and Boeing 737.”
But to be able to operate in other countries, the planes must be certified by each country’s local civil aviation authority.
And so far, no countries in Southeast Asia have certified the C919.
Lie says COMAC’s smaller plane, the ARJ21, has been certified by Indonesia’s civil aviation authority, and that could make new certifications easier.
“…if you are familiar with the manufacturer, it becomes more familiar; the process is faster, but the procedure is all the same.”
Boeing predicts the number of commercial aircraft flying in Southeast Asia could quadruple to more than 4,000 jets in less than 20 years. And China is pushing to make sure its planes will be among them.
ຟໍຣັມສະແດງຄວາມຄິດເຫັນ